人和月雞煲火鍋店 (已結業)

一行8人本來開開心心去食餐飯 點知會咁⋯我地人比多 早幾日就打去book位 亦有問定價錢 b餐起跳 另外職員表示留位每人落訂$100 大家覺得ok 所以數齊人數就落埋訂 點知去到先話c餐起跳😳😨🤯咁都得？根本賊船😤但訂都落左⋯都要食架啦⋯先去自助吧到睇下有咩食 但配料只有最普通普通普通既丸食 啲碗拎3-4隻都有漬⋯🤢所以睇左次就冇再出過去⋯我地揀左雞煲 味道ok 都有啲肉食 但裡面既鮑魚迷你到呢⋯不如唔好俾😐C餐每人有一份海鮮 2隻蝦 1隻青口 1隻扇貝 1隻鮑魚 1舊魚 1隻蜆咁 盤海鮮都算新鮮 但好食既就得呢盤海鮮 得1盤⋯ 蝦可以再叫 不過啲蝦痴殼 都冇再叫😵牛肉方面係超級薄切 夾起就碎哂 味道唔覺得有咩咁特別 都係普通 墨魚滑蝦滑算ok 連埋加1 差唔多$440/位 食啲咁既野🌚 同埋一夠鐘即叫人走 當時有空枱 雖然冇即時收走啲煲 但隔冇2分鐘又再催人走☹️☹️☹️

最近聽朋友講尖沙咀有一間火鍋店超抵食，只需要一個價錢就可以食到烤魚同埋火鍋，食完烤魚之後仲可以換唔同火鍋湯底打邊爐，而且仲有肉類同埋海鮮，呢啲咁筍嘅地方，當然就要去試吓啦！呢間餐廳位於尖沙咀海防道附近，交通超方便上到餐廳之後先知道原來烤魚係佢哋嘅頭款其中一款菜式，除咗烤魚之外，原來仲可以揀酸菜魚，卜卜蜆或者雞煲，搞到我有啲選擇困難症，忍唔住問吓店員有咩好介紹。後來店長介紹佢哋嘅椰青香茅青檸魚，我哋就叫咗試吓。一上到黎條魚勁大條，爭啲嚇親，睇落去完全係一個冮食多過係一個前菜，雖然條魚好大條，但係佢冇乜骨，而且入口啖啖肉超抵食。呢款湯底，我自己同朋友都大推，湯底入口冇人想像中咁唔會飲太多濟住，反而仲好清香，忍唔住飲多幾啖！食完魚之後，我哋就直接打邊爐，今次我哋直接換咗川式麻辣鍋。套餐方面我哋揀咗C餐澳洲M4和牛海鮮大滿貫。佢哋海鮮同埋牛肉嘅種類都好多，雖然只有一客，但係真係超級滿足，我同朋友身為牛魔王，當然就係清晒所有嘅牛肉啦！整緊嚟講佢嘅牛肉質素都好高，牛香十足絕無欺場。喺無限量添加嘅食品，裏面有幾款都絕對唔輸蝕，我同朋友再推薦佢嘅蝦滑同埋墨魚滑，入口超彈牙，配合返麻辣鍋湯底，絕對係一絕

芝士麻辣酥皮雞煲+打邊爐🧀🫕第一次見呢個又有酥皮又有芝士又有雞煲嘅邪惡又貪心嘅組合！😈一嚟到真係眼前一亮，好似嚟左一碗好巨型嘅酥皮湯咁😍滾到咁上下，就有店員過嚟幫你切開個酥皮，酥皮浸咗落去辣雞煲嘅汁到，加埋啲芝士真係好正😍 估呢個組合真係好夾！個人覺得啲酥皮仲正過啲雞🤣食完雞煲之後叫咗個香茅椰青青檸湯底打邊爐🍲我哋揀咗set C 澳洲M4和牛海鮮大滿貫🦐🐙 有蝦，鮑魚，青口扇貝，鯇魚片🐟出面仲有自助吧，有無限嘅野飲，熟食同打邊爐嘅配料👍🏻 仲有得自制綿花糖呀🍬😂

