佳記餐廳 (已結業)

尖沙咀物價貴係人都知,午餐通常都要5,6十蚊,有d餐廳食飯時間更加要排長龍🙌小編今次就試咗佳記嘅拿破崙肉醬燒雞扒做lunch雖然食飯時間都幾多人,但入座後d員工都幾快過黎幫手落單, 落單後唔洗10分鐘熱辣辣嘅飯就送到💨肉醬嘅味道雖然唔算驚豔,咸咸地,有d酸,有d辣,係想像中唁嘅肉醬味😂但個飯嘅份量同雞扒嘅大細真係有驚喜,塊扒仲大過手掌✋,亦都冇乜雪藏味,本人覺得十分抵食!!!大食嘅朋友一定會夠飽,大家不妨一試!!!

晨早到食個早餐，點知員工態度超級惡劣，嗌落單嗌左十幾聲都冇人應，有啲員工企係到無所事事，都扮睇唔到，最重要是個男員工，點餐完全是無心工作既態度，佢講幫我地問下個轉餐情況，問都冇問就話冇得轉，嗌左另位員工黎幫我地點餐，其實平時都好少黎呢邊，意想不到是有如此既待遇。

今日約咗朋友去尖沙咀睇戲，睇戲之前當然要食個晚餐啦，喺美麗華附近其實都有好多茶餐廳，今日我就隨便揀咗一間入去試試，睇吓佢味道如何啦。我叫咗個去骨海南雞飯，價錢就$68 ，不過不失，咁嘅價錢應該都需要有啲質素。海南雞黎到，個賣相就同圖片都幾大出入，認真差左少少，雞皮發黑，又多肥膏，d血管無去乾淨，望落唔太吸引。食落又如何呢？去咗骨嘅海南雞係好嘅，不過肉質方面就比較韌小小，都幾鞋口，煮到老晒，有浸沙薑味，我覺得似沙薑雞多過海南雞。個薑蓉係可以接受嘅，個甜豉油就太甜，搶晒個雞味，只係食到個甜，個雞一啲鮮味都冇。油飯可以嘅，粒粒分明，乾身，合格啦。不過Overall，我就比唔到合格佢，有待改善啦。尖沙咀都算係遊客集中地，希望餐廳可以為大家提供更好味的食物，美食天堂就靠大家了。

下午在尖沙嘴採訪，不知道吃點啥，想起之前看到櫃檯的蛋撻很誘人，就去試試，豬排包式下午茶，很好吃，包烤的脆脆的，黃油烤的，飲料也好喝，港式奶茶不錯,凍檸檬茶也不錯，面看著一般

入到去，叫野食講完又唔紙寫低，前後問返我地食咩幾次，落完單又再問，明明凍奶茶落左熱奶茶。員工態度又極差，係咁同我地講國語。叫左個下午茶熱狗餐，個熱狗係凍的。以後唔會再黎食

抵食好味茶記😋係尖沙咀返工，平日返工都趕頭趕命。呢排識左女朋友，送完愛人返工，有時間可以食返個美味早餐！9點3坐低，都吾算多，野食好快上。我叫左早餐b$35，沙嗲牛公仔麵，跟腸仔炒滑蛋，餐包，凍檸茶加$3。沙嗲牛係好食既，冇乜梳打粉味，沙嗲味似印尼沙嗲，甜甜地，吾會太咸，有牛味。雖然牛肉吾叫多，但都大塊冇乜筋吾韌。公仔面吾會好淋，有口感，港式沙嗲公仔面，冇得輸！腸仔粉滑蛋，正正常常，腸仔吾算低質，吾係cheap腸，不過滑蛋冇落奶炒，就冇乜奶香，不過都ok既。平時同女朋友食冇得飲甜野，呢次飲返杯凍檸茶先🤣😂

平時都不時聽人講"最簡單的菜式是最難煮得好食的"，所以我不時都會在不同的餐廳試食一些普通的菜式。今日就到佳記食窩蛋免治牛肉飯。先講講個賣相，跟其他餐廳的窩蛋免治牛肉飯差不多，但比較稀一點，有點水汪汪的感覺。味道方面，比較淡味，肉碎太確碎，進食時沒有咬感。由於這樣及有點稀的關係，在免治牛肉上再加上一隻生雞蛋更加令到這個免治牛肉更加稀。值得一讚的是它的肉醬及飯是分開上的，可以自由控制進食時的肉醬份量。由於不是太好食的關係，所以我都只是食了一半就放棄了。

今日公司突然喺尖沙咀有野搞我哋一眾同事相約喺呢間茶餐廳食早餐呢間係食神同事推介其實我都好耐冇黎睇下佢嘅水準有冇保持到，果然係冇令我失望嘅👏🏻👏🏻我嗌咗番茄湯牛肉通粉，佢配火腿炒蛋豬仔包通粉個湯夠熱👍🏻番茄湯配牛肉，正我成個湯飲晒😅😅😅通粉又有咬口，唔會因為咁熱，就煮到D通粉林晒豬仔包個面又夠脆，炒蛋雖然唔夠滑溜不過都唔差嘅，而且份量都好夠大份都係講緊$35，其實都幾抵食👍🏻👍🏻

