享慢煮意 (The ONE)

營業中

休息中

媽媽係牛角包控🥐見到kkday 做緊放題優惠即刻去馬做下孝順女先😚我地book 咗星期日，14:30 價錢係HKD118一位，去到餐廳要補返加一費用，同假期附加費每人HKD57,計返即係每人HKD175先講講餐廳環境，佢似乎好想營造成高級high tea 嘅格局，裝修擺設各樣野都係似樣嘅西餐廳，可惜枱實在太細，坐得有d 迫，冷氣亦明顯唔夠，甚至有d 焗。另外，話明係放題但竟然有5-6樣野係售罄，入座時職員亦未有說明情況，呢點實在係有d 失望。講返食物，整體上唔差，一試無妨，但就未必會再返轉頭。龍蝦湯流心牛角包唔夠熱，湯亦令牛角包應有嘅酥脆感無曬，扣分反而最普通嘅法式牛角包幾出色，夠熱，鬆化，軟熟，滿滿牛油香。玉桂蘋果流心牛角包，微甜蘋果溶幾好味，如果玉桂味再出d 就更好。磨菇湯好足料，好香菇味。凱撒沙律同意大利陳醋沙律，葉新鮮爽口，汁醬都足，幾好。濃縮咖啡配特濃牛奶雪糕最好食，奶味香濃，軟滑唔死甜，好似日本d 牛奶雪糕咁，我地兩個前後叫左5杯🤪🤪甜品方面，白松露芝士蛋糕，入口松露味好出，偏硬身，但有d 漏，一件起兩件止就好了。

原來人氣流心牛角包餐廳 【 享慢煮意𝐅𝐚𝐬𝐭 𝐆𝐨𝐮𝐫𝐦𝐞𝐧𝐭 @fastgourmethk 】 最近與𝐊𝐤𝐝𝐚𝐲合作推出𝟗𝟎分鐘半仼食套餐💕。即日至𝟏𝟏月𝟏𝟑日，雙十一快閃優惠，買一送一，低至$𝟑𝟒𝟒位，不要錯過呀•法式海陸雙拼龍蝦宴 🥂 迎賓汽泡酒🥐 (仼食)招牌龍蝦湯 & 爆醬蟹膏 流心牛角包🥣 法式龍蝦湯 & 松露蘑菇湯🦞 烤芝士龍蝦扁意粉🍖 (仼食)手作威靈頓牛柳🍮 招牌法式燉蛋 或 麻辣朱古力北海道牛奶軟雪糕食物質素不錯，我特別喜歡龍蝦湯流心牛角包，外酥內軟，不愧為招牌耶。芝士扁意粉則好有濃郁，也好吃哦

男店員態度勁差，食物質素一般，$516tea set魚子醬無味, 仲要唔飽已加牛角包。出去食串燒仲開心😡 買tea set 2人餐券3個人去食迫人一定要三個食一樣嘅tea set 第三個要比正價。好唔明點解唔可以兩個人食tea set 加一份其他正價餐，埋單仲要唔平，$307加兩個set$98x2 共$503 呢個價錢可以去酒店啦！一定 一定 不會再有下次😡 惟一比較好食就法式焦糖燉蛋，同加埋加$28 龍蝦湯流心牛角包，味道似龍蝦湯上的酥皮點湯囉，總之無下次！

本身以為係啲gimmick野估佢唔到咁好食 🥹其實即係用新方法呈現酥皮龍蝦湯 🦞見好多就咁切開牛角包湯汁漏晒出嚟🤥介紹大家我既食法先開個窿飲晒啲湯 咁就一滴都唔會浪費啦之後再食返外脆內軟牛角包 🥐 Perfecto！飲咗一啖先記得影 // #相機無得食先⚡️