今日同朋友去左尖沙咀 ～人和月雞煲火鍋放題～，又可以大吃大喝一番。餐廳梳化用左我最鐘意既綠色梳化櫈，望落好舒服又寬敞。打邊爐之前，可以揀雞煲呀、烤魚、酸菜魚，我地揀左酸菜魚。酸菜魚口味唔錯，魚片又滑。食完酸菜魚梗係唔夠喉，而家先係戲肉，邊爐放題開始，先揀好湯底。椰青香茅青檸湯底，係少有出面食到既，陣陣椰香，加上青檸同香茅，好清新，推介。先來海鮮拼盤同牛牛大滿貫，有龍躉肉、鮑魚、蜆、扇貝、海蝦等，仲有6款靚牛，新鮮靚仔。海蝦同除左牛小排&M4和牛之外可以無限添加。👍QR code 同出面自助吧仲有好多其他配料，真係飽都試唔唒。最後食返兩杯雪櫃就飽哂，yummy.

( ͡° ͜ʖ ͡°) 人和月雞煲火鍋店[ @moonerchickenpot ]——香港嘢——❝ 烤魚雞煲火鍋放題吃到飽一次過食哂大滿足 ❞✿ Set C SRF極黑和牛海鮮大滿貫 $398位冬天最愛就係打邊爐呢度仲可以包埋頭盤烤魚或者雞煲之後再揀湯底打邊爐 一次過滿足晒你✿ 椰青香茅青檸烤魚頭盤選咗店員推薦嘅烤魚椰青香茅青檸非常特別 椰青味香濃配埋烤魚好match喎魚肉厚實 原條烤魚 啖啖魚肉 好飽肚～✿ 火鍋湯底川式麻辣湯 麻辣味香濃 唔錯～✿ 海鮮拼盤擺盤好靚 可以打下卡～包括有海蝦、帶子、青口、鮑魚、大蜆同深海龍躉片樣樣都好新鮮 非常豐富 海鮮控唔好錯過！✿ 牛肉大滿貫七款牛肉用木盒裝上 賣相吸睛有手切頂級封門柳、澳洲 M4和牛、高級雪花肥牛、牛舌心、嚴選牛下肩、特級牛胸爽、嚴選牛板腱木盒細細 但份量亦唔少 個人覺得手切頂級封門柳同澳洲 M4和牛最正！可以一次過試到唔同部位 牛魔王必定鐘意！✿ 無限量任食有多款食品可以任食 當中推薦日本廣島蠔、鮮打家鄉墨魚滑、鮮打蟹子蝦滑、芝士牛丸、麻辣鴨血 真係幾正！✿ 自助區有多款火鍋配料自助夾包括蔬菜、魚皮、冷盤、丸類同埋飲品小食仲有麻辣鳳爪

♡ —————— 𝗗𝗲𝘁𝗮𝗶𝗹𝘀 —————— ♥【餐廳】人和月雞煲火鍋店 @【價位】中價位【用餐時段】晚市【餐廳主打】港式 x 川式雞煲火鍋放題【𝗛𝗶𝗴𝗵𝗹𝗶𝗴𝗵𝘁】全港首創酥皮麻辣芝士雞煲────────────────────【環境/服務/衛生】。環境乾淨企理，場地開揚。設有多個卡位，坐得舒服自在.【價錢：Set B 澳洲M4和牛套餐 $348/人】。120分鐘任食任飲雞煲火鍋放題。套餐包括頭盤，美國牛肉拼盤，火鍋及自助吧火鍋配料，飲品及甜品.【重量級頭盤】。頭盤四選一中。必點招牌全港首創超級邪惡嘅麻辣芝士雞煲。由於係即叫即製，需等候5-15分鐘。雞煲上鋪左一層巨型酥皮，賣相好吸睛。焗到咁上下，酥皮變得漲卜卜的便可以食啦。雞件加入左不少中藥材去熬制。肉質嫩滑多汁，冇雪藏味。味道辛辣惹味，更有不少拉絲芝士添。酥皮鬆化，牛油香滿滿。就咁食又得，夾埋拉絲芝士雞肉食都好Match。. 【八選一特色湯底】。食完雞煲後會換鍋轉打邊爐。推薦鴛鴦鍋，一次過試哂兩種湯底都只係+$30。川式麻辣湯：以多種藥材熬制，辣中帶麻但不嗆喉。椰青香茅青檸湯：香茅入饌，味道清新同時令人胃口大開.【送：美國牛肉大

