仁利粥粉麵 (已結業)

2018年11月裝修前幫襯後，成個熟食中心就裝修，等咗2年啱啱今日經過見到開返舖，仲改咗新舖名「鴻記茶檔」。肥哥哥老闆依然冇變好好招呼，亦好有禮貌，一邊食一邊傾吓偈，人情味十足👍🏻。早餐只是$31，有沙爹牛面，煎雙蛋，奶茶☕️ 牛肉好新鮮，唔會似有一些茶餐廳預早炒定，擺到硬同吸晒汁好乾好咸，奶茶茶底唔會死苦味，好香好滑。介紹食呢度好出名嘅辣椒油🌶️，好好味，炒得好香好足料，食到有蝦米🦐仔，好似馬拉盞XO醬嘅味道。下次要食其他牛腩雲吞粉面配嚟食吓。見到午餐餐都好抵食，全部$42，尖沙咀真係難搵到。新裝修後，環境好好，好有懷舊感覺，清潔光猛又夠通風，鐵皮頂天花都高咗好多，感覺十分良好。而家開始入秋，冇咁熱，應該成日都可以去幫襯，唔怕邊食邊抺汗。暫時只有3檔開返，今朝我包場，只得我一個食客😄 到我走先有個男客人，見到只有我一枱客就坐咗隔離枱。眼見都只有幾個似係記者或寫文嘅人周圍影相同埋同老闆傾偈，應該係準備介紹呢個熟食中心重新開幕嘅報道。

第一次去熟食市場，一入去見到呀伯狂sell牛丸，以為仁利就係出名的牛丸店。點知坐落先知唔對路，感覺受騙，碗米粉完全冇味，碟油菜又係冇味 垃圾小店，不要光顧浪費時間及金錢！

近排時常要出尖沙咀做野，但其實尖沙咀除了一些知名的餐廳和高級食府以外，還有什麼好食呢？但細心一想，原來在廣東道附近，還有在香港寥寥可數的熟食檔，這就正是我們昔日一起長大的地方，今日就走入這行內幫襯這間名叫《 仁利粥粉麵 》熟食檔裏面的環境，就正如我們從小長大的情景一樣，內裏沒有豪華裝修、沒有柔軟的梳化今日懷舊一番，叫了一個芙蓉蛋飯仍然採用一些傳統的煮法，裏面有芽菜叉燒等的配料，表面煎得甘脆，但裏面仍是柔軟用上一個傳統玻璃杯奉上的熱菜蜜餐牌形用想一些傳統的做法，簡單清楚

一心嚟食德發，但初五未開爐，結果食仁利⋯⋯⋯之前都中過一次伏㗎喇，碗丸米冇咁好味仲要貴$5 （德發$30碗）今次食魚蛋河，味道叫做接受到，但份量超少。叫多碟油菜，大家睇相就明，hea到呢⋯份量又少又有陣怪味，仲要收人成$15碟。食食吓仲聽到仁利個老細（男人）同其他食客講德發壞話，話人地啲只係名牌效應，丸係深圳丸，同埋人手唔同晒，已經唔係上一代咁好～雖然佢講嘅有可能係真，但用人地德發張檯仲要講人地唔係太好囉。 講返食物質素，其實仁利可以更好，可以扭轉劣勢，唔洗一味做Plan B。

今日lunch食唔飽，所以決定食返個下午茶充下饑先叫左個西多士，呢個多士好特別，花生醬係查係上面，而唔係放係入面，食落去都幾得意，內脆外軟！切開西多花生醬就流入去內面鋪頭老細好攪笑

之前跟老公黎過幾次街市吃牛丸的我，一直無留意間餐廳叫什麼名。。。如今就狠狠的中伏了一次！是日跟細佬行完街諗住食小小野 醫下肚 就心懷好意帶左佢去街市吃出名牛丸一穿過花店就見到位滿面好笑容的肥叔向我們招手：食牛丸呀？兩間都一樣嫁！唔洗行 呢度有靚位呀 隨便坐！就係佢強調果句（兩間牛丸都是一樣）我們就信左佢 坐低了......我們坐低左就叫了兩碗牛丸粉 一枝可樂 一杯奶茶。幾分鐘黎兩碗粉來了，牛丸無大問題，但個湯無腩汁味，反而有陣漂白水味，筷子都係.....我食了幾口粉和兩粒牛丸就忍不住停止了。一碗牛丸河$30，可樂$10，奶茶$15。真係好後悔的一餐。埋單後 我故意行前問德發員工 原來牛丸係德發賣俾仁利 但湯和面各自主理。呢間店甘差都可以立足甘內 大多因爲很多不熟路的客人慕名而來 但為的是德發牛丸。。。

