影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
買左幾個月佳記，第一次比個中年內地阿姐員工鬧，話我講雙餸飯唔啱，會令佢誤會係三餸飯，一定要講兩餸飯… 就算係聽錯都好小事，我又唔會怪你廣東話唔好，你講兩句咪算，點解要咁惡鬧人呢？ 希望呢位姐姐可以改善下佢既服務態度啦
繼續閱讀
天氣又濕又凍，最好梗係食羊腩煲🐑，食幾舊個人由心底暖出黎。呢間餐廳次次經過都見好多人買兩餸飯，但原來唔止兩餸飯，羊腩煲都有得賣，價錢相宜，得兩個人食懶得炆，咁樣買返去仲平過買料+爐火！外賣羊腩煲🐑 ($108)大大盒，羊腩都有十幾舊，份量算多，加上冬菇、腐竹、馬蹄等配料，個盒差啲閂唔埋。醬汁調校得好惹味，火候十足，羊肉都好入味，唔算好膻，不過我都好鍾意食膻味重嘅羊肉。冬菇腐竹馬蹄都係炆到入味，非常好食。自己適量加入茼蒿、烏冬、丸物等配料，又可以將羊腩煲昇華，好豐富嘅一餐！超正！值得一提係西環我都試過幾間羊腩煲，暫時最啱口味係呢間！
繼續閱讀
前排兩餸飯大行其道我都食過一間抵食、味道又好嘅兩餸飯😋佳記係連鎖餐廳 睇見外賣袋有好多分店地址先知原來咁多地方都有.門口有窗 客人可以一邊排隊、一邊諗下點咩餸💭仲可以見到餸嘅實物.呢日我買左咕嚕肉同梅菜扣肉店員俾左勁多餸我 好似唔使錢咁🤩成個飯盒裝得勁滿份量多到女士同細食嘅人未必食得晒 真係好抵🤪.小菜煮得有鑊氣 夠味又足料不過好食就當然落得比較多油.另一樣好野就係會包埋飲品☕如果唔飲普通飲品都可以揀例湯🥣.除左外賣之外 店鋪亦都有位置可以堂食
繼續閱讀
話說幫屋企人去買兩餸飯，咁佢一盤盤我都唔太知道係有咩餸，之後見到牆上面有個餐牌，就寫住啲餸名咁，其中一個叫枝竹牛腩，咁我就叫咗枝竹牛腩啦，之後分餸個女人就發脾氣問我要牛定羊腩㗎，枝竹係跟羊腩，牛腩係跟蘿蔔，語氣極差，表情都極差。然後我話餐牌上面寫住嗰個枝竹牛腩，有個男人就走出嚟話，佢係咁寫姐但我哋今日冇。咁我心諗我點知啫，你可以直接話俾我聽冇，但唔洗咁樣嘅語氣。以後唔會幫襯，除咗平又唔係特別好食。
繼續閱讀
6點後晚市禁堂食，就唯有逼住要買外賣食！呢間佳記美食真係超級無敵咁抵食！2個餸都只不過係$36！！！👉🏻菠蘿咕嚕肉超級多件，而且一d都唔粉，啖啖都係肉，屋企4個人都唔使爭食！菠蘿好甜，正！👉🏻紅酒燴牛尾同樣分量好多，大大舊牛尾全部都非常之入味，紅蘿蔔亦好淋，好岀息！仲有大約10款8款唔同嘅家常小菜可以揀，姐姐好爽手真係比好多餸，呢個價錢真係好抵食，唔想煮野食係度買真係非常之方便！正宗嘅平、靚、正！
繼續閱讀
您可能會有興趣的...