亞金南洋茶室 (黃大仙中心南館)

營業中

休息中

如果有上黎睇睇食評先再決定入唔入去 或者而家就唔使痾得咁辛苦...事源都好耐無去黃大仙中心 見到呢間亞金d野好似都啱食 阿媽又想食中菜 就入去坐低叫左 叫左半個海南雞連油飯 加個海味粉絲雜菜煲 我飲涷美祿 阿媽就飲中湯個煲正常 雞呢 雞皮就比較肥 盛惠189蚊 不過當時食落都未知道有問題 點知食完過左兩三個鐘 已經好辛苦 痾左3次 然後再嘔獲勁 嗰晚就已經發燒 然後第2日6點就開始又痾 痾左十幾次 全部都係水 病徵我係度唔講太多喇 自己後生病都無所謂 第2日連阿媽都又痾又嘔我都真係過意唔去 咁多年出街食都未試過搞成咁!

吾敢再去。以前一直食開咖喱牛腩，滲慘，對上一次去試左咖喱雞，都係個啲問題啦，生雞肉，我問侍應係咪真係粉紅成咁？（皆因小弟都係做飲食行業，明白如果急涷肉類就算全熟都有機會有啲粉紅）首先吾係自己地方，二黎又吾知人地用咩貨，咁就唯有問清楚女侍應話幫我問下師傅，返轉頭話我知「師傅話熟嫁啦，係咁」到呢度 佢無俾返個舊（熟）雞肉我😂咁我都講聲吾該就由佢啦，費事難為人地打份工，就再睇下第二舊係咪都係一樣粉紅係既就證明佢無講大話，啲貨就係咁，點知好明顯 我有影相呢舊係白啲，熟啲既我睇完呢舊肉根本吾敢再食呢碗野第一件已被收走無留底既雞肉粉既程度同呢件根本無得比較😂可能我細膽🤣驚有交叉感染利申，單照埋，無話cancel 要折扣個啲弱智野只係想反映返家禽類應該要熟先食得吾知其他地方係咪有吾同既習俗有機會係我才疏學淺

很少去黃大仙那邊吃東西，由於自己未食中午自己到黃大仙商場都5點多，有點餓。在商場三樓見到意樂，想入去食嘢，很多人，唔想食得咁辛苦，行過D，見到亞金，亞金給我的印象不錯，問題是很少人，我心知不妙，但自己想找到個靜靜又舒服的地方食下嘢，前台收銀的員工有招待，都不錯，但當我坐下叫菜時，主管給我下單，我就發現她態度有點差，很想立刻走，但我又累又餓，就忍她，她又問幾多位，我說一位，她就叫我去另外一面牆邊的單人位，場內無幾個客，我坐得不太舒服，之後菜到裏面的蕃茄和雞翼質素都很差！結果無食蕃茄，雞翼不是肚餓也不想吃！同事我看見主管拿抹枱的毛巾抹長身，非常不衛生！下次也不會去那邊食！

哇！講起亞金南洋茶室，真係食得我口水都標晒出嚟喇！🤤 呢間茶室嘅嘢食又靚又抵食，絕對係平靚正三寶王啊！😍首先推介佢哋嘅招牌「亞金龍鳳配」，真係食到我打卡嘅心都有！🤩 無骨海南雞油飯香噴噴，雞肉嫩滑多汁，配埋香濃嘅油飯，簡直係絕配！🍗🍚 大蝦喇沙就更加係驚喜，湯底香辣惹味，啖啖都係大大隻新鮮彈牙嘅蝦仔，仲有好多配料添，食得我成個人都暖笠笠！🦐🥣 中辣嘅辣度啱啱好，辣得過癮又唔會辣到標眼水。黑白配都唔錯，夠晒特色！黑色嘅涼粉配搭白色嘅椰汁，一黑一白，配埋紅豆，靚到好似藝術品咁！😋🥛想食小食嘅話，香茅雞翼都係必試之選！香茅味香噴噴，雞翼又炸得香脆可口，真係食到停唔到口！🍗😋最後梗係要嗌杯凍即磨白咖啡啦！咖啡香濃順滑，一啖入口就醒神，配晒成餐嘢食都啱！☕️😌重點係呢度嘅價錢真係好抵食！質素咁高，價錢又唔貴，性價比絕對係高到上天花板！💯 無論你想搵個地方食午餐定係約朋友聚會，亞金南洋茶室都絕對係個好選擇！👍👍 我以後實會成日去幫襯，真係好正！🥰🥰

老人家明明指住個下午茶餐牌要49$海南雞飯（老人家唔識用手機，唔識用QR CODE)個侍應直接同佢落正餐70$，你話剩叫餐都可以理解，指住牌來叫都可以咁落，住黃大仙既老人家要小心

晚上七點，叫左個肉骨茶，味道一般，唔明白點解條油條完全咬唔入，問過侍應，我仲用過筷子篤落去條油條度，硬到又石頭咁，侍應話攞過第二條出嚟可能都一樣，我一面無奈，唯有算數。

