仙吧

營業中

休息中

疫情前都無再黎過，最近見到佢做緊$188位18:30-21:30無限唱飲（藍妹、1664、Stella、Sapporo任選），食品8折。Openrice 預早訂枱可以18:00開始，仲有75折㖭。或20:30都有7折。今晚星期四，好清靜，得一個侍應走全場，但我地早到咗，還未可以開始暢飲，侍應哥哥提議我地先點嘢食，有兩個餐牌可選，越泰式\西餐，隨你個歡喜，由於前排已經食過河夢，所以今次揀西餐，點了：西西里辣肉腸薄餅8吋、經典安格斯漢堡配薯條。食物上枱時剛好18:30，侍應哥哥已經隨即送上啤酒。食物正正常常，不用評價。整個氣氛都非常好，不會太嘈吵，侍應有禮有服務，比疫情前改善不少。差不多晚上9:30會有live Band ，可以點唱。但奈何我們每人已經喝了四杯，支持不住⋯埋單$720。下次可以再來。P.S.男女厠洗手間得兩格，（男厠一樣）有一格仲要維修，如果人多的話就很不方便。

龍蝦茄汁海鮮燴飯，泰式串燒及以優惠價換大杯藍妹啤酒，食物質素高，音嚮完美清晰，環境寬闊，員工待人有禮，交通方便，性價比高，宵夜值得推薦，用料食材十足，有音樂表演，價錢大約$420連加一服務費

酒店響屋企附近 間唔中都會黎坐下 是日星期日 客人不多 只有幾枱客 侍應照舊目無表情😐 先來兩杯嘉士伯生啤 見餐牌宜家做緊叫兩個小食送杯1664生啤 就叫左 炸魚薯條 泰式炸蝦餅 炸魚薯條 好大碟 有五舊魚 （用稔魚柳 但炸粉略厚）好多薯條 炸蝦餅 炸得唔錯 但可惜聞落加入口有陣阿摩尼亞味 應該係啲蝦擺得太耐所致 邊食邊聽live 本來兩位歌手唱得好好 好似播碟咁 但可惜 啲音響麻麻 有擦聲 嘥晒歌手既歌喉門口外寫著星期一至星期五5pm-9pm buy one get one free 但當你飲完一杯之後 侍應唔會主動提你仲有一杯係送的 如果侍應加以培訓 增加多少親切笑容 就非常好 話晒都係酒店

要在新界區搵酒吧比較靜但又有live唱歌真係好難找 偶然坐車經過沙田見到有 就找一晚過去飲酒hea下 地方算大 不足之處是格局有點像餐廳 坐椅及枱比較高 梳化位較少 始終不是來吃飯 坐得太直其實頗辛苦 星期日晩算是很少人 不過有歌手live唱歌 感覺又非常不同 加上燈光配合 其實也很舒服 飮品價錢適中 happy hour買一送一 小食種類算可以 不過需時太耐 可能厨房比較遠 雖然客不多 但場上都有三位侍應服務 禮貌有笑容 （因某些食評講到好差 但又遇唔到）總括來說 如果晤介意客人唔多（無咁熱鬧）靜靜地聽歌飲酒 這𥚃算不錯！

復活節有攪作， 又冇得搭飛機去旅行，於是都係諗住留喺香港度hea下啦 ！諗住book間酒店休息下，點之去到見到有間bar，好似幾舒服，又有live band， 應該都幾正，所以一於夜晚食完飯就去hea下。到門口已經聽到歌聲 ，仲見到好似有少少人喺度跳舞好，似好得意喎！我哋就即刻搵個位坐低啦！ 戶外座位已經畀人坐滿曬㗎啦， 入面仲有少量嘅位置。我哋又唔飲酒，於是就叫咗兩杯果汁同有－碟小食坐下啦！今次真係幾開心，見到啲姐姐哥哥喺出面跳得仲開心，成個人都輕鬆曬。如果到時有時間我都入嚟坐下。現場環境好舒服，有人唱歌、有人跳舞、有人聽歌、有人欣賞、有人傾計、有人飲番幾杯。正！如果唔飲酒，就好似我哋叫兩杯果汁（ 蘋果汁、橙汁）

上年係"Regal Riverside Hotel-Avanti Pizzeria"食完pizza行出餐廳大門~見對面有間"Scene Bar"佈置得好有氣氛~都好想搵日去hea飲happy hour終於等到依日可以去試下Happy Hour..17:00-20:45(20:30 last call)19:00-01:00~仲有live band唱歌呢場內既燈光以藍色為主..好有冰感Happy Hour指定啤酒有buy one get one free小吃.."Fish N Chips"炸魚柳既魚肉好滑口..炸粉仲有淡淡香草味炸薯條好脆+好粉感"Margherita Pizza"批邊好香脆餡料好足..夠茄味~芝士份量都好多..但差在上檯已經唔熱整體bar既環境好有氣氛~live band唱舒情歌..令人好放鬆而服務都好好~食物方面..如果pizza夠熱的話就更加good呢

