京都薈

營業中

休息中

難得星期六唔使開工，同屋企人去飲茶先🤤而家酒樓明顯多咗好多客人不過呢間個場好闊落～正！.💎 $47.8 午市百搭孖寶揀左蜜汁叉燒腸同香滑流沙包叉燒腸入邊係生菜～啱晒唔食芫荽嘅朋友👍🏻腸粉皮薄😏食落好滑呢～流沙包雖然外表普通，但係入邊勁流心，而且奶黃味香噴噴🫣.💎 $29.8 南翔小籠包小籠包係我必叫嘅點心一籠有四粒幾抵食👍🏻又蒸得幾靚～冇穿冇爛咁可以飲曬啲湯汁🤤.💎 $37.8 咖喱蒸土魷好大碟！土魷份量好多而且好入味個個煙韌得黎又爽口既口感真係一流🙈.💎 $25.8 鵪鶉蛋燒賣鵪鶉蛋最正既位就係：食到蛋黃但唔會太大隻！可以好放心咁食🤣下面係豬肉料，調味充足唔洗點豉油都好惹味😋.💎 $29.8 順德鮮奶卷新鮮炸上枱即刻食！！！外脆內軟🥹勁邪惡入面嘅鮮奶唔會過甜，好適中🤤.💎 $13 茶/每位呢到既茶壺會有蠟燭座底 啲茶就唔會咁易凍🔥

京都薈（美孚）冬至係中國其中一個最重要的傳統節日，同家人一齊食餐好嘅，好好團聚渡過溫馨時刻，我同家人在京都薈（美孚）做節不過係香港如果係過時過節要約埋食餐飯都幾困難！京都薈（美孚）的中菜，即使係冬至日大家唔得閒都一樣可以食到好嘢。這裏菜單都好多嘢食，上湯焗美國龍蝦伊麵(半隻）最受歡迎，其他菜式好似蒜蓉豆苗和蒜蓉粉絲蒸元貝，同樣是必選的菜式。上湯焗美國龍蝦伊麵龍蝦的鮮甜汁液流入伊麵，令伊麵都充滿海鮮的滋味，菜式有兩隻龍蝦鉗，龍蝦肉爽彈甜香，食得出原汁原味。蒜蓉豆苗酒樓炒的菜特別有鑊氣，這是我必點的菜。這裏的豆苗特別幼嫩，又香甜，沒有草青味。蒜蓉粉絲蒸元貝酒樓里蒜蓉粉絲蒸元貝特別受歡迎，過節年時食這道豐腴肥美鮮香入味的元貝特別開心。貝殼先墊上的粉絲充滿蒜蓉和元貝的鮮味，特別滋味。

剛在美孚見完客，正準備行去地鐵站回家，突然碰見好朋友，相請不如偶遇，一於食餐晚飯傾餐飽！酒樓距離地鐵站出口，只需幾分鐘路程，超方便，怪不得這時候已高朋滿座！精美嘅餐牌羅列著各式美食，呢樣又好食、嗰樣又好正，選擇困難症的我頓感困惑，都係要朋友出手先得，超級抵食嘅晚市孖寶，樣樣都咁正，任配任搭都咁抵！今次先試蒸嘅花尾斑同鮑魚，簡簡單單先試下大廚嘅蒸功先，及格先有下一次！條斑蒸得剛剛好，啱啱離骨、魚肉潔白鮮甜，一梳梳的好易夾起，嫩滑得嚟又有斑的口感，食得出蒸之前仍在遊水！鮑魚有半打，且size唔細，同樣蒸得很嫩，又保有鮑魚的質感，陣陣陳皮香味滲在鮑魚身上，配上大廚秘製豉油，更加吊起海鮮的鮮味！叫了一盅花旗參燉湯，非常足料，味道清鮮，絕對係材料同時間的精華我哋想食燒腩仔，但又怕肥肉，所以叫侍應請師傅儘量切瘦肉多些的，不過這塊燒腩的皮特別脆口，咬落嗦嗦聲，肉質不因特瘦而嚡口，兼且𡁻落有肉汁，的確水準之作！粉絲煲有鮮蝦、蝦乾及蝦米，鮮甜惹味，共冶一煲，粉絲又炒得夠乾身，火喉十足，大廚功力深厚！呢餐尚未食完，我哋已拿起菜牌，商量定下次叫咩食！

