仁利粥粉麵 (已結業)

十一月上旬•晴 為來緊的飯局準備，與店方商討完畢，自己來了海防道的熟食市場找吃的。天氣涼涼的，來這裡就最好，因為很多檔口也是「明爐」煮食，坐落是暖笠笠的 ~ 當然是不計當中的油煙味。 要了叉蛋飯，叮囑蛋要太陽蛋，不要太多醬油，扣底。 雙蛋是煎得好靚，喜吃蛋的朋友，看見一定會開心一點。將蛋刺穿，讓蛋黃及半熟蛋液混和醬油，流下熱飯裡一起吃，已是美食。叉燒又廋又韌又柴，除了貢獻一點點的甜味以外，一無是處。 連熱咖啡一杯，埋單28蚊，吃得飽飽的，回去繼續工作。

處于尖沙咀, 又想吃清一點, 於是乎便想起吃碗粉~靈機一閃，便想起德發牛丸。 其實也7時多，也怕經已關門。男友先走進街市，還有一檔叫仁利的，大叔說那邊(德發)已收，這兒8時半才關。其實聽後覺得有點奇怪，因為以前也來過這兒，每次步進德發附近，很快便會有阿叔阿嬸說這邊跟那邊是一樣的… 但既然一樣…為什麼”那邊”又會早點收的呢….? Anyway, 我餓了… 於是便決定坐下來了~我們叫了以下:牛丸河 ($20) – 有5粒牛丸，牛丸爽滑，湯夠味，整體ok。唯一不滿是，我滿了菜後，大叔竟放低了一句:”好~ 多謝你，阿姐~” 阿叔你叫我”阿姐-------?! 牛丸腩河 ($20) – 牛腩夠腍，也很入味，不錯啊~生菜 ($8) – 選了腩汁，沒什麼特別。大叔說原价是$11, 見我們有誠意便$8 給我們喎。整體食物品質不差，大叔都很好口。其實來過這兒共3次…但看過這兒的食評及經歷，我們開始懷疑自己中了兩次伏……嗚…….究竟我們有沒有真正嘗過真正的德發呢 ?! 如果真的如各食家所說，他們真的這種手段搶客，便太不要得了。本想給一個笑臉支持... 但卻怕真的被騙... 暫只給予ok~不過，,下次再來

是日o係尖咀見完工, 行去熟食檔度食野.今日又想食常餐o個d set. 一入到去仁利個老細就話咩有位坐啦, 咩野食都有, 本來我都冇采佢, 但佢遞左個常餐o個d 餐牌比我又令到我停左落黎本來其實係想去xx園, x記o個d 檔, 之後諗哩度間間都未食過架, 求其啦, 就坐落左睇睇下個常餐又唔係好吸引, 最後都係叫左芙蓉蛋飯. 因為太耐冇食過了凍奶茶少甜唔係幾岩好口味. 勁重奶味, 冇乜茶味, 甚至可以話冇. 好淡的說.芙蓉蛋飯唔錯. 佢落左d 蔥花咁, 所以食落真係幾香.但係d 叉燒就少得可憐, 係一粒粒咁, 有幾粒啦.還是掛念現代茶餐廳一片片叉燒咁真材實料既芙蓉蛋飯. 但這個都不俗. 但只夠香而冇料.個飯比較林身, 過多水既感覺, 冇乜飯香.其實哩間野真係好似黑店咁. o係門口已經截住你.當然你可以唔落踏, 但有唔少人都係黎過1,2次.我自己一個食緊飯o個時都見到有d 2個人黎食牛丸既, 個老細就話坐哩度都得, 一樣架, 可以叫o個邊o個d 過黎.到最後係唔係我就唔知啦, 不過如果叫得哩個老闆落單既都應該兇多吉少.其實哩個老闆我睇得出佢好熱情, 但就用錯做法, 令到神憎鬼厭下次醒水一野

週日，身體雖然不適，不過晨早購了票去看詹瑞文新劇，也要頂硬出門。沒甚麼胃口，只想簡簡單單吃碗粉，太公公記得海防道有檔的牛丸不錯，也就一起去試試甫走入熟食檔群，尚未攪清內裏乾坤，仍在茫然地左顧右盼之際，第一個檔口 - 仁利的店員，即時熱情招待，成份人「得」住個去路；由於太公公只記得有牛丸而不記得店名，抵不住店員的熱情，也就坐下來了。我要了雙丸河 - 雖云雙丸，魚蛋居多，牛丸才有兩粒；不知何解，兩粒牛丸色水竟各異，教人莞爾不已；吃畢色水較淡的那粒，完全不覺甚麼特異之處，魚蛋更是below average的貨色，不夠彈牙之餘又冇魚鮮，而河粉不夠爽滑，某幾條更因不太新鮮而略帶酸縮之味；只是湯底有牛骨的鮮甜，使整碗粉，剔走變質的那幾條後，尚算可入口。太公公的魚片頭好一點 - 魚片頭雖也只是一般貨, 不過勝在上碟是夠熱辣辣，食味甚豐，較丸類好。店員推介桌上的蝦米辣油 - 加了蝦米的辣油的確頗香，比一般粉麵店要好；但未算非常出色，要專乘來吃的那種。太公公一碗麵不夠吃，要多個淨雲吞 - 雲吞硬實，蝦味欠奉，添加之味大過天，一字既之曰，難吃。在沒有冷氣的熟食檔，這幾碗質素一般東西竟各索價二十大洋，汽水還