很久以前嚮附近返工幫襯過街市熟食檔趁今日經過再去下因為事隔太耐已經唔記得以前幫襯開邊間一入到去就俾個大叔熱情咁招呼坐低左亦係今次中伏嘅開始…餐牌冇乜選擇（相對一般茶記，大排檔）揀左好耐，終於叫左個生炒牛肉飯+凍檸茶炒飯好似冇炒過咁，只係用美極係咁意兜一兜牛肉唔係平時一般用嘅肉碎，而係肉片切細，咬落好韌生菜亦唔係切絲只係係咁意撕細，亦都好黃好老平時對食都不大要求嘅我都覺得難食到一個點食食下腦內先浮現返以前幫襯開係入面嗰間（雖然唔知有冇轉過手或轉左師傅）想嚮度奉勸想去呢個熟食市場幫襯嘅人，唔好因為一入去就俾第一檔嘅熱情款待截住而就範，雖然我唔敢寫包單其他檔一定好食過呢間，但點都起碼俾自己多D選擇

一心去「德發牛丸」食過牛丸做下午茶, 點知去到「德發牛丸」招牌前有位伯伯話食牛丸係呢度, 沒有在意下跟著伯伯坐底。望望餐牌原來入錯左間叫「仁利」的大牌檔。主理大牌檔的竟然是位女士。張錯就錯就試下這裡的淨牛丸$31。 牛丸外貌粗糙不太討好。咬下去好有咬感, 味道濃郁但唔肯定是否只有牛肉味。這裡的牛丸是自家製, 但是我喜愛彈牙的德發牛丸。湯底清但油, 應該加些腩汁會好。另有數條表面有光澤又油淋淋的生菜。這樣的下午茶用上我$31。

上次黎呢度都唔記得係幾時喇…今日同同事A去完海港城做完野行過去搭地鐵，想食少少野又想平平地又想快快手，原本想落silver food court，但又記起上次落去都無乜好事，於是就拉咗同事A入海防道熟食中心。我叫佢求其揀一間，佢就揀咗呢間…咁我平時食開「得髮」，未試過呢間，咁就一於試下啦。一般牛什粉麵茶餐的menu，今次叫左個牛丸麵同牛腩麵。牛丸麵同平時食開旁邊的「得髮」爭少少，元朗係屬於幼滑形，而佢同旁邊屬於粗獷形。但有咁raw味先似番大排檔！麵就一般貨色。不得不提佢個辣椒油，絕對有畫龍點晴效果。牛腩炆得都叫入味，但就唔夠稔，大排檔水準來說，差不多。叫埋凍奶茶同凍檸茶，埋單都唔駛八十蚊，無得投訴但諗唔到點讚好。下次都係食番隔離屋

看《多啦A夢出生前百年祭》的一天，早早來到尖沙咀，草草來到吃早餐。這間位於海防道熟食檔的「仁利粥粉麵」，雖然主力是賣粥粉麵的檔口，也有兼營早市，售賣的都是一般的港式茶餐廳早餐。說真的，大熱天時，在這個沒有空調，只得牛角扇降溫的地方，當然不會吃得太舒服，但一頓早餐才不過花費十來分鐘，問題都不算大。叫來「鮮牛肉麵 + 火腿煎蛋 + 凍檸水」早餐，蛋煎得太熟，不是自己喜愛的半生熟蛋或太陽蛋，鮮牛肉雖說是鮮牛肉，吃來卻不太覺有鮮味，令自己有點失望。埋單計數，這份早餐都要$25，與一般茶餐廳的價格相若，不算特別便宜，可質素卻只實在普通得很，下一次，相信我也未必會幫襯了。

