何明記麵家餐廳

營業中

休息中

唔知係咪因為突然落大雨, 平時lunch繁忙時間竟然大把位, 好少可以咁舒服, 唔駛同人迫到食餐lunch.................以前元朗出名食嘢平, 但唔知點解呢間咁貴? 其實裝修前都唔係平, 但主要食粉麵, 裝修後都未嚟過, 原來變咗做高級茶餐廳............睇咗餐牌好耐, 都唔知食乜好, 個個都話未餓, 所以5個人就叫咗3個午餐................ 時菜斑腩炒河呢個味道唔錯, 河粉係用幼身果隻, 又唔會一pet pet, d斑雖然細舊咗少少, 但都算幾多舊, 而且個炸粉都唔算錯好厚身......... 豉椒牛肉炒麵炒麵係炸到脆卜卜果隻, 唔錯, 但面頭個芡料太勁太多太油, 好快令到d炒麵林哂, 吸哂油, no good~ 菠蘿雞粒炒飯完全見唔到菠蘿咁濟, 切到碎濕濕, d雞粒就變咗雞絲, 仲要係雞皮多過雞肉..........不過個飯炒得幾散, 唔會一舊舊, 味道亦偏淡, 夠哂健康.......... 凍檸茶佢同隔離果間茶餐廳的飲品杯都係偏大, 所以都幾抵飲, 2個人share飲就啱啱好~ 雖然我落單時叫了少冰, 但仍然覺得好似好多冰, 至於味道方

我以前從不寫食評, 今次真的要寫一個食評來投訴一下!星期六下午, 我黎何明記食下午茶, 擴充後的何明記, 面積明顯大了而且我發覺下午茶餐加價了, 一個下午茶餐要三十幾蚊, 真是有點貴!最後, 我還是點了一個豬扒麵, 等了一陣, 侍應拿住一個麵和一碟豬扒, 麵就放下了給我, 但豬扒就送到另一張枱我覺得很奇怪, 直覺覺得侍應送錯豬扒去別處, 追問之下, 侍應果真的送錯豬扒去另一張枱, 結果侍應從另一張枱拎返碟豬扒給我事情擾攘了好幾分鐘, 當待應從另一張枱拎返碟豬扒過來時, 侍應同客人理論過, 相信該位客人已經食過了這碟豬扒侍應要求對方付款, 但對方拒絕, 最後退了這一碟豬扒給我!我要求侍應換另一碟豬扒給我, 最後又再擾攘一輪, 才黑口黑面地換給我!!!我今日吃了一吐氣, 這樣的服務根本不值得再光顧!事實上, 麵的份量比以前少了, 價錢又貴了不少, 論食物, 不是非吃不可, 質數普通論服務, 侍應處理手法有問題, 而且態度惡劣論衛生, 餐廳怎可能將別人吃過的食物轉送給我? 這樣的價錢和質數, 根本不值得大家再光顧!

短短的出外一晚後，接著的週末媽媽可忙了；不是忙玩忙食，而是寶寶生病了，要帶他找醫生! 與老公有點似盲頭烏蠅四處找，終於看了醫生拿了藥，才驚覺肚子怪怪亂叫已久，就來了何明記吃個late breakfast。選擇這裡沒有其他，只為它是間地方較為寬敞的茶餐廳，可以放得下BB車之餘，又可以快靚正的完成一頓。來到之時已是十一點多，估不到仍有早餐供餐，就與老公要了自選早餐及西式早餐各一。　首先上檯是飲品，我的熱奶茶是一貫茶記水準，香滑令人滿意，那份溫熱感正好抒緩了媽媽緊繃的情緒；老公的凍鴛鴦要加$3，有點貴，還好份量也不小。自選早餐($29)即是兩件頭早餐，老公選了雞翼，成品是炸雞中翼三隻，附以一件方包。其實炸雞翼水準不俗，皮脆肉香嫩，不過只得一款食材難免有點寡，如可選雞翼配煎蛋／炒蛋，理應更吸引。另一件頭是回鍋肉米粉，因老公稱不少茶記選回鍋肉要另外加$2，這裡不用已經抵回了；之不過，成品的回鍋肉件數不多，整碗粉的味道較淡，當然以早餐來講吃清淡點是好。我選了牛扒、煎蛋、腸仔的西式早餐($29)，其中牛扒又瘦又小，縮水模樣十分可憐；煎蛋也是乾扁扁的，毫不吸引，腸仔也沒有過人之處... 這個組合再加一

今晚跟老公沒有煮飯去了光顧多年的何明記晚餐。我們想點梅菜篜鯇魚但該位仕應說：沒有鯇魚沒有梅菜只有盲曹，結果便叫豉汁蒸肓曹及西蘭花炒花支。炒花支的味道還可以保持水準但油了點；但蒸魚的味道就差了點那魚的肉少許梅而且很多油沒有鮮味。我倆吃了$104埋單時沒有一句多謝!那落單的男仕應態度更是無禮貌!這裏令我光顧多年的心淡了!!