尖沙咀食lunch已經唸吾到可以食乜嘢.........佳記真係首選餐單選擇眾多有下午茶餐，特餐，燒味，小菜！今次揀了特歺A : 蕃茄濃湯牛肉螺絲粉配火腿炒滑蛋，牛油豬仔包⋯⋯炒蛋炒得好滑而且個牛油豬仔包都唔差熱辣辣好香脆最正嗰個番茄牛肉番茄酸酸甜甜好開胃呀！真係誠意推介另外佢其他下午茶餐都好吸引！下次一定要雪菜肉是魚蛋片頭湯米線分量十足先至$39仲有個焗先茄豬扒飯都好吸引.....見到差唔多台台都叫哈哈😄

🤦‍♀️服務態度惡劣🤷‍♀️～～～～～～～～～～～～～～～～～～～平時好少會一早去茶餐廳食早餐，難得出去就俾我遇到服務差劣，就算D野食幾正常都冇用。🤬😡餐茶叫左奶茶，侍應聽錯做檸茶，我叫佢改番張單，佢話佢冇聽錯，係我講錯，唔幫我換番杯奶茶，之後仲要對住我黑囗黑面。今時今日咁嘅服務態度點得架。火腿素鮑魚絲通粉（$34）通粉唔會淋哂，火腿素鮑魚絲份量都好足。煎蛋夠鑊氣，自家製嘅餐包夠新鮮軟身。野食幾好味都彌補唔到😡～～～～～～～～～～～～～～～～～～～

是日一支公下午茶。剛好行經寶勒巷，見佢地燒肉掛哂出黎，好就入去試試佢。室內冷氣夠凍，地方整潔。坐低二話不說，燒肉燒鵝飯走汁，凍0茶少甜丫。唔該。一貫茶餐廳速度，5分鐘上齊。 燒肉燒鵝飯下午茶,涷0茶 $50燒肉三夾底，皮脆，上等。燒鵝肉甜而不膩。$50雙併，重要係真燒鵝。快。靚。正。

餐廳菠蘿包ok 其他嘢一般 本來都會間中食下但佢地服務態度太差 特別有個黑面姐姐極度影響我食慾 經常見佢同客人講嘢粗聲粗氣好似爭佢錢感 大老 究竟邊個係客吖 唔好話好既服務喇 最基本既禮貌都無唔會再幫襯了88

身為香港人, 常常都會想吃燒味飯。也正如很多人, 久不久都會去飲茶。今天路過佳記見門口。吊著的燒鵝、燒肉、白切雞等等...可是說是看見就吸引。入內坐低.平日的下午茶人不多。我揀咗個切雞燒肉雙拼，$52⋯⋯吾算平！佢會包一碗幾正既老火湯！今天眉豆花生雞腳湯！是雞腳燒豬骨等全部下欄野。以跟餐味道算是不差喎。湯飲到一半飯已到五層樓的脆皮燒腩加上切雞看看的賣相就証明佳記的穩定出品。我的經驗賣相跟食味通常都成正比例燒肉肥瘦適中，味道不會過份鹹。但最出色的是外層那片脆皮！入口非常香脆！咬開像吃薯片索索般發聲！而且份量也不少！切雞是脾位，表皮只有薄薄一層啫⋯但雞味不太明顯。要的薑蓉補夠。有幸師父浸雞時間掌握好！夠嫩滑算好貨式了。 食燒味飯不要忽略白飯的重要性。這碟飯飯粒分明軟硬適中！特別要讚讚佢地個店員（又或者係老闆？）幾好服務，又好客雖然是普通的餐廳！但食物質素又的確是不錯. 午市五十二元一個燒味飯餐。雖然碟頭飯但有湯仲有飲品.....以一分錢一分貨去評價可以接受的！是一間可以凝聚食客的好地方.

呢間佳記成日都好多人...時不時會有不少人喺門口等位！可能係因為有不少內地遊客經過。今天上午十時經過又來吃個早餐此餐可以選擇腸仔和蛋或是雙蛋！而炒蛋會跟一般茶餐廳的差不多...所以我今天點煎雙蛋..因為我可以選半生熟蛋店方亦做得到.是半熟的蛋黃鮑魚絲通粉上枱香氣撲！賣相亦很好, 很多火腿及鮑魚絲...火腿都很彈牙, 湯味亦不錯...仲好夠熱！通粉不會太硬或太軟！還有一杯奶茶，不過奶茶極唔惦...拿過來已過得很深色！明顯地茶多於奶... 飲第一口, 茶超濃且極苦奶真是完全不夠, 很失準的奶茶！最後要求店員比多啲奶....

上星期五朝早約左客喺尖沙咀度會面，見早到咗就同同事去到寶勒巷食個早餐。入到餐廳，見到差唔多張張枱都未執都唔知坐邊好。最後，攪到要三催四請侍應姐姐先行執下野。我叫咗沙嗲牛肉公仔麵食，無諗過咗都可以中伏。果麵超鹹，所以叫個侍應換過碟比我，點知佢話我已經食左一半所以拒絕。真心無言了，完全唔理客人的感受! 失望🙍‍♂️