佳佳甜品 (已搬遷) 新店位置

吃畢麻辣的巴蜀烤全魚，當然要吃些甜的，來中和一下！ 附近有家口碑不錯的佳佳 - 門面簡潔平實，不像鄰店又燕窩又甚麼的豪氣，反倒予人一種輕鬆的親切感。看店的，是一位老婆婆 - 別看她一把年紀，可把店打理得很好，店面很乾淨；天時暑熱，眼見額角掛了滴汗珠的太公叫凍芝麻糊時，還不忘提醒一句：糊系的甜品，不及其他的冷。雖然太公最愛的是芝麻糊，但終究敵不過悶熱的天氣，還是改要第二最愛：綠豆沙。佳佳的綠豆沙煲得很好，全起沙了，而且婆婆還把綠豆衣隔走吧 - 吃上去，幾乎是完全沒有渣；非常清甜，天熱暑熱喝這個，實在一流！唯一不太喜歡的，是百合過硬，不像其他店家，都煲腍了 - 是後來再加上去的嗎？怕經隔渣後甚麼也沒有，人客會責怪嗎？不過，也許是不習慣而已，況且吃下去不苦且帶點清香，為這碗清甜綠豆沙加一點香氣，也不錯。「家有一老，如有一寶」憑多年經驗煲出來的糖水，果然功力深厚！

同好友食家"乜都放入窿"飲完酒, 食完野, 大家依然意猶未盡, 決定由老尖行落去佐敦, 食番個甜品作為終結; 由於都幾夜, 所以松記都關門大吉, 於是好友食家"乜都放入窿"決定轉戰黎呢間食店!入到食店人唔算多, 不過店內坐位唔算多, 同坐喺街邊分別唔大, 不過唔理咁多, 坐底即刻叫碗甜品先; 師傅就揀左凍綠豆沙, 而好友食家"乜都放入窿"就揀左麥米粥, 轉個頭就有得食!師傅先講下綠豆沙, 綠豆沙夠冰凍, 不過就有種好特別嘅味道, 細看之下先知原來係百合, 百合綠豆沙師傅都係第一次食, 不過並不討好, 因為百合嗰種香味並唔係太吸引, 師傅反而覺得腥腥地咁, 同平時食開嘅海帶綠豆沙感覺差好遠, 不過好彩夠凍, 所以師傅都能順利食晒! 至於麥米粥師傅就冇試, 但應該不差!總括黎講糖水質素尚可, 價錢唔貴, 如果天氣唔太熱都可以黎呢度坐一坐, 不過對於師傅黎講最重要都係開心, 所以就算今次糖水不太吸食, 但都唔會比都喊臉, 因為醉翁之意不在吃, 不過再黎可能性應該不大!

今天跟幾個書友，去了油麻地寧波街的佳佳糖水佳佳糖水的招牌是它的湯圓小弟叫了碗紅荳沙加湯圓先看湯圓，輕輕嬌軀，多麼雪白，看到口水標嬌小的湯圓，整粒入口，慢慢用犬齒，輕輕的劃破，薄如蟬翼的湯圓皮內裡芝麻餡，火山熔岩般湧進口腔，甜味輕輕的包圍舌頭，健怡的甜度，不在於挑戰人的上限，而是叫人重透平凡再見夢幻，芝麻的香勁，連呼一口氣也是芝麻香慢慢在口腔咀嚼時，不禁想大叫聲：好!好在皮薄餡又香，雖知一粒皮薄的湯圓，所下的功夫是不會少的最怕坊間一些，大大粒餡多滿溢的湯圓，吃後，總要鯨吞兩大碗凍水，牙齒的臼位都會有糯軟的湯圓皮，好像要賄賂我，不把它的暴行公諸於世一樣。紅荳糖水都是那種平淡而欠缺後天加工的樸實味道。

尋晚聽完香港電台梁榮忠佢地既節目話係佐敦個頭有間糖水鋪收零晨4-5點, 所以好Crazy 地和細佬,一個朋友3個人 3點鐘就飛的士去食, 都幾易搵, 因為得佢一間收得咁夜, 一去到我就叫左碗麥米足, 食左第一啖就比左細佬食,換左佢碗芝麻糊, 因為碗麥米足有d 奇怪既味道, 不知是不是椰絲味,總之有點怪怪....., 個芝麻糊唔錯, 口感幾好.感覺好細滑. 我地3個人叫左6碗, 差不多有半個menu 既食物都比我地叫左 !!特別一提係佢個寧波湯丸 - 特濃薑水, 只係佢拎過黎個一刻...已經聞到強烈既薑味, 一放低望到個色...已經知道有d料到 !!! 喜愛飲濃薑水既人一定好鍾意....不過我就比較愛吃佢既湯丸, 個皮感覺好煙X, 口感十分好 !!!值得去試 !!!香芋西米露 - OK, 好在個糖水係椰汁加香芋煲出黎,不是椰汁還椰汁, 香芋還香芋 !!!燩旦: 普通,