話說上週獨個兒到尖沙咀取文件，搞掂時大約 4:30pm，肚皮有點打鼓；但飯局又約了在 6:30pm，不想飽著肚子赴會，所以就決定打打附近小店的主意，到海防道街市「德發」整碗乒乓牛丸過過口癮。到過海防道街市的朋友都知道，入面幾間大牌檔爭生意是爭到頭崩額裂。要行入「德發」，必先要經過「仁利」，所以「仁利」在位置上是佔了點地利，食正條水。急急腳衝到入面的「德發」，嘩，全院滿坐。正當進退兩難之際，「仁利」的肥老板就發功：「埋嚟坐，埋嚟坐，一樣㗎！」明知你當我羅拔，點會一樣呀，都唔同名；不過見老板你咁落力兜客，幾大就幾大，燒賣就燒賣啦。一坐低已看到「仁利」的名物 - 老闆自製蝦米辣椒油。辣油內有粒粒蝦米、瑤柱、花椒等，用來醮牛丸應該會不錯。「剩牛丸」$24 一個印有「仁」字黃碗火速被奉上，速過「速治靈」。牛丸吃得出有兩款：一款是剩牛肉，質感平滑，口感彈牙；另一款是混合了牛筋的牛筋丸，外貌及口感均較粗糙，較有𡁻頭。個人覺得「仁利」的牛丸不及「德發」的彈牙爽滑，但它的牛筋丸則較得本少爺歡心，牛味濃郁，有點像吃將牛腩變做圓形的「分子料理」；加上有皇牌辣椒油坐陣，總算與「德發」是各自各精彩，各有棒場客啦

今日無去興發 去左隔離嘅仁利食隔一排無去食就會心思思想再去食就係因為衣度嘅辣椒油 辣度啱啱好對我衣啲食辣愛好者泥講真係幾正湯底更是不在話下 差啲就飲哂成碗湯老細都好好人 送左支汽水過我 係度講聲thank you實話實說 有競爭才有進步 一個熟食市場怎會容不下兩間麵店希望兩間麵店保持良性競爭 生意長做長有

是日很早放工, 但距離晚飯時間尚有4小時, 路過海防道, 突然想起可到熟食中心'醫肚'來個茶餐, 於是二話不說便轉了進去, 然後隨便坐下這第一家大排檔從未光顧過這家, 看見牆上原來有各式各樣的食品, 除了港式茶餐的麵餐及三文治餐外, 還有中式的炒粉麵粉及各種雲吞,魚蛋,牛腩湯麵等食物, 但不簡單, 小小一個廚房, 竟有這麼多選擇點了個常餐, 沙嗲牛肉其實沒什麼沙嗲味, 有點兒失望, 只是像一碗牛肉米呢.... 米粉很多, 煮得恰到好處半生熟奄列很美味, 不會太淡, 應該是雞蛋新鮮很有蛋味, 少許火腿, ok!環境始終是大排檔, 沒什麼可以要求, 但員工很有禮, 值得一讚!

來到尖沙咀工作, 去海防道的熟食市場, 吃個早餐, 這種熟食檔好在選擇多!仁利的食物素質不差,西多士檸茶一般茶記必備, 及格有餘,!西多士新鮮熱辣辣, 難得不太油膩!當然大排檔環境不要望太高!

要在尖沙咀找一處食物價錢(和環境)都地道的地方歇歇腳, 海防道熟食檔是率先彈出來的選擇。而其中又有好幾家茶檔, 賣的東西即使大同小異, 各家總有其招牌菜: 德發有看家牛丸, 華香園的豬排誘人, 興發賣正宗新野, 來到仁利, 我會說, 是它的惹火蝦米辣油。說實在, 仁利的食物素質不差, 一般茶記必備的多士奶茶檸茶等及格有餘, 西多士新鮮熱辣做起來難得不太油膩, 牛丸亦算彈牙可口, 但來這裡的醉翁之意總不在那一碗淨牛丸, 而是老闆自製的蝦米辣油。除了一粒粒的蝦米, 辣油內還有花椒、八角、瑤柱等, 篤粒牛丸醮辣油, 香、辣、麻、爽, 一字記之曰: 正! 喜歡的話更可買樽辣油回家慢慢品嚐, 夜深, 煮個泡麵加匙辣油, 又是一頓簡單好味的宵夜。老闆好客健談, 東拉西扯開開心心又消磨了些時, 也不錯.。有時, 來如此地踎的茶記, 吃東西,更啖其人情味。這種熟食檔好在選擇多, 各有千秋, 肯花時間總會嚐到每家的好, 肯用心總會找到最合自己口味的一家, 無需太在意孰是孰非、孰正孰假。