佳寧娜潮州菜

營業中

休息中

今日老媽子生日，阿哥提議去我地呢排每逢大日子必去嘅佳寧娜。為咗孝敬老媽子，緊係先嚟番個紅燒翅先啦！成碗滿滿嘅魚翅，絕無嬉場，味道亦好正！差不多每次必叫嘅滷水鵝片、炸蝦蟹棗、糖醋麵，依然好味！滷水鵝片～切得薄薄，非常軟滑，滷味適中！炸蝦蟹棗～係我食過香港多間潮州菜館中算最好食！用料足，絕對唔係炸麵粉球，蝦棗有蝦味、蟹棗有蟹味，正！糖醋麵～脆中帶軟，唔會太油，唯一美中不足係碟白砂糖， 送上台前相信已經擺放咗一段時間，砂糖已結成糖餅，要摏番鬆佢先食得。今次仲嘗試咗沙茶芥蘭炒牛肉同欖菜倉魚塊。前者沙茶唔夠味，後者勁鹹，大家唔洗試甜品係水晶包，皮Ｑ兼薄，餡亦唔會太甜，好味！今晚有個小插曲，偶然見到隔離台食緊一樣潮州獨有貝殼類海產～薄殼！呢樣野非＂ＧＡ　ＧＩ　ＬＵＮＧ＂應該唔識叫！薄殼只有响夏天先有得食，細細隻，個殼薄到幾乎可以透光，但肉質肥美鮮甜，我見到都好想食，但因為嗰時都已經飽咗九成，所以最終都無緣品嚐

星期六的晚飯, 友人從嘉亨灣駕車前往, 10分左右. 一行四人一坐低, 叫咗個4人餐 (488)椒鹽蝦 ( 唔記得個名), : OK la清蒸鮑魚仔 8 隻 : 都可以, 幾好味胡椒豬肚湯 : 好多料, 飲到底有好多胡椒粒, 不過個湯就無咩胡椒味滷水鵝併盤 : 呢個最好味, 鵝入味又鬆, 豬耳仔好爽, 喺底既豆腐都好滑菠蘿咕嚕骨 : 個骨炸得好脆, 個汁都唔錯西蘭花扒鮑魚菇 : 麻麻地, 鮑魚菇有d un另加3碗:紅燒潮洲翅 : 呢個好足料, 杰杰地, 好味道!服務都唔錯, 侍應們都殷勤服務! 有機會, 再嚟!友人請客, 所以唔知幾多錢!!! 多謝晒

早幾日老闆無啦啦又吹雞食晏, 地點又係呢間食店, 令到師傅好懷疑老闆佢係咪有股份架, 喺理論上冇得揀嘅情況下, 師傅唯有應邀出席, 當食一餐免費午餐啦! 一行六人, 訂左位, 今次去到就唔使等, 好快就可以坐底! 於是乎即刻柯打野食, 由於師傅唔知道今次會有咩食, 加上有左上次經驗, 所以保險少少, 要個潮州粉果先, 至少都有樣潮州野食呀! 等左一陣, 各道菜式陸續登場, 有西洋茶湯, 潮式鹵水拼盆, 煎銀雪魚, 沙茶牛肉炒河, 鹵水豬大腸, 叉燒包, 春卷等等!先講下個西洋菜湯, 西洋菜湯好重西洋菜味, 湯底幾濃不過就幾咸, 要扣下分; 潮式鹵水拼盆有鵝片, 鵝件, 蛋, 豬耳同埋豆腐, 鵝片就幾瘦, 幾韌幾鞋, 唔算好味; 鵝件同鵝片一樣, 又鞋又韌, 仲有骨, 麻麻地; 而蛋得四件仔, 冇咩特別; 豬耳就幾爽口, 味道都唔錯, 可以啦; 豆腐就暖暖地, 唔會太咸, 都幾好味; 銀雪魚就煎得好香, 冇腥味, 不過銀雪魚就雪得好實, 口感麻麻, 一般; 沙茶牛肉炒河都炒得幾香, 唔會太油而牛肉幾鬆, 味道唔錯; 鹵水豬大腸就幾腍身, 好入味, 好似洗得唔係好乾淨, 有沙, 要扣下分

