仙桃居

營業中

休息中

只係搽左牛油上去的多士 完全不是一件吐司 而且沒有烘過 牛油份量非常小 真係跟左食一件白面包沒有分別 不知是否跟叫外賣有關 我也不能追究。非常非常失望 不值得食 都不會另叫吐司

本人好少野係堅持到，但響應支持黃色經濟圈必定要做到。最近如要外出食飯，肯定揀黃店食，雖然平均輪候既時間比較長，但聽到既都係人話，對保持身心健康都係有幫助。龍門冰室我就食得多，上星期去左試仙桃居既早餐，排左大概半個鐘，叫左鮮茄豬扒米線，半椰吐同台式飲品（走甜）。$52蚊一個餐，唔算平，個湯冇想像中濃，但鮮茄豬扒米線好足料，好多新鮮蕃茄好健康，豬扒好濃味，不錯。椰香多士我都推薦，面頭焗過下，好香。食左兩個餐埋單102蚊，帳單都寫上素求，餐廳仲取消左八達通付款服務，良心人士開既店，支持！

話說呢間小店成日好多人排隊，難得今日唔洗同大少食，就排下隊食佢，我地排左15分鐘左右，唔算耐，同埋餐廳安排好好，會係門口先點餐，我地叫左貢肉筋米線同埋牛肉米線，加10仲有一份炸豆腐，味道好，份量夠大，3個人食都夠飽

🔸雞扒肉燥飯 $45🔹巴東牛肉飯 $72龍門居好多良心食店～主要食台式野，有珍珠奶茶飲就開心！雖然我影到好頹但個飯味道一啲都唔差，雞扒個皮仲係脆卜卜，肉燥極多，飯都極多。巴東牛肉全都係牛展，所以全都唔韌，個辣味好勁好正！珍珠奶茶個珍奶都好q彈，食太多飯跟住食唔晒啲珍珠。

今日早放工早D食個飯先返歸，揀左入呢間細細地的台式餐廳。餐廳選擇適中，有埋圖俾你睇，吸引到你去揀食咩。今日唔係想食好多肉，所以揀左食豆腐肉燥飯。叫左無耐，好快就上飯。都真係幾大碗，睇到都知道會飽。豆腐數量都唔少，有成6-7舊。一食就知係剛剛炸起的，因為真係會熱親個口。豆腐皮脆，又保得住入面豆腐內裡的滑。飯和肉燥堅多，我呢個肥仔都係食到好飽。套餐重會包飲品一杯，唔洗加錢就可以飲到杯珍珠奶茶。$45 我覺得都算物超所值LA~

今晚落咗去食仙桃居，7:30好多人喺度等緊有現場食嘅有等外賣嘅，似乎佢受歡迎左叫咗爽醬A菜($16)一如以往，爽醬真係好好味，係仙桃居獨有既味道～然後叫左金磚豆腐($10)炸豆腐上面有爽醬，熱辣辣口感一流～主菜方面，我叫左鮮蕃茄豬扒米線($53)個碗好大，但豬扒呀蕃茄同蕃茄醬相對就比較少，可以更多，呢個性價比雖然吾高，但味道係100分既！男朋友就叫左雞扒肉燥飯($45)大大碗，多肉燥，夠撈飯，雞扒同個醬好match！推介！嗌左兩杯野飲，跟餐吾洗比錢，分別係珍珠奶茶同柑桔紅茶埋單$124，香港人加油！

仙桃居店舖細細，但係係間充滿住人情味嘅小店。店內嘅餐牌同埋告示都好貼地，好有特色。叫左佢地既all day breakfast 🍜🍞-小排骨米通（可揀米線或者米通）米通係出邊餐廳比較少可以食到，而且呢度既米通又煮得惗身，綿綿又唔會痴住。而且小排骨既醬汁調味唔錯。-椰香吐司😋😋呢度整嘅吐司真係好好好好味！表面既椰漿烘到金黃色，好香脆，好鐘意食帶有甜味既椰香，同埋厚厚既多士熱辣辣，好味道！-餐飲點左蜂蜜綠茶，今日仲有得免費加白桃珠珠。呢到既台式飲品都沖調得唔錯，飲埋杯飲品就好滿足！

今次無食台式野,改食CURRY, 叫左個雞扒CURRY飯, 都預左係港式口味CURRY, 出奇地都有D辣勁, i like it。雞扒又5算好大塊, 都夠食, 好多薯仔, 飯又大大碟。另外叫左個春卷做小食, 幼幼的, 有4件, 5貴, 味道正常。位子少, 都要等幾耐下, 不過會預早幫你落單, 呢次坐低就有得食了。

平時都是打電話叫外賣，十分鐘後自取的。昨晚打了幾十次都是忙線，我就以為電話號碼錯誤，所以去到下單時，我便問職員外賣電話號碼幾號，她說了，我就核對與剛撥出的電話號碼是一樣的。我就將電話給她看，她悔氣地對我說‘’宜家人多，我哋唔得閒，我哋要先處理堂食的客人，唔好意思喎‘’。外賣都是生意，就是舖小才外賣回家吃，這樣的服務對嗎？平時食物的味道及款式已是一般，只是這個屋苑沒有第二間台灣餐廳才會想吃吧。

