今助烏冬御膳 (已結業)

去旺角食飯係好頭痛，等位好耐，野食質素未必好好，但這間今助都值得推介，等位時間唔算好耐，平均15分鐘左右都可以入座。今次我揀左兩個餐：1.雞肉湯烏冬，吞拿魚飯。雞肉烏冬係黑椒湯底，味道不錯，清清地，又有淡淡黑椒吊味，雞肉爽滑，烏冬都彈牙。可是吞拿魚飯魚生不算新鮮，但唔會好腥。2. 蜆肉烏冬，壽司。湯底好好味有清酒香，蜆肉新鮮，值得一讚。壽司都係唔新鮮。總結烏冬質素很好，難得一間食物賣相與圖片相同的餐廳，魚生壽司就可以避免叫，服務，等候時間，環境都ok, 價錢都算合理~

今助烏冬御膳🍲食物款式十分多，沒有選擇困難的我看到menu 都不知道揀什麼食物好，因為樣樣都想吃😆😆最後決定了🐔🍜雞肉烏冬鍋定食及壽司套餐🍣壽司的魚生非常新鮮，我不吃鰻魚對它毫無興趣，但朋友是愛吃她說十分美味😚😚烏冬也是我比較少吃的，不過來到這裡不嚐一嚐是沒可能的，烏冬質感軟滑不會太淋彈性很好，天婦羅炸物也尚算可以。價錢算合理，整體上不過不失。難怪他們沒有電話訂位，需現場walk in , 輪候時間需時起碼半小時或以上。今天是平日晚上也需要等待45分鐘，還有服務員的態度有一點不友善，可能是太忙了吧😂😂😂 這家食肆也值得再幫襯的，但請不要要求服務質素太高🤣🤣🤣

好耐冇食日本菜 係雅蘭中心原本諗住食抹茶館 但一個烏冬都要七十幾蚊 呢度都係＄85就有昆布烏冬配七件壽司 感覺好似抵啲😽烏冬算幾大碗🍲 上面有一粒粒唔知咩嚟但幾好味 似沙律上面嘅麵包碎🥗 覺得昆布味道同平時食嘅有啲唔同 但係又講唔出不同之處🤔烏冬煮得啱啱好 非常彈牙 分量亦唔少🍜 好夠飽另外七舊壽司擺放得好精美🍣 雖然唔差 但刺身都唔太新鮮 Wasabi唔夠攻鼻 整體來講呢個午餐份量非常足夠🐷 但係日本菜來講刺身可以在新鮮啲同凍啲😢

星期五晩做完gym，朋友話想食日本野，咁凍唔想周圍行，就近近地去今助，估唔到9:30pm都仲有好多人等位，好彩等得唔耐。d坐位對揹住大背囊、著羽絨褸嘅我哋嚟講，係迫咗d，枱同枱之間嘅setting亦好近，成日好易同隔離枱你眼望我眼，有d尷尬。講返食物，我叫咗蛤貝味噌烏冬定食，湯底嘅味噌味唔算濃，反而突出到大蜆嘅鮮味，加上有6隻大蜆，蜆肉鮮甜啖啖肉，好味又抵食！壽司就細細件，魚生新鮮，但切得太薄，食唔出味道。後上嘅蒸蛋，賣相就ok，但就太水，食咗兩啖，半碗都係水，難食到放棄咗！絕對嘅敗筆！

行開旺角食到冇咩好食，見到呢間同日本定食店九成九似樣既餐廳，就睇下你係咪得個樣～門口display左好多睇落好好食既定食sample, 都好得下！選擇困難下揀左個溫泉蛋撈烏冬更婦羅定食凍既撈烏冬都唔錯呀，烏冬幾彈牙，加埋半熟蛋既蛋黃撈埋一齊，好正呀個天婦羅就普普通通，有炸蝦，青椒，冬菇，冇咩特別餐跟埋果幾件壽司都麻麻地，唔太新鮮，可能太夜食卦，我諗早d食會好d既成個餐好多野食，一定好飽，但話好好食又唔係咁囉

