何明記麵家餐廳

營業中

休息中

何明記有個丫姐大聲夾惡😭明明佢自己聽錯寫錯單，然後屈我講錯，之後太態度極差，想逼我要一個錯嘅野食係咁話我講錯，我指埋餐牌俾佢睇，佢都仲話係我講錯🙄自己發緊夢 仲要屈我要

試過日頭食，印象中都幾抵；啲朋友又話呢間元朗老字號啲小菜高水準，咁就試試佢龍蝦新鮮，調味唔會太咸，芝士都幾香；驚喜係有新鮮炸起脆麪配（不過怕熱氣可以跟番伊麪底～啫啫煲上冒煙好夠熱度～鮑魚仔入味又有咬口，啲雞件幾滑配料都索哂啲汁、好送飯～我本身唔好九肚魚，但佢椒鹽炸得幾香口鬆脆，冇乜粉，送下酒又幾過癮～抵讚整個菜食吓扮健康先～帶子大大粒有鮮味，西蘭花炒得爽口唔會太腍/生，都幾好係週末晚市比較多人，要等幾個字先入得，但啲伙記都好招呼，上菜亦快手，整體有驚喜、難怪喺元朗開咁耐，會再帶嘴刁嘅父母幫襯晚市

超級薄片豬扒職員話佢公司啲豬扒係咁薄成張紙咁薄點解唔喺個餐牌上面寫清楚係炸薄豬扒🙄職員話佢公司所有豬扒都係咁好似食緊空氣咁👍🏾👍🏾我不會再食e間餐廳🙄🙄

幾年冇食京都炸醬麵⋯諗住放假去回味下⋯有個後生d染髮扎馬尾既姐姐落單寫炸菜牛腩麵，然後另一個年紀大d既姐姐過黎幫我改番做炸醬⋯最後黎左碟牛腩麵，另上一碟炸菜，我問番馬尾姐，佢話我講錯，佢同佢同事都聽到我講炸菜⋯仲教番我炸菜同炸醬係兩樣野黎😂但你張單係你同事特登過黎改wo，仲寫住炸醬🙈…連埋凍奶茶$81⋯最後我搵番年紀大d個位最後幫我跟，換番碟另上既炸醬。野食一般啦，牛腩我食剩兩舊，杯奶茶冇以前咁好飲⋯$81蚊加埋個馬尾姐⋯我諗我就唔會再去食啦⋯

茶記嚟講，呢間算大，所以較容易搵位，每逢去元朗行山，都選擇呢到食下午茶，款式亦相對多選擇，而且炒粉麵亦夠鑊氣，雞脾薯條亦都熱辣辣。今日下午茶餐揀左炸豬扒拼炸薯條。豬扒薄薄的配上坑紋薯條，份量都幾多，豬扒醃得唔錯，但太薄，真係好似肉片多D薯條實實的，我覺得可以再炸耐少少，可以再脆身少許。餐飲揀左凍奶茶，茶味都頗濃，要少甜果然做到，杯奶茶唔使甜到死實實，不錯！

難得阿媽介紹餐廳，就跨區試試。三人叫咗三個小菜，分量剛剛好。魚腩煲魚腩多過豆腐。肉質唔會散曬。阿爸覺得唔夠入味。煲面大量蔥，岩曬我餸飯。四季豆炒大蝦係當中最惹味。一開始以為係蝦仁，見到有四大件原件大蝦，有驚喜。蝦頭同蝦殼沾滿醬汁，蝦食落新鮮。如果肉碎更多仲容易餸飯。西檸雞嘅做法同我想像中有唔同。呢度係炸大雞扒，再配西檸汁。首先講雞，皮都算脆，肉唔嚡嘅。相比咁，我更鐘意出面炸雞件，包住薄薄炸粉，更香口。第二，西檸汁食落酸味太搶，冇咗甜甜地蜜糖嘅味。三人食飽飽，總共$283，價錢唔貴，味道正常，其實未至於咁多劣評。

今日老細請食下午茶，飽到都食唔落，搵間茶餐廳買個外賣福建炒飯俾老公。區區一個外賣飯真係唔需要特別寫食評嘅😅但我買一個炒飯，有個唔知係咪老闆嘅先生邀請我坐低等，話好快就得，我心諗，都幾好招呼丫。等左一陣，一杯暖水放喺我面前，並傳黎一把聲：飲啖水啦，就黎有得拎。服務真係好回家打開飯盒，炒飯同汁係分開上。炒飯顏色雖然不是金黃色，但係望落唔會太乾身、帶油份，做到粒粒分明又夠鑊氣。芡汁材料有草菇、西芹、瑤柱絲、雞肉粒、蝦仁、八爪魚等，味道香濃又唔會鹹，濕濕地易入口，食到一啖接一啖，唯一不足係份量少，不過71蚊可以食到酒樓嘅福建炒飯已經好滿足

係元朗咁多年，愈做愈衰！味道一般，完全無禮貌可言！只係叫外賣都一肚氣！員工如是！老細如是！袋外賣一打開有陣廁所消毒劑既怪味，成個袋都一陣怪味，懷疑膠袋重用！唔敢食，好過份！

