佳餚莊

營業中

休息中

住在附近的朋友推薦話呢間私房菜好味環境又舒服，帶住屋企人去試吓呢個水準完全係超過好多酒樓嘅廚師水準，條魚好鮮味又大條啲蟹煮得味道啱啱好，蟶子好大隻鮮味，炸魷魚蔬外脆肉彈牙，價錢平過外邊啲酒樓，重點係個芝麻雞好少人心機去做呢種芝麻炸雞，個魚翅條條都足料！老闆娘好熱情送咗兩支汽水俾小朋友飲服務態度優！多謝老闆娘比到一個快樂啲體驗我哋屋企人，下次想試吓啲肉鹽水浸花甲，聽講個潮式炸豆腐都好好味C，下次帶多啲朋友嚟食多幾樣

自從今年3月去食完晚飯，就見一直重門深鎖🔒，足足等咗半年，幾驚佢哋唔再開返門。好彩今日見到佢哋重新營業，大開心立即走去幫襯，太耐冇食過佢哋啲豬仔脾，小炒皇，椒鹽鮮魷，椒鹽白飯魚.....全部都好好味尤其是有得再食佢哋個豉油皇炒麵超讚。呢度除咗食物好好味道之外，仲食到啲人情味。老闆娘又係度走嚟走去招呼客人，飲返兩杯🍻不過又話政府會裝修一下，點知攪咗半年原來都係咁上下不過最開心係嚟緊過時過節又有返個好地方可以去簡單總結，重新開門後食品質素保持，環境仲係舒服悠閒嘅泳池景，價錢冇調整(難得) ，一定要繼續嚟幫襯🫶🏼🫶🏼🫶🏼

久聞馬鞍山泳池餐廳好味，今天終於可嘗。即日致電竟有細枱有位，只要早到便可。雖然有部份菜式要預訂而未能試，但可選擇菜式也相當豐富。魚頭腩煲真好味，啖啖肉古法蒸雞夠入味蛋白抄飯也不油白飯魚抄蛋平凡中有水準、不油紅燒豆腐夠滑牛肋條配合配沙律菜夠新鮮每樣大大碟服務正環境好早到仲可看日落，正！一家老少合宜，老人家不怕硬個個食到舔舔脷下次一定要早啲預定推介菜單因地方有限，記得早啲訂位。現場見幾張10人枱，可能要再提早預約。

阿媽幾個同事推介話好食，之前未試過，適逢阿媽生日就去試下，點知真係有驚喜！叫咗5個餸，包括：黃金苦瓜，菠蘿咕嚕肉，炸茄子，雞煲，四季豆，真係全部都好好味！重點價錢唔貴又夠份量，全家都認為下次一定會再幫襯，好過成日去茶樓食！真心推介比想試的朋友！良心餐廳全力支持老闆！祝店舖越做越好，生意興隆！

再次光顧马鞍山佳餚莊，来到店里发現有廚師推介，有秋天的古法羊腩煲及藥膳清湯羊腩，同埋有藥膳醉雞煲，店里姐姐推介古法羊腩煲，因為师傅用冰鮮蝴蝶腩，同埋拆曬骨，舊舊都係肉，聽落有驚喜， 因為我係好怕羊腩騷味，聽姐姐介紹話呢度嘅羊腩煲一啲都唔騷，即時落單試下，真係好味，枝竹好好食😋，另外加咗個必点原條燒汁牛肋條🥩👍，之前還提前訂左一隻金華玉樹麒麟雞🐔，傳統菜式超級好味😋，食飽之餘仲有糖水送😚， 薑茶湯圓🥰，超級滿足😚

上網見咁多好評，都真係想試好耐終於book枱同一家人食中秋節一早經whatapps book枱、拎menu睇吓湯、海味、雞個啲要早3日訂如果決心嚟食建議早少少煲下個menu睇有冇嘢想食又要訂先今次做節，所以訂左個飽魚一品煲預先過左$500訂金啲嘢夠熱、入味，係個海參唔夠淋，但整體滿意薑蔥桶蠔超好食，但由於係跟重量，所以大就得4隻，如果細嘅就5、6隻咁樣，大家要留意返仲有好耐沒食嘅西湖牛肉羹，真係回憶嘅味道返曬嚟！呢度要加一，唔駛茶錢（但一個茶包泡一壺茶，感覺弱弱地）不過都合理呀，想飲靚茶自己返屋企飲啦整理嚟講，嘢食好味，但始終私房菜出菜唔會酒樓咁快，但都係合理範圍，食到回憶嘅味道係重點，老人家都好滿意

有腳傷患，不方便去食自助餐，行來行去又要排隊領取食物，更加唔想家人照顧，代攞食物。今年母親節選擇了馬鞍山泳池的中餐廳，４個大食怪獸叫了６人餐，開開心心坐定定等開飯。第一碟豉油王煎蝦，豉油甜香，蝦剪得乾淨，煎得剛剛好，香噴噴好好味。海皇羮有真翅，不多但有誠意，不咸。帶子鮮甜珊瑚蚌爽口，配大量韮黃，有鑊氣，要俾讚！芝麻雞欠奉喼汁淮鹽雞醬，幸好本身也有鮮雞味，嗜清淡的覺得無問題。大石班一條，再加花膠鮑魚大冬菇，大家都掃清光。最後一碟杞子花膠絲浸娃娃菜，大家都吃得飽飽，全碟打包回家，總消費＄1560連白飯汽水。老闆娘好好人，老闆在廚房忙過不停，小本經營用心做，會再幫襯！

