信得過 (已結業)

車胎人推介，反正出開來，即管試吓。🎈環境🎈過咗午飯時間去，去到剩番一枱客人，服務員食緊飯，都好殷勤過嚟招呼我。鋪面都算齊整企理，可以容納50-60人左右。🍑食物🍑叫了一個杏汁白肺湯，及一個白飯。食物好快上枱，湯的顔色很靚，聞落去好有杏汁的味道，可惜不是太熱，湯真係要辣嘴最好飲，這個算是入口不熱，啱飲的溫度，但味道是不錯的，湯內大概有三至四舊豬肺，很好味。白飯夠熱的，但有一些黏在一起的飯，硬硬的，有些失色。💁🏻‍♀️服務💁🏻‍♀️服務員親切有禮。💰價錢💰不算貴，會收茶錢。

又到了晚餐時間， 之前也有試過雞湯； 豬膶湯， 湯料好嫩及味道夠濃， 另有豬手， 爽口又入味…這次便叫來了它們；葱油三黃雞，可以半隻上， 佈滿香蔥粒與咸雞汁的， 雞肉們鲜嫩不過肥不過瘦而肉又有雞味， 配合埋碎葱們同雞汁， 入口非常豐富， 一件接一件咁食呢。黃金海中蝦，淡淡的咸旦黃蓉炒蓋著鮮蝦們，蝦殻不硬是可以直接咬的， 整體不過咸不過油， 鲜香嘢味。花膠杏汁白肺湯，很香濃的杏汁味， 湯料的豬肺件很整潔附上三-四件，花膠， 兩件。

點了杏汁豬肺湯，杏汁很清香，味道十分淡，不過我和朋友都覺得好似係無味精。同埸亦點了花膠豬肉餃米線和元貝雲呑新竹米粉，話係雞湯底但喝不出來因為太清淡，唯一有些意外是滿滿兩碗粉一條菜都無，要另外點。顧住食，沒拍照了。服務可以，卡位常常有客坐。不過今次光顧晚餐不太多人所以不用煩等位。

次次一想飲靚湯就會黎呢度食野，佢個湯真係好清甜又飲唔出有味精，個米粉口感好爽，而我比較鐘意食佢嘅豬脆脆，出邊好似好小地方有得食，覺得幾特別，試過有次去食仲有湯券送，真心抵食！

少去灣仔，一有機會過開去就揾下好野食，我對杏汁豬肺湯有要求，而且市面上都無咩餐廳會賣（因為功夫多），所以search到就點都去試下，而且係open rice有得訂位，咁方便，就決定要去試下！朋友仔確實對內臟無咩興趣，所以個湯試左幾啖就放棄，不過我地都認為，杏味可以再重D，但當然考慮成本同功夫，而且太重又怕食客唔鍾意，但對我鍾情於熱杏霜嘅人來講，多⋯⋯⋯⋯確實無問題。而豬肺都煲到好林，洗得好乾淨，食落感覺有如棉花糖，果種軟綿綿嘅口感好好！網上睇過個炸魚皮要試，所以就叫黃金果隻（因為同價錢），不過又事實，魚皮真係打邊爐先係最佳選擇，齋食就有D⋯⋯，可能我地都七點半食，炸左成日，都明嘅。再上豬手，熱辣辣，皮就煮到岩岩好時間，好有骨膠原，食落口有啫呢嘅口感，不過D肉就煮多左，有D實，食完會癡牙！我就叫左蝴蝶腩并黃沙豬潤，真係戲玉，前者就一般，雖則menu話係，但其實同普通瘦肉無分別，只係多左D筋，就係個「蝴蝶」，所以浪費左我個肚嘅 quota，好彩黃沙豬潤就無得頂，因為本人係好鍾意食豬雜粥，所以都好時常食到不同店舖嘅豬潤，要爽唔粉，彈牙但又要咬得開，唔腥，真係唔係好多粥店做到，就算打邊爐都要計