I came here for dinner quite often. I choose a standard $52 dinner set for tonight. Soup, rice, 1 dish and a drink. Taste ok, not really oily.The place is clean with good service. Big TV. Very good milk tea (one of my fav).It's not easy to find another comfy local restaurant like this one in Yuen Long.

新春第一個食評.祝大家新年快樂!哈.遲左好多.年初三的日子.食肆大多數關門.開門的價錢都貴2倍.但仍然坐無虛席.很難在呢間店找到2個位.仲要係俾冷風吹到正的/一個單拼麵飲品46元.雙拼.加飲品50元.....想起都肉赤.呢間店環境擴大了,但座位仍有少少迫..雖則貴.但店員非常有禮..水餃魚旦麺加熱華田...水餃:唔錯.全粒都係木耳.豬肉漸小部份.好食.而且大大粒.我好滿意.魚旦:就一般.硬硬的.一丁點魚味都沒有.麵:銀絲幼麵.入口爽..有很多人買外賣....湯底:濃味.有少少羅漢果的甘味.......熱華田,奶味重過華田味味道的確不俗.可惜份量偏少.而新春價的確是增加了1倍.所以只可中級評分

晚上七時半左右，在又新街下車後，往阜財街找食；星期五這個時間定必多人，難得這茶餐廳有六人位，環境也算不錯；於是便決定在這享用晚餐。有火鍋或小菜選擇，但我們都選了後者。六人點了五個小菜套餐（一碟小菜＋一碗湯＋一碗飯）：（1）菠蘿京都骨﹣醬汁味道不錯，但京都骨有點’癡‘牙；菠蘿有點像水蜜桃；但整體味道不錯！（2）薑蔥霸王雞半只﹣雞肉嫩滑，味道也不錯；吃不出有‘冰鮮’味！不錯不錯！（3）野菌粉絲雜菜煲﹣五種小菜中最不讚好的一樣；太過油膩；而且沒有新鮮菜味！（4）沙爹粉絲肥牛煲﹣味道很足夠！肥牛不太韌！正！粉絲也很入味！（5）枝竹豆卜斑腩煲﹣五味餸之中算最不錯的！枝竹豆卜都很入味，但不會過鹹！斑腩也很美味！不過，要我們夠等了20﹣25分鐘才有第一道菜上場；期間連湯也沒有！地方雖大，但人手極度不足！顧客們不停舉手也沒有回應！還有，大部份已經是火鍋客，廚房上小菜的時間實在長了些!須改善！餐牌有不同的選擇，都適合有不同口味的大夥人一起光顧！能滿足各方口味！

見唔駛等位咪試下儸，見新裝修，好似幾干淨佄。叫左常餐，個火腿奄例又油又硬又凍，個鮮牛米完全無味，34蚊下午茶，凍飲要加3蚊，好貴儸！火腿奄例 + 鍊奶朱朱，個包OK，不過都係侗既。鮮牛米粉，好少好清。

何明記擴充，由一間舖擴大至兩間舖，地方大咗，靚咗，但係食物選擇少咗，價錢又貴咗，質素就……今晚老婆收夜，一個人走去何明記食飯。一個小菜套餐，唔計最貴嗰四、五款，約$48至$55一份，包一碗白飯及一個例湯，好似唔太貴，但係睇埋份量及質素就……眼見隔離枱嘅份量唔多，就叫咗兩份餐，不過白飯、例湯就各一已足夠。先上例湯，冇咩寄望，但居然唔夠熱！完全唔明白點解！雖然話送，但係唔熱嘅湯，點飲呀！叫咗一份乾炒咖喱雞$55同一份XO醬西芹炒斑片$52。乾炒咖喱雞，唔辣，只不過係將一件雞扒斬件，加幾件薯仔，混少量咖喱粉炒成；坦白講，對於我來說，雞扒比雞件更好，因為啖啖肉，冇骨，但係就冇雞翼咁滑、咁入味，而且這個所謂乾炒，其實冇什特色，味道尚可，但乾到連汁都冇滴，點餸飯！至於XO醬西芹炒斑片，就完全唔夠XO醬味，油太多，肥膩，斑片就預咗係雪藏斑片，不過質地都蠻可以，只係冇魚味。整體上，裝修後的何明記，各方面都差咗，但價錢卻貴咗，有待改善！

今日去何明記叫咗個雲吞麵外賣，而家愈諗愈火滾，真係想攞返碗野去換返24蚊。只係個外賣碗已經嚇死人，細到咩咁，好孤寒咁，冇d大方。再講佢個外賣就附有辣油既，D辣油入面D料黏埋一舊都唔係好似人哋d xo醫d料咁分明，如果想落小小的話，就一定要用筷子夾出黍。佢個麵就係普通幼麵一個，不是，應該係半個至真，少到連一個都不如。雖然都有四粒雲吞，但係質素真係大不如前，同一粒普通豬肉雲吞差唔多，蝦味唔出就算啦，仲到咬落去完全冇蝦既質感，出面喺超市買到嗰隻PX原隻鮮蝦雲吞都好過佢多多聲！想加底，要10蚊，真係獅子開大口啦！仲話係元朗名牌食店既何明記，真係想留住客源，就唔該你要開源節留之餘，保持返應有既質素啦，我碗野仲要賣到24蚊，唔平既喎！我都係睇在何明記係元朗名牌食店先想試下，估唔到同幾年前我去食係差咁遠，真係......唉！！