星期六，中午在馬鞍山室內運動場做運動，之後在運動場尋找食市，走近公眾泳池附近有一間隱蔽“佳餙莊”第一時間醫五藏:菠蘿咕嚕肉，菠蘿係新鮮不是🥫酸酸甜甜好味，咕嚕肉啖啖肉👍大大碟菜遠炒牛肉，牛肉厚切福建炒飯～師傅好细心將蝦和菜獻汁放在一邊，能照顧每個客人的需要❤

呢間餐館嘅位置非常特別，直頭係喺馬鞍山泳池嗰度，隔離係馬鞍山圖書館同埋體育中心，如果唔係咁啱經過都唔知原來入邊有間餐廳一場嚟到，就入去試下啦～一入去阿姐就Sell我哋兩個人叫一個羊腩煲，價錢498, 因為未黎過，又得兩個人食， 所以都係唔試住。今晚叫咗三個餸，小炒王，水煮牛肉，同埋酥炸桶蠔， 小炒王好有鑊氣，水煮牛肉估唔到都幾正宗，最驚喜係個酥炸桶蠔，有5大隻，個脆漿好薄好鬆化，叫侍應俾咗碟華鹽我哋，更加生色不少！值得再黎！

佳餚莊馬鞍山自從有左花華同佳餚莊之後..我覺得唔再係美食沙漠啦佳餚莊個大廚以前會上門幫人煮私房菜..食物同味道方面當然有保證..而且師傅對烹調好有要求..幾乎每次吃既味道同口感係一樣㗎.講下本人喜愛既菜式先..燒汁牛肋條（要預定），風沙鱔球（好味道吃完都唔記得影相），菠蘿咕嚕肉（新鮮瘦肉整），粉絲蒸開邊蝦，蜜汁牛柳粒，魚腸焗蛋..基本上帶邊個嚟吃都話頂瓜瓜，雖然先岩岩吃完..已經想再吃多舊咕嚕肉😩😩😩..你試過就知有幾好吃

Happy firday 同 同事去左佳餚莊，已經係第三次過來食。成個場都full 晒，好彩有訂位。估唔到馬鞍山都有間小菜咁有驚喜，以為佢係茶餐廳質素，點知拍得住酒樓中菜以上級數，好食過大排檔好多。D 野食應該無放味精，成晚食完都無口渴，呢點真係要讚下。水煮魚夠辣夠麻椒鹽豆腐夠滑，外脆內軟，配酒一流。鱔球真係黎三次，都叫左三次，有水準，肉質彈牙，外炸香，表面曬上炸蒜，內裡肉汁爆發，無得頂。胡椒蝦連d 汁都啜埋，d 蝦都好彈牙，用左花節蝦酒就全部自帶

经朋友介紹，馬鞍山游泳池餐廳，有炒小菜，有私房菜，入到嚟個環境幾舒服，面對游泳池，朋友介紹了幾款必點小菜，有脆皮菠蘿咕嚕肉，皮脆多汁，酸酸甜甜，非常好味😋，值得一提係佢哋用嘅係新鮮菠蘿🍍，風沙鳝球香脆可口👍，蜜椒甘薯牛柳粒，都非常好食， 牛柳粒係仔仔嘅至愛，薯仔非常淋，牛柳粒好食😋，另外我喜歡的係酸菜桂花鱼，酸菜爽口，少少酸，唔鹹，個湯底非常好，朋友們把個湯底都飲曬🤣， 佢哋員工服務又非常好，老闆娘好nice同佢傾計，了解到佢哋餐廳，因為疫情問題，大家經濟環境都差，所以佢哋免收茶芥免收加一，回饋客人👍，只收現金

抵食又好味既良心小店，聽佢地講番會即日去街巿買最新鮮嘅海鮮，吾怪得咁鮮味啦，加上廚師既手拾，真系無得頂，所以想食海鮮記得要提前預訂啊小店好開揚，中午有陽光好舒服。連餐具都好有心思。值得推介😃

馬鞍山游泳池旁邊有間餐廳，在2020年10月左右開張，今次終於有機會黎食。呢度裝修普普通通，如果坐窗口位可以望住馬鞍山游泳池嬉水池，由於疫情關係嬉水池沒有開放比小朋友玩。希望疫情快d消失，回復正常生活。呢度設有卡座丶圓枱，已持有酒牌，只收現金，沒有支付寶丶八達通。當晚叫左六道菜，蜜椒牛柳粒 $118 ，好香好好味，薯仔夠淋，份量多，抵食。欖菜肉碎四季豆$78 ，大大碟。千葉豆腐$88 ，賣相好靚，睇得出廚師的刀功好犀利，係一碟心機菜，又好味。清炒萵筍絲$78，爽脆。肉絲炒麵丶福建炒飯$88，全部都好好味丶好出色。全部野食都大大碟，份量十足。簡直係一間隱世高質餐廳，店員服務態度好好丶非常有禮貌。

馬鞍山被忽略了的食飯好去處，易手多次的馬鞍山泳池餐廳， 原來已經改成了一間提供潮州菜，粤式小菜及午間提供實惠套餐的中式餐廳。 午餐價錢相宜，＄42起，多選擇，仲有飲品奉送。環境舒適 ，地方好好坐， 晚上提供小菜， 選擇多，如果想食新鮮海鮮，就必須提早一日通知，大家都明白海鮮價 ，可以叫餐廳先報價， 下次想食佢嘅胡椒炒蟹。 今次約了朋友來試一試午餐，見到父親節仲有四人及六人套餐 ，好想訂張枱同家人來試試。 只接受現金 同埋星期一會休息。