影片
營業時間
今日營業
17:30 - 00:00
星期一至日
17:30 - 00:00
以上資料只供參考, 請與餐廳確認詳情
估唔到旺角通菜街有間樓上店，有間滿足我想食烤魚同串燒嘅願望。新裝修環境非常乾淨，座位之間有充足嘅距離，非常舒適。而家叫生啤仲有埋一送一優惠，非常適合朋友聚會談心之選。重慶麻辣烤清江魚（BB辣）叫咗最細辣，但都好辣。如果食唔到辣嘅朋友可以嗌走辣。現在叫烤魚，仲送六配菜組合，有娃娃菜蓮藕片萵筍、豆卜及土豆片。清肝魚好大條肉質非常肥美好滑冇乜骨。四川寬粉加到酸菜魚必點之選。大蔥雞肉一口葱段、一口雞肉。口感豐富雞肉非常嫩滑新鮮。椒鹽雞軟骨咬落軟骨脆脆地好有雞味補骨膠原必點。老油條釀墨魚滑爆芝士老油條內釀了墨魚滑及芝士，幾創新嘅小菜、再附上橄欖油，給你點老油條來吃。鹽燒和牛小排串燒燒到剛剛好嘅和牛小排，唔會過熟、加上已鹽燒製作，令牛味更出。蒜蓉燒蠔（2隻）非常肥美嘅燒蠔、配上蒜蓉非常惹味、入口好嫩口，爆開蠔的精華山椒鰻魚汁燒白鱔白鱔超肥美、燒到外皮金魚色、魚用夠熱辣辣、外脆內軟。冷泡白桃味烏龍茶夠凍非常大杯、夠解渴
繼續閱讀
日式淮山配世一蛋黃醬：淮山炸過，表皮香脆，裡面口感滑溜，配上濃郁嘅蛋黃醬，真係一絕！鹽燒西班牙五花腩：五花腩燒得啱啱好，鹽味適中，入口即溶！味噌松板豬：味噌嘅鹹香同豬肉嘅鮮味完美結合，肉質又夠晒鬆化。鹽燒和牛牛小排：牛肉嫩滑多汁，鹽味亦提升咗牛肉嘅原味，好味！蒜蓉菜脯燒茄子：重口味之選！茄子燒得軟綿綿，蒜蓉同菜脯嘅香味滲晒入茄子肉裡面，實在太惹味！豚肉荔枝卷、豚肉牛油果卷：豚肉包住荔枝，一咬落去，荔枝汁喺口入面爆出嚟，非常鮮甜，同豚肉亦十分夾。而另一款配搭咗牛油果，降低咗豚肉吒油膩感，味道清新。韓風燒牛肋肉：必試之選，牛肋肉燒得香口，韓式醬料嘅味道好開胃。老油條釀芝士墨魚滑：真係有驚喜，外脆內滑，芝士同墨魚滑嘅味道好夾。紫菜鵪鶉蛋卷：表面鋪滿大量紫菜，入面包裹住鵪鶉蛋，嫩滑嘅蛋同紫菜嘅脆口疊加出豐富層次感。芫荽雞絲手抓餅：好有台式風味！手抓餅香脆，裡面夾住嫩滑雞絲，仲要加埋我最愛嘅芫荽吊味，好香。味淋魚乾：雖然我哋冇叫酒，但味淋魚乾唔作為下酒菜，單單作為小食，齋食都好正，少許煙韌，加上少許香甜，充滿炙燒香，正呀！蜜糖燒菠蘿：食完咁多肉類，一定要點份燒菠蘿解一解膩感。菠蘿本身都夠清甜，喺表面再加少少蜜糖，水果嘅甜味即時再被提升！而且個菠蘿仲多汁！港式蜜糖多士夾雪糕：呢件嘢原來食落去好飽架！但真係太太太好食啦！多士外脆內軟，仲要加埋香甜蜜糖，再夾住云呢拿雪糕，必試。
繼續閱讀
