京都料理

營業中

休息中

餐廳位於南灣商場，近海旁最入嗰頭。午市時段都幾多人食喎。午市嘅定食大部分都包左沙律同餐湯。今日想食鰻魚飯，就叫咗蒲燒鰻魚丼定食等咗五至十分鐘就上餐，鰻魚都算大塊，蓋晒成碗飯，底下有啲蛋絲。餐湯就係麵豉湯，入面有豆卜同紫菜。嘢食嚟到，但未見沙律就追一追單，原來行到最入有係自助沙律吧，有兩款沙律汁揀，仲有凍嘅白桃烏龍或者桂花烏龍任飲。想讚吓經理服務態度非常友善，見我跌咗筷子都未問佢，就自動波拎對新嘅俾我。

今次是第4次到京都料理食嘢，之前幾次都只是為了食個景而入去，食物及服務就麻麻地。只有今次的體驗令我想寫吓食評。今次我因為收工早，行過門口，見窗邊有位，就忍唔住行咗入去。隔咗幾個月，發現換咗侍應，佢地d態度好好。今次免費生菜沙律Bar 的生菜明顯比較新鮮爽甜，所以我拎咗兩轉。我叫咗個青瓜小卷及豚肉拉麵，味道滿意。不過，拉麵的份量對於我個人而言唔係幾夠，如果佢地可以因應不同客人的需求，可以選擇麵量有得加少少就更好啦! 整間餐廳依家好乾淨，比之前更舒服。我最鍾意晚餐及雨天的時候，間嘢d透亮的影照在玻璃上，與窗外的楊柳及細葉榕，還有食客及侍應的影子等交疊而形成詩意的景象。以後如果我準時收工，會多d 幫趁這一間。

第二次黎食 刺身 壽喜燒鍋都好好味職員服務態度好好👍🏻價錢亦都合理～出餐亦都好快依家都好多人黎食～～食物品種多 服務態度好係超級重要食物質素高質 會再黎幫襯的👍🏻👍🏻👍🏻

要求加杯熱茶，個waiter態度好差咁講後面有凍茶自助。 大佬你收加一，枱又唔抹，茶又唔斟，唔怪得冇人排隊作為一名住係樓上嘅街坊, 很遺憾在這家日式餐廳的用餐體驗上,有許多地方值得改進。當我請服務員加一杯熱茶時，對方冷淡地告訴我餐廳後面有自助冰茶可以喝。 講咗幾次想加本來提供的熱茶，佢先死死氣幫我地加茶。服務人員態度好不耐煩。此外，餐桌都冇被好好整理乾淨，同佢地講枱烏糟，冇人抹枱，請佢地俾幾張紙巾我自己抹。最後又係黑曬面咗扔兩張紙巾過黎。至於食物本身，我覺得只能算是普通水平，並沒有太多亮點。下次我可能會選擇附近的茶餐廳，因為他們的服務態度通常更好，至少能讓我感到受到重視和尊重，仲唔洗加一。希望這家日式餐廳能夠改善服務態度

好抵食，鍋物2個人share啱啱好，壽司都唔錯。不過出菜真係好慢好慢，雖然話晚市時間，但其實個場唔大同只係坐咗半場…我哋由落單到上第一碟壽司，等咗4，5個字…第2碟又等4，5個字…

很沒寫食評，今次來到小西灣藍灣廣場，商場一入門口見到一張大型廣告，咁即管來試吓，12:15pm 來到吃午飯，只有數枱客人。坐位寬躺舒適，可望海，我利用掃QR code 落單，見到有新出厚切牛舌丼做特價，傳統餐牌上是沒有的，跟一碗麵豉湯。上菜速度快，等5分鐘左右就送來。味道方面，牛舌有驚喜，厚度最厚有成1.5cm，份量足夠，略嫌不夠腍，但表面是煎脆的。飯上鋪滿紫菜，飯的硬度剛剛好很好吃，麵豉湯就一般般，不太鹹。整體滿意。餐廳有加一服務費。此商場泊車費相宜，車位多亦寬敞，但入閘後第二個轉彎位較為窄要小心，商場設有泊車優惠。

不是打手，見新開就幫襯一次試下如何。服務質素和食物水準有非常大的進步空間。市面上的平價連鎖壽司竟比這個更好，過之而無不及。試新野伏左一次唔緊要，但唔會有下次。有麝自然香，加上飲食行業競爭大，真心有實力既，就嘗試改進一下吧。主要問題：食材不夠新鮮，作為壽司店是致命一點，但不是連鎖壽司價錢，作不了將就或是平價便取捨一下的理由。可能因為是新上場，在場的姐姐不太懂，看見有電子支付機，但她也不消楚店中的電子支付支持那些，不想多說，她說沒有，便改用其他，顧客光顧時可留意一下可支付的渠道。

最近樓下開左簡日本菜😋仲要係商場入面，真係好方便住係附近既街坊😋當日大概7點去到，成間店舖都坐滿哂人🤣好彩我去到仲有一張枱🤣就好快可以walk-in入去點野食店舖有一個日式既開放式廚房🤣可以睇到師傅係入面整緊壽司😋所以我都好放心食！ 而餐廳更有個自助沙律bar比我地夾沙律食🤣真係方便又貼心炙燒八貫盛合$118各式各樣既壽司😋有熟有唔熟既，都好新鮮又好睇，岩哂我打卡三文魚親子丼＄108三文魚腩好肥厚，食落去啖吙肉，飯既醋岩岩好🤣 一碗飯有一半都有三文魚腩真係好抵食牛舌丼飯我最愛既牛舌丼飯做緊優惠價😂大大碗，牛舌仲要勁多塊，加上飯既表層加左紫菜同醬汁，令人十分開胃😘