影片
港鐵中環站 K 出口, 步行約2分鐘
繼續閱讀
電話號碼
23202202
30011658 (WhatsApp)
付款方式
以上資料只供參考, 請與餐廳確認詳情
其實…大鄉里嘅我都係第一次食Omakase，所以當靚媽約我去食好嘢，我就緊係話好，要去見識見識一下嘛！我地去左位於渣打銀行大廈ODDS內嘅今鮨，我地由店員引路下到詳二樓VIP房間嘅今鮨。入內係木系裝修，整體上都係舒適嘅，有一種自成一角嘅感覺。我地揀咗發辦嘅13件，當準備開始時，佢都會問我地有冇食物敏感..等等，好貼心呢！先嚟前菜，有什菜沙律同埋日式蟹肉蒸蛋。不得不提下個蒸蛋，滑溜溜的嚟又超香蛋味，而且仲有好多蟹肉添。之後就睇住開始為我地準備13件，其實每一件魚肉都好新鮮，而所用嘅赤醋飯比例恰到好處，所以飯團同魚生兩者的味道可以更加夾。深海池魚 - 肉質鮮嫩肥美，而且魚油甘香，味道都好濃厚。地金目鯛 - 質地柔軟細膩，口感細膩甘甜，添加食用花令口感更加豐富。赤貝 - 口感脆嫩，而且入口會帶點點柑吉味。白蝦 - 由多隻細細嘅蝦仔團放在一齊，與平日食的蝦壽司口感非常唔同，感覺都好得意。獅魚 - 肉質緊實而且口感肥潤，最特別係加上柚子胡椒作調味，所以食後會有陣陣酸酸辣辣嘅感覺，絕對係驚喜之作。鯖魚 - 魚肉厚身但都好有彈性，加上帶有少少蔥花，所以入口就會由蔥香帶出鯖魚嘅香味。拖羅 - 來自青森縣大間嘅拖羅，佢嘅魚味濃郁，而且油分適中，所以有入口即溶感覺，超級喜愛…大讚呀。鮟康魚肝 - 有「海底鵝肝」之稱美譽嘅珍貴食材，而且係秋冬季時令食物，肥美濃厚嘅口感，真係充滿驚喜。海膽 – 超級鮮嫩而且味道濃郁甘甜，口感細膩絕對可以用入口即化嚟形容。剝皮魚 -肉質爽彈煙韌，再加入魚肝作為醬汁，所以口感更加香濃綿密，鮮味十足。 喜之次 - 火炙過嘅喜之次迫出部份油脂，所以入口帶一點油脂令到肉質更滑，好甘香。筋子 - 時令嘅筋子粒粒都晶瑩通透，鮮甜得嚟又帶咸香嘅味道，而且仲超級爽彈添。拖羅手卷 - 紫菜食落仍夠爽脆，吞拿魚腩蓉打得綿密而且份量十足。之後就嚟個麵豉湯最後就來一客超甜嘅日本柿為今餐劃上完美嘅句號今餐享受左一個超水準嘅日本料理，真係超級滿足呀！
繼續閱讀
Sushi IMA精心挑選日本當季最新鮮、優質的魚類和海鮮，今晚能夠品嚐到最頂級、口感鮮美的Omakase走入ODDS，再由店員帶領，好像踏上一場令人垂涎欲滴的美食之旅，廚師吧枱，一個舒適而私密的環境，見證大廚的烹飪藝術。每一款菜式都展示了日本料理的精髓，最新鮮的食材，從日本直接空運，不時不食，今晚絕對品味到秋冬季節的豐盛風味。先品嚐自家製的漬物日本燒白果、地甲、稻穗和蜜粟，每一口都是獨特的口感和香氣。