  在美孚轉車，遇上交通出現阻塞，於是 索性在附近吃完晚飯才回家……選了在百老匯街的"京都薈"酒樓，之前曾光顧過印象很好，抵食，味道不錯。今次再來感到環境更光亮，舒服。  超大螢幕 循環 播着精美菜式，賀年團拜酒蓆和多款優恵套餐……等。海鮮匯優惠套餐 $ 198 任選兩款~椒塩鮮魷~薄薄 酥脆 金黃的炸漿非常香口！鮮魷爽口！蒜蓉粉絲蒸聖子  ( 4隻 )大大隻蟶子，啖啖肉又爽又清甜！有質素！$ 198兩味海鮮認真超值！燉湯也相當驚喜！原盅養生燉湯 / 位 $ 38足料鮮濃非常滋潤！蒜子火腩大鱔煲  ( 例 ) $ 198熱騰騰~香噴噴~惹味！厚切鱔件逾十件之多，鱔肉脆口味鮮。·火腩肥美甘香每樣配料都入味非常。很滿意這頓晚飯， 好味！性價比高！晚飯首選！

未去過美孚飲茶，問住在美孚的朋友他介紹這一間，話在美孚四間裏面最好食的一間，食完之後覺得垃圾之中嘅垃圾, 义燒又硬又凍，－碟仲要$88, 炸鮮奶凍冰冰，炸兩出邊黃色的一Pat冇味的，腸粉夾唔起一pat野，叉燒包上面仲有一條好長嘅頭髮話俾侍應聽一句道歉都冇直接就攞走，又冇話會取消，咁想點？星洲炒米裏面嘅咖喱粉都未推得到開就上碟，四個人食左$880,講笑咩！純對冇下次，介紹俾我的朋友應該好憎我！美孚需要一間有質素嘅酒樓！

有一大班舊同學都置業於美孚，但鮮有在美孚聚會，是夜打破常規，在美孚一聚。京都薈是聚腳地，先打咭再開餐🤣🤣🤣環境新簇，枱與枱之間相當寬闊，座位舒適，屬酒樓的優勢！有電視，有基本娛樂 😂😂😂反通脹優惠餸菜 😍😍😍😍，超值抵食！👍👍👍👍👍 三項之中，以蒸魚最合心意。沙巴老虎斑 $38，優惠價，無得輸 🥰🥰🥰。就是到街市也買不到的價位！沒有將貨就價，斑仔目測近一斤，四人都夠食。斑仔鮮甜，魚肉夾起一梳梳的，夠新鮮！加上蔥花豉油，送飯佳品！脆皮牛坑腩 $138，外層炸得酥脆，牛腩乾身，有咬口但不會韌；不鬆散，有牛腩味，味道不錯。醬汁是神來之筆，大大增添了牛腩的味道，亦滋潤了乾身的牛腩，口感也軟熟得多。醬汁味道本身有點像辣味羅宋湯，緃不好辣的小妹亦十分欣賞！漁香茄子煲 $98，上枱滾熱辣，要小心鐵煲燙手 😌😌，濕潤帶汁，味道正常帶微辣，伴飯一流。油泡過茄子令顏色形狀得以保持，自己動手做比較難處理的環節 😏😏臘味炒芥蘭 $108，有臘腸、潤腸、臘肉，都是小妹喜歡吃的，初冬芥蘭亦開始合時，鮮嫩芥蘭配臘肉，好食！鮮黃色的彩椒，為賣相加分不少👍👍看似簡簡單單的一餐，其實十分豐盛，感恩得很！

媽媽有時都會唔想煮飯，呢個時候就會一家人一齊出去食飯。屋企附近有一間茶樓「京都薈」，晚市推出優惠小菜～😙平靚正解決晚餐～🌸🌸🌸🌸🌸🌸🌸🌸🌸🌸🌸🌸🌸 （茶位$15/人，另收加一服務費）🍃清蒸沙巴老虎仔 $38當天優惠小菜有三款（每檯只可以選擇一款）$38一條沙巴魚相當抵食幾大條，魚肉好滑溜呀！魚肉都好新鮮嘅，所以清蒸完全可以突顯佢嘅鮮味！燒上豉油就已經夠味🍃豉汁涼瓜燜火鴨煲$98呢道家常菜較有驚喜，惹味的一道菜～份量足值得讚，3人分享都足夠苦瓜在調味之下配合了火鴨去燜煮，吸盡醬汁精華，變得不太苦澀 ，很容易入口，火鴨配合苦瓜來煮也去除了油膩感。🍃柚子冰梅骨（例）$118通常我哋見到嘅冰梅骨就有冰鎮既但係今次呢個京都骨都幾特別酸酸甜甜柚子味好突出比起冰梅骨都大件，啖啖肉，同埋幾開胃🍃沙薑雞腳（小食）$58很受歡迎的經典茶樓小食！香濃惹味，又有豐富膠原蛋白 又腍又入味呢～