呢間餐廳係唔同平台都有各式各樣既套票或折扣，本身見到週末openrice 訂座都有75折就去試下，去到原來要每位都至少單點一杯飲品先可以享受個優惠，咁就食返佢本身既weekend brunch，$198 / 3 course。餐廳位置不大,因為都係靠窗，全部採光大玻璃，所以即使落咗窗簾室內溫度都比較高，唔太感受到冷氣。 留心牛角包喺餐廳招牌，所以叫咗兩個試吓。🍴蟹膏流心牛角包（+$28)食到尾段有強烈酸味，但當時並冇同餐廳職員提出，事後都有肚痛症狀。🍴招牌龍蝦湯流心牛角包湯底都有濃烈龍蝦味道，味道不錯，gimmick 係有，但乾身嘅牛角包中間包住湯難免會有濕立立感覺，冇左牛角包中間應有質感。牛角包外皮似一大片酥皮多過一層層嘅鬆化牛角包。意大利飯做到中間仲有少少硬身，蕃茄味濃。但聲稱慢煮嘅豬腩肉比較乾韌，肥肉比例上亦較多。個魚本身食落唔重調味，靠側邊嘅忌廉同南瓜汁搭救，非常清淡。雪糕反而幾香雲呢拿味，口感滑燉蛋中間好似水汪汪未成型尖沙咀$198 / 3course 好似唔貴，但質素平平，食過招牌牛角包，試過就冇下次。*餐廳提供BB凳，親子友善。

買了團購的90分鐘早午餐放題，最晚的預約時間是4:30pm。4:30吃早午餐，有趣 。在OPENRICE看看餐廳的評論，頗多劣評，主要是職員態度惡劣和上菜慢，看後不禁有點擔心。一行六人準時4:30到達餐廳門口。餐廳是半開放式的，環境不錯，位置寬敞。由於我們是分開了4＋2買團購券，職員没有預留6人座位，但職員苦惱了一會便設法幫我們安排了一張窗邊的六人桌，非常貼心。因為怕上菜慢，所以我們匆匆點菜。點菜也很方便，自行掃QR碼下單即可。下單不過5分鐘，食物便上桌了，上菜速度很快，可能是因為當時餐廳內人不多。有位男職員每次上菜時也會略作介紹，還有位外籍女職員不停主動幫我們加水，服務感覺很好。至於食物，龍蝦湯牛角包很特別，但吃的時候有點難處理，湯汁最後還是流了出來。其他幾款牛角包可能因為新鮮出爐，也很好吃。我最欣賞的是咖啡配軟雪糕，咖啡香濃，雪糕軟滑。磨菇湯很香濃，焦糖燉蛋香滑，底部有荔枝肉，感覺清新。沙律菜也很不錯。基本上每款食物都很好吃，只是種類不多。到太約5點半時, 不色開始暗，職員拉起窗簾，可以看到九龍公園和日落，環境真不錯。

朋友bookmark 左一段時間，因為今日去The One睇戲，所以順利成章喺度食晚餐。朋友話網上極力推介佢嘅「招牌龍蝦湯流心牛角包🥐」，我哋當然鼎力支持，一人一個。🦞🥐到咗我哋兩個仲喺度掛住傾偈，服務員都好細心，特登過嚟提我哋要趁熱食，仲準備埋紙巾俾我哋提議我哋最好包住嚟食，因為啲🦞湯會流出嚟。🥐鬆軟，入邊嘅龍蝦湯好熱，小心辣咀，湯夠濃郁，雖然好熱，但係都忍唔住好想快啲食晒😋，相對主菜就屬於標準水平，不過不失。甜品我哋就叫咗「特濃牛奶軟雪糕牛角包🥐」同埋「法式焦糖燉蛋」，兩者以前者比較突出，雪糕真係有香濃嘅牛奶味👍🏻套餐其實都已經幾抵食，我哋再用半價優惠叫咗嘢飲，埋單每位都唔使$300 ，絕對係超值！服務員態度都好好，不過唔知係咪因為餐廳屬於半開放式，不時都有蚊滋同埋烏蠅飛過😰