舖頭環境係幾大，入座時周圍都有位，但職員就咁指我哋去坐個門口好窄嘅一人位（我哋係兩個人），嗰個位隔離客人個袋已佔咗一半，一睇就知會坐得勁唔舒服，於是我環顧四周，見入啲有卡位，我就問可否坐入面，個職員就黑面話“是但你”，由於餐廳係qr code落單，個職員將夾住qr code張飛嗰塊板好粗魯咁飛落我哋張枱，朝早面對咁嘅態度，我對佢個早餐已經冇期望，就算冇發生呢件事我都不會有特別期望，因為只是人均$40蚊食例牌嘅沙爹牛麵同炸魚柳，結果我食完個沙爹麵，我家人塊魚柳都未到，我哋已經冇催單，因為我哋一心認為魚柳係即叫即炸，製作需時，點知結果係凍嘅，魚柳個邊又燶又硬。

食左雞翼叻沙同越式湯河，只能說極失望，價錢又不是平，連最基本的質素都無，炸雞翼都整得吾好食，炸到又硬又無味，自己煮仲好食！差吾多$70一碗，收得呢個價，就應該比番應有的質素～不值得一試～難得無咩客人～

一家四口，叫咗幾個餐。海南雞飯: 飯凍嘅，雞都係雪到痴住一舊舊，要好大力先分得開。牛柳粒椰漿飯: 飯室溫，牛好韌，好難食。蝦片又係凍。肉骨茶: 叫做熱d，但唔係原煲煮，因為一上枱用手掂到個煲都無感覺。條油炸鬼又凍又油。自助點餐: 版面勁難睇，勁難㩒，食個飯都好用腦，其他餐廳都無佢咁差。餐牌核突: 好似小學生file咁，d膠掀到巢哂，印好啲唔得嘅。拎水拎碗乜叉都自助。原來”熱”好似咁基本嘅嘢，唔係度度做到，試過就知咩事

黃大仙中心（南館）的亞金南洋冰室，今天來吃午餐，午市時段，人流都算多，幸好早來一步，不用等位，整體味道不錯！我們三人吃了肉碎煎蛋飯、咖喱牛腩、雜錦叻沙，午餐大約每人60多元配凍飲，價錢合理。

向來喜歡在外吃飯的我，最喜歡不吃中餐，或許是吃膩了！這天興幸有空碰上下午茶時間，便來到這東南亞餐廳，時間還有40分鐘，應該可以吃完一個下午茶吧！於是在2:01開始點菜，店員說了要等，心想等20分鐘應該沒有問題！誰知道25.. 分鐘…時間不太寬鬆，真別叫炒飯面，隨便吃海南雞飯，切切切挺快的！起碼可以享受應有的吃飯時刻啊！坦白說，出來的炒貴叼也不是燙熱，廚房是有點遠…味道不錯，就是要真正有下午茶的時間才能享受！

極力推薦不得不試的 "喇沙" ，由於做得出色變了常客。試過其他店的喇沙都沒有一間好得過佢，佢比較接近新加坡的味道，湯香濃而且很滑，又唔會好辣，一般長者都食到，價格親民。而跟餐飲品可以揀檸檬蒠米水，又可以加錢轉特飲，普遍來講選擇都很多。無骨海南雞也值得一試。餐廳服務態度非常用，美中不足要用手機落單，但服務員都很樂意為客人提供服務。

有點趕時間就想快吃一個下午茶套餐，點了牛油咖央多士，多士烘唔透都算，但連牛油都搽唔勻，聚埋喺4小份其中一份，現在的茶餐廳牛油沒牛油香，咖央也只有甜味，遑論有蛋香，早知點煺蛋治可能會好吃些，價錢也一樣。本來打算點熱鴛鴦但自助點餐上沒有這個選項，只好點咖啡，一如所有茶記咖啡一樣，只有濃濃的苦味，始終也喝不完。雖然個tea set只係$29蚊都覺得唔值。香港的餐飲業水準只係不斷下降，又點怪香港人北上搵食，起碼人家CP值高。

今日與同學們來食午餐，我們全叫了午餐，窩蛋牛肉燜飯來到時我同學說無甚麼餸，但這個是一個粉飯底用了一個煲仔的形式去做一個飯，我也試了一下樣子看試去都似煲仔飯的顏色和色澤，食下去也很難怪她說沒有甚麼配料，只是單單的豉油味道，不過她的飯確實有一些配料在的，我見到牛肉，還有蕃茄還有一個窩蛋。令外一位叫了金針雲耳蒸雞，時間比我們的午餐久了一點點，但就普通一個女生可以食下去的份量，如果男生或者食量大，都有機會不太飽。我就叫了炒河粉，就用肉片跟滑蛋，肉片的色澤好看，但我食下去其實有粉東西的味，但肉是煮好,最後才放下去的，所以會差點。但她們叫了咖啡是很香的。就午餐來說可能一般，有機會下午茶很好喝。其實我想試試那個咖洋西多，不知道好食不。

食個午餐，鳥冬？意粉？炒得幾好。價錢ok，最正係佢居然將一個2人枱位置放3張枱，出入打側身個羅油都會撞到隔離⋯⋯香港雖然寸金尺土，但你作為咁大間連鎖餐廳，可以俾個客坐得舒服啲嗎？