上星期老闆無啦啦吹雞話一齊食晏, 喺避無可避嘅情況下唯有出席啦, 咁啱唔知邊條蛋散提議黎呢間食店, 喺冇人反對嘅情形下就咁成交!一行八人, 訂左位, 去到竟然仲要等, 原來係等緊執枱同擺位, 咁樣攪一攪都整左成十分鐘! 坐底後眾人忙於睇下叫咩食, 但最後竟然係揀一個餐套, 五個點心, 五個小菜! 最後要左叉燒包, 煎腐皮卷, 煎蘿蔔糕, 沙茶牛肉炒河, 魚香茄子煲, 金銀蛋浸莧菜, 咕嚕肉, 西蘭花扒雙菇, 仲有兩個點心師已經唔記得左!首先望下d菜式, 再望下間食店, 師傅就發現一樣好奇怪嘅事, 就係喺一間食潮州菜嘅食店內吃廣東菜, 一樣潮州菜都冇, 勉強得個沙茶牛肉炒河算係, 你都咪話唔頂癮! 今次師傅唔逐樣講, 皆因食物質素好一般, 印象中最好只有金銀蛋浸莧菜, 因為莧菜好嫩好好味, 你話死未?總括黎講食物質素普通, 招呼麻麻地, 環境又係一般, 而價錢師傅就唔係好清楚, 不過去潮州店唔食潮州野, 師傅都係第一次, 如果純粹以廣東食物嘅質素黎評呢, 師傅就比梗咸臉, 不過如果咁樣好似對呢間食店有欠公平, 話唔定佢d潮州野勁好味呢? 所以 都係比多次機會佢, 公平少少, 留番下一次再

幾十年來裝修都冇乜點變過的佳寧娜, 鵝片水瓜等都是已港化的廣東菜, 食物水準, 雖在創發之下, 不過總算不失禮人, 唯一極不可取的是今晚的方魚肉碎粥, 實在下得太多味精了, 雖然我對味精吃不消, 起碼只是口渴, 沒有頭痛身興。招呼不壞, 大致上來說就是不過不失。灣仔實在沒有甚麼環境像樣的潮州菜館, 可以說是唯一的選擇。

Have a business lunch with client at this restaurant. Order a banquet of $2200 and have a private room. Food quality is unexpectedly good. Veggie is fresh and fried chicken is crispy and nice.The only poor thing is the quality of service. The waitress who is supposed to serve us always went out of the room to serve the tables in the lobby. When the dishes arrived in our VIP room, they were left there to be cold. I have to go out of the room to ask them to serve.

早陣子回灣仔跟舊同事見面，三個男人到佳寧娜吃午餐。點了雞絲粉皮、拍黃瓜、潮式鵝拼豆腐、潮式糯米球、香酥馬蹄糕、潮式炸蝦棗…。統統好味！講真果句，跟年輕朋友吃，可到潮樓；跟老朋友吃，要到傳統街坊店；跟合作夥伴吃，要到潮江春；跟其他人吃，就要來佳寧娜！

每逢過時過節一大棚人出外吃飯，都是一件不容易的事。平時好吃的餐廳酒樓，很多時都會因爲員工放假，而客人却增多，以致水準會不穩定。二十多年的歷史，曾經也是頗高檔潮州酒家的佳寧娜，坐落于一棟二十多年的大厦內，總也算屹立不倒。只是有些未能跟隨時代脉搏，逐漸被上一代淡忘，新一代的人，來這裏吃飯，可能又會覺得老套一些，最可惜也未至于可以懷舊這麽‘老’，可說是兩頭不到岸。今年與父母兄弟選了這家逐漸被遺忘的老字號，貪其晚上客人少，而食物水準也可靠。父親行動不便，來到問酒樓，發覺此酒樓幷不能讓輪椅直達。部長知悉，便馬上來到地下協助，值得嘉許。追月飯是父母請，當然要叫些合他們的口味，經濟又實惠，又有體統的菜肴。十二人叫了兩個四人套餐，另外再加一隻蒜香鶏，一碟欖菜肉碎炒飯，一碟糖醋面，一客川椒鶏球。四人套餐又是著實抵吃，足斤重的青班，因要了兩個餐，有兩條，一條清蒸，一條豉椒苦瓜煮，蝦半斤也是兩客，半斤白焯，半斤椒鹽，湯則選了個紫菜肉碎豆腐羹。另外再有六個例牌菜可從指定菜單任選，分別要了鹵水鵝幷盤，香酥芋茸鴨，咕嚕肉，煎蚝餅，炸蝦蟹棗和蘿蔔菜煲。大致來說，潮州的傳統食物較佳，肉碎炒飯，糖醋面及煎蚝餅都做得好。

老細突然話去食中秋飯，一行23人黎哩度開飯局，哩個名聽得多，又話ｄ野點好食點好食，我又唔覺啊，只係普通既質素．ｄ老細揀既級數，我真係唔多欣賞，在此多謝老細．始終係公司飯局，都唔會由自己話食咩就食咩，一早安排晒，唯獨係個雞燉翅，啖啖翅，超正！牛肉粒，沙爹牛肉，魷魚，牛肉球係全部我都唔識既野．只係食左（每樣一件）鴨胸肉，乳豬，海哲，春卷，炸蝦丸，炸蟹丸，潮州魚蛋，莧菜餃，炒許翠玉瓜．唉！連我最鍾意食既燒賣同蝦餃都無黎到，問個知客，好似發緊夢咁，一早無晒喇，咁又唔出聲，trouble．之後叫佢俾幾個盒打包ｄ野食走，咩話！打包，好少野咋喎．聽唔明廣東話係唔係要講國語定係英語呢？

