京滬佳餚 (The LOHAS康城) (已結業)

康城個商場都開咗一段時間，呢個新商場入面都有好多新嘅食肆，其中一間最引人注目嘅就係呢間食上海菜嘅餐廳，呢間餐廳出面仲有一個平台可以食飯，啱晒有養狗嘅人。咁今次嚟到呢間餐廳當然要叫佢最出名嘅北京填鴨啦。佢呢個北京填鴨最吸引人嘅地方，就係佢有九款配菜，其他食北京田鴨嘅餐廳好少見😊😊亦都要讚下佢包北京田鴨嘅皮，非常煙銀亦都唔容易穿。當日亦叫咗呢個小籠包，個湯汁好好味當然仲有呢個三吃嘅湯，個湯青得來又有鴨味。最後叫做杯嘢飲 賣相唔錯😀😀😀

第一次寫食評就獻俾呢間餐廳～已經食過3次，屋企人最愛每次都係叫經典填鴨四位套餐！第一道菜係黑松露糖心蛋！屋企人知我鍾意食，所以四粒蛋都歸我個肚腩～跟住係埕醋小排骨，酸酸甜甜好開胃～擺盤都唔hea,幾有心思～之後係砂鍋雲吞雞呢個菜真係正到爆炸，湯超級濃，平時我最怕就係味精勁多搞到我係咁飲水，但呢個湯完全唔會，飲左兩碗仲想encall!宮保蝦球主角烤鴨到lu!!!唔洗多講！招牌菜招牌小籠包先係正野！每次黎都叫兩籠，自己都食四粒，啲湯汁多到，皮薄～Service一流～～～環境又靚！重點係價錢抵到爆，平均$270位食成8個菜，strongly recommend!

長話短說：第一次落review 就要出負評。補食母親節飯，見呢間無咩負評就揀左食呢間野，但成餐飯既體驗非常負面。食物質素可以接受，但服務態度認真要改善。如下：1. 明明見到舉手都扮睇唔到2. book左8點 7點40分到左 但8點4先入得去3. 落片皮鴨但最後漏左單4. 落松鼠黃魚 結果落左醋排骨5. 上甜品又唔比匙羹，要自己去拎以上種種行為令我覺得呢間店唔值得收加一服務費。希望店舖staff見到呢個comments 後 可以有改善。

康城新開片皮鴨朋友之前搬到康城，不過疫情關係一直都未有時間去佢度。如果唔係朋友帶路，我都唔知道原來康城已經開左好多餐廳。今次就試左間食片皮鴨我地一早book定枱。叫左片皮鴨跟8款配料，鴨片帶有油香，亦唔油膩，非常出色。仲叫左松鼠黃魚，絕對要推薦下。糖醋汁比例幾好，外面仲好香脆，連骨食埋都得。餐廳面積好大樓底又高，整體感覺非常富有格調。值得一提既係餐廳仲有室外座位，望住公園。帶埋寵物來食飯都無問題。

日出康城由第一期住宅入伙到今年超過12年，居民等了多年的商場終於開幕了！除了一間超大型超級市場，其餘第一批進駐的商舖差不多全部都是餐廳，終於解決了居民日常生活的基本需要。其實商場已經開幕了幾個月，但也是今個星期才第一次入去逛逛；原因簡單，剛剛開業的第一兩個月，只有幾間餐廳及商店投入經營運作，當然唔會去。人流比預期中少，感覺上甚至少過將軍澳站上蓋的幾個商場。見到中菜餐館「京滬·佳餚」門口甚至沒有人排隊，又突然興起好想食北京片皮鴨，就揀「京滬·佳餚」開飯。一入門口就見到開放式茶水吧，入面就是傳統封閉式廚房。近十幾年潮流所趨，只要餐廳自詡廣東燒味(乳豬或者燒鵝）或北京填鴨出眾，一定會將一隻隻風乾中的鵝、乳豬或者填鴨展示出來，以彰顯銷量。「京滬·佳餚」作為北方菜館，當然不能缺少北京填鴨；所以，也追隨潮流，開放式茶水吧入面就擺放了大大個填鴨風乾櫃。原來餐廳內已經差不多坐滿了人，而且還有露天平台。秋涼季節坐在室外用餐，應該都幾舒服；當然，夏日炎炎就免問了。可能因為疫情關係，亦可能因為人手不夠，露天平台並沒有開放用餐，但唔知點解竟然有客人坐在平台的餐枱飲嘢傾偈？餐廳就在溜冰場旁邊，剛好獲安排坐在落地