飯後特地從尖咀過來這邊吃糖水坐下以後看到"濃薑"兩大字,身為薑的大好者的我當然不作他選熱騰騰的濃薑蕃薯糖水隨即奉上先來一口薑湯,薑味濃郁,喝過兩三口以後還會覺得有點辣,天氣冷的時候喝這個就最適合不過了蕃薯就如樓下食友所說的 "夠淋又無根"入口即溶,與熱呼呼的薑湯絕對是perfect match另外,湯圓皮非常的軟熟,咬下去煙煙韌韌的芝麻餡的味道也不錯,惜份量少了點算是不錯,但可以更好p.s可能自己喜歡吃熱的關係,總覺得薑湯冷了就會變甜,薑味亦不如熱的時候濃所以提提大家在跟朋友們聊天的時候也別忘趁熱多喝幾口薑湯呀下次來試芝麻糊~~*

090110燉蛋＄14白果薏米腐竹加湯丸＄12+＄4門面就知係食傳統嗰種糖水，睇咗佢貼出嚟嗰啲報道，就嗌燉蛋同腐竹 個蛋滑，冇臭腥味，我唔係好鍾意食燉蛋，就係怕蛋腥味，呢度嘅就幾好另外個腐竹糖水，嗰啲白果同薏米煲得淋之中又帶啲煙靭，腐竹唔係熔晒，飲落有質感兩個甜品嘅甜味都唔重，幾好

本來諗住去松記食幻彩明珠，點知去到門口已經見到好多人等緊位，算啦，放棄！正當我哋諗緊轉場去邊間時，大嚿諗起呢間，好！就去食"糊"，原來呢間都唔弱呀，D枱擺晒出街架，不過都有容得下我哋兩個嘅二人枱~我又想食蕃薯糖水，又想食杏仁糊，不過最後係揀咗合桃糊加湯丸大嚿就要芝麻糊加湯丸！湯丸係細粒D架喎，芝麻饀，可能寧波湯丸係細粒D? 但係好食呀，皮薄饀靚咁囉芝麻糊同合桃糊都好滑，唔算太甜，啱晒我口味！不過我哋都覺得咁滑，會唔會唔係生磨嘅呢?因為生磨果D通常都有D粒粒丫麻，不過最後都認為好食就得啦，don't care about 生磨or not！P.S. 我下次要試蕃薯呀~

二人深夜兩點無事做,又唔想返屋企,最好係去糖水舖hea下!朋友帶左我去中式糖水店佳佳.兩個人叫了三個糖水share食.春蛋燉雪耳雪耳煲得好稔,所以d糖水有少少膠質.平日我都唔喜歡太甜,但都覺得它有d淡口.合桃糊加芝麻湯丸:個糊好滑,但合桃味不足.湯丸皮軟稔稔,芝麻味好足亦好滑,正!金黃蕃薯糖:夠薑少甜,蕃薯好粉又無根,正!雖不是什麼出名糖水店,但坐得舒服,食得出用心製作,一定會再來!

由於之前在雜誌看過呢間甜品店, 所以今晚約11時, 我去了呢間店買糖水!不過, 都係無下次! 態度差, 無禮貌, 店員不停講是非, 湯圓是冰箱包裝貨(看到放在冰箱內), 紅豆莎溝水, 一碗份量只有7成.....總之, 都無唔會有下次!最先, 我叫了一碗紅豆莎湯圓外賣! 價錢$13+$4+1外賣男店員說要等等, 因為湯圓要等, 我便問要等幾耐? 他說1-2分鐘....其間, 我見到男店員將一湯碗到小量既紅豆莎取到後巷, 約3分鐘後取回變熱,有煙出. ( 我懷疑店員將糖水加水, 因為另外1位女店員說已經無紅豆莎)再過一陣, 看到 湯圓仍未煲好....其間,有個食客說,叫了湯圓但仍未到....誰不知, 店內一個女人說: 湯圓未得呀, 吹咩呀吹! 人地都叫了湯圓, 依家都企係到等近呀, 吹吹吹( 她指的是我)食客都回應了一句: 吹都唔吹你啦.......更討厭是2個女店員在店內大大聲聲不停講是非, 口水橫飛, 飛了流糖水中.....我確實頂唔順, 我說湯圓未得既, 我不要喇...那女人才說, 得喇得喇.... (另外一個短白髮女人"啤"著我!!)最後, 回到家打開糖水, 便發現少了3成有多!

上回講到, 食完$42煲仔飯同$20牛雜, 本身想去食松記, 一去到....哇!@@都係唔等lu....行過呢度, e?咁多人嘅?睇睇價錢, 又幾平喎~就坐低試下先!芝麻糊$12 係自家製芝麻糊呀, 好感動呀!!!消滅咗我上次响牛下食嘅"多多"即沖芝麻糊嘅陰影喇!香, 滑, 唔會太杰, 唔會得個甜字, 正!合桃糊$14 我覺得仲好食過芝麻糊, 好濃香合桃味, 唔太甜, 食到我想食埋個碗!寧波湯圓$12 芝麻湯圓細細粒, 有8粒(如果其他糖水+$4會有3粒), 好似少咗粒播, 不過anyway, 好軟熟少少煙韌, 餡又啱啱好份量, 仲有不得不提佢個糖水.....正到暈低!勁重薑味i'm loving it!!直程係會飲到嗆喉.....不過一身暖哂~~~~P.S. 兩個人三碗糖水好似過份咗d, 不過真係太便宜同埋好味道喇, 亦為我們今晚畫上咗完美嘅句號....最後飽到頂唔順, 好彩男友肯陪我响油麻地行到去旺中先搭車返去, 唔係一定會肥死...

