佳記餐廳 (已結業)

佳記的蛋撻和菠蘿包都出名好食今天經過就買了一個蛋撻來吃可惜它竟然是涼的真是有點失望 ☹️咬下去時它的酥皮已經不脆了幸好依舊有蛋香吃下去還有口感還有我喜歡它不太甜如果它能保持烘熱度便好了

途經尖沙咀佳記餐廳，買了兩個麵包作明早的早餐。以往只試過佳記餐廳的午餐，今次是第一次吃此店的麵包。這裡的選擇頗多，菠蘿包、雞尾包、墨西哥包、餐包和叉燒包等等，而好多是新鮮出爐的，令人食慾大增。～雞尾包 （$8）最喜歡包上的芝麻，一口咬下，味道層次即升。烘焙過的包較香，饀料內的椰茸較突出，有些𡁻口，可惜個人不太喜歡椰絲。整體，這雞尾包的饀料不會太甜，但油份較高。～奶皇墨西哥包 （$10）袋著麵包的袋子已吸了很多油，幸好墨西哥包的包底不會痴牙。墨西哥包的賣相不俗，但饀料的奶皇非常甜，如果能降低甜度就會好入口些。整體來說，我選的這兩個包只能說是中規中矩，而且比較油，作為早餐可以說是並不太適合。

上早班前7點幾通常都會吃個早餐。平時行過佳記都覺得是針對遊客為主的，靠包裝和廣告來將一般茶餐廳的食物推銷得好像很難得可貴。進去前看了看餐牌，又不算特別貴（比大X樂那些快餐店貴幾蚊）於是就試一試。坐低叫了個B餐，夥計都係講廣東話XD，食物好快上枱。沙爹牛肉麵嘅沙爹醬好多，足夠和湯底撈勻仍然可以喝到沙爹味。湯底亦有自己的味道，可惜小弟不是食家，大概是雞湯吧，總之都算鮮甜的。麵質就沒什麼好說都是一般即食麵，盡量變淋之前食完就好。餐包和牛油都不算好吃，餐包有D干同鞋，牛油亦係獨立包裝的，如果喜歡大家X那種啖啖牛油的話這個牛油餐包就會有點失望。炒蛋也有D鞋和鬆散，味道偏淡。奶茶都有茶和奶味。整體上黎說主食的沙爹牛麵還算高質。以茶餐廳來說這個價錢還可以接受，始終本地食客的生意也要照顧。下次有機會再試試果D菠蘿油蛋撻。

叫左個肉丁抄麵 3分鐘唔洗就有得食 已經心知不秒（抄定），唔緊要 都要食 ，一睇 未見過抄麵係無芽菜，都算 食落口 （頂），凍既 個麵重要有小小發賬！😓😓雖然係茶餐廳 下午茶時段，但加埋凍飲都$51 抄定都算了 但可唔可以比返個熱既抄麵人食呢！

今日想係尖沙咀搵個早餐食，咁頭先我就去咗金巴利道，即係美麗華隔離，我記得嗰度有幾間茶餐廳，就去睇下，行去第一間見到$40咁貴，真係唔捨得食， $40食個早餐喎，跟住再行多一間， $37先食到個早餐，但係前面仲有一間即管就望埋先，跟住就見到呢間$35，所以最後就決定咗入去佳記食早餐，平時食早餐嘅我都好單一，唔會諗太多，通常淨係食過沙嗲牛肉麵就算，呢度價錢OK，沙嗲牛肉又唔會太過難食，比較驚喜嘅，可能就係個餐包都仲有少少熱熱地囉

今早我去買雪菜米超難食湯底淡而無味又加左價又不好食打電話投訴，佢掛左我線太過份好離譜食物水準越梨越差服務態度又差又成日不送外賣食物越梨越難食又貴又等得耐D雪菜米好鬼難！

午飯時間到於旺角的佳記餐廳，這裡裝修和環境一般，午餐時份要搭枱有好幾款特價午餐可供選擇點了最多人選的咸蛋四寶飯四寶飯包中湯和咖啡四寶飯有义燒、紅腸、切雞和鹹蛋！午餐價錢都要$54本來以為份量會很少。端上檯面，飯的碟頭不算大但算係肯落本,燒味份量真的很多⋯⋯這個份量的確對得起價格。切雞雖然雞背位，但好好吃好滑。蔥油醬香得不得了。一路食一路數有成七塊，只是切得比較小塊.叉燒太瘦，但有成六七件。肉切得算厚，燒得柔軟蜜味重又不膩口。紅腸有四片，而肉身是偏淋 ！喜歡與否，見人見智啦咸蛋沒有什麼特別兩條菜心伴碟，今天灼得太淋...但仍然保持翠綠....中湯飲到感覺少少味精，其實我對例湯的要求不是太高，只要不是水一般的淡、或是不太多味精便可以了值得一讚的是湯料算多咖啡奶味過重。差不多一點多，店外開始有人龍。識做起身走人⋯⋯