睇完白泥日落，返回元朗，朋友請我佢食元朗著名的何明記，話要我一定要試佢地出名的黃金雞翼。朋友話何明記自舊年閉門裝修後，等足幾個月，今日終於重開，叫我一定要幫襯。論環境，裝修過的何明記的確好舒適，店舖好大間，卡位好多，六點幾，我地可以即時有位兼且可以坐卡位，算唔錯啦！不過，坐落之後，愈坐愈谷氣，食完大家齊齊話永不再幫襯。＊第一宗罪－－食物大幅加價：裝修後，朋友話食物價錢大幅加價，好似平時食開的常餐，之前係32元，而家變左37元，凍飲加三蚊，40蚊一個常餐真係唔便宜。＊第二宗罪－－要咩無咩：我地齊齊叫常餐，不過朋友揀通粉，我揀生麵。落完單過左一陣，店員轉頭話無通粉，朋友只好改只意粉，又過左一陣，店員又話無，結果朋友唯有改叫河粉。一間茶餐廳，通粉同意粉係基本食材，點會咁都無，係咪趕開業，唔理三七一呢？！＊第三宗罪－－廚房內鑽地：呢度的廚房係開放式，我地睇住有工人係煮麵位置係咁鑽地，不斷鑽鑽鑽，嘈都不特止，係煮麵師傅旁邊係咁鑽，究竟講唔衛生架？＊第四宗罪－－店員服務質素奇差：先講落單的店員，居然落兩個簡單常餐，我地重複講好多次都落唔到，寫得又慢又唔識計數，等佢寫完張單，都可以訓足一覺！最可怕係

港式奶茶已大不如前, 猶其是快餐店, 多是奶多茶不濃, 故溫度不高, 沒太大茶味.茶餐廳也難得好飲. 何明記是數間我認為是高水準之一的茶餐廳. 茶夠熱, 夠茶味. 鄰座有人說好過蘭芳園, 實是好過多多聲. 蘭芳園只是浪得虛名.雲吞麵亦很好, 雖未到頂級, 但亦屬佳作. 麵沒太梘水味, 夠彈牙, 湯底亦好, 雲吞多蝦, 皮薄, 夠爽甜. 其餘則普通也.

元朗何明記係元朗老字號茶廳餐，其生麵爽口味美更是無人可比，因自設手打麵工埸。星期四中午下午茶時段不用等，可坐卡位，和太座叫了沙爹肥牛炒河、云吞麵及熱奶茶二杯，又好味，又飽肚。

之前覺得此店食品價格與其提供品質不成正比, 已經年多沒有光顧. 當日因為隔鄰食店客滿關係再走入此店食早餐, 差不多30元的早餐價格已經是鄰近食店之冠, 但是早餐份量真的小得驚人....我點的公仔面還可以有點質感但味道很一般, 不至於難食...但是, 我老公點了一碗牛肉面, 吃兩口已經吃完了...我相信再來多兩,三碗, 他也可以把它消化 (他的食量只是一般, 不是大食量之人)... 如此份量真是和價格成反比.... 決不再光顧 !!

魚佬小時候屋邨食咗一檔小販水餃檔咁多年都揾唔返嗰種味道即使麥奀、池記都食過, 好味但以麥奀較近似嗰檔嘅味道聽姑拉講話元朗有間何明記嘅雲吞麵好似嗰檔嘅味道星期六即刻一家人(5大1小)去尋找回憶中的味道叫咗雲吞麵餐, 火腿奄列+熱檸水雲吞一啖一粒, size啱啱好,豬肉同蝦比例啱啱好, 火腿奄列好普通, 無蛋漿流出嚟魚佬叫雲吞撈麵+凍檸水雲吞無驚喜但好味, 蠔油不太咸, 跟上嘅湯似有味精嘅韮黃上湯淨水餃魚佬話近6成兒時嘅味道, 可能大地魚味道不夠但水餃皮有少少似魚皮餃皮 我叫本地鹽焗雞鈑+熱檸茶白飯一碗, 極普通偏乾雞真係無雪味, 但偏瘦奶奶叫白汁海鮮焗飯+熱檸茶好大碟, 白汁好味, 海鮮偏少, 都係幾舊魷魚, 細蝦同仿蟹柳流浮山蠔油芥蘭芥蘭爽脆, 蠔油不太咸, 好味炸雲吞偏乾, 點咗甜酸醬就好啲服務幾好, 啲阿姐好細心又有禮, 好好笑容, 以茶餐廳來講真係滿分, 服務仲好過翠華例如我哋6個人要分開坐一張4人枱+一張2人枱, 環境真係好迫, 但門ロ姐姐安排我哋坐到連枱, 唔使分開坐得老遠例如見我哋食物太多, 食得辛苦, 走埋嚟取走調味架(當然有問過我哋)例如上焗飯, 本來可以放小肥髀前面,