亞蘇爾澳門菜

營業中

休息中

今次去咗K11 嘅 Foodplayground任食😍 Food Playground有多間特色餐廳，我就揀咗食蒲國菜嘅「亞蘇爾 Express🇵🇹」！🥧🐥 椰香葡國雞焗飯 （$80）葡國雞飯超正🥹 個葡汁好香，上面仲有好多椰絲添，食落覺得個飯好creamy咁，冇一粒粒飯嘅口感，突然覺得飯都可以咁好食😋！仲有雞肉、雞蛋添，一樣超香！🥰🐷🥯 澳門經典豬扒包 （$70）豬扒包好脆，記得襯熱食喔🤩～ 豬扒都幾大塊！

係K11睇完戲差不多晚上8點就諗住係商場快手食埋個晚餐就返屋企第一次去food court原來都幾多選擇最後比呢間既焗豬扒飯吸引左叫左個焗豬扒飯同埋葡國雞飯價錢好似都要$7-80唔包野飲不過K11 Musea來講都算平了🥲個焗豬扒飯非常之一般個汁係茶餐廳入面 蕃茄蛋飯 透透地既紅汁食落去無乜蕃茄香味😢同埋個豬扒都好硬都係大家樂好食啲…個葡國雞飯調味都ok 但味道偏咸雞既份量都多既但feel到肉質一般啦K11 food court個坐位都幾舒服係唔夠人執野同抹枱但性價比算係咁架啦🥲

去TST睇鴨仔二重奏～順便去K11 food playground食嘢～一來經濟D～又可以各有各食自己喜歡嘅嘢依間澳門風味焗飯、焗意粉好吸引東望洋芝士鮮茄焗豬扒飯～即叫即焗金屬盤好熱～職員好窩心俾一個厚嘅大紙盤載住唔會辣親手～一陣陣好香濃嘅芝士味～厚厚嘅一層芝士偏咸但睇到好有食慾～～有少許香草係上面～一細塊完整冇骨豬扒～兩大舊鮮茄粒～好多汁嘅炒飯底～份量唔係太多～焗豬扒一細塊不過醃得好好味～好淋唔會乾比起其他區同款食物價格比較貴～不過喺TST嚟講都算抵

今晚來到k11 musea 吃晚飯，今次選擇了亞蘇爾澳門菜這間餐廳，點了葡國雞飯，以價錢來就屬中價，味道非常有澳門特色，葡汁與其他澳門菜餐廳相較甜，比較岩我口味，而葡汁既椰香味亦十分重，另外加了點椰絲，在口感上更為豐富。價錢以K11 musea 入面，算十分親民。

喺香港食葡汁雞皇飯食到口歪歪，疫情又封咗關澳門又唔係成日去到，就黎都唔知澳門🇲🇴嘅葡汁雞皇飯係咩味道，咁岩今日喺K11 Musea 做完嘢又唔知食咩嘅時候就走咗落去food court搵野食！掛住去澳門嘅我見到有一間食澳門菜嘅餐廳梗係唔執輸去試吓啦！琳琅滿目嘅餐牌裏邊我梗係選擇返我最愛嘅葡汁雞皇飯！😍🤤首先講緊價錢方面先，淨係個飯都要$89 唔包嘢飲加$12有罐裝汽水，但係職員會有八折！但賣相方面仲要比出邊嘅餐廳好睇好多添😚呢個葡汁雞皇飯上邊會有肉腸仲有椰絲😋，食落去啲雞非常之嫩滑😊！但最特別之處係會有半隻蛋一齊焗！依餐我5分滿分都係比4分！

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️今日去 K11 Food Playground（B2樓層）食多國菜午餐，來到澳門🇲🇴菜，叫左一個幾特別既飯：葡式牛肝菌芝士焗鴨飯，個人覺得一般。飯偏硬🙈。鴨肉ok，份量適中！😀另外有芝士粉、蕃茄、藍莓等配料。🙂可能個人麻麻哋牛肝菌，所以覺得整體味道一般。🤔性價比OK的！👍可能其他葡國菜更好味😋⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