擺盤的用心，絕對能感覺到 時令白子，搭配薑蔥和燒汁，絹豆腐口感絕佳，入口即溶，極為美味；而燒汁則帶有清酒的風味，感覺完全不腥。晶瑩剔透的大粒筋子，香甜爽脆鮟鱇魚肝，有人稱之為「海中的鵝肝」，油脂柔嫩，口感滑順多汁。在秋冬季節更是時令之選。秋刀魚刺身，肥美多汁，魚味濃郁。蟹真丈，內部有蟹肉，鮮嫩，美味無比。日本黑鮑搭配肝醬，鮑魚和肝醬的最佳組合，柔韌豐滿的口感，味道濃郁。吞拿魚蓉手卷，魚蓉豐富，海苔極脆。另一驚喜，剝皮魚與肝醬相融，肥美且甜美，牙蔥散發著香氣，帶來豐富的層次。鰤魚壽司，配上柚子胡椒，選用鰤魚腩位，更加肥美，沾上醬油和柚子胡椒，成功提升了風味。眾多食材未夠篇幅一一盡錄，畢竟Omakase是不時不食，我今晚吃到的和各位下次來也可能不一樣，但今晚確是一場美食盛宴，無盡的享受，味蕾陶醉其中，成為美好回憶，絕對推薦。
繼續閱讀
Sushi IMA搬到渣打銀行大廈ODDS後今日中午約同好友到訪，於餐廳內的VIP room享用廚師發辦，房間一共10個位，午餐時段全滿！我們選了sushi 13件的套餐，還有蒸蛋、前菜、味噌湯及甜品。先談服務，服務員態度殷勤，不時為客人可熱茶，而且也查問每位客人的食物喜好。最先送上了蟹肉蒸蛋及野菜沙律，兩款都好味。及後師傅送上的13件包括深海池魚、地金目鯛、赤貝、白蝦、獅魚、鯖魚、拖羅、鮟康肝、海膽、剝皮魚、喜之次、筋子、拖羅手卷。深海池魚𠝹上花紋，掃上少許醬油味道剛好，肥美甘甜。地金目鯛師傅炙燒表面，魚肉鮮甜，配上紫蘇花味道更提升。赤貝相當大件，鮮甜爽口，非常滿足。白蝦甜美香濃，獅魚加上柚子胡椒，刺激味蕾，同時也很夾。鯖魚香甜口感相當豐富，是我最喜歡之一。拖羅肥美油份剛好，味道鮮甜。鮟康魚肝口感豐富甜美，配上紫菜、香蔥及jelly，也是我最愛之一。海膽份量超多，甘甜好味。剝皮魚也相當出色，加上剝皮魚肝層次更提升。喜之次輕輕燒過帶有油香，肉質肥美，醬油亦好味。筋子一粒粒分明晶瑩通透，濃郁甘香美味。拖羅手卷豐盛美味，加上醃蘿蔔粒多重口感，也帶點清新。
繼續閱讀
經濟不景氣，有很多食肆都關門大吉，能夠係中環仍能keep住實在不容易，這間日本餐廳剛搬進ODDS內，自成一角，私隱度十足，係度用餐，真的寧靜舒適！晚餐只有一款menu 承惠$1980/人+10%燒白果 * 地甲（即大蜆）* 炸稻穗 * 栗子 - 地甲鮮甜， 稻穗口感似食爆谷，栗子就超甜剝皮魚 * 剝皮魚肝 *上面係芽蒽鰤魚腩位壽司；上面係柚子胡椒鱈魚白子 - 酸汁加入小小Sake以提升味道前面係本見貝 - 爽；後面係北寄貝 - 較軟和甜、也較濃味松葉蟹肉紫菜卷 - 蟹子蟹羔好鮮味香箱蟹 - 食到舔舔👅甜蝦昆布漬壽司秋刀魚刺身 - 魚味超濃蟹真丈 - 實際是腐皮包住蟹肉，今晚唯一的和食鮟鱇魚肝 - 軟熟又creamy吞拿魚醬油漬壽司 - 來自清森大間拖羅壽司北海道馬糞海膽壽司 - 我至愛之一黑鮑魚配鮑魚肝醬喜知次 * 上面有魚肝 - 因炙燒過，魚油香味更突出根子壽司吞拿魚蓉手卷豆腐魚湯 - 鮮甜蜜瓜 * 士多啤梨吃完不難明白能夠在中環圪立不倒，全因有上乘食材，師傅用心製作，服務態度一流所致！