今日第一次去, 同樓上位仁兄一樣... 中伏.本來係諗住去德發食牛丸面, 咖央, 一入去, 見到好多人. 咁門口有個男人問食邊間呀? 我地答話德發, 佢就話德發係呢度喇, 坐低啦.但一坐低, 發覺唔對路.. 明明係寫住仁利 (德發同仁利就係響隔離)不過條肥佬話呢度聯合國黎, 坐邊都一樣, 德發D野食可以叫過黎架(後來先知, 事實當然唔係咁).先叫碗牛什河同淨牛丸, 個肥佬話德發淨係得牛丸, 牛什只得佢地有, 咁佢幫我地響德發叫碗牛丸過黎, 牛什河就佢地既. 之後咁再加個咖央, 佢又話德發冇茶水, 得佢地有(但明明睇到德發有茶水)好. 咁算啦, 反正都比人呃左坐低, 又叫晒野. 公平D, 一來安慰下自己, 諗住或者會有驚喜呢...野食黎到, 個牛什.... 離晒譜, 牛腸同牛磅... 酸的... 壞既都照賣..咖央... 只係一件普通的奶醬多.我真係一路食, 一路響度爆粗, 拿拿林食埋個牛丸就走.食完之後三個字... 一肚氣.*********************************************************************************

下午茶肚仔餓，想起原來自己未到很出名的海防道熟食市場，(應該是臨時先真，但臨時了很多年)，本來想去食牛丸，但係德發個爐壞左，要第二日先有貨，真係黎得唔著時，於是去了隔離既仁利，叫了一碗牛什米麵，加一杯涷檸茶，三十幾蚊，下午茶黎講都算中上價，牛什很「林」身，都算有咬口，味度唔錯，很香，米粉亦入味，而且很大碗，呢度食野都算可以接授咁啦，當然大排檔環境不要望太高，要預了隨時有小強老鼠在地下走過了。

同事們一心帶我去德發食牛丸點知一入到去就比個肥大叔截住咗仲話食牛丸得一間就係佢地半信半疑既我地就坐低咗但越坐越唔對路明明個餐牌寫住仁利不過最後我地都叫咗分別係牛丸牛肚河, 牛丸墨丸面同牛丸墨丸米食咗第一担後我地都不約而同咁覺得自己入咗黑店因為佢根本唔係我地想食既個間牛丸店而且佢個面係超難食又硬成口都係粉我咁大個女都未食過咁難食既幼面之後我地仲不斷咁聽到仁利啲人猛咁話得佢地一間牛丸真係好過份做生意啫駛唔駛咁啊自己技不如人就用啲咁既陰招總言而之我以後都唔會幫襯仲一定會講晒比其他人知要小心提防呢間黑店要食靚既牛丸就要行入啲千祈唔好比仁利啲人昆到

想吃碗牛丸河，走到海防道街市排檔。在這兒一向生意爭至頭崩額裂的，有在門口"食正條水"的仁利及入面的德發。每次來到，都會對仁利的夥記視而不見，"嗱嗱聲"快步坐進德發裡。但不知怎的，是日很有興趣吃吃仁利。於是未待企在門口的阿姐作聲，小弟已找了個位置坐下....跟在德發一樣，同樣地來個牛丸腩河。先喝湯底，味極淡，大皺眉頭；再吃一口牛丸，爽是夠爽了，但肉味欠奉，跟德發的不能相比；牛腩質感不算很韌，但跟那湯底一樣，也是淡出個鳥來還是走多兩步路，往德發去吧

我喜歡一個人四週圍找吃，因為我覺得只要肯去搵、細心搵，必定會找到好東西食，哪怕撞幾次板。工作忙到一頭煙，早午不留在店食飯了，出去清清靜靜食一餐，想想怎樣解決麻煩事。身處海防道的我，忽然想食叉蛋飯，就走入去臨時了十多年的臨時食肆找吃，在仁利坐低。同阿叔講要碟叉燒滑蛋飯、凍檸茶，端上台時卻是叉燒煎蛋飯。唔緊要，難理它是滑蛋定煎蛋，好食就行了。先講煎蛋，蛋黃溫度足，同埋蛋黃流入飯，與鼓油撈埋一齊食，雙重口感。如果蛋邊可以煎得脆口一點，我會更加欣賞；叉燒薄切，不會過瘦，件件都保留了一點肥肉，合晒心水，而且叉燒亦唔韌，幾好的；就連最多人忽略的鼓油汁也可，我不知道醬汁是否自家制，但甜甜的味道，與白飯和叉燒都很匹配。凍檸茶偏甜，正是我想要的，若能冰凍一點就仲好。叉燒煎蛋飯是滿意的，但那個阿叔成日吹水話佢同德發係聯營，"昆"人坐低，這點很令我討厭。

21/10(二) 1:45pm如常從上環破波到尖沙咀午膳.迴避人滿為患之地,闖入海防道街市內的"仁利",吃了老闆推介的片頭搭雲吞河$22.數個三角柱體片頭彈牙之餘也富綿度,原味不輕;巧手雲吞2小粒,蝦肉挺爽鮮,全搶去豬肉鮮;可惜!至於河粉質地薄滑,適量地索入牛味溫婉的湯底.不過才$22(單併$20),還可嚐其另一鎮店之寶-蝦米辣椒油,划算!