星期五晚9點冇乜人，極速上菜。豬潤米線：$56個湯好好飲，一邊食一邊飲湯完全覺得唔夠湯!!最重要佢唔咸，飲到底都唔覺得口喝。米線好彈牙，好滑。不過份量好似有啲少？我算細食，但都真係唔太夠食⋯⋯豬潤係招牌菜，碗入面大小共6塊，中薄一片，顏色淡淡幾靚，食落係爽口的，冇苦味，有豬潤香但唔算濃。我自己比較鐘意厚肉粉感香香的豬潤，同桌覺得好正好好食，仲讚到佢可以媲美鵝肝⋯⋯口水雞：（食落算中小辣？）我唔算好食得辣都食到，有麻味。我覺得最好係啲雞好少骨，啖啖肉，雞皮薄冇咩脂肪，不過肉質唔算滑。半隻雞都幾細，得幾舊就$78⋯⋯白飯仲要另加$10 好細一碗咋，口感有點硬。冰室feel但收茶位錢$2位 平過收加一嘅，有主動添茶以呢個價錢來講唔算好特別，如果鍾意飲湯都可以過嚟試吓。

不久前小人才與豬朋狗友來過，今次是被要喝杏汁豬肺湯的友人拉著前來。杏汁豬肺湯是如常的滑潤，可惜的是豬肺明顯少了很多。以前都有四、五舊，今次喝的只有三小舊，落料之差異差天共地。半隻蔥油雞其實也不少，雞味濃而且雞肉滑，仍然非常的滋味。鹹菜炒豬雜是無得輸的一道菜，不下味精還是夠味，相當了得。第一次點的蒜 組合有點怪，但竟然是意外的喜悅！魚頭多肉之餘骨膠原超勁多，好像吃著肥豬肉的滑，卻又絲毫沒有肥膩感！趁著的湯米線不多，然而又能吸到魚的鮮味，記緊要趁熱吃！希望下次來，要足料才好。

逛過今年美食節，晚餐並不用吃得多。幾年前到過這裡食黃沙豬潤，一直都未遇上更好食的，今次再到這裡可以回味那當年覺得美味的豬潤。始終事隔幾年，我至今連為什麼覺得比其他店鋪優勝的地方也忘記了，不過吃一口就知道癥結所在。這店的豬潤咬下去爽脆，一點也不韌，吃下去卻完全沒有未熟的感覺，吃第一塊時更出奇地可以用食蟹籽的感覺形容原因大概是豬潤的橫切面正正有如佈滿蟹籽，沒想到我用食蟹籽形容食豬潤，同伴都覺得貼切，我才敢在我有史以來第一篇食評中分享！這店子的豬潤果然沒有令我失望，全都比一般店子大塊且厚，只得一兩塊沒有那有咬口的質感，可是這美好的感覺並不能維持到我吃畢所有豬潤⋯⋯我後來吃的幾塊都比較鹹，那濃味的程度是要用食其他食物來中和，而個人覺得幼而爽的米粉（只得這米粉、米線、出前一丁和烏冬可選）及老火湯底，也不太配合豬潤的味道。我會欣賞同伴所選的鮮元貝雲呑內豬肉沒有筋或肥脂肪，皮亦薄，惜元貝少得幾乎不察覺，味道及質感亦不突出。整體而言，食店用料優質，服務亦佳，只是部分食物或些微失準，如配搭上加以改善將更好。希望豬潤水準得以保持，我會繼續支持

去開一間嘅牛肉麵餐廳已經冇再營業， 帶住落寞嘅心情沿謝斐道繼續搵嘢食， 經過"靠得住"， 唔記得係邊度聽過佢個名， 再望下佢門口嘅廣告， 話係米芝蓮推介， 可能之前喺雜誌見過啦雖然佢係叫做"米芝蓮"餐廳， 但係平日夜晚都唔係好多人， 唔使排長龍。 又見到佢夜晚有湯麵， 我呢個湯麵怪就走咗入去試下啦自選配料叫左蝦和蜆， 湯底叫咗唔辣嗰隻， 見到碗湯麵第一個嘅感覺係， 佢同其他專食湯麵嘅餐廳唔同， 望落好似自己喺屋企煮， 沒有芫茜蔥蒜粒肉碎等等， 但係就有冬瓜粒， 菇類和煙鴨胸， 試下第一啖湯 --- 超級好飲 佢標榜話係冇味精， 飲落都幾肯定唔係味精湯， 似係屋企煲既冬瓜湯。 食材都好新鮮， 蝦都爽口， 蜆肉冇沙。最後當然係連啲湯都飲埋啦 一定一定會再幫襯