$12芝麻糊：好好味啊！向來覺得大良8記的是最好，依家比我發現左呢間店真好，d芝麻磨得又滑d芝麻又勁香濃，芝麻糊的質地十分幼滑，稠度適當，不會太杰或稀，正斗啊！

油麻地佐敦一帶都不乏中式糖水老店~當另一邊的白加士街燈火通明的時候~這邊顯然是格外清冷~佳佳這小店就在綠色尼龍帳蓬加大光燈之下~簡簡單單的坐在街頭吃~有些人總覺得這等地方不衛生~但小比十多年前就坐在大大臭坑渠旁吃涼粉~這裡已經是好上十倍了~中庸價錢~瑩光黃的餐牌份外清楚~小比的芝麻糊湯丸癮自不然又悄悄的跳了出來~而大比就選了補腦的合桃糊~聽日訓醒就會變得聰明過我咁話~合桃糊先來~稠度適中頗為幼滑~這店的糊都是每日新鮮自家磨的~合桃糊一向是低調的一角~與腰果和杏仁糊不同~淡淡的香味慢慢滲出~也會有after taste的感覺~坐在這等地方吃著用通花碗盛的合桃糊那種陳年味道~是新式糖水店用玻璃或膠碗的沒有的小比的芝麻糊因要等候即煮的寧波湯丸~所以也得等上三數分鐘~芝麻糊表面結了薄薄的膜~三粒湯丸在浸芝麻浴~與合桃糊一樣~幼滑得來且散發著芝麻香~不愧為佳佳三寶~望入廚房位置~雪櫃頂就放著湯丸交來的紙箱~湯丸也整整齊齊的用膠盤安放在雪櫃內~心裡沉了一沉~是交來貨麼… 說不定真的是由寧波運來呢~~別杞人憂天吧~故勿論不是自家製~但這粒迷你的小湯丸~外皮不夠煙韌不夠軟糯~但芝麻餡又確是濃濃~總算不

6/12(六) 9pm醉瓊樓後的味覺慰藉,嚐點甜的.穿越隧道,幾步之便是"佳佳甜品".遠處已見人流絡繹不絕.說時遲,那時快,成功捷足先登,爭奪座位.此次吃了紅豆沙加湯圓$16及芝麻糊$12紅豆沙加湯圓--紅豆沙起沙而不過甜,蓮子是達標有餘的鬆化;陳皮隱約滲香.此外,芝麻湯圓一如概往的耍家!芝麻糊--芝麻糊質地幼滑,稠度得宜,原味強!放下廿多塊,吃得咱們稱心合意...

上次食了芝麻糊不錯,今次我選了番薯糖水(堂食)$12,來到的時候不是很多人,番薯糖水d番薯很甘香冇渣入口即溶,糖水有很香濃的薑味,薑的辣味直落喉嚨,食落肚好暖胃,食完真係好滿足,絕對食得過,我諗下次要少番薯多糖水至得啦!如果唔係會好鬼飽

最近生病了,晚上下班,家姐大吵大嚷要吃糖水,幫我驅寒,根本就是餵食 於是飛鐵到佐敦,在一個超級路痴帶領下.... 終於安全到達 -- 佳佳甜品3個女孩7碗糖水由於是街邊小檔,身邊不斷有路人窺探我們的桌子,其他幫襯的人也偷笑怎麼了!!!每人才分得2碗多,是正常的食量喔燉木瓜+合桃糊+芝麻糊+蕃薯糖水+寧波湯圓+蓮子紅豆沙+春蛋燉雪耳燉木瓜: 水一般清澈的糖水,淡淡的甜...好sweet 潤呀呀呀呀~合桃糊:沒有一味甜耶耶,不用自己咀嚼的合桃,很妲己呢~芝麻糊:甘心為你變塗黑齒,入口細"昧",吞下前回贈芝麻的甘味~ 紅豆沙:"昧"蓮子,沒有苦味,不需要咬又不會霉霉爛爛喔...... T^T 太感動~超薑的蕃薯糖水:輕輕一"昧"蕃薯已經隔化...口中除了蕃薯味,還有薑味,感覺到有一條暖流沿著血管湧入心臟(很味吉洋一呢)寧波沙圓:煙韌煙韌,被我在口中左昧右昧都沒有爛,幼滑的芝麻"涵"外加一點質感,不知該怎形容!最後追加一個春蛋燉雪耳:糖水質感膠膠的呢~春春蛋超滑...家姐名言:隻蛋滑到好似mok左殼既雞蛋咁呀!!!咳咳!!呢隻的確係一隻mok左殼既蛋...是新式比喻手法呢!?同場加映,隔鄰改