伊呂波燒肉 (已搬遷) 新店位置

It was our 3 year anniversary, so my girlfriend decided to choose something special and memorable. We decided to dine in at a Japanese restaurant because of all the decent reviews on openrice. When we sat down, the manager briefly explained the menu to us and suggested us to try the Australian and Japanese Waygu beef. We did ended up ordering two sets of beef combos along with a kimchi pancake. First came the beef, if I am not mistaken it was the Australian beef. This Australian beef taste very

與幾位知己好友，尖沙咀搵食，㨂黎㨂去決定食好d。銅鑼灣店多年前食過，無得頂，但現在燒肉店實在太多。能保持質數的，我覺得依侶波不錯之選間格有獨立空間枱，布簾半遮，好日式感前拌菜，份量足，菜類為主，夠健康主力講和牛，牛肉鮮味好濃，質感上成，咬落肉汁及口感一流，入口便知龍與鳳，頂級係不油，夠軟已不靭。值得一讚其電爐吾會濃哂要換，店員服務殷勤是次份量超足，飲少少酒傾吓計，一大樂事

7點去食晚餐,位置都唔難找餐廳環境很和風,都好似日本,有要除鞋既tatami seats,但好彩唔洗坐個d我地入左一間房仔,4人位,食肉獸既我地即刻睇肉類餐牌~~想食埋牛利所以叫左呢個不太記得部位名,忘記拍下餐牌只能跟據相片做描述~~先從最底行講起,左下的像豬肉,一放落去燒就縮到好細塊,油脂分佈不太好,瘦肉居多這明明就是豬肉的texture阿..但男友堅稱記得是全牛右邊就好好多啦,好厚但又唔會韌2nd row: 左右都好薄好有牛味, 讚top row: 真係要讚一讚牛利!非常厚(其實都係突然想食牛利才去食燒肉,一上台二話不說燒牛利先XD)左邊就無咩特別..其實總括呢個拼盤都唔算話好特別..只係不過不失,個人認為不值$400然後..人類總是眼寬肚窄的,食到飽飽地之際見到隔離台上左個蟹粥先記得我地都有嗌架喎..但點解隔離遲過我地但黎先既? 咁我地就叫waiter cancel 啦因為等左咁耐都飽啦,但佢話:等等!黎緊架啦!唉咁好啦 即刻坐直個人等食成碗得兩隻蟹腳,真係二人份阿...個粥咸左d 仲好味精 蟹味完全冇滲入去阿 另外叫左梅酒飲 略淡

放假想吃烤肉，難得連周末都有做定食，於是同不理齊來烤一烤。十二點未開舖已來到，早來了，位任坐，今次就坐大廳，感覺較房闊落，但無得崖，對無腰骨者來說，就無咁好坐。來之前都諗定吃乜，又巡例望望餐牌，都係同一樣價錢，要了午市最高級的嚴選燒肉定食、燒肉定食，前者是三款日本和牛肋肉，後者要了豚肉、牛舌及牛肉。點了菜後，未幾已有得吃，效率幾高的，兩款定食以淺色同深色碟區分，砌得靚靚仔仔，配麵豉湯、白飯、環境很好，食物有水準，也吃得開心，必會再來。

因為N年前第一次黎哩度食過晚飯對佢o既味道同價錢都留下深刻印象唯不久前先知原來佢有lunch set(周六,日都有), 仲相對幾抵食tim所以適憑貧友生日, 就決定黎哩度食個生日lunchbook左12:30一黎到就可入座, 可能時間尚早所以冇乜人所以2個人都可以坐卡位卡位都係有布廉相隔, 私隱度高試下叫個貴餐先精選日本和牛燒肉定伊呂波套餐(加大了肉份量)價錢比精選和牛平一半但仲多野食, 性價比好高好豐富呢伊呂波套餐可揀牛肉, 豚肉或雞肉黎得哩度當然揀牛肉啦雖然價錢平一半, 但肉的質素都唔差的精選和牛套餐包括3種肉有和牛牛排肉, 上等牛排肉同牛肋條, 好好味呢另外單點的牛舌, 好滑呢最後仲有紅豆雪糕, 唔太甜, 幾好食

很喜歡的一間日燒。由$80一個餐食到$110。 不定時都會食一次，因為午餐抵食吖。樓底高，有餐檯式坐位，選有"tartar me"。多人可以包唒一間房，小房around 坐8個。今次定食叫了牛腿肉$150 及 肉眼$120，要求加大（需加錢）。牛腿肉油份較小，肉味重一些。要熟一點才可以燒出它的肉味。沒有太多肋，喜歡有咬口的朋友應該會覺得唔錯。跟餐海帶湯，有前菜，沙律，蒸蛋。前菜沒有甚麼特別；沙律新鮮啦,沒有菜青味；蛋 滑lulu..我鍾意用嚟拌飯。肉眼，大大塊但切得好薄，落火一陣要即走。油膏都勁啊。所以，油份部位會燒得熟一點。味道相對香味重些。但肉味就牛腿肉強d。最後，今日甜品是豆腐雪糕，淡淡的正好清一清油膩。整體還是值得一去再去。另外，基本燒肉餐$100-110。都唔錯，平平地可以試下。而和牛餐都抵食，用嘅和牛唔係A5都唔差得去都邊。

