何洪記

營業中

休息中

憂鬱星期一從來都心情麻麻，晚餐最好簡單惹味，提一提精神。何洪記傳統粵菜，選擇多，粥粉麵飯各樣俱全。除了主菜牌，精選小菜看上去也很美味。魚，菜，肉，飯。食慾大開。鹵水豬耳，點一下酸甜汁，既開胃又爽脆，豆腐底又嫩又滑，非常入味。椒絲腐乳通菜，少油少鹽，健康。姜蔥蒸魚腩，魚塊鋪上少量薑絲，灑上豉油，另每塊魚腩都入味，提升魚肉的鮮美。最後是揚州炒飯，飯，叉燒，蝦仁，菜，粒粒分明，炒到乾身。不知不覺兩碗落肚。配上粉紅清甜的洛神花茶，冰凍涼爽，一解週一的鬱悶。

如果你喜歡吃，粥，粉，麵和中式的點心，你一定不要錯過何洪記的出品。出名的細蓉係我經常幫襯的原因之一，雲吞鮮味十足，麵條可口彈牙。粥方面，我就喜歡艇仔粥，材料豐富，粥的稀杰啱啱好。中式點心雖然選擇不多，而且價錢較貴，但勝在材料新鮮，手工精細，特別係腸粉，即叫即蒸，十分美味，所以貴得有其道理的。每逢中午午飯時段，很多時都要等候一下，不過通常十五分鐘都可入座，如果你都喜歡吃粵菜，粥粉麵和中式點心的話，不防一試這間連續多年有米之蓮之星的食店，應該我不會介紹錯的。

今晚唔想食得咁heavy,所以嘗試在搜尋下粥粉麵鋪頭，不過選擇其實不太多。估唔到希慎廣場都有間何洪記可以試吓！首先要讚鋪頭門面裝修好華麗，絕對係高級的粥粉麵鋪頭，已經好吸引我！而且在門外的男經理禮貌地告訴我還有45mins要last orders 可以考慮入唔入座 要讚服務質素我選擇了招牌雲吞麵，分別有細（$42）和大（$60）size選擇,由於我大肚餓，所以叫大size我覺得麵很彈牙，湯底都不錯，不過我認為雲吞有啲失色，蝦無鮮味，雲吞略嫌細粒，都有五，六粒，而且價錢都偏貴$60。食完雲吞麵完全唔飽，希望可以改善下，反而我見旁邊客人叫豬手撈麵不錯呢！

🌕🌕🌕🌗🌑🍽正斗鮮蝦雲吞麵 (大) ($60)😋全碗有淡淡嘅鹼水味，唔過火😋大地魚嘅湯底好清甜，有少少蔥白段，真係會一羹接一羹咁飲😋雲吞係一口偏細嘅size，皮超薄但無爛🙂入面包左爽口嘅蝦同少少肉，可惜蝦味唔算重😋幼麵仍然爽口，煮得岩岩好🍽加料皮蛋及第粥($78)😋內有一粒肉丸，兩舊類似生腸，兩/三舊豬潤，兩舊豬肚，仲有舊爽口嘅唔知咩🙈🙂肉丸同雲吞嗰餡一樣size，迷你但係肉為主，無特登落粉😋生腸爽脆，甜，完全無腥味🙁豬肚偏薄身，唔係太食到味🙂豬潤無渣，但中間有少少筋，算處理得幾好😋餐廳對食材應該相當有信心，所有內臟都無醃過，食翻原味😐可惜無調味令佢地差唔多味，第一啖比清甜驚喜左，之後就無咩特別，有啲失色🙁最差可以話係皮蛋‼️煲粥都唔期待溏心皮蛋，但蛋白偏韌而蛋黃無香味，完全食唔到皮蛋應有嘅味道😋粥底驚艷，係綿到唔會見到米，裡面有兩段西芹😋呢碗食唔到米香，但保存左咁多材料嘅鮮甜🍽蟹子棉花雞($50)😋蟹子份量合理，增添左口感，雞都蒸得滑🙁三舊雞都有骨，而且其中一舊嘅骨位比較刁鑽，食落都幾麻煩😋四塊魚肚都炆得腍，入味，好食‼️呢個價錢我預期唔使自己吮骨咁辛苦👌🏻茶錢$3，唔算濃嘅普洱茶(?)

一入門口，我話搵人，個西裝友話：咁你度左體溫先la真心，心急忘記度體溫，咪提下個客，真心唔使咁差語氣牛肉腸：皮薄餡多ha子蠔王卷：ha子係面，加上大大隻鮮蝦係中間，足料魚皮：夠厚夠脆，但份量唔多

難得山長水遠去到銅鑼灣，可以同男友一齊開心嘆返個靚靚下午茶，真係好開心。我地喺希慎廣場12樓至14樓逛咗一陣，都有不少食肆，有很多人在排隊等位，我地最後揀咗大家都鍾意嘅中式餐廳！店員安排我地坐卡位，坐得很舒服。點咗我至愛嘅皮蛋瘦肉粥，粥底綿滑，瘦肉夠鹹味，只係皮蛋份量略嫌少咗啲，與餐牌上的圖片不符另外，點多一份鮮蝦腸粉，腸粉滑捋捋，鮮蝦大大隻，好好味！同埋再點咗碗招牌雲吞麵，雲吞一粒一啖，皮薄餡靚。生麵幼滑，容易入口。大滿足呢！多謝男友經常請我食好東西！

事原出左銅鑼灣，食完豐富的下午茶後，走咗去行街，買到成手都係野🤪🤪🤪，本身諗住去11樓的food court 食，但係周圍都無位坐，就算有位坐都擺唔到野😅😅😅所以最後選擇想一層食粥同面，都坐得幾舒服，不過唔知係咪疫情關係人數比較少。但食物質素很好👍🏻👍🏻