全部店員也負能量，由我未食打去問佢地有無parking, 佢地話唔會出假單，我話：我真係嚟你地舖頭食野，唔係假咕喎！ 佢地先話網上買唔計🤪🤪🤪 好喇，到左舖頭，我地一到，一嚟咩招呼都唔打，立刻淨係問電話號碼🤪🤪🤪講真，一d基本禮貌都無~~ 之後我order 左幾樣食物，每樣兩份，點知嚟左8份，之後佢話因為我地4個人嚟，所以自動乘大4份🤪🤪🤪大佬，唔好理我幾多人嚟都好，食物我只叫兩份，你地系統會乘大4，我地嚟食野嘅點會知，之後係都要調教我🥹🤪🤪🤪 算了，價錢唔算貴，但係，你地做promotions 係想吸引客路定趕客ga? 無人叫你做特價咕喎⋯⋯

188買一送一快閃午市套餐優惠頭盤: 流心蛋車厘茄沙律菜式不是很特別，但有我很喜歡的濃濃的、甜甜的黑醋。主菜: 和牛面頰鮮茄扁意粉和牛肉質不好，鮮茄和茄汁的味道也沒有進入和牛面頰內。 但鮮茄和茄汁的味道也是我喜歡的，甜甜的兒時味道。甜品: 玉桂蘋果流心牛角包平日不太喜歡牛角包因為覺得油膩， 但這裏的牛角包沒有多餘的油，脆脆的而且蘋果蓉非常澎湃從牛角包內湧出來， 味道不甜不膩，非常滿足，非常好吃。以半價 飲一杯latte，味道正常，份量比較大杯，但就是沒有熱到的，太可惜了！值得一讚的就是服務員們的笑容，會令人想再來。 希望餐廳改善主菜食物質素。

用咗好多年openrice，第一次寫評語，呢間野服務態度散漫都冇所謂，我當佢普通茶餐廳，雖然間餐廳係the one 裏面，最驚喜係件威靈頓牛柳，陣味好似過咗期咁，難食，我返屋企買個菠蘿包加塊肥牛，仲好食過佢。

#星期六好難先等到，亦過得好快。要慢活一下，就來嚐這間—— #享慢煮意#龍蝦湯流心牛角包要趁熱食，要多對手，先可以拍攝到切開時，那刻澎湃流心的畫面。#蟹膏千層酥驚喜不算多，味道算還可。#龍蝦汁燴海鮮可以用錘仔，打開即焗酥皮，儀式感十足，然後再用刀仔切開並揭起，手術非常成功。可惜海鮮份量有待增加，每人一隻蝦半粒帶子四件青口，幸好龍蝦湯也算美味。#西班牙黑毛豬柳嫩滑豬柳，香甜玫瑰，份量略嫌太少，風的一樣，完了。

Restaurant week dinner set $298 per head。招牌龍蝦湯流心牛角包牛角包夠脆 & 香口。配合龍蝦湯喺入邊嘅味道，都算有新意。覺得牛角包嘅牛油香味可以再重啲。👌🏼龍蝦湯：味道正常，不過不失。👌🏼凱撒沙律：偏少少酸，味道不過不失。前菜小點🤔龍蝦汁鮑魚：完全食唔到龍蝦汁味。比較凍，冇咩味。上面鋪左魚子醬，但又食唔到魚子醬嘅味道。🤔爆醬蟹膏泡芙：食唔到飛魚子 & 蟹膏味。鵝肝醬多士：最好食係呢個，鵝肝醬夠鹹香。🤔威靈頓牛扒 （+$38）：個牛扒煮得有啲熟，口感同味道都普通。有d乾乾地嘅豬肝醬，但感覺牛扒，豬肝醬，酥皮三樣嘢係分開嘅，冇咩夾埋一齊嘅chemistry. 👌🏼牛肝菌慢煮雞胸肉：雞胸肉唔鞋口但又未算好嫩。個醬嘅都有啲黑松露味。🤔法式龍蝦汁燴海鮮（加酥皮）：有個錘仔俾你揼開啲酥皮，都幾有儀感同好玩。個汁同上面嘅龍蝦湯係一模一樣嘅味道。入邊啲海鮮有魚，蝦，青口，魷魚。海鮮味道普通。👌🏼焦糖燉蛋配白松露cheese cake： cheese cake松露味道濃郁。Cream Brûlée 味都算幾香甜。開心果牛角包 : 味道都唔錯，符合預期。👌🏼牛奶