來這裡吃過好幾次午餐及晚餐，很高興這裡總能夠保持水準，令小妹總是吃不膩。這次應邀好友補祝生日飯，我們一邊暢所欲言，一杯酒，一啖肉，真是大快人生。小妹還是覺得日本的燒肉比韓國燒肉的感覺更細膩，配上一杯暖暖的日本清酒，真的很滿足的感覺。先來是墨魚餅，很彈牙，而且味道不會不濃，細嚼著之下有著淡淡的墨魚鮮味。點了這盤燒肉盛，全部的肉都很鮮嫩，充滿肉汁，由於好友的燒肉技術優良，永遠燒得剛剛好，不會太熟又不會太生，小妹真的吃得很滋味。之後好友再ENCORE 了牛舌，入口即溶，真的令人回味無窮。期待下一次再來這裡再做食肉獸

終於可以放假輕鬆一下，便預訂了位子相約友人重臨久違的伊呂波吃個豐富午餐，從來到訪伊呂波都是吃它的午餐，總覺得晚餐不太抵吃呢。一如既往，有嚴重選擇困難症的我點了伊呂波套餐($110)，貪其有齊肉類、天婦羅、刺身、蒸蛋，一次過滿足多個願望。而友人則點了和牛牛排肉定食($150)，我倆都沒有加錢加大肉，反而另外點了一客鹽燒牛舌($40)分享。先說伊呂波套餐，我選了牛肉，沒加大肉的情況下有大約6片肉。刺身頗新鮮，天婦羅的炸漿略熑過厚，亦欠缺鬆脆口感。蒸蛋更是十分普通，不值一提。牛肉送來前店家已經充份醃製好，只要好好控制燒肉時間，其實很難會燒得難吃，肉質不算突出，也沒有入口即溶的感覺，個亦算Juicy的，送飯一流。而友人的和牛牛排定食，無論是肉質或是囗感均明顯比伊呂波套餐的好。至於牛舌亦頗具𡁻頭，調味得宜。其實加了牛舌後我倆已經十分飽肚，再加上燒肉下飯一流，忍不住添吃了半碗，最後還有豆腐雪糕作結，所以二人分吃的話其實不用加大肉亦可。我與友人均覺得店方的醃料可以下得輕手一點，從而令牛肉的味道更突出，但以這個價錢在尖沙咀吃到如此豐富、味道又不差的午餐已經十分滿足，而且抽風設備良好，就算燒肉亦沒有在衣

年初二睇完煙花食飯，年三十晚問過多間食店仍未開市，問到伊呂波不休市，就訂位。伊呂波主打是爐端燒，大堂是長檯需脫鞋將腳放入糟位，旁邊是局間，共二人訂9點，可能是過年關系客人不多，被安排坐六人房。開始點菜，1. 極上日本和牛西冷 - A5扒脂肪均勻，重點是掌握燒烤時間，大概五成熟入口有即溶感，亦夠牛味，不可不試。2. 特選厚切和牛牛舌 - 牛舌看上去就像牛肉，亦是要掌握燒烤時間，大概七成熟入口軟滑可口味濃，好食。3. 松葉蟹 - 整隻松葉蟹上，蟹腳及鉗等已切去部份外殼方便食客非常貼心，蟹肉鮮甜好味。4. 燒魷魚 - 白色半透明，燒烤後濃濃魷魚味，肉身仍帶爽而有小小"簾"口，不錯。5. 精選帶子刺身 - 帶子大大隻連殼上，入口帶乾，亦欠鮮甜，一般以而。另外還點了多杯啤酒及梅酒。整體伊呂波甚有名氣，食品亦有水準，是一間不錯的爐端燒專門店，值得推介。 

之前已跟朋友試過一次伊呂波...對呢度既肉念念不忘...今次再臨，已知消貴不非...但想請兩位帶契我升職的兩位大人食飯....當然要食好野...呢度最正唔單止係D食物質素高，而且個環境好特別...好和風..令你好似身處係日本D居酒屋咁...當然大好多...我地被安排坐榻榻米...兩位大人想飲啤酒有侳酒小食...小女雖然想力保荷包不失...但..唉..叫左碟魚生刺身同TEMPURA...魚生新鮮到爆...超厚切的..TEMPURA亦好好食...炸漿一D都唔厚...剛好包全入面既蔬菜同蝦...我地叫左兩個拼盤...一個係海鮮拼盤，我只可以話最好食既係個北寄貝同帶子..超甜超新鮮..殼入面既水都飲埋....但係其他我就覺得唔應該拎黎燒....因為一控制唔好就變乾或燒焦...浪費了新鮮既味道..所以下次唔會再叫....個牛拼盤我唔記得係有D和牛係入面定係普通高級牛....我剩係知每款牛都勁好食...油脂分佈平均..真係好似睇卡通片咁...食完剩係識講個'嘩'字...食完呢個牛....真係對其他韓燒好無咩興趣...最後我地覺得太好食又字夠喉...就叫多碟牛肉...呢個明顯被比下去...雖則都好食