🥰❤️好開心同妹妹去食火鍋放題🥘，飽到捧住個肚走。我哋去左尖沙嘴人和月，叫咗每位$398既M4和牛海鮮套餐。先來自選前菜， 揀咗酸菜魚，🌶️bb辣，酸酸辣辣好開胃。湯底8選1， 🥥椰青香茅青檸湯好有泰式風味，夠特別，好清新。🐃🐂牛肉拼盤有多個部位，我最愛M4和牛，肉質超嫩滑。🥰🦐海鮮拼盤有鮑魚，龍躉，元貝，青口，海蝦， 蜆，我最鍾意🐟龍躉，夠曬肥美。之後仲可以去自助區拎野或QRcode再下單，好豐富。飲品我飲無酒精啤酒同清熱酷。甜品有雀巢公司嘅雪糕，三款口味，朱古力，雲呢拿及香芋。

人和月雞煲火鍋店 (尖沙咀) 🐥晚市SRF極黑和牛套餐B $348/位 （成人）🐥呢個set包埋頭盤，有雞煲/烤魚～ 小編加$58升級揀左原創酥皮麻辣芝士雞煲（二人）（小辣，小麻)～即點即焗，所以個酥皮係焗到好酥脆同埋熱騰騰😍😍 店員慢慢切開酥皮，入面滿滿芝士🧀包著每一件雞件～～～ 有d似食韓式芝士鐵板雞既感覺😋😋食完雞煲湯底係另上而唔係用番雞煲果個煲😍 咁樣健康好多又唔會油膩💯 小編揀左芫茜皮蛋湯底～ 🐥部份食物例如鮮打蟹子蝦滑、鮮打家鄉墨魚滑、嫩滑脘魚片等係任落單～ 當然唔好浪費食物😇 🐥B餐呢個set 包左既牛肉有澳洲M4和牛、極上安格斯牛小排、手切美國封門柳、嚴選美國牛下肩等，每款均牛味濃郁好高質～🐥餐廳仲有自助bar提供小食、甜品、飲品～ 小編喜歡佢地既麻辣小煮牛，牛肉係好入味、無肥膏😆 而飲品有自家製菊花茶，最後食埋牛奶公司雪糕作結，食到好滿足～*需加一服務費地址：尖沙咀海防道38-40號中達大廈3樓

呢間係尖沙咀嘅火鍋店見到有好多好評，點知上到去係大伏！ 上到去比店員通知，只能夠揀Set C $398，Set A B都唔比簡🤯🤯 估唔到仲有啲咁嘅做生意手法🤦🏻‍♀️🤦🏻‍♀️出面可以揀嘅火鍋配料選擇好少，啲丸都係好平價個啲。又無放喺雪櫃 就咁就放足一晚。所謂嘅甜品區得幾兜糖水浸住啲啫喱？又冇蓋冚，又無雪住…… 超級污糟，啲碗同餐具都有污漬🤦🏻‍♀️🤦🏻‍♀️麵食就咁幾包放喺度既福面、出前一丁同埋平價烏冬🤦🏻‍♀️🤦🏻‍♀️ 呢個價錢食啲咁嘅嘢真係喊出嚟。鮑魚雞煲嗰粒鮑魚細到差啲睇唔到….. 唔知點解餐廳好意思咁都拎俾客食。雞煲上台之後煮咗一陣，店員過嚟睇咗一下就較細個火話可以食… 朋友一咬落去舊肉生到….. 🥲🥲🥲啲牛肉一大盤，遠睇就好似好豐富，近睇其實啲肉乾爭爭 碎濕濕！又梅….唔知係冰左幾耐既肉🤦🏻‍♀️食呢餐飯 好像發左個惡夢咁😰