返工經過尖沙咀開會，滾水淥腳趕住下一場會議， 沿途經過佳記餐廳，立即衝入去快快食過午餐。 點了一個以色列雞扒煙肉飯 $50，跟餐有羅宋湯和一杯啡走。 雞扒都算幾大塊，味道唔錯幾juicy，煙肉比較硬身， 芡汁味道有點香草帶微辣。 羅宋湯酸酸甜甜，夠曬開胃。近排到茶餐廳好喜歡叫啡走，個人感覺茶餐廳的咖啡加煉奶味道比起普通咖啡好飲，甜度適中。因為好多時茶餐廳都不供應黄糖，所以直接叫啡走不用自己落糖了。尖沙咀係一個繁忙嘅地方，雖然中午時段但佳記餐廳都算坐得舒適！

今日被特遣派出尖沙咀做嘢，中午一個人食飯，又怕尖沙咀難搵位，在公司樓下見到一間餐廳，又見到裏面有位，就咁已經入去坐低了，此餐廳都係一般嘅食物冇乜特別 ，睇完餐牌後我點了一個餐，特餐A，蕃茄濃湯牛肉螺絲粉，火腿炒滑蛋， 牛油豬仔，熱奶茶，其實我對螺絲粉麻麻地，怕佢又粗又實， 又唔可以轉通粉，所以算數照食， 不過呢間餐廳螺絲粉煮得夠淋都不錯，番茄濃湯真的好濃，蛋炒得好滑，牛油猪仔包好脆口好好味，奶茶夠香， 好快食完個中午飯，快靚正，繼續開工

作為一間茶記，連茶走都唔識沖。仲同你解釋茶走係點樣沖，好似好清楚咁，換過第二杯依然是淡奶溝茶。d侍應態度非常惡劣，見d人岩岩食完就想趕人走，野食已經一般般，油雞好un，燒肉似滾水煮，真係唔會再返轉頭食。

夏日炎炎行到有d 肚餓, 係時候歎番個下午茶喇, 見到呢間佳記茶餐廳有菠蘿油, 有例牌既港式常餐蕃茄牛肉螺絲粉, 好香濃既蕃茄味炒蛋, 火腿, 同埋牛油豬正常無咩特別泡菜味豬扒公仔麵, 味道好似有d 唔係好夾wor😥最正都係個菠蘿油🤤🤤熱辣辣, 牛油又大舊

剛剛搬左來尖沙咀住，諗住求期食d野，野食就一般，但態度垃圾，從未見過茶餐廳有咁垃圾態度的伙記，價錢又唔係平。唔會有下一次。叫個焗豬扒飯等左半個鐘以上，叫個伙記幫我睇睇有無漏到，望一眼張單就走，一句野都無講過。之後d野都未食完，諗住放係度抖下先再食的，係咁走來同我想收走佢。絕對唔會有第二次咁的垃圾餐廳。俾咁的價錢，我仲要受你氣，零服務。真係絕對影衰香港人，影衰香港形象，都始終係叫做係游客區的尖沙咀，我真係諗唔到點解要貼錢買難受去幫襯咁的垃圾茶餐廳。

好難得依家茶餐廳會有新鮮麵包出爐同蛋撻供應， 當然要試下。 熱辣辣新鮮出爐嘅菠蘿包， 喺店舖出面問到已經想買， 個皮好脆， 真係非常新鮮， 決定下午茶就揀佢啦。 下次經過試埋佢蛋撻雞尾包

今朝係佳記買左提子麥包, 食食下, 見到有條頭髮。🤢🤢🤢真係如果唔留望都見唔到, 一個唔覺意食左就🤢餐廳應該做好環境衛生,唔係食得都唔安落。唔知呢個係咪唯一 一個賣大包ge包呢🤢

食到一肚氣！樓面態度惡劣，叫餐送餐混亂，地面環境髒亂。買單淨收現金，1000蚊同零錢唔收，搞到要出去換零。早餐軿湊選擇唔多，食物普普通通。出爐麵包尚算ok，下次都係買個包算數！