之前成日行沙田新城市廣場見到呢間亞蘇爾係食澳門菜🇲🇴都心思思想試，不過新城市太多選擇次次都放棄咗😂 今日喺K11 Musea join 完個event 咁啱tea time 就落food playground 兜個圈😆 又比我見到原來呢度有亞蘇爾 望住佢個menu📜 見到個黑松露辣肉腸芝士豬扒包🥩 就決定咗要食呢間😏🥩黑松露辣肉腸芝士豬扒包 $70呢個豬扒包好巨型😳一個女仔應該會食唔晒🫣 事先已經幫你一開二方便你食👍🏻 個豬扒好厚身好大塊，開頭未食仲驚咁厚會唔會好乾好韌🙈 點知一咬落去勁淋又冇筋冇骨仲好入味😋再加埋佢呢個包你好多醬，一啲都唔乾身，但係其實食唔到有黑松露味🙈 個辣肉腸我開頭以為佢夾漏咗比我，因為我以為好似Pizza咁一塊塊圓形鋪喺包中間😂 點知原來佢係切碎左撈埋落啲醬到細細粒嗰啲就係😅 所以辣肉腸份量係好少，不過值得一讚嘅係佢嘅餡料都豐富，芝士有一大片，仲有夾咗返蕃茄🍅同生菜🥬，中和左成個包油膩👍🏻而且佢啲麵包真係焗到外脆內軟🍞好似法式豬仔包咁好鬆脆，總括呢個包真係幾好食，跟包仲有薯條🍟做配菜，食完成個餐係勁飽勁滿足😋🍛芝士蕃茄焗豬扒飯 $70因為真係好鍾意食豬扒嘅關係🫣

去咗K11musea，有啲趕時間，咁去food court 就係最好嘅選擇🍽，佢嘅位置係喺地庫嗰度，都有唔少嘅食肆👍🏻，一定會揀多間啱心水嘅黑松露辣肉腸芝士豬扒包🐷🥖 ($70)個豬扒包個份量都幾大，已經好貼心咁樣幫你一開二，食起上黎會比較方便👍🏻，個豬扒包都好新鮮拎上手會熱辣辣，包嘅外皮都好脆，豬扒都有一定嘅厚度🐷，識落都好鬆軟有肉汁，同埋又買芝士就更加滋味🧀不過就冇黑松露味，而且有碟沙律🥗同埋薯角🥔，夠晒份量。葡式牛肝菌芝士焗鴨飯 🦆🐤🍚 （$84）呢款飯都幾受歡迎，見好多人都嗌呢個飯，佢個飯應該落咗的士入去整個味道會甜甜鹹鹹，會有鴨肉絲，辣肉腸夠哂油香，有好多芝士粉🧀，可以增加香氣。同埋有橄欖🫒可以增加成個飯嘅鮮味👍🏻木糠布甸 （$28）呢度個木糠布甸都整得好靚，層次分明，餅乾碎整得好細滑，近似沙嘅狀態☺️，忌廉個層都好綿密細滑😋，有鬆軟感，味道會比較甜少少，有濃烈嘅煉奶味，好似牛奶糖咁樣🥛📍 亞蘇爾澳門菜 (尖沙咀)尖沙咀梳士巴利道18號Victoria Dockside K11 Musea B2樓 Food Playground

意想不到咁好味嘅豬扒包之前聽朋友講過呢間澳門菜好好食今日特登嚟試吓，點左個豬扒包麵包超級大個，同埋麵包皮意想不到咁脆卜卜，豬扒再加上蜜糖醬好好味沙律OK，唯一美中不足薯條就好一般，唔係好夠脆

下班後約了友人到尖沙咀商場的美食廣場吃晚飯。這裏人多，友人一早到這裏佔位子。想不到亞蘇爾從新界開到這裏，已有一段時段沒有吃過澳門菜，所以在眾多餐廳中選了這一間。由於這裏是美食廣場，座位與其它餐廳共用，也沒有平時餐廳的加一服務費。澳門咖喱牛坑腩伴白飯($80)，香濃的咖喱汁配白飯吃甚佳，白飯大碗，牛坑腩量多，煙韌度適中，牛肉味濃郁。碟內還有大量一口薯仔粒，薯仔粒帶點煙韌，內裏粉軟，配白飯吃會非常飽。黑松露辣肉腸芝士豬扒包($70)的份量十足，麵包非常香脆，內層塗上牛油和黑松露醬。第一口會嚐到香濃的黑松露味，然後是麵包的香脆，繼而是豬扒的鬆脆。各種獨特的脆口，令辣肉腸的煙韌在這裏不太突出，但鹹香的辣肉腸和豬扒相得益彰，各有不同的鹹香。餐牌上顯示的薯條變成薯角，薯味濃郁，如薯角再脆一點會更好。經典木糠布甸($25)，在布甸的頂層和中間都看到木糠，木糠幼細而不粗糙，布甸軟滑，甜度適中，一直是我在這間餐廳最喜愛的食物。這次看到有巷仔奶茶(樽裝)(+$12)，一小樽裝，冰凍奶滑的奶茶，味道跟平時尚未加糖的奶茶一樣，一小樽配漢堡包或葡撻很適合。最後每人吃了一個葡撻($15一個)。葡撻的餅皮幼細鬆脆，