鹽燒牛舌芯牛舌燒至外表微焦，內裡卻保持了鮮嫩和多汁口感滑順。搭配一片檸檬，增添了一絲清新的酸味。泰式燒墨魚鬚墨魚鬚經過醃製，燒至香氣四溢。泰式調味的選擇讓整道菜品充滿了熱帶的風情。日式秘製汁炸無骨雞翼雞翼外層炸至金黃酥脆，內裡包裹大葱，搭配特製的醬汁，甜鹹適中。鰻魚飯團飯團粒粒分明和鮮嫩的鰻魚搭配一起，風味獨特。香燒翠玉瓜外層微焦，內裡仍保持著爽脆的口感。韓風燒牛肋肉牛肋肉經過醃製，燒至外焦內嫩，肉質鮮美，帶有淡淡的煙熏香氣。蜜糖燒芝士年糕外皮金黃酥脆，內裡柔軟的年糕與濃郁奶酪的香氣相得益彰。蜜糖的香甜味道更是為這道甜品增添了愉悅感。蒜蓉欖角燒蟶子蟶子鮮嫩，蒜蓉的香氣完美地提升了整道菜品的風味。蒜蓉菜脯燒茄子茄子燒至軟嫩，搭配蒜蓉的香味，讓整道菜品味道更為豐富。菜脯的加入，增添了鹹香的層次感。芫荽雞絲手抓餅雞絲鮮嫩，搭配香脆的餅皮，芫荽的清香更是為這道菜品增添了一絲特別的風味。手打檸檬茶和白桃味烏龍茶
繼續閱讀
串燒最平$10起，生啤$48買一送一，環境ok, 食物質素都唔錯，性價比幾高全部串燒即叫即燒，保證新鮮熱辣，調味適中，唔會好重味，枱面仲有幾款調味料可以自己加！⚇梓樹小青椒 $10微辣，有青椒仔的香味，good!⚇香燒翠玉瓜 $10翠玉瓜爽脆多汁，灑上少少孜然粉，已經好好食！⚇燒雞腳根 $10有咬口，香口，少少辣⚇紫菜鵪鶉蛋卷 $20豚肉包住鵪鶉蛋一齊燒，加上蛋沙律、紫菜，咬落去口感勁豐富，正！⚇鹽燒鮮雞皮 $20燒到好香脆，加少少辣粉，更惹味😋好啱送酒！⚇免治雞肉棒 $28口感唔錯，扎實有咬口，味道香濃⚇蒜蓉欖角燒蟶子 $38蟶子新鮮爽口，配上蒜蓉欖角，少少辣，好鮮甜，正！⚇日式秘製汁炸無骨雞翼 $48好大份！無骨雞翼釀入大蔥炸到酥脆，配上日式秘製汁，超香口。⚇流心蛋薯仔沙律 $68薯仔沙律好creamy, 再加上流心蛋，味道更香濃，微酸好開胃，好食！⚇港式蜜糖多士夾雪糕 $48呢個真係好誇張，好大份！香脆嘅蜜糖多士配上雲呢拿雪糕，唔使講都知好食🤤一定要留肚食呢個甜品！呢間串燒店整體質素真係唔錯，味道ok, 價錢唔貴！
繼續閱讀
人生有限杯竟然在旺角開分店，出名又平又抵食，7點多已經座無虛席！鹽燒系列的菜品，如【西班牙五花腩】、【椒鹽雞軟骨】、【雞腿肉】、【鮮雞腎】和【牛舌芯】，均以簡單的鹽燒手法呈現，突出了食材的鮮香。尤其是牛舌芯，口感細膩，鹽的調味恰到好處，讓肉質的鮮味昇華。雞腿肉則肉汁豐盈，外層微脆，內裡柔嫩。炸物系列同樣令人驚喜，【日式秘製汁炸無骨雞翼】外皮酥脆，秘製醬汁甜鹹平衡還夾著大蔥，入口誘人。店主推薦的【九肚魚】香氣四溢，口感爽脆，是一款非常適合佐酒的小吃。卷類料理如【豚肉秋葵卷】、【豚肉蘆筍卷】，將嫩滑的豚肉與清爽的蔬菜完美結合，口感層次豐富，而【老油條釀芝士墨魚滑】創意十足，外脆內滑，芝士的濃郁與墨魚的鮮味很夾又好吃。【泰式燒墨魚鬚】和【韓風燒牛肋肉】各具風味，前者帶著微酸微辣的泰式風情，後者濃郁的韓式醬料突出肉質的柔嫩多汁。【手打檸檬茶】清新解膩。【荔枝檸檬梳打】則帶來一抹甜美的果香。
繼續閱讀