晚市SRF極黑和牛套餐B$696跟餐酥皮麻辣芝士雞煲（二人)跟 晚餐B牛拼木盒內包含:澳洲M4和牛、嚴選牛板腱嚴選牛下肩、美國特選牛舌心高級雪花肥牛、極上黑安格斯牛小排、手切頂級封門柳。1)先食酥皮麻辣芝士雞煲，當打開酥皮，攪勻入面嘅芝士同雞，就好想食，我叫左bb辣，濃味嘅雞件包裹着芝士，每一舊雞都好入味。2)之後另上一個火鍋湯底，我揀選左野菌冬瓜湯。另外加點左:家鄉墨魚滑、蟹籽蝦滑，兩款都彈牙，海蝦好鮮甜，花膠。外面自助區芋圓、麻辣水煮牛、泰國糍粑、各式飲品(自家製飲品洛神花茶、酸梅湯)店內還有得玩自製棉花糖棒我好似細路仔咁，好想玩埋一份，但望落都唔容易控制，所以放棄。

天氣仲係凍凍地就梗係要打下邊爐。今次俾呢度個雞煲吸引咗嚟呢度食飯。主要流程，係先成頭盤，之後先開始打邊爐。頭盤可以揀麻辣雞煲、酸菜魚、卜卜蜆、韓式芝士雞，亦可以加錢改成酥皮芝士麻辣雞煲。芝士混入咗麻辣雞煲令味道更濃，酥皮切開之後可以放入煲入面索晒啲汁再食。食完頭盤可以揀返八款其中一款湯底，今次就試吓香茅椰青青檸湯底，勁有東南亞feel。由於食和牛海鮮餐，佢哋先上牛肉拼盤同埋海鮮拼盤，其他可以出去出面凍櫃拎，肉就係手機落單。佢哋仲有自家飲品，記得去拎埋。最誇張都係隻帆立貝，成塊面咁大隻，食落仲好甜添。食完就食甜品，有雪糕，有芋圓，仲有DIY棉花糖，超好玩。

晚市SRF極黑和牛套餐B 💰$348/ppl先選擇頭盤，再揀湯底打邊爐(一次過滿足晒我兩個願望🤭) 頭盤有4個選擇，期間限定仲有個酥皮芝士麻辣雞煲😍 不過最近身體唔允許我食辣野🥲⋯ 所以我哋最後揀咗個唔辣嘅：~ 椰青香茅青檸烤魚🐟🥬💚魚好滑，湯好鮮，萵筍好味，芫茜世一😚 急不及待攞塊牛落去淥兩淥，正到飛起！🥹食完魚，我地叫左［鮮茄粟米甘荀濃湯］打邊爐~ 個湯超甜超好飲，一啲都唔係個啲求其嘅味精湯👍 和牛套餐入面，我最中意‘手切頂級封門柳’ & ’澳洲M4和牛‘，牛味重 肥瘦好均勻，就算食咗好多塊都唔會覺油膩🥰🌟 另外值得一讚嘅係，舖頭入邊所有食材都好新鮮同乾淨 食得安心又開心♥️ 同埋我最重視嘅服務!!! 全部Staff都細心又勤力 好好禮貌，無得唔encore就係因為咁🙌🏻

天氣開始轉涼，食火鍋是首選，放題任食更是吸引。今晚到了尖沙咀的人和月嘆雞煲放題火鍋，一於盡情吃個夠！今晚選了B餐，成人每位$348，以任食放題來說，是中價選擇！有基本醬料及調味料頭，隨便拿了一點，以便不時之需；因選了沙嗲這款濃味湯㡳，大部份都已經好夠味！有冷盆小食麻辣鳯爪及青瓜雲耳，小妹不好辣，所以只能遠觀一下罷了。熱小食有土匪脆雲酥及沙薑雞翼，分開冷熱部門，甚貼心一輪新月的吊盆，盛著麻辣水煮牛肉，還有小火加熱，真的是熱辣辣。頭盤選擇了酸菜魚，分量超多，味道很好，魚片嫩滑，配料甚多，這裏的頭盤，每款都是獨當一面的菜式，超值！魚片新鮮大大片的，令人食慾大增！湯底有八款，每款都得吸引得很！掙扎一輪，最後鐵定了懷舊沙嗲濃湯，濃香沙嗲配牛肉，的確美味！湯底內配料不多，可自行放入食材，湯底味道確實夠濃郁，正！美國牛肉大滿貫，賣相精美！這份不是任食的的，反而更為珍惜，品嚐時也特別在意，嚐真它的味道口感！蔬菜放雪櫃，可以任取任食！不得不讚廚房對品質的監控，每條菜都只擇取最嫩部份，超讚！👍👍👍👍👍除了限量牛肉拼盤外，還有多款牛肉、豬肉、雞肉等，可以無限添加！質量都相當不錯的其他雜項選擇也十分豐富，大量