前日共7位同事來飲茶,叫個6人餐,可選6款點心及6款小菜炒野,哇,好豐富,d點心好好食,其他尤其係炸野好似酥炸鴨,春卷等都好味,最後我地另外叫甜品,我就食杞子圓肉茶,好潤好補,同事食既雪耳木瓜話好得,清心丸都唔錯.今日有人請,所以唔知幾錢.

就因為之前去吃過幾次晚飯都覺得不錯﹐所以這次我堂大佬結婚一家人吃晚飯﹐他請我替他找個地方(他是從國外回來的)﹐我就選了這裡﹐怎知食物水準令我們非常失望。本來這裡最出名是潮州翅﹐但因我堂大佬是不吃魚翅的(他覺得殺鯊取翅太殘忍了)﹐所以沒有點這個。其餘的都是很大路的潮州菜(讓我的堂嫂試試我們的家鄉菜)。因為食物質數麻麻﹐沒有太深印象﹐只寫幾樣記得的了﹕先來的潮州四拼有蝦棗﹑蟹棗﹑海蜇﹑帶子。這個算中規中矩﹐不過總覺得小時候家中的老人家自己炸的蝦棗鮮味和爽口得多﹐好懷念啊﹗甚至是現在百樂(舊店) 的也比它好﹗鹵水鵝片是前所未有的韌﹐我吃了一片﹐連鹵水的水準都未試清楚就放棄了﹗凍烏魚- 這個非常好﹗條魚夠大條﹐d 魚肉幾肥美﹐又鮮味﹐一點都不會腥。煎蠔餅- d 蠔都算新鮮﹐不過若果多少少胡椒粉會香d 囉﹗豆醬雞- 這個也是麻麻地﹐一點豆醬味都冇﹐完全不知道自己在吃什麼雞。我知道是豆醬雞﹐因為是我點菜的﹐其餘的人都不知道自己在吃豆醬雞﹐是失敗之作﹗檸檬鴨湯- 這個味道可以了﹐最好是不會太油膩﹐算幾清﹗雙面黃- 這個煎得不夠脆﹐亦不夠香﹐比上次來是差多了﹗反沙芋- 這個是全晚的高潮﹗芋頭很鬆﹐一點

是晚約了舊同事共七人吃飯, 本以為可靜靜聚舊, 可惜有人擺壽宴, 相當熱鬧. 加上有枱豪客, 劈酒加極度嘈吵. 我們只有越傾越大聲.當晚菜單如下:鹵水鵝件煎蠔餅方魚炒芥蘭咸菜猪肚湯川椒鷄 (不夠滑)蠔仔粥方魚肉啐粥自選甜品潮州茶過火, 太苦澀整體ok, 但環境太嘈, 令人失望.

同朋友兩個人晚餐點了:'老'水拼盤,九肚魚, 菜圃煎蛋, 湯浸菜同飽魚蠔仔粥...仲送甜品綠豆爽炸粉內的九肚魚保持到juicy同軟滑, 而蠔仔粥仍唔覺得落左好多味精; 唯覺得菜圃煎蛋有點過火...總括而言, 以大約五六十蚊一碟來計, 水準都算可以接受整晚服務非常好,上菜夠快,地方又闊落, 值得一試(當晚見到大劉先生都幫襯,應該信得過呢間既潮州菜有保證)

星期日朝早11點幾去到，好少人，大把位。有特價點心、細細碟小菜同糖水，全部$12。雖然選擇唔多，但係都叫到7樣(記唔哂名，包括菜包、煎腸粉、椒鹽九肚魚、雜錦清心丸、芋頭西米露等，重有一味番薯芋頭甜點)。另外再加一碗蠔仔粥($28)。真係有喜出望外，樣樣都有水準。我最鍾意九肚魚，椒鹽落得唔重手，粉漿唔多而裏面魚仍保持軟滑。老婆同外父就最鍾意味番薯芋頭，芋頭好粉，番薯亦靚。埋單$194，計起茶芥成$64(未計加一)，咪話唔拿俐。不過好食，圍起每人$50有找(我四個人)，已經食得好飽，而且唔駛等位，都算食得過。

4/2 2pm老闆請食飯,又黎呢度,今次食物水準好似好左d,食物咁多油,埋單送上一大窩紫米露,味道一般!埋單$668,好意頭!