繼續閱讀
339 瀏覽
經濟下行再加上日圓大貶值，不少壽司料理店已告別戰場，留下來的自有實力，立足中環歷史悠久的「今鮨 Sushi Ima」遇上租約期滿，搬到集團旗下的大舖內，渣打銀行大廈 ODDS 𥚃面，位於二樓自成一角。難得繼續供應上乘食材，晚市廚師發辦減價$200，現收每位$1980。流程是刺身與壽司不定量交替出場，全部是肥美及魚味濃郁的品種，採用赤醋飯，師傅拿捏得剛好，酸度不高，恰到好處！自家製漬物日本燒白果．地甲．稻穗．蜜粟組合有心思，次序由左方甘香的燒白果開始；然後打開右方鹽焗地甲，即大蜆，殻內有湯汁，非常鮮甜。稻穗只吃白色的果子，口感似爆谷，味淡但香；蜜粟超甜極討好。剝皮魚．剝皮魚肝．牙蔥剝皮魚早與肝醬混合了，口感豐腴，非常甜美；牙蔥有非常香的蔥香，帶出變化。鰤魚壽司．柚子胡椒選用鰤魚腩位，更加肥美，沾上醬油及柚子胡椒，成功提味。白子．燒汁 時令白子，配薑蔥及燒汁，絹豆腐口感，入口即溶，非常美味；燒汁有清酒味道。本見貝．北寄貝全只黑色的本見貝，是日本象拔最高級別，相比常吃到的白見貝更爽、更有咬口、更冇腥味，所以貴一倍。咬落果然極爽很甜，口中嗦嗦聲，而且耐嚼，的確上乘。之後吃北寄貝，口感突變，因為相比之下北寄貝很軟熟，喜歡它味道更甜。香箱蟹 松葉蟹乸，時令矜貴，豐富的蟹柳下層有寶藏－蟹子蟹肉與蟹汁，滿嘴鮮甜，盡在不言中。松葉蟹肉紫菜卷轉轉口味，來一個壽司紫菜卷，松葉蟹肉同様鮮甜，冬天是吃蟹的季節。甜蝦崑布漬壽司味道豐富甜美。秋刀魚刺身我的至愛，供應期快完，幸好依然肥美，魚味濃郁。蟹真丈炸腐皮內有蟹肉，外層煙靭，內心鮮嫩，好吃。鞍鱇魚肝再來一道我從來不會投訴的鞍鱇魚肝，油脂柔嫩，口感棉密滑順又多汁。題外話，原來吃到硬的有機會是不新鮮或食材來自中國不同品種。吞拿魚醬油漬壽司 青森大間出場，先來赤身，吞拿魚醬油漬，肥美軟滑味道好。拖羅壽司油脂豐富，拖羅自然更勝一籌，極品！北海道馬糞壽司濃厚甘甜。日本黑鮑．肝醬鮑魚與肝醬最最佳配搭，柔韌味濃。喜知次．魚肝壽司本來已經肥美的喜知次，炙燒迫出魚油，再配搭炙熱魚肝，脂香惹味之最；米飯有助減膩，壽司之極品。根子壽司新鮮所以脆卜卜，好好味。吞拿魚蓉手卷魚蓉豐富，紫菜極脆。豆腐魚湯味道濃醇，鮮甜無比。甜點－蜜瓜．士多啤梨新鮮甜美。這晚遇上鮨店的熟客、星級女中醫師，相聚是緣，感謝賜酒，大家打成一片，盡興而歸！
繼續閱讀
您可能會有興趣的...