話說，我從來都未寫過食評，呢間嘢真係激發到我忍唔住要寫一下！ 今日係2023年1月1日， 收工凍凍地就諗住打邊爐， 喺樓下見到姐姐派傳單，收費每位由$398起，見到都正正常常，又話有龍蝦同埋枝白酒送，就諗住新年食好啲啦，最後我哋兩個人揀咗 D 餐$498一位嘅120分鐘任食放題，8pm上到去竟然唔使等位，仲有好多吉枱，心諗大穫了，不過唔緊要啦，唸住收得你咁嘅價錢應該唔會好差嘅，點知中伏了！1. 點好餐後同你講，龍蝦係兩人一隻(樓下阿姐係話每人一隻嘅)2. 要咗龍蝦就冇酒送( 樓下阿姐係話兩樣一齊送嘅）3. 每位價錢要加多20蚊老實講，每位加多廿蚊真係都算，但係點解同 樓下阿姐 講嘅嘢完全唔同呢？ 到最尾一個貌似經理嘅男人就話， 算啦算啦今日高興日子，兩樣都送曬畀你哋啦，我心諗我係咪應該要好多謝你呢？！輪到食物部分， 頭盤我哋叫咗韓式芝士雞， 味道係可以嘅，加熱之後仲有拉絲，非常邪惡，不過我哋兩個人，嚟咗一個四至六人份量，如果食曬都應該唔使食其他嘢@.@，跟住我膽粗粗就問個店員可唔可以攞走，佢竟然答我話可以攞走，等我仲滿心歡喜，點知係一個美麗嘅誤會， 原來可以攞走嘅意思係收走佢，haha

第二次到人和月雞煲火鍋店，質素keep住咁好！今次餐廳搞搞新意思：🍲酥皮麻辣雞煲！呢個超級吸睛 🫃🏻！雞煲上面竟然有塊大大塊嘅酥皮覆蓋煮，當雞煲煮到咁上下嘅時候，店員會好貼心咁幫我哋剪開塊酥皮，沾上芝士同埋辣汁嘅酥皮，真係幾好味！雞煲本身有好多芝士，中和左佢嘅辣！而且，雞嘅份量好多，亦都好有雞味！今次要咗佢嘅精選牛肉吃到飽（ $299 ）餐廳幾好，我哋揀咗嘅澳洲McIver套餐，包括美國牛肉大滿貫一客裏面包括左：澳洲M、四黃牛、首設、美國風門樓、安格斯牛小排、最推介嘅就係精選美國牛舌心，爽彈不肥。其他嘅仲包括鯇魚片同埋蟹籽蝦滑，小弟幾鍾意佢嘅蝦滑，好彈牙鯇魚片亦都好爽脆，加埋今次呢一個麻辣湯底， 10分滋味！餐廳提供左唔同種類嘅飲品，小弟最推介嘅就係佢嘅台灣玄米茶，感覺好養生，而且佢都有唔同嘅小食，等你喺火鍋滾之前先行大飽口福：無骨、鳳爪、花雕最豬手、仲有燒豬頸肉！ （ 實不相瞞，小弟同佢清咗一半）總體來講，呢間餐廳位置方便，環境舒服，而且今次呢一個酥皮雞煲吸睛十足！值得幫襯！——————為食分界線——————📍 人和月雞煲火鍋店 (尖沙咀)尖沙咀海防道38-40號中達大廈3樓推介指數