今日入到康城食午飯，呢間餐廳定價屬於偏高，亦有雞煲翅同紅燒鮑魚等貴價菜首先叫咗砂鍋花膠雲吞雞($288)，店員會幫我哋分好湯，每碗都有好大塊花膠，所以絕對對得住呢個價錢酥香烤鴨(半例)($188) 鴨皮烤得鬆化，鴨肉亦都好嫩滑。師傅係刻意挑選大概只有2個月大嘅鴨，因為皮下脂肪會較少，亦都因為咁，所以份量唔會好多。6款配料除咗傳統嘅青瓜條，京蔥絲，海鮮醬，仲有蘿蔔絲，砂糖，同埋蒜蓉。砂糖個感覺就似食乳豬，最驚喜嘅蒜蓉，出乎意料地夾瑤柱蛋白炒飯($108)，鑊氣十足，亦都好足料，但份量太細，大概只有1.5碗飯嘅份量金網鍋貼($68)，個網好薄煎得好靚，外脆入面亦有肉汁，十分推薦。另外亦都叫咗小籠包($68) ，皮十分十分薄，所有人夾起唔夠2秒就穿咗！餡料肉湯十分美味

上星期六同女朋友屋企人去康城The LOHAS訂左枱食京滬菜，顧名思義就係食北京上海菜。餐廳裝潢清新，有好多打卡位，座位闊落，整體感覺好舒服！我們見有個「一鴨三食」套餐非常吸引就點了！首先前菜有鴨肉雲吞湯，湯底濃郁配上雲吞和充滿油香的鴨肉，口感非常嫩滑，開胃一流。雖然疫情暫時未去得上海，但都可以食住上海小籠包止一止癮。鮮肉湯包的皮薄，湯汁也多。鮮嫩的肉和湯汁的味道混合在一起，相得益彰。第二食是椒鹽香酥鴨架。炸蒜一定要夠多配搭洋蔥香氣撲鼻，椒鹽鴨架炸得香脆，味道相對偏重。好戲在後頭，京滬香酥鴨。色澤紅潤，肉質肥而不膩。大廚一早已將鴨肉和鴨皮切片另上，配以蒜茸、大蔥絲、青瓜絲、填鴨醬等八款配料，用薄餅卷著食用。很少餐廳能做到這樣皮脆肉嫩，入口鬆化。飲品方面呢間的一定要試下，絕對有驚喜！點了杯夏威夷風Mocktail，清新柑橘味在口中四溢，不但好喝且能清楚感受飲品的層次。

餐廳食物款式不俗！剛到的時候對餐廳評價不錯，環境裝修好又新！可惜之後既體驗實在太差！我地叫既食物其實唔指我所提供既相片，但因為其他食物都沒有值得提出的必要，炒四季豆、金華火腿娃娃菜、片皮鴨3味，其他的都多油多汁，比較重味！但最令我深刻同最差既係。。居然叫片皮鴨既配菜唔夠，要額外收費，仲要話係20蚊加2款！其實叫左一隻片皮鴨，計一計數，切出黎既配料都唔夠包片皮鴨啦！是什麼想法！？而且本人都去過無論係米芝連level既餐廳至地道既大排檔level都唔會有咁既待遇！從來無一間餐廳會要咁去收錢！實在太令人費解！如果你夠既話都唔駛問餐廳拎！咁點食埋d片皮鴨！食物既分配都好有問題！！張相就好清楚究竟有幾多配料俾人食！唔通片皮鴨是齋食皮/齋食肉嗎？！唔夠配料點做片皮鴨！成餐飯都食左$1980幾蚊，連呢d配料錢都要慳！呢間餐廳真係要檢討一下個配菜份量！另外糯米飯居然上碟係唔熟！生米！同餐廳職員反映返，佢只話好，我會反映！我相信唔會有反映到囉！因為同佢講既時候都無咩反應！所以好應該提一提出！希望有所改善！生米點俾人食！？仲有食物未食完又收走！那個松子魚未食完，居然都收左人地走！實在太過份！仲有外賣盒都收