聽聞希慎道的何洪記乾炒牛河好出色,於是乎今天帶同一家大細 去試，下單8碟食物4人食，叫侍應畀咗四杯水 ，幾乎同滾水冇分別然後查詢可否畀杯凍水小朋友 侍應就話要購買，咁小朋友要飲就即刻買，原本以為要買隻水應該係好靚嘅，點知 一支極細嘅bonaqua水好似300ml 成為$19，真係笑咗，都算，離開咗店鋪之後 一家大細個口超乾 狂撲水飲

食物價錢是一般店舖的兩倍，點心也是超貴但不比添好運的好，水餃麵品質也只是一般，與價格不乎，不是想像中好味，相信麥奀記和沾仔記更好食，另外例如一碗桑寄生蛋茶連一粒蓮子也沒有，價錢卻要40元

今日男朋友話突然想食鯇魚皮🐟👦🏻🙊🤭於是我地就去左何洪記到食晚餐😊 我地叫左個二人套餐加多碟鯇魚皮😋爽脆薑蔥鯇魚皮鯇魚皮晶瑩半透, 質感滑溜, 口感爽脆有嚼勁, 拌埋薑蔥醬油同花生🥜, 非常惹味!😋正斗鮮蝦雲吞麵雲吞皮夠薄, 餡料飽滿入味, 蝦肉味鮮, 肉質有層次! 麵質爽滑柔軟, 質感彈牙!😊乾炒牛河🐂鑊氣幾夠, 味道正常, 份量都幾多叉燒酥叉燒餡料幾多, 外層酥脆, 味道唔錯☺️炸兩腸粉幾滑唔乾, 外腍內微脆, 幾好味!😋芝麻糊芝麻味香濃, 質感幼滑, 甜而不膩😋👍🏻總結:整體食物味道唔錯, 服務質素良好, 環境舒適!

有朋友從外國來香港旅遊 , 他說想食雲吞麵 , 但見他西裝筆挺 , 看來難以帶他去踎街邊 .... 於是筆者就帶他到位於 銅鑼灣-希慎廣場 , 曾獲米芝蓮一星級的 何洪記 , 食碗麵 ~Menu ~鮮蝦雲吞麵 (大) : 一碗有四粒雲吞 , 鳳尾雲吞是正宗的一口 size, 雲吞的內餡是鮮蝦和豬肉 , 味道鮮美 ; 銀絲細麵爽口彈牙 , 湯底清香又帶有大地魚的甜味 , 不愧為 "米芝蓮一星" 雲吞麵 ~蝦子柚皮 : 這是傳統的手工菜 , 工序複雜 , 在坊間不容易吃得到 ; 柚皮用湯餵得相當入味 , 相信這個湯底必定足料 ; 蝦籽炒得香口 , 柚皮炆得軟綿腍滑 , 重柚子味而不苦澀 ; 好一道傳統的菜式 , 突顯了廚師非凡的廚藝 ~本篇完 ~

餐廳裝潢精致用心，座椅都是讓人心情愉悅的藍色。除了深受歡迎的流沙包外，其他小吃也很不錯，桂花枸杞糕顏值很高，晶瑩剔透的，口感香糯Q彈，帶著濃郁的桂花香氣，很適合作為下午茶的甜點，健康又美味。

我男朋友愛吃粥，貪方便昨天去了希慎的何洪記，我們叫了：>豬手撈麵 - 麵質爽口，豬手皮鬆軟，但豬手肉的筋腱不夠稍嫌硬了點。>爽脆魚皮 - $67一碟，份量細得可憐，大概只有8小片，味道正常，爽脆的。>白灼豬什三併 - 三併包括豬肚、豬腸和豬腰，肚和腸都可口，但腰則不爽口兼沒味沒道的。>白粥 - 成$31碗白粥都叫，原因是因為男朋友想多吃一點粥，不然都給豬什佔了空間，結果白粥一小碗，不是正常的粥碗啊～本想叫碟青菜，但最簡單的青菜，例如青炒菜心，椒絲通菜，竟然全都過$100一碟，實在驚人，5星酒店中菜廳嗎？小小一間老牌粥麵店上了大商場夠薑如此開價，佩服!如果貪唔洗等位，洗錢又豪爽，都OK嘅!

經常外出食飯，要選那一間餐廳進食，已經是一個難題，只好選一些未食過的餐廳試試看。何洪記是米芝蓮一星的代表，由街邊鋪開始做起，紅左，就搬入商場，又估唔到它係香港只得兩間分店。皮蛋瘦肉粥嘅瘦肉較鹹，皮蛋又唔夠味，只靠鹹瘦肉帶起味道，還算可以的。但牛腩撈麵嘅麵放耐一陣子，已經痴埋左一堆，不易分散，而牛腩沒有咬口，質地較厚又不彈牙。還有點炸兩的，但腸粉跟油炸鬼變得唔夾，各有各獨行。食物的質素確實令人失望。反而想試試昔日還在街鋪的雲吞麵。

我有時同男友都會食下呢度既粥同埋雲吞麵。老實講拒既粥係真係煮得好綿滑，肉眼已經可以見到好滑，入口更係唔使用牙咬就吞到。不過價錢黎講都幾貴，ᴴᴷ$64再加一食碗艇仔粥，性價比一般般，係有時唔舒服或者真係好想食粥先會去食。我男友就話覺得呢度既雲吞入面有彈牙蝦肉，而且係幾有鮮蝦味。另外，呢度既服務態度非常好，店員笑容有加，特別係門口帶位那位店員、每次去都勁好笑容😊。題外話，周圍都坐滿遊客，聽到大量普通話。😂😂