呢問仙桃居係午餐時間經常爆滿，舖頭成日跟上潮流，幫的野飲食物改名～例如：壞藍飲～好過癮！仲會係唔同地方貼的搞笑字句，老闆應該都係個好幽默既人！呢度的食物份量都好大，難怪會有咁多學生哥黎食，又抵食～我都幫襯左好多年，久唔久就過下癮～鹽酥雞翼米線🍜〔糧尾餐😂〕$39 配珍珠奶茶雞翼夠脆夠熱又夠大隻～每次都係食呢個～食唔厭！碗米線依舊大過我塊臉，勁大碗，好抵食！珍珠奶茶就正常，無乜特別～另外仲有叫我好中意食既 魷魚鬚$42呢度啲魷魚鬚好足料，好重身，唔會勁多炸粉係表面，份量都好多，2個人食都得！最後仲有加多個金磚豆腐$10無睇錯！係10蚊咋！10蚊有咁多件！真係好抵啊！加埋的爽醬，真係又平又好味～仲有個爽醬A菜$16A菜姐係油麥菜～可以轉生菜🥬重點係個爽醬汁，辣辣地，好過癮，沾乜都好味。好滿足既午餐～

今晚又要上堂，所以見有時間就去食個飯。之前都冇試過呢間台式餐廳，見到下午茶價錢都合理又唔係太肚餓，就諗住試下。但今次真失策！原來下午茶做到5點鐘，但我坐低時已經5點4。自己冇望清楚真係太大意。最後就叫左個餐牌上推薦ge秘製豬排米線＋台式珍珠奶茶。珍珠奶茶叫左少甜少冰，味道唔錯，真係台式，叫左少甜真係唔太甜，抵讚！不過珍珠真係少左d。豬排米線一上枱，我心入面都「嘩」左聲，因為真係好大碗，我塊面已經夠大，但竟然仲大過我塊面！但其實個樣唔係太吸引，豬排份量唔大，又冇其他配料，（可能我幻想得太美好）配埋成配白雪雪ge米線，望到都唔係好開胃。同埋我見到有隻黑色小小小昆蟲係湯入面，不過因為我覺得自己係吸引小昆蟲體質，遇到無數次呢d情況，我（不）走佢就算。湯底係普通湯底，應該係雞湯。豬排我本來都好期待，個汁係ok 嫁，但因為餐牌講到賣曬就冇，我太期待最後就有d失望。但真係好大碗，俾米線唔手軟！我會定義為普普通通ge街坊餐廳。題外話，餐廳貼左好多poster，寫左好多搞笑語句，會令人會心微笑，好特別。

雖然小店規模不大，乾淨整齊，服務也不錯。他們的酥炸魷魚，酥炸雞翼，炸墨魚丸，炸豆腐，酥炸多春魚，炸雞塊, 串燒配惹味沙爹醬本人覺得很出色。茄子肉燥飯，豆腐滷肉飯，蛋花粟米雞翼飯分量夠又惹味。 鮮茄豬扒米線， 小鍋米線，炸醬米通也鲜味很不錯。台式飲品齊全，珍珠奶茶尤其出名。不可不試的隱世餐廳。

叫左個豬頸肉串燒肉燥飯, 串燒有3串, 燒得算幾香口, 不過豬頸肉本身都好肥膩, 食多少少已經滯。 飯幾大碗, 仲要勁多肉燥, 入面GE肉肥瘦各半, 亦多肉, 唔會淨係多汁。另外加錢叫左春卷, 幼幼的5算太大份, 入面都係粉絲同一D 菜, 無咩特別。BTW, 呢度坐位真係好迫....

今次要介紹下呢間係屯門既隱世小店，點左佢個雞扒肉燥飯，豬扒米線，豆腐多醬同菜。個雞扒燒得剛剛好，咸度同甜度都適中，個飯夾埋炒香左既肉燥黎食，真係幾大碗都食得落。豬扒米線不過不失啦，食得出個米線係爽口既，唔會煮到好淋。最正係佢個炸豆腐，加上左應該係小店秘製既醬汁，入口外脆內軟，真係令人食唔停口。加上價錢唔貴，真係又經濟又實惠。

睇到上幾篇主要講等得耐既食評，不禁想問：「唔通你地只係追求速度咩？」小店無集團式經營既優勢，系統又無標準化，所以理所當然地位置少、等待時間耐。係門口望到店家整既海報真係相當花心思，我肯定地無乜邊一間鋪會花咁多時間係poster上。返到正題，我食咗鹽酥雞翼米線+魷魚鬚。鹽酥雞翼- 因為即叫即炸，無咩挑剔地方，係入面唔夠熟，有少少紅色魷魚鬚- 即叫即炸，無咩挑剔地方，基本上嚟親都會食米線：- 我覺得加辣椒油先好食，就咁清湯似乎有點dry- 米線比出面有咬口