住家飯

營業中

休息中

今次同朋友去咗屯門置樂呢一間住家飯唔好聽佢個名以為只係得住家飯其實原來仲可以打邊爐㗎！岩岩新開左無耐呢！不過餐廳座位唔算多繁忙時間都需要等位㗎😉.價錢仲要超抵 $168/位任食任飲 兩小時火鍋😚主打低鹽低糖·無味精·無色素真林實料·啤酒任飲·低卡路里·新鮮食材.呢度係QR Code落單的小編比較鍾意食豬豚肉 好爽口彈牙！湯底叫咗壽喜燒 睇落黑蚊蚊咁 不過係唔錯架！星期一至四去食 仲要免+1 添😎真係可以食到攬住個肚呢😋超多食材可以揀！上菜都快呢！😉.🥢住家飯 (屯門)📍屯門青海圍8號屯景大廈地下C號舖

依家天氣清涼，好啱去打邊爐～朋友帶我去食無味精又健康嘅火鍋，任飲任食2個鐘只係$168，仲有奉送無添加味精嘅湯水同甜品。四款湯底任揀，我哋揀咗個蕃茄薯仔湯底 ，湯底配料十足，等湯滾好就可以放入火鍋配料喇！我哋用手機掃二維碼就可以落單選配料，好快捷方便，店員好快就送到餐枱。先喝碗住家湯，有濃郁嘅豬骨湯，無味精又入味。火鍋必點～超級肥牛🥩，牛肉脂肪分佈均勻，而且色澤鮮紅，牛肉味濃郁，滾幾下就可以食喇；豚肉片厚身，肉質嫩滑；響鈴圓拱形，口感爽脆；豬紅滑啫啫，夠補血；丸類夠爽滑彈牙；粟米、娃娃菜、蘿蔔、豆腐夠新鮮，魚皮餃、生根、炸魚皮等等。罐裝飲品任飲，汽水、豆漿、涼茶等；甜品：朱古力蛋糕、芒果蛋糕、朱古力慕絲蛋糕、木槺蛋糕等住家飯地址：屯門青海圍8號屯景大廈地下C號舖

【屯門•住家飯 】🐝————————————————————————裝修新鋪 以不含味精健康好味 嚴選素材 用料新鮮 既 住家飯餐廳 湯水無添加味精🍯｜任飲任食火鍋 ｜HKD 148有四款人氣湯底推介我就嗌左個日式壽喜燒+地獄麻辣湯鴛鴦湯底 值得一讚係服務快手 而且火鍋湯底底料十足而餐廳採用自助落單 用手機掃碼就可以選配料 🍯｜超級肥牛（值得推介）夠牛味 肉質唔差 口感好 絕非普通野🍯｜豚肉片（都唔錯）厚且脂肪分佈均勻 口感不錯🍯｜麻辣火鍋推介 必點既有午餐肉 魷魚 響鈴🍯｜呢度既罐裝飲品任飲 值得一提有罐裝椰汁 啤酒 等 🍯｜奉送 住家湯及甜品 認真有屋企既感覺🍯｜而呢間餐廳除左打邊爐 仲有爆炒牛肉、招牌葱油雙蛋、台式香菇肉燥、嫩滑雞飯、手工餃子等選擇去單叫

呢度堂食店開業咗幾個月，基本上本人每星期都去食。最初食早餐，依家冇做早餐就主打午市同埋晚市嘅「無味精火鍋」啦喎～佢午市每日有6個set…..有茶記飯（平日12點前仲吸引不少地盤工友幫襯食蒸舊魚飯）。或散炒牛肉飯、蔥油豬扒煎蛋飯。亦偶有佳作（意粉、焗西飯🙏🏼）食過米線就一般般，麻辣味好似嚟自花椒油（但未能與湯底混和），但都有住家湯配送嘅！伙記及收銀姨姨都幾有禮貌，地面乾淨👍🏼是咪叫拿坡里青口意粉吖？！ $65每次碗湯都有湯渣

住家飯 (屯門)屯門青海圍8號屯景大廈地下C號舖月尾梗係同助理去Happy Friday ，方便大家返屋企就揀左置樂食飯，住家飯講求健康，裝修企理乾淨光猛，其實唔錯，人流都好旺，今晚揀咗任飲任食火鍋，爽爽佢。鴛鴦鍋底嘅火候掌握得恰到好處，唔會太濃唔會太淡，日式壽喜燒嘅鮮甜味同埋蕃茄薯仔湯嘅營養健康互相輝映，令湯底更加豐富入味。特級肥牛肉質鮮嫩，入口即化，有肉汁滲出，口感極佳。豚肉片嘅肉質綿密，帶有豬肉嘅香味同埋甜味，同湯底配合得好好。滑雞件煮得恰到好處，肉質鮮嫩，有咬感，入口滑嫩。芝士腸味道濃郁，帶有芝士嘅香味。芝心包裡面夾住流心芝士魚腐口感彈牙，非常適合放入湯底中煮。萵筍煮得恰到好處，保持了脆爽口感，帶有淡淡嘅甜味。炸魚皮脆口，食到索索聲。響鈴同岀前一丁都係必唔少嘅配料，響鈴香脆可口，岀前一丁有麻油辣味，整體食得非常過癮。

簡短記錄下幫襯咗兩次的事，唔想咁放負。兩次都係平日都係食早餐， 店內唔多人。第一次入去見有吉枱就坐啦，枱上有張QR code的紙，掃code落單都耳熟能詳。 冇幾耐，店員將啲食物放喺隔離冇人坐的枱， 嗰下我有啲錯愕， 有諗過係員工用膳的餐， 而又咁啱點同一樣嘅食物，坐坐下覺得好怪，點解遲過我入黎的人都上菜，而我仲未有呢？ 而我隔離嗰張枱仍然都係冇人坐。問下店員啦， 點知佢就問我係咪自己轉左枱， 咁我答佢一入嚟我已經坐呢張枱， QR code紙放喺枱面的。 唔知係咪店員搞錯啦， 但係好肯定佢哋冇留意食客坐喺邊張枱， 完全唔覺得張吉枱點解會有人點野食，食物一直放著。。。。。算啦，小事一樁， 今日又去食早餐， 食物冇放錯枱啦今次， 但係韭菜豬肉餃是生的 等待時，一個剛入嚟嘅食客話有小強，要調位到另外一張枱 最後店員轉左熟嘅餃子畀我，但係影響印象分決定至少半年內唔會再返去食， 也學會掃碼落單時睇下枱號岩唔岩