今晚和朋友相約在美孚的「京都薈」晚膳。餐廳在二樓，有專用升降機到達。中式酒樓佈置，以圓枱為主，地方闊落開揚。我們點了幾款小菜：“清蒸沙巴老虎仔”，餐廳的特惠推介菜式，一大條原條老虎斑，清蒸烹調，原汁原味。石斑肉質鮮美，富彈性，真超值！“柚子冰梅骨”，新鮮炸好，熱氣騰騰，入口脆卜卜，配上柚子和冰梅，酸甜可口，非常惹味。“杭州東坡肉伴饅頭”，一大件層次分明的五花腩，慢火燉成，腍軟入味。肥瘦相間，產生不同層次的口感，獻汁也特別滋味。“原籠馬拉糕”，新鮮蒸好，熱焫焫，軟綿綿，又鬆化，是很好的飯後甜品。這裏的餸菜美味，地方舒適，服務又好，價格更相宜，真可用驚喜來形容。

在美孚探訪朋友，晚飯他請我到樓下酒樓「京都薈」 酒樓環境光孟裝修平實，座位舒服。多部電視屏幕，單張都有介紹抵食菜式，多項套餐配搭都正做優惠，大間蟹放題，片皮鴨，反通脹晚飯三選一菜式，任選孖寶套餐……特別抵食的～脆皮飛天雞10元/隻蒜蓉蒸加拿大龍蝦28元/半隻沙巴老虎斑 38元(約一斤)相當吸引！在孖寶套餐中選了C餐 198元～燒雞半隻，蒜茸粉絲蒸元貝/4隻～燒雞賣吸引！燒得皮脆肉嫩。皮層脂肪適中，味道好！蒜茸元貝粉絲吸收了元貝的精華和蒜香鮮味加惹味！煲仔菜式三蝦乾搭撈粉絲煲 128元鮮蝦，蝦米，蝦皮～粉絲乾爽吸了三種蝦的鮮味，食落滿口鮮香！蒜芋臘味煲 108元荔頭很鬆化，臘味份量多充滿椰香！小菜味道好，招呼也不错！抵食！

間唔中就會興起想去飲茶😂喺美孚區呢間就最受歡迎🤗環境超級寬敝，樓底又高，唔會有壓迫感👍仲有幾張卡位開咩茶都有一個餐牌，有多啲種類，唔駛嗌來嗌去嗰幾款😂😂潮式糯米卷而家唔係間間酒樓有糯米卷食㗎喇，所以一有我一定會叫！糯米夠香，黏度適中，好味🥰燒腩仔飯必食！燒腩仔好靚，塊皮咬落脆卜卜😍份量又多，性價比高👏原盅養顏靚湯足料靚湯，有花膠、雞腳等養顏湯料☺️ 蜜味叉燒腸粉腸粉夠滑，勁多叉燒😂

美孚的朋友見到京都薈推出優惠，反通脹晚飯三選一: 脆皮飛天雞$10元、蒜蓉蒸加拿大龍蝦半隻$28元、沙巴老虎斑$38元，其它菜式及孖寶價錢也算平民，感覺抵食。於是今晚一於美孚新邨京都薈晚餐。菜牌有較多菜式。沙薑雞腳是小食，份量都算多，雞腳都頗大隻，不會太腍，點上沙薑醬，都很惹味。沙巴老虎斑$38反通脹晚飯三選一中，揀了沙巴老虎斑。沙巴老虎斑平時有時食到有少少泥味，但這個沒有。沙巴老虎斑食得出的新鮮，肉質腍滑，尤其喜愛魚腩部份。孖寶B: 大澳香蝦骨、果皮蒸大連鮑魚6隻$198。大澳香蝦骨，原來是帶有排骨的豬扒部份，大澳香蝦骨切得不是很厚，入口先感覺到大澳香蝦醬的味道，醃得頗為入味，香蝦骨絕對不會鞋，而且入口感覺有點幼嫩。果皮蒸大連鮑魚，有六隻，廚師已將鮑魚清理得很乾淨，鮑魚蒸得稍為熟了點，有少少煙靭，不過還帶有少少脆口，帶有蔥及果皮香，頗為鮮味！朋友喜愛食甜品，要了個玫瑰桂花糕$18，份量也是頗多，不會太甜，軟軟滑滑很香桂花香。餐廳樓底高，裝修雅致，間有很多套房，枱與枱之間間格寛敝舒適，價格也算相宜，值得再來。

