仙桃居

營業中

休息中

食物方面，食物味道一般 比周邊餐廳屬中等很多時候 感覺廚房趕時間 米通未熟就上檯但價錢比對貴環境方面，詢問位置時 店員態度極之惡劣場內混亂 位置又細又逼為加快顧客流動率 促人走整體感受極差

呢間真係等勁耐.... 竟然要20分鐘, 不過等GE時候可以叫定野, 都好D...上次來, 坐低先ORDER食物, 等食都等左好耐....今次叫左雞扒肉燥飯, 勁多肉燥汁, 多到濕得滯。雞扒正正常常LA。加10蚊叫多個椰香多士,係半件厚多士,  熱辣辣, 個面酥脆, 又唔太甜, 好似食緊新鮮波羅包咁, 正呀。飲品係士多啤梨雪香, 唔太甜, 有淡淡士多啤梨, 再飲飲下有D 香芋味, 一般LA。

仙桃居係一間係龍門居開的小店 絕對良心價錢 ! 推薦大家去龍門居掃小食之外都留意下龍門居的小店!! 成世人流流長 總會遇上幾個壞藍飲 🤣🤣🤣🤣呢個真係笑左 鋪頭不同位置都貼左d搞笑幽默的字句 睇黎店主都幾funny咁 😂又例如個餐牌 係仙桃居每60秒就有一分鐘過去，而25蚊下午茶餐只會出現10800秒(1400~1700)😂😂😂😂 其實個重點應該係25蚊個餐仲包野飲好抵!! 出面飲杯珍珠奶茶都18蚊 呢到米線配珍珠奶茶都係25蚊 超值! (當然同波霸珍珠奶茶個d有分別 但都好好飲!) 我下午茶時間叫左滷蛋豆腐米線加凍珍珠奶茶 都是30蚊 抵啊 仲要幾好食 滷蛋入味 正 大家都多多發掘同支持小店啊!

病人要食得清淡d, 呢間野我久唔久都食, 只係會食炸醬米線, 因為其他個d隻隻都唔好味。其實一個米線, 少少肉碎幾粒辣椒絲再加埋蔥花, 唔駛花考簡簡單單就已經好OK。雖然影張相唔係好靚，其實味道OK～

星期日LUNCH HOUR 都要等一陣先有位。我地坐BAR 台位, 都幾窄。叫左個豬頸肉串燒肉燥飯。竟然有3串豬頸肉, 計埋都成10幾舊肉, 又抵WOR, 仲燒得幾香口, 絕不希場, 好味! 肉燥都夠多, 甜甜地, 好開胃。仲包埋杯珍珠奶茶, 才50蚊, 抵!不過真是等左好耐先有, 差不多3, 4個字, 同埋STAFF 做野都幾慢

雞排肉燥飯+珍珠奶茶☕️Hkd 40加配奶油吐司🍞Hkd 9Rating🌕🌕🌕🌗🌑-仙桃居又係我由細食到大既街坊餐廳🍴主打台式野 有一段時間早餐下午茶都係佢 有時夜晚又會想食佢既吐司🍞😂😂 基本上都食過曬佢咁多個餐同飲過曬啲野飲💦💕-講返呢個餐先 雖然佢裝修之後加左價但都抵食既🤔🤥雞排飯都一大盒 雞排一如既往咁嫩 面頭又煎到脆脆地咁 個飯撈埋啲肉燥食好正🤪其實肉燥都係白飯小偷來🤗🤗但就覺得食到底有點油🤭🤭扣左啲分😴-奶油吐司🍞好食 個人最愛吐司口味Best3係香芋/奶油/花生🥜不過呢件吐司就lone左啲 如果唔係就perfect!-珍珠奶茶☕️奶茶唔會太甜 但其實最好飲都係士多啤梨雪香haha🌸🌸💕