無得出國，連澳門都去唔到😅 但最近又喺K11 Musea 入面FoodPlayground 搵到唔錯嘅澳門菜餐廳☺️要食當然要試最經典嗰幾款🤣經典豬扒包（$75）豬扒包好大個，切成兩份，更加容易入口。 麵包烤得極為酥脆，豬扒厚切而且非常香口。 加上多汁大蕃茄、生菜及沙律醬，好好味😋椰香葡國雞伴白飯（$75）葡汁椰香味濃郁，葡國雞件好大塊但肉質都幾嫩滑。 入面仲有洋蔥🧅、薯片、香腸等，味道豐富，配白飯更佳。經典焦糖葡撻半打（$72）經典木糠布甸（$25）經典甜品點少得🤩 焦糖葡撻係我食過幾好食嘅，酥皮香脆，蛋味濃，層次分明，甜而不膩木糠布甸軟滑香甜，最鍾意嘅甜品😍凍奶茶（+$12）凍奶茶跟餐只需加$12 都幾抵，而且係樽裝，方便外帶。

黎到K11 musea 高級商場下面竟然隱藏咗一個Food Court 入面除咗有一般嘅韓國嘢冰室拉麵意粉之外竟然仲有澳門菜 （我諗姐係葡國菜）選擇唔算好多我哋係椰香葡國雞伴白飯/葡香牛肝菌芝士焗蝦飯之間選擇最後揀左後者份量充足 一個女仔會食唔哂每一粒飯都充滿牛肝菌味鴨片得兩塊但偏鹹整體來講而呢個價錢係呢個地段係值嘅最後追加左一件葡撻都幾細隻 一啖就食哂$15來講我寧願叫番杯野飲葡撻黎講個人都係鍾意食KXC多啲

k11 商場餐廳價錢略貴，要想$100左右食一餐就要去foodcourt 啦。唔好以為foodcourt 無好野，呢度的foodcourt 都好高質素有好味野😋。入到去foodcourt種類繁多，有中西有日韓，今次選擇少見的葡國菜，行過已經比鋪頭前玻璃櫃內賣相吸引的葡撻仔吸引住。先食兩件葡撻作小食；葡撻皮脆內軟，蛋香十足，餅底不會覺得多油，好食過KFC的葡撻很多。主角咖哩牛腩加上椰汁🥥香濃小辣，薯仔🥔和牛腩沾滿咖哩汁很好餸飯，白飯要一讚是硬身煙韌，很有口感

K11 Musea 都有抵食而又好食嘅餐廳👍🏻去Food Court食野最好, 因為可揀A鋪小食, B鋪主菜, C鋪甜品, D鋪飲品...非常多元化。不過今晚俾亞蘇爾澳門菜吸引左添！😜黑松露辣肉腸芝士豬扒包$68，黑松露味好出，豬扒滑，又大塊，加埋辣肉賜和芝士，豐富了豬扒包嘅味道層次口感👍🏻白酒香茜煮蜆配蒜包$72。用白酒煮蜆真係冇得輸。帶出蜆嘅鮮甜味，😋😋仲有兩片蒜茸包添，不過，放落碗內，食嘅時候已經淋哂，下次要記得叫佢哋另上至得。椰香葡國雞伴白飯$75，用椰汁煮雞一定又滑又香，好彩跟碗白飯，如果係兩碗飯，哈哈，分分鐘會食埋呀😍Kloud 啤酒$58，在超市好似冇見過，都幾有麥味。Foodcourt環境不錯，客人也高尚d，自動自覺保持距離👍🏻👍🏻

今日自己行下尖沙咀一個新商場K11 Musea， 算是數一數二又大又新既商場，行行下發現原來依到都有foodcourt，見有咁多野食就選擇了依間亞蘇爾，點了一個咖哩牛坑腩伴白飯，咖喱吾算好辣，味道剛好，同港式不一樣的是加入了椰汁在咖哩汁上加添了色彩，而牛坑腩比想像中軟淋淋，容易咬開，當咖哩與白飯夾合埋一齊食既時候，味道岩岩好，吾會太咸又吾會太辣！如果行開依到又諗唔到食咩都可以黎依到試試依個咖哩牛坑腩伴白飯！