上次食過京滬佳餚銅鑼灣分店之後覺得唔錯，所以今次再試埋佢康城分店睇吓點😛雖然係平日夜晚，但係餐廳都好多食客😙我地揀咗近望溜冰場嘅位置，雖然嘈啲但係一邊食飯一邊望住人打波都幾正🤗想靜少少嘅話可以坐入啲，而且餐廳都會播流行曲，嚟拍拖都幾好feel㗎✨我地首先叫咗京滬擔擔麵，雖然唔算好濃味但係就好足料，入面有好多肉碎🤩個人覺得如果個麵熱少少會更好🤔然後就係松鼠黃魚，一送上枱嗰陣個賣相真係好特別！🥰而且入面嘅肉仲好juicy，重點係成條魚都冇乜骨，食落去都易好多🤫之後㨂咗上次都有叫嘅北京烤鴨，都係連埋八款配料一齊食🤣同上次銅鑼灣分店食到嘅分別都唔大，一樣都係皮脆酥香同肉質細嫩佢😋但如果兩間分店相比嘅話我覺得銅鑼灣嗰間整得好食啲🧐其中一個令我好難忘嘅點心就係呢個爆汁牛肉煎餅🤣一咬落去佢真係爆咗好多汁出嚟，仲要彈到成枱都係😣好彩冇彈到落衫度唔係就有排煩了☹️大家食嗰陣要小心啲呀野飲方面我地分別叫咗紫色嘅Floriography花語同埋綠色嘅Jungle Escapade叢林.酌兩杯比較之下我認為花語易入口啲同埋好飲啲，大家下次去有機會可以試吓喔😘

住將軍澳的好處係基本上想食咩都會搵到～今次同屋企人去食中菜，專誠嚟到康城The lohas，知道呢間中菜館食北京上海菜，仲有北京填鴨，所以過嚟試吓！我們主要點了「一鴨三食」，首先出場的是鴨肉雲吞湯：奶白色的湯底配上中式雲吞和滑嫰的鴨肉，聞起上嚟特別香濃，好足料。食上海菜點少得食上海小籠包～皮薄涵靚！食的時候要小心夾起，以免弄破小籠包的皮，裏面嘅湯就會漏出來。第二食是椒鹽香酥鴨架。爆多炸蒜同洋蔥炒起來非常惹味，鴨架亦炸到一咬就脆，雖然無乜肉，但依然食唔停。重頭戲當然係烤鴨，事前已將鴨肉和鴨皮分開切片，加放在一塊塊餅上，包著八款配料（蒜蓉、青瓜、哈密瓜、火腿條等）鴨皮皮下脂肪少，食得多都唔會膩！最後仲加了脆皮牛肋條！一上菜的時候的確被嚇到，無想過呢個份量係有咁多，外層肉香脆而帶點甜，好特別，好想叫碗白飯！

之前公司就俾左d coupon我地，可以係港鐘鐵旗下商場消費😗😗最近又諗唔到有咩想買，咁不如就食鬼咗佢啦😋😋一直見到呢間餐廳嘅評價都唔錯，今日放工就Walk in嚟試試兩個人先叫左小籠包，一般一籠都係得四粒但佢有六粒，味道就不過不失都唔錯跟住就每人嗌左碗湯，係雲吞鴨肉湯叫咗一碗擔擔麵最後上既係重點-半隻片皮鴨😍😍😍😍佢嘅皮好脆冇多餘脂肪，仲有好多小配料當日去嘅時候天氣都仲未係好熱，咁啱室外位有枱，咁我哋就坐出去，環境舒適都感覺幾chill, 反而室內位感覺就比較嘈吵。不過如果夏天都係入返去涼冷氣比較合適🤣🤣🤣