【遠在天邊，近在眼前】的酒店酒吧，靜靜的環境與氣氛，播着經典的懷舊英文金曲，Happy Hour 買一送一，埋單HK$100有找，客人大部份是老外，應該是酒店住客吧！美中不足沒有薯片小吃是大班人聚腳的好地方麗豪酒店 Regal Riverside Hotel 的 仙吧 Scene Bar

上星期同班同事去左河畔大排檔打冷食飯，點知6個人好快咁食完野又唔知有咩節目，有人SUGGEST去PACIFIC BAR飲野傾計，點知去到個場覺得好嘈，唔係咁岩靜靜地傾計，於是貢左入麗豪酒店間SCENE吧，見個環境真係好靚好舒服，又有3人組合既LIVE BAND唱下歌，即刻唔諗就坐啦!我地每人叫左兩杯Cocktail,有人就飲啤酒同小食，埋單每人都係$120左右，我地仲要由9點幾坐到成點鐘，一邊聽下歌，吹下水，真係唔錯呀~呢排仲有個promote話好似0係d酒後無憂free parking優惠，冇睇到詳情，不過我覺得對客人幾貼心囉。最值得推介既係飲完野，離開酒店，望住城門河享受下河景，酒意全消! 下次一定會再搵friend去飲過!

沙田區既蘇豪,平日去開嘉年華吧飲野,今日試下樓下既仙吧,佢既分別在於仙吧嫁歌手唱的是英文歌,另有一番風味,眼看河境聽洋文,猶如置身外地,清靜心寧的好去處

前幾日朋友生日，響沙田第一城食完dinner 之後，幾個fds突發奇想想去飲番杯，咁o岩就有人提意去麗豪o既scene 吧~@@我地幾個女仔叫o左幾杯野飲同2個小食，一坐就坐到差唔多1點喇。其中有一杯叫mai tai o既都幾好飲，甜甜地幾適合女仔。唔飲酒o既都可以叫番杯fresh lime soda試下~XD值得一提O既當然就係小食啦。有我最愛O既脆炸意大利芝士條同椒鹽魷魚鬚~XDDDDD芝士條芝士夠濃，魷魚鬚送啤酒就最O岩喇，不過就咸O左少少咁囉~@@最後埋單都係百多d一個人，都ok啦~!!

今天放工約左幾個friends去沙田飲野,D friend話麗豪裡面有間Bar幾ok ,就去試下,去到間Bar叫"Scene".環境都唔錯,湖水藍色為主,幾好feel ! 之後叫左幾杯Cocktail 飲,有: Pinklady, Pimm's No1,Grasshopper,Around the word..........呢幾杯Cocktail都易入口.仲有現場樂隊點,氣氛一流,D waitress 服務主動,同朋友來飲野,傾計係值得一到既好地方!

我係住左沙田十幾年ge沙田友，係呢一區搵酒吧梗要去麗豪酒店Soho區ge SCENE BAR啦！果日約同事去飲野，order左一杯Pina colada, Screwdriver, 同一份Smoked Ham Nacho(粟米脆配煙火腿ge小食)…酒吧環境舒適，d位幾好坐，飲品同食物都很有水準！但隊LiveBand就嘈左d, 如果可以唱多d慢歌就完美喇。整體都很滿意，實在值得大家一試！！

近年尾工作量大增,收工要搵D節目輕鬆一下,有朋友提議去沙田麗豪內的"Scene",貪佢地有現場樂隊組合,聽歌之餘又有o野食有o野飲,於是約埋三五之己向Scene出發.Scene感覺唔似一般酒吧,地方寛趟,裝修以湖水藍為主,唯一唔鍾意佢地D吧枱似餐枱多個吧枱jet!!餐牌好照顧唔同顧客需求,有簡單小食如:美式脆炸雞件, 意大利芝士條, 洋蔥圈...肚餓咩又有沙律,湯,主菜同甜品,多元化選擇,感覺上似去o左間餐廳多個酒吧.點o左個~野菌忌廉湯,芝士漢堡飽配黑松露菌燒汁,野菌湯份量夠大,菌味香濃,正合鍾意飲湯o既我,漢堡飽OK,伴多個黑松露菌燒汁可以多個sauce食唔係淨食茄汁,夠細心的配搭.9點loo~開show,有歌聽,3名外籍女子組合,唱得唔錯,好有氣氛,聽Bar waitress講,佢地好受歡迎o架..整體來說,成晚大家都玩得好開心,Bar waitress平易近人,下次必定再來.

好唔鐘意ｄ酒吧黑ｍａｍａ，有次食完ｂｕｆｆｅｔ經過，聽到有歌聲，仲以為係播ｃｄ，行入去先知係３個菲藉歌手唱緊歌，於是坐佐飲左幾杯野。老實講，飲幾十蚊杯野，又有歌聽，環境又舒服，真係ｏｋ架，不過可以因為地點的關係，人流就少Ｄ。Ｄ侍應女仔都好ＮＩＣＥ～

昨晚到了麗豪酒店內的一間高級酒吧與三兩知己把酒言歡，先論內裡裝修很有Cyber格調，柔和的藍藍燈光色調配上落地玻璃。台上還有外籍歌手獻唱，酒酣耳熱中令我們也份外陶醉。沙田區內要找一間高級酒吧真的可算是少之又少，這間可算是最佳選擇！