同朋友做完gym, 在雅蘭行了一個圈，見到餐廳廚窗的食物模型太吸引了，便入去食。對於有點選擇困難症的我，看了菜單很久，實在太多野揀了，烏冬，壽司，刺身，天婦羅，應有盡有。香濃滑雞烏冬鍋：配香蔥吞拿魚魚生飯烏冬鍋湯㡳有濃厚的黑椒味，在寒冷的天氣下食，仲可以驅寒。吞拿魚新鮮蛤貝味噌鍋配五味壽司個鍋底用左清酒加味噌煮，清甜可口。蛤肉都大隻鮮甜。壽司賣相普普通通，食落都還可以，食完烏冬加壽司極大滿足感。牛肉溫泉蛋天婦羅壽司御膳個溫泉蛋上菜的時候爛了，烏冬比上面個兩個差，雖然都彈牙，但湯㡳無咁出色，而且唔夠熱。天婦羅後上，所以另外一張相補上，天婦羅有青椒，蕃薯，蝦，冬菇，好豐富呀。

天氣轉凍,想食啲熱呼呼的東西.係網上揾到呢間主食烏冬的日式餐廳,見都幾多好評,所以就同朋友去試下.把烏冬放係店名上,自然令人覺得呢間店的烏冬有過人之處,但係食落卻是感覺普通.我食的牛肉烏冬鍋的料算多,不過牛肉有啲嚡,湯底係有點淡的甜醬油味,蔬菜好似没有跟湯底煮咁,一點醬油味都吸唔到,而主角烏冬亦不見滑溜彈牙過人.我覺得同連所個間賣日式牛肉飯的比,連所店的烏冬更加滑.朋友點的豚肉香滑酒糟糖心蛋辣味麵豉湯沾烏冬比我的更差. 豚肉又嚡又無味,最差係個沾麵汁好鹹,一啲都唔好味.最後朋友食一半碗就放棄了.呢個價錢係一定能食到更好的質素.

因為要去買野所以出左旺角，諗唔到lunch食咩就上雅蘭中心行下，點知俾呢間餐廳啲食物模型吸引左😂，於是就衝左入去食。我地1點半左右去到，人唔太多只係半滿，但坐左15分鐘後竟然見到外面開始排隊，真係好彩。唔知點解突然好想食肉，本身想就咁叫個牛肉鍋燒烏冬，但又心思思想食壽司，於是決定叫個set，多$25就有埋份壽司🍣啦。就咁睇menu佢寫叫牛肉鍋配壽司，點知黎到發現原來佢都係有烏冬喺入面！湯汁係甜湯，但甜度剛好，我食鍋烏冬嘅中途都冇飲過水👍🏻。不過烏冬加壽司真係太多，下次都係單叫好了。

在2017年曾經光顧過兩次。記得當時的食物相當不錯，有燙口的鐵鍋烏冬和熱辣辣又鬆脆的天婦羅。雖然價錢不算便宜，又要花時間排隊，但也樂於幫襯。但今晚再來，實在令人相當失望。我們點了一個牛肉鍋烏冬和一個山海烏冬。吃了一口，便覺得相當奇怪，因為烏冬和配料都是涼的，完全不是之前那種熱騰騰的鍋烏冬，同伴的蜆甚至只是僅僅煮熟。我仔細看了一下我的鍋，發現依然有熱氣冒出來。我嘗了一下鍋底的湯，確是遠比烏冬和配料熱，但當三者混合後，整個烏冬只是稍稍暖和了起來。至於天婦羅，也是處於「攤凍咗」的狀態。總括來說，由於溫度不夠，鍋烏冬和天婦羅的口感都十分油膩，完全沒有之前光顧時的水準。

每次去親食樂天王朝，都會比呢間日本餐廳既display吸引住。所以今次特登黎試吓但係食完真係好失望。餐廳環境裝修其實幾舒適，但係枱同枱之間既位置非常近。個餐一送上黎 係覺得好吸引係開心嘅因為自己最鍾意就係一盤野一邊有好多唔同種類嘅食物。我哋個套餐有牛肉烏冬、天婦羅,同埋唔同種類嘅壽司。但係張相應該都睇得出壽司卷剩係得舊飯餡料好小 而且啲飯好爛好黏口肥牛烏冬肥牛好似食緊香口膠天婦羅屬於比較正常 但都係好厚炸粉我哋另外仲叫咗個推介嘅牛柳粒飯但因為等得太耐 而且送上黎個樣都唔太吸引 所以都唔記得咗影相朋友淨係話啲牛肉好銀 啲汁好少可能太有期望 所以失望而回