今日同朋友特登嚟到康城行吓新嘅商場 晏晝就俾我哋見到呢間比較特別嘅上海餐廳 香酥烤鴨$188 半隻可能因為地區關係 呢間上海食市食嘅烤鴨比起其他尖沙咀地段份量多的 質素都唔錯 雖然唔算得上係抵食 但係叫做相同價錢份量多啲啦 鴨亦都有配上其他嘅餅皮同埋配料可以卷埋一齊食 咁就冇咁油膩啦 擔擔面 $48最平凡嘅嘢先至得出餐廳質素呢句野都幾啱 估唔到普通一碗擔擔面呢度都可以整得咁有心機 除咗面嘅軟硬拿捏得好好之外 湯底亦都唔會過淡或者過濃 一啖面一啖湯底加上其他小食 上海菜嘅感覺出晒嚟

用心服務， 食物水準非常好， 環境舒適。 星期六中午去品嚐午餐， 有不同的飲品提供，由接待至侍應， 服務細心， 六星級的服務。 雖然地點有點遠，不過還是值得一去，當郊遊吧！近年少見 優秀的餐廳， 很明顯服務方面曾作出培訓。

想食左片皮鴨好耐！住嗰頭冇咩好食，咁岩朋友係康城嗰面收工，又俾我發掘到正嘢明明都算係中式餐廳，但入面係有Cocktail飲！仲要係中式嘅Cocktail！！🍸係用唔同中式嘅酒類沖調🍵松鼠黃魚 $188松鼠黃魚係好難整得好食！但今次食E個係外面好香脆，入面嘅肉係仲好juicy同熱辣辣當中嘅糖醋汁先至係精華，甜甜酸酸，唔會濟酥香烤鴨（半例）$188點小得一直好想食嘅片皮鴨好有feel, 首先係配料碟黎到，有6種配料可以加，分別有青瓜、蒜蓉、大蔥、醬汁等等，全部都係好夾個烤鴨嘅！半例嘅分量岩曬2個人食就咁食個烤鴨都係好好味爆汁牛肉煎餅（2件）$48係名副其實嘅爆汁食嗰時候真係要小心啲！入面係好多肉汁，而且牛肉好入味，正！擔擔麵 $68唔食辣嘅朋友都好啱食！個湯本身已經好香麻醬味，真係超飽超滿足～左：花語 $98右：赤曲之情 $98餐廳嘅調酒師見我哋心大心細，好好客咁樣過黎同我哋介紹唔同嘅酒我揀咗花語，係一杯好岩女仔飲嘅酒，甜甜地又帶啲花香味，岩曬（我）拎住黎打卡另一杯赤曲之情，其中有伯爵茶同大曲酒～飲落好醒神，好特別下次真係要試埋其他cocktail先得！

京滬佳餚是日菜式： 京滬酥香烤鴨爆汁牛肉煎餅松鼠黃魚京滬擔擔麵京滬擔擔麵 湯底濃郁， 麵身軟厚適中。 ok! 叢林鳥~ 估吾到 京菜餐廳竟然有cocktail.. 造型仲好靚，洒味都濃... 長島冰茶 passion fruit .. 呢柸好過癮， 可以將passion fruit 掉晒出嚟放入冰茶入邊, 超級新鮮 京滬酥香烤鴨 半隻配料有 京蔥青瓜， 糖 > 點 鴨皮 日本紫蘿蔔 > 少少辣 ， 好清新甜醬皮 非常薄透 鴨肉已經去左肥膏 超讚！ 鴨 有油香， 鴨肉滑！ 呢間 片皮鴨 真係好得！ 皮薄， 去肥， 皮脆肉嫩！ 100 分