幫襯咗十幾年，近年每次去都覺得食緊新餐廳，因為次次食都唔同。舊時個湯有綠豆衣、芽菜、炸蒜，依家無晒呢啲野，就連味都無埋，無醬汁豬扒個醬汁做湯底個湯都唔使旨意有味；奶油吐司又係唔夠甜；魷魚酥好少少，keep到一時過鹹一時無味一時啱啱好；米線米通時硬時適中；肉燥飯食到差唔多底有油浸飯。 除咗戴眼鏡長頭髮經常註場嗰位阿妹，其他員工老細唔在場就態度惡劣，落單佢唔會行埋黎，要你大嗌畀佢聽，因為佢哋要企埋一齊吹水；吹水吹到大聲過啲客，粗口橫飛。由以前嘅溫馨家庭感變成一份大排檔感受。 我已經忍咗好多次都唔忍心畀差評，我忍唔到呀！雖然以前老闆娘會惡啲，但啲野係真心好食，我寧願換走晒啲熱褲mk妹，都想老闆娘返黎黑面落單呀！ 但啲餐真係幾抵，5星。

龍門居出名係搵食好地方，不過呢度唔只小食，小店同樣出色！今次就黎到剛裝修好既仙桃居食咗個豐盛下午茶。點咗炸醬配米通，炸醬係肉碎加香菇，另外呢度採用既係新鮮番茄肉，寧舍鮮甜，而米通既好處就係索哂啲湯，十分滿足！另一推介係怒炸墨魚丸，配上泰式甜酸醬非常惹味

由於每星期都會過離呢邊去豐景園一帶選擇少又難食去龍門一帶反而選擇多呢排過左離呢邊呢個地方比較細 第一次有位坐第二次反而要等位而且都等好耐無奈下外賣也要等兩次都係食糧尾餐 反而蕃茄米通做得好食蕃茄係真係有新鮮蕃茄 唔係人工味道而且啲米通好足料夠飽服務態度緊緊可以 佢價錢同食物都還可以而鹽穌雞翼米線外賣 好細 唔夠飽有3件雞翼 炸得幾香口唔夠飽 同味道一般 佢杯蜂蜜綠茶幾香 好飲呢個價錢係算過得去 無要求假期多人 地方淺窄 要耐心等候

我哋有三個人，等咗半個小時，見到有2個位，我同長頭髮女sell講可唔可以坐住先，佢話唔得，要隔離枱走埋先可以入，我問點解，佢話唔同你入咗後，佢哋走咗我再要同你搬位咩，我就同佢講個位係隔離，你點幫我搬位呀，佢就用好差語氣同我講，食野係要等啦，禁我招待唔到你啦，大佬，你趕客走，咩態度呀，超，我以後都唔會來幫襯😡😡

龍門居嘅餐廳真係多過10隻手指，今次就試吓呢間台式餐廳，主打肉燥飯，鹽酥雞翼等。同事話仙桃居開左好耐，啱啱再裝修完，裝修完舖頭比舊舖細少少，但就好坐咗，不過都係迫迫地，但嘢食好味就無所謂啦！平日lunch time都幾多人，等候大概要15-20分鐘。懷疑做menu嘅係高登巴打，佢啲solgan好有歸屬感，睇完會心一笑！講翻點解我叫梁美恩先，事關佢哋有個餐叫糧尾餐，而我就最中意食佢個1號餐，所以同事就叫我梁 美 恩 囉！問過店員，原來糧尾餐就成個月都會供應，而且米線係特別大碗㗎！自認大食可以去挑戰下，我就一碗食足三餐囉！鹽酥雞翼勁香又脆，入面唔會炸到乾爭爭，very good! 最最最重要係可以跟珍珠奶茶！凍飲都唔洗加錢！咁樣食都係$36咋！邊到揾！大家都快啲加入梁美家族啦！