去食只有一個原因，就係想食一個熱辣辣烏冬！上次行過見到個餐牌，好似幾好食同幾抵，所以今次專登出去試。原本上菜見到鍋烏冬個樣幾靚都好開心，但食第一啖就覺得出事啦！因為犯左一個死罪：就係完全唔熱！一鍋暖o既烏冬，連裡面浸住o既蜆，扇貝，冬菇都完全唔熟！如果唔係等上菜已經等左好耐，係好想叫佢換過！我知星期六晚多客係好忙，但咁簡單維持食物熱度都做得唔好，唔可以接受！其他天婦羅，壽司都好麻麻！真心講一鍋暖烏冬非常難食～

位於雅蘭中心上邊所以很近鐵站。是一間格局於旺角中難得不會覺得太逼迫且價錢寶惠味道不錯的店。這套餐連加一約100出頭，加了溫泉蛋牛肉烏冬跟五件壽司及少量醃漬，份量不少吃完肚子超飽。牛肉如圖不會少的，烏冬不會有非雪藏後那種酸味，雖然不會超滑但都屬不錯的質素。戳破溫泉蛋後配上牛肉切薄片就中規中矩不會太韌，湯底不會很咸明顯不是味精湯，最少配湯加烏冬的吃，吃完完全不需要喝很多水。壽司上的魚生不會有重身的魚腥味是入口挺軟身肥美。這間店很不錯會再來在旺角而言很滿意

要在假日的旺角找地方吃晚飯真不容易，本身是想去今助樓下的大和豚，（之前試過很普通）但看看水牌原來樓上也開了不少食店，最後在抹茶館和今助之間，選了今助～今助是完全不用等位，我們雖然是兩個人，但被安排在四人位，所以坐得很舒服又闊，不過因為是半開放式，所以全程都是一面出汗一面吃😅餐牌主要都是烏冬，有單點和定食套餐，怎樣的配搭也有，花多眼亂 烏冬鍋可配壽司，刺身，天婦羅，迷你丼等等；我點了牛肉烏冬配刺身，套餐已包天婦羅，比想像中大份很多，天婦羅有兩隻蝦和兩個蔬菜，炸粉不會太厚，不錯；刺身也很新鮮；烏冬鍋超大，牛肉也好多，吃得超飽。男友點了雞肉烏冬鍋加迷你吞拿魚丼，那個丼一點也不迷你🤣雞肉是用雞柳，不會太鞋；吞拿魚丼也比想像中好食，男友飽到上頸；大約$150 - $180 就有一個餐，絕對比和民抵同好食好多，如果冷氣可加強就更好 會再encore

其實呢間店係旺角都好似開左好耐，但係今時今日我先知有佢既存在🙄👁‍🗨山海烏冬鍋 💲 85呢日就叫左個山海烏冬鍋🙃睇個名，大概都估倒佢係同海鮮有少少關係，所以入面會有天婦羅炸蝦🍤同埋蜆，但係因為個天婦羅係係個烏冬入面，所以要盡快食左佢，如果吾係就會腍哂，變到好難食🙆🏻至於牛肉，菇同金菇，因為吸哂烏冬鍋既湯，所以好入味幾好味🤤鍋入面既蛋就算過左一陣，都仲係流心既效果，而重點既烏冬份量適中，岩哂一個人食之餘，仲要係滑嘟嘟吾酸既果隻烏冬Tim🔛 整體評分（7.5/10）

其實已經食咗兩三次。。。都覺得食物Ok就去食下。。。我5:40左右落單到6:10都冇嘢食 但遲嚟嘅其他人 一家人啲嘢食都已經到曬。。。。。我叫個阿姐 同佢講啲嘢未到佢睇番原來未落單。。。😒現在6:30都未有嘢食 我決定埋單ps我訂咗飛6:50睇戲