今晚爸爸說懶煮飯，所以去附近食個晚餐。去了呢間酒樓，諗住食返一兩個小菜，方方便便，簡簡單單。呢間酒樓座位都不少，而且大堂相當光猛、樓底又高，沒有壓迫感，坐得都相當舒服。由於是閒日的晚上，所以都不用等位。看看餐牌，酒樓有多款不同既精美小炒、海鮮類、鍋物類等等，十分多元化。有些又有套餐、雙拼等，有好多唔同組合同選擇。由於我同爸爸都有選擇困難症，所以都諗左好耐先選到食咩好。呢度有晚市優惠都相當抵，最近做緊晚市三選一優惠。分別是$10食脆皮飛天雞、$28食半邊龍蝦或$38有一條約一斤的沙巴老虎班。果然相當吸引，由於只可選其中一項，我們點了一條沙巴老虎班。沙巴老虎班非常之新鮮，而且份量都足。鮮魚即叫即蒸，新鮮、鮮甜。啖啖肉，食魚記得要趁熱食，呢條魚真係好抵食，又好味。我們都相當喜歡。兩個人食一條，份量岩岩好。另外點了四隻蒜蓉粉絲蒸大元貝。元貝大大粒，啖啖肉，鮮鮮甜甜，而且混入蒜蓉來蒸，份外惹味，好香好濃，十分惹味。粉絲底仲可以吸入元貝、蒜蓉既鮮甜惹味，令粉絲超級好味。呢個粉絲蒜大元貝，無得頂。最後點了一個小炒～菠蘿咕嚕肉。新鮮菠蘿拌碟，咕嚕肉香香甜甜酸酸，十分惹味同醒胃。一啖一球，啖啖肉，味道又

又係時候食大閘蟹😍，前排去咗京都薈諗住試下大閘蟹放題，一上到見就見到好多客人拆緊蟹，都係食放題，可能蟹公未係時候，所以我哋就轉食套餐，優惠價 $598，包茶芥加一，四隻蟹乸，都算抵食，又可過下大閘蟹癮🤭🦀清蒸大閘蟹(4隻）約三兩重，每人兩隻，都多膏🫶，蟹乸關係硬膏比較多，不過都好甘甜，蟹肉鮮甜，蘸上蟹醋更加正😋🫕滋補燉湯（2位）原盅胡椒花膠雞燉湯，熱辣辣，超足料，好鮮甜，有少少胡椒味，夠晒暖胃，趁熱飲就最正。🦆脆皮乳鴿(1隻）最愛食乳鴿，細隻得嚟又啖啖肉，一人一隻剛剛好，乳鴿皮脆肉嫩，仲有肉汁，真係人間美食🥹🥬臘味崧扒時蔬份量好足，菠菜脆綠冇渣，個汁好濃稠，同菜撈勻，啖啖臘腸香味，唔錯。🐟清蒸金花斑(1條）條魚好新鮮，魚肉嫩滑，蘸上蒸魚豉油，鮮味升級。桂花糕，紅豆椰汁糕兩款都好食，唔太甜桂花糕清甜去膩，椰汁糕椰香味濃，忍唔住一啖就食咗。

美孚新邨附近的酒樓選擇更多，家人又不想叫外賣，一起到樓下京都薈，地方新淨，是比較乾淨的酒樓。七時左右入席，一半座位有人，每台之間距離都足夠不會很嘈吵。【原盅養生燉湯】雞腳瘦肉花生花旗參燉湯，味道沒有太咸，雖然有花旗參，但是不會喧賓奪主遮蓋所有湯的味道，清涼得來又滋潤，而且瘦肉又入味，飲完喉嚨好舒服。【京式片皮鴨】價錢當然是算便宜，端出來的時候片皮鴨脹卜卜，外表很吸引，部長三兩下手勢就把它片好。用來包着扁皮鴨的餡皮有點厚身。【茄子炆鴨件】份量極大，連茄子都是大大條，很抵食。【京都小炒王】韭菜苗真是最吸引，腰果又夠脆。

趁住假期，同屋企人嚟美孚飲啖茶．食個包呢間酒樓同港鐵站距離好近，幾寬敞。Lunch嚟到好Full, 不過都好快有位✨香滑芝麻卷久遺了的<菲林>細個時好鍾意食，但呢啲手工食物已經開始絕跡，唔係好多地方食得到，味道同口感都Keep到水準，我依舊係鍾意拉開一片咁食先夠滋味✨脆皮乳鴿乳鴿都幾多肉，燒得恰好外皮香脆✨ 蟹籽燒賣皇燒賣大大粒，蝦肉爽口，兩粒有點唔夠喉✨ 水晶蝦餃皇蝦餃外皮唔會太厚，裡面蝦肉飽滿大大粒✨ 瑤柱灌湯餃識食一定要先飲啖湯，味道清甜唔油膩，灌湯餃足料夠大隻，仲有瑤柱，真材實料。餃皮唔會因為浸住湯而變淋✨ 蜜汁叉燒包叉燒包大人小朋友都喜愛，雖然唔算大個，但餡料比例都算多食物質數．服務同舒適度都滿意，見到大閘蟹餐都好正，下次晚餐要嚟試