仙桃居是窮人恩物，又多選擇又好味！近排推出左breakfast all day，有幾款米線全日都有套餐，連一件吐司同飲品，好抵！除左早餐抵食，下午茶都好正！哩碗係小鍋米通，好足料架！有蕃茄、酸菜、肉碎，撈埋一齊食好爽架，口感豐富！哩碟吐司賣相唔吸引，但其實好好食架！可以揀兩款口味，我揀左朱古力同香芋！搽醬料完全唔手軟，密鋪平面，啖啖都有香濃朱古力/香芋味😋😋哩碟鹽鬚魷魚鬚係食左一半先記得影！原先好大碟，好抵食！仲炸得好好食，炸粉唔會太多！下午茶配一杯飲品～唔想太飽，可以揀哩類小食餐！

因住附近，間中會幫襯有次叫左個米缐，唔要飲品（試過飲品超甜），但個落單姐姐話「包埋架喎」，咁我叫埋茉香奶茶，已經食食下飲飲下時，個落單姐姐放低張單，我見張單寫左「飲品+$4」，有點奇怪，我只為澄清，問落單姐姐飲品唔係「包埋咩」，佢話只包$14以下的飲品，我叫個杯$18要補差價⋯⋯，我奇怪點解落單時唔講要補差價的？！！但見已經飲左了，都諗住算喇之後係水巴（應該係老闆）大叫出黎，向住我地枱話「換返$14野飲啦，唔好好似我地呃你咁」😳😳.....心想我冇咁意思，只為澄清，你地落單時真係冇講麻........因同行有長輩，我廢事嘈，話算喇算喇都飲左了.......點知過左陣，另一個伙計走過黎，冇問過我就攞走我杯飲緊的野，再問我換咩$14野飲😳😳😳😳超冇禮貌......我話唔要喇唔飲喇，老闆都仲一路講話「唔好好似呃你地咁」😒😒😒佢見我地唔要飲品，叫伙計改我地張單取消飲品+$4 講真，唔係計你$4，只為澄清，但食野未試過咁冇禮貌的對待，飲飲下冇問過我就攞走我杯野飲，我只問左一次$4事宜，老闆幾次講話唔好好似呃我地咁，真係好冇禮貌，以後唔幫襯😡😡😡😡講真，冇禮貌外，食品質素又唔係好食，飲品超甜，龍門

今日行過附近, 見好耐冇來這間食店, 又見冇人等位, 心血來潮便衝入去揾位坐下。店舖座位不是很多, 如果人多時, 亦坐得比較迫。店內以木色裝潢, 店來還播著一些台灣的歌曲, 頓時仿似置身於台灣😂。望望餐牌, 有飯餐和有米缐餐。今日想食米缐又想食得清清地, 於是點了 " 冬菇豆腐米缐"。可以選擇單點$34, 或者是套餐連飲品$37。 我當然選擇比多$3要套餐啦！反正冷熱飲品都得, 唯限制於$14以下的飲品。冬菇豆腐米缐 37店員奉上時, 覺得幾大碗幾有睇頭, 望真啲啲, 冬菇和豆腐各有四粒, 比相片還要多, 而且冬菇又厚肉又肥大, 豆腐又大粒又厚實, 绝不會以相欺騙食家, 值得一讚。冬菇有香濃的菇味和菇肉很腍, 很容易咬開。而豆腐亦有好香的豆味。米缐不會煮得太腍, 而且有好多米線。我也吃不完。餐飲點了台式咖啡 , 起初以為是熱飮, 原來凍飲, 真是大鄉里😂。雖然是凍飲, 但不是很凍亦不多冰, 而且有淡淡的咖啡味。

好耐冇去仙桃居食啦，我今晚就同仔仔一齊落去食啦，晩飯時間超多人，店員比咗飛我叫我係門口等，等了超過30分鐘啦，终於有位啦，我點餐講都講咗3次，個店員都唔明，都唔明點請人，店員服務差，以前果啲店員都唔係禁，食物質素都差咗，好似酸辣配菜都好難食，唔同以前啲味，其他食物都都差咗，我唸會少啲嚟啦