終於約到friend嚟試下呢度嘅龍蝦汁流心牛角包啦！今次嚟食lunch ，叫咗主菜黑毛豬腩伴蘋果蓉，另外加錢要龍蝦汁流心牛角包。流心牛角包未至於好驚艷，但真係幾好味，牛角包外皮酥脆，龍蝦汁味都幾濃，食落真係幾夾。切落去睇住佢流心係幾過癮，而入面啲汁又唔會整到個牛角包腍晒，唔怪得咁出名。反而主菜黑毛豬腩就麻麻，肥膏太多，同埋份量太少，食完唔夠飽。不過味道係ok，有啲蘋果蓉可以解到豬腩肉嘅油膩。下次都係淨係嚟食牛角包就可以啦～

晚餐時間嚟到呢度冇乜人一睇個餐牌五花八門牛角包都幾種仲有前菜煮菜小食各類食物連嘢飲都別出心裁睇得出佢有好多特色嘢飲係有心機去創研menu的今次係散叫因為樣樣都想食d《流心龍蝦汁牛角包》好有特色！雖然唔係香港首創但要做到好食都唔容易牛角包係脆的流心龍蝦汁都好濃郁超級推薦《魚子醬海鮮拼盤》$2xx呢度菜不建議叫來食因為食材不太新鮮感覺像雪藏海鮮魚子醬太淡 不夠入口即溶蝦還可以青口貝類果d全部好淡好硬連餅都似放了好耐《龍蝦伊麵》呢道菜又係不怎麼樣龍蝦中又有啲類似蟹肉好奇怪 好鞋《黑松露鴨肝加雞胸》呢道菜超級有驚喜冇諗過雞胸可以咁好食啲肉超嫩超腍黑松露味在沙律醬中鴨肝煎得超級脆連配菜都好食《雪糕牛角包》甜品又係牛角包呢個真係嗌多咗餐廳職員話呢個好多人叫但一食落真係唔得雪糕就係好一般嘅雲呢拿軟雪糕但個牛角包竟然係硬的味道亦唔夾嘢有冇影出嚟但叫了咖啡

呢間餐廳啲服務態度令人不敢恭維，一開頭想問清楚收費，tea set會唔會有openrice訂枱優惠，同埋包邊啲餐飲，有個侍應同埋有個阿叔已經好西咁樣答我哋。其實係tea set餐牌寫得唔清楚，飲品啲名同drink menu都對唔返，好令人混淆係包咗邊一啲，所以想問清楚。例如tea set Menu就咁寫包果汁，要問完先知道係包蘋果汁同橙汁，而drink Menu係冇蘋果汁同橙汁的。所以我都唔明點解佢要咁西？！個阿叔跟住叫我哋自己QR code落單，見到有款松露檸檬梳打同果汁一樣收費係0，唔使加錢咁我哋咪點呢樣。落完單隔隔一陣個阿叔走過嚟，寸77咁講多一次免費淨係包橙汁蘋果汁，呢個梳打要加錢，咁你哋轉唔轉丫？！我哋當堂O晒嘴，佢哋set錯價錢就走來串我哋，要客人QR code落單就應該確保全部價錢都正確吧？！另一個男侍應就成日揸住個水壺做道具行行企企，但係又唔幫人加水要我哋三番四次問。見到佢成日對我哋眼超超，連招待其他客人都唔帶位，要個客問佢係咪要自己搵位！一度以為自己食緊茶餐廳只係得另一個職員態度比較正常，會主動幫我哋加水。訂枱嘅時候我有Remark到係慶祝生日，佢仲為我哋驚喜送上免費