聽朋友話呢間燒肉好好食，見openrice啲人話午餐平好多，所以就趁放假特登訂位嚟試下，訂咗都要等10分鐘左右先入得，我地坐嘅位置，相信晚餐時會係一間房，午餐我地就坐咗3枱客，入到去好熱，無咩冷氣，叫人寫嘢叫咗2次，我地叫咗個伊呂波套餐，一個和牛牛排套餐，上菜都幾快，食落好普通，無特別!牛肉有啲韌，三文魚有骨有個蒸蛋，好滑，呢個係呢餐我覺得最好嘅嘢食!總括嚟講，食物普通，服務麻麻!都未必會再嚟食午餐，可能晚餐收貴啲會好啲掛。。。

已經訂1:30pm, 訂左枱去到都係要等！行入去，沿路個地黐納納，好似好耐冇拖過地咁。食物方面， lunch set黎講，都幾多選擇，我同朋友一人叫左一個set, 另外加左份牛脷。個set，正常日式料理，set入面D嘢都OK，d肉都幾新鮮, 烏冬...不過不失啦，唔可以話難食，不過唔夠爽身。其他都好符合水準。牛脷就真係麻麻喇，見到其他食評寫到咁好食，先特登加一份，沒有其人講得咁肥美，似一塊對普通肥D嘅牛肉。不過唔知係咪因為係lunch，所以差D...

這間日式燒肉傳說中要早成個月訂座，朋友生日選上址慶祝小聚，亦提前一個月訂座。食物：食物質素極高，和牛跟在日本當地食分別不大，和牛入口即溶，充滿油香，油香在咀裏久之不散，令人難忘。和牛以外其中三樣食物同樣令人難忘：燒牛舌:亦都係入口即溶，分別在牛舌比和牛更重油香同牛味濃郁。簡直只許天上有。生牛肉:醬汁加了柚子醋和味淋，同時加了梨子絲同青瓜絲中和生牛肉的油膩感，聰明的廚師同時亦加了生雞蛋在生牛肉當中，增加了滑度。入口鮮／爽／滑集於—身，口感豐富。海鮮雜炊：也就是我們中國人的泡飯。湯底一般用昆布湯加海解煮成。在香港，很小地方做得好。但他們的雜炊，湯頭鮮甜，比我們的泡飯較杰身一點，粥稀身一點。朋友們即時encore呢個雜炊，大家都讚口不絕。食物有令我彷如置身日本一樣。可惜服務就差太遠。讚同之前食評，店員服務態度一般，而且他們是會將客人的鞋踢到四圍都係。另外，14個人安排坐到中間的10人位置位置，不適程度可想而知。在這個價位而言，我相信會有更好的選擇。

約了晚餐的友人到9點多才出現，我們在尖沙咀走了一圈也未知想吃什麼，走到10點多，看到一間烤肉店的last order 是10:30pm，關門是12am，時間剛剛好，就走進去。店內是以日式裝修為主，中間大廳是一排排的他他米座位，旁邊靠牆位置的是半開放式房間，門口有布廉隔開。當時大廳的位置已經客滿，店員安排我兩到小房間，對比外面，小房較寧靜和私密度高，更適合聊天談心。已過了平常吃飯時間，我們兩個也不太餓，只點了2碟肉和2杯飲品。嚴選栃木和牛拼盤 $480 Assorted Japanese Tochigi Wagyu Beef拼盤分別有和牛牛肩、牛排肉、肉眼和西冷各4塊，各款都是上好肉類，油花豐盛，分佈平均，牛肉烤出井字紋，外面微焦，𥚃面鬆軟，入口牛味香濃。鹽燒上等和牛牛舌 $180 Premium Salted Wagyu Tendon Toogue共有10片，厚薄適中，微烤後腍身帶有點爽口，美味可口。友人點了一杯生啤($50)，而我則點了一支波子汽水($35)，已經好幾年沒喝過，很懷念這個味道。整體食物質素很好，但店員的服務態度有待改善。可能我們是比較晚進去，店員有點黑面，中間沒有加茶

伊呂波燒肉出名好味，lunch亦十分抵食！今次第一次同朋友食晚飯，預左貴一截！Book左8:30, 去到都要等....等到成9點幾先入得！叫左牛排肉，豚肉，雜菜仲有牛尾湯飯！好細心有件圍裙仔！燒肉一貫新鮮好食，好細碟但平均$200一碟，所以lunch真係抵好多！可能太多人...坐成晚冇人幫手添茶......最驚喜係個牛尾湯飯！牛尾好大舊，炆得好入味好腍！個湯又香又清甜，唔油唔渴！食完燒肉，食返啖湯飯可以清下喉嚨消油滯！十分讚！