唔記得邊日放假唔洗返地盤，同工友一齊來呢度試食牛丸講真，可能希望都幾大，所以帶住0的失望離開，入口牛丸確係無咩渣，不過咬落不爽也很腍，唔太鍾意呢種腍的感覺﹗味道無咩驚喜，亦不能說不好食的﹗叫做一試吧﹗

尋日lunch終於克服心埋的潔辟障礙, 走去海防道街市諗住試吓德發咖央多. 一入到去, 有個男人叫我坐底, 我問係咪德發, 因我見到招牌上寫住仁利.佢話佢同德發聯營, 德發只賣牛丸, 乜其他都冇賣.由於第一次自己嚟, ,於是乎信佢, 坐底叫了個咖央多及熱奶茶.等既期間, 都唔少人嚟食, 但見冇一個人理呢個男人, 心諗中伏. 但既然坐底, 唯有扮冇嘢, 個男人仲主動同我吹水, 心已存疑, ,頭其呼敷幾句算.先來熱奶茶, 毫無茶味, 不合格! 大排檔奶茶豈容亂冲!再來咖央多, 當然唔會係喺德發嗰面拎過嚟啦, 完全出自仁利茶水部既手筆. 但作為食家, 要有高EQ, 對食物唔對舖. 厚多士, 面微脆, 裡算軟淑, ok的, 再燶少許更好. 但個咖央醬塗得勁hae(有相為証), 好頭其, 又一個唔及格.埋單18蚊, 不算貴, 但俾得唔甘心, 一來嘥咗個lunch既quota試正嘢, 二來又嘥咗喺老尖食新嘢既機會, 事關喺老尖得番一日既壽命, 而我將會去德發!俾錢後, 我再行去德發親身求証, 德發當然立刻劃清界綫, 話唔同集團啦!小弟對於仁利呢種極不道德, 極卑劣的手法, 極度嚴惡加反感! 希望各

如果在海防道一帶打滾,理應知道新港隔離,"臨時"了十多年的街市,有兩間賣牛丸賣到日日踢"打比戰".一間為德發,一間為仁利.其中仁利的地理環境最為優秀,在正路口位,很多客人也被"捷足先登".場內環境陰森如黑白森林,相信很多人會為之卻步.小弟連坐在污穢不堪的煙廠街,吃炭爐雲吞麵也試過.區區一個臨記街市,又點會難到我?來一碗牛筋丸米,入口有咬勁,彈力度十足,味道充斥著牛肉的鮮.連碗湯底也不瀨,喝到來自牛骨的香氣.米粉同冬菜,拍埋一起,即刻無地自容.很難說德發同仁利兩者之間,誰是在這個森林中的老大,不如說大家各有千秋,或者會比較合理.

聽人講話里個街市入面有正野食所以去試一試點知俾里間野昆咗話晒第一次唔知訂一入門口位就俾個肥仔捉住"食野坐吖湯粉麵乜都有坐里度吖涼啲呀入面都係我地架坐吖"全無間斷一輪咀好似背台詞咁咁我同老婆就坐啦, 肥仔就攞幾張menu黎,"睇下食咩吖, 全部餐黎架包汽水凍熱飲"老婆叫咗個牛筋丸麵我就要咗個什麵加兩支可樂跟手就見到阿加菲(呀唔係, 係米奇)左左右右周圍走(算, 我時運高睇唔到)到野食黎喇, 點解咁黑黝黝嘅?照食, 咸到七彩, 啲麵好似橡筋難咬到極, 牛什夠全神,梅梅爛爛乜都有啲, 里啲先叫牛什嘛, 下省千字....熱得劑唔好食飲埋支可樂走啦(老婆話支野有曱甴屎味, 佢對曱甴好敏感)"多謝50蚊吖""兩碗唔係34咩""你有兩支汽水嘛""咁你又話餐黎嘅包野飲""唔係, 里啲先係餐黎嘛(其實唔知佢指乜)"我老婆就禁住我"算啦一次過囉"肥仔就話喇"唔係, 唔緊要"我即刻著咗 "唔乜野係呀"(我都唔知佢想唔係咩)老婆又出聲叫我俾錢走, 我就焗住度氣照俾所以請各位小心, 花檔直入門口第一間就係佢(都係果句, 有零分我一定俾零分)