聽聞呢間係老字號，去試咗。見間餐廳幾大，幾乾淨。服務員態度都幾好，餐亦嚟得快。我like食鯇魚，朋友又叫我試酸甜五柳，未聽過未食過就試咗個酸甜五柳鯇魚 $98。份量超大，有成十幾嚿魚，嚿嚿都唔細件，其實味道都ok, 魚就普通普通不過不失，不過我自己就普通like酸甜，都係比較鍾意蒸魚。呢個餐配飯同餐茶，其實都有少少貴。另叫咗雪菜三絲炆米 $58，料唔少，不過有d太重味太濃味，一般般啦，都係跟餐茶，價錢ok可接受啦。不過都係一般茶餐廳，無特別。

首先食物方面我點左早餐 米粉正常但個湯好淡 可以話係無咩味 但勉強可接受 食物黎既速度好均真地都可接受 餐包無焊底真心唔太好食 好難咀嚼。炸魚柳方面正路，但落枱面既辣醬時發現有怪味。總的來說單就正食物一般 但成份都要成50 元真係大把選擇。最離譜係收銀呀姐 唔知係咪是頭婆啦 佢部八達通機就壞壞地既 我比完錢無單出 佢就由我企係到等 收其他人錢。之後我就拍完卡就按確認制 正常就一定有單出 佢見都係無單出 就話返我做咩按制？excuse me? 我等左成兩分鐘等張單而佢又無處理 之後佢就叫我拍多次 佢都傻既擺明比左錢啦已經！佢叫個後生既同事黎用部機check返條數確認我係比左 知唔知點解佢叫後生同事幫手?因為佢唔識用部八達通機呀嘛！單又唔識整出黎 又要扮識 仲好意思叫客比多次錢！你請我都唔再去呀 大家小心！

何明記由一間小小的麵檔做起，到今天這間佔地不少的茶餐廳地舖，都在元朗街市旁仡立不倒。猶記得小時候常常愛到何明記吃碗魚旦河，到長大後它轉營到五臟俱全的茶餐廳~和一般的菜餐廳差不多，都是有那些甚麼星洲炒米、西多士、菠蘿油之類的美食。我們大概下午三時左右到，餐牌已是下午茶餐，我個人喜好點下午茶餐，份量不會太多，又較為便宜。平常午餐時間到的話，也是等一下位置，但餐廳有不少座位，通常等一會兒便會有。叫了一個西多士，炸得十分香脆，加上花生醬的配搭，真的很好吃! 不要少看這個西多士，不是每個西多士也好吃的，簡單平常的料理，個個也會煮，但煮得好與壞，便是考驗功夫的時候了!同埋叫了一客星洲炒米，不過不失，咖哩味很香港味道，不錯不錯~

何明記由一間小小的麵檔做起，到今天這間佔地不少的茶餐廳地舖，都在元朗街市旁仡立不倒。猶記得小時候常常愛到何明記吃碗魚旦河，到長大後它轉營到五臟俱全的茶餐廳~和一般的菜餐廳差不多，都是有那些甚麼星洲炒米、西多士、菠蘿油之類的美食。我們大概下午三時左右到，餐牌已是下午茶餐，我個人喜好點下午茶餐，份量不會太多，又較為便宜。平常午餐時間到的話，也是等一下位置，但餐廳有不少座位，通常等一會兒便會有。叫了一個西多士，炸得十分香脆，加上花生醬的配搭，真的很好吃! 不要少看這個西多士，不是每個西多士也好吃的，簡單平常的料理，個個也會煮，但煮得好與壞，便是考驗功夫的時候了!同埋叫了一客星洲炒米，不過不失，咖哩味很香港味道，不錯不錯~

今朝陪老公做完物理治療，我哋去咗附近的何明記食午餐，以茶餐廳嚟講，地方企理，見到Cashier位置好多收藏品😆我哋分別叫咗：《沙嗲牛肉+金絲生麵》，牛肉唔錯，有牛味，亦夠嫩滑。另外跟餐仲有個火腿奄列+多士，配埋杯咖啡，份量足夠。另一個《紫菜四寶丸麵》+10 轉咗《自家製極品瑤柱蝦子乾麵》。湯底清加少許蔥花，四寶丸爽彈，可惜麵質較硬。

呢間茶餐廳望落十分大，而且乾淨企理，吸引到我入去試下。是日晚餐選擇都算幾好，而且有別於一般既茶餐廳既菜式。今次試下普通茶餐廳都有既蝦仁炒蛋飯，咁先比較到高下。呢個蝦仁炒蛋飯加左好多生粉水打獻汁，所以食得比較漿口，而且又食唔到炒蛋既蛋香，價錢又唔算特別平，不值一試。

紅燒豆腐飯係會飯餸分開裝既，驚喜﹗不過飯係旱既 而且太乾難食!!!紅燒豆腐個汁 唔好味 三色蒸蛋有惺味，出哂水，而且蒸得超老食完感覺好難受﹗ 碟三色蒸蛋，要$81蚊……