兩個人食左三樣野。高度推薦黃沙豬潤，大塊清甜而不沙。雞湯底肯定落足料冇味精！粉腸清得乾淨利落，冇粉既感覺。湯底加左小小胡椒，香料味。新竹米粉細幼！豬挽手腩筋肉相連，肥而不膩不羶。口感當然冇得同牛腩比，但係性價比高，大碟又抵食！只係大概80一碟下次想試一試豬脆脆，即係豬喉嚨，又叫豬天梯。另一樣想試既係萬綠叢中半隻雞，因為本人超愛食葱。另外伙記們態度好，完全好似番左屋企咁！見倒入去既客好多都會同舖頭既人傾計，估計應該都係做開街坊生意。舖頭內籠闊落，架步清𥇦。多人既都可以叫烤魚同豬雜煲。

今日去咗信得過食午餐，上次嚟食也是吃它的泡飯，不過今次的泡飯份量好似小了，有點點失望。今次叫了他的雞湯， 跟兩味餸。雞湯味道依舊好味，因他的雞湯里還包了一些必包的餸（菇蟹柳煙鴨胸等等），可惜今次比對上一次來吃份量是少了。可能今天太餓了，吃完一整碗泡飯，還是有點不夠。來這店是因為他的湯底夠味，但餸菜的選擇其實是比較少的，就只有見到的那18款可選。而且這18款里，己經包括肉類及蔬菜，由於每款餸份量也不太夠，所以在這店，泡飯的那一碗飯真的很重要。

以前係灣仔SHK返工，成日唔係飯點時間光顧呢間信得過，d伙記都會同我傾上幾句，估唔到我咁耐無去，仲記得我～係香港少有人情味同好食並存既餐廳～最重要係呢間野唔落味精，可以放心食，而且鮮味都足！耐無去食，發現依家會用豬既主題餐具，好趣緻！呢碗湯係杏汁白肺湯，好特別，唔油膩，而且豬肺都好乾浄，每次黎必叫既～而我最愛既係鮮元貝雲吞咬落去真係會有元貝係入面，鮮味十足！而且同湯好夾，介紹朋友黎食，我都會叫佢地試左原味先好落辣椒醬黎食～黃金炸魚皮好脆口好香三色椒炒生腸，我好推薦呢味菜，腸好爽好脆，仲有佢自家製XO醬，好惹味！因為我地叫太多野食，姐姐勁貼心拎豬八戒出黎托盤，可以多d空間，雞上面既蔥蒜好多鋪滿曬，炒得超級香，佢地教我地撈米線食，正到！咁豐富都係每人百幾蚊晚餐，絕對值得幫襯～

之前成日經過都好想試今晚終於有機會啦！一入去⋯坐下⋯耳膜快爆⋯轉枱也一樣然後⋯又落少左單⋯唉⋯費事再等啦太嘈冇心機食⋯講返食物⋯杏汁白肺湯加個面⋯住家湯咁ok la ~ 不過份量不多食完感到口渴⋯但佢話冇味精的

幾年前男友 (果時未正式一齊)帶去話豬肺湯好好味，唉…我都唔食內臟，但果次之後愛上左，但只限於係信得過，每次去灣仔果頭我一定去，年幾無去過，剛男友有陳柏宇/衛蘭音樂會去會展，早d收工去食啦，入到去無咩人，心都有點不妙我叫返最愛杏汁花膠豬肺湯新竹米粉，以前泡住個麵既都係金華火腿雞湯，個麵普通味精水算啦，但個湯都好淡，以前飲一啖已經覺好多骨膠原，因為嘴唇都係笠笠感覺，而家飲晒成碗無黎感覺，豬肺比之前少，真差天共地，個米粉ok既，但目的係個湯呀嗎男友叫左黃沙豬潤，豬潤仲有水準，都係個湯無味咯，火腿同雞都走晒

一班豬朋久未會面，相當開心地相約食豬。其實之前小人曾暗地裡買外賣吃過一次，才敢斗膽推介是也。今次的杏汁白肺湯除了正常的潤滑杏汁白肺之外還下了花膠，格外膠滑！白灼豬膶太受歡迎了，豬朋們吃罷一碟不夠喉，雖然第二碟已不及第一碟靚；但趁著那旁邊彷似是有XO醬的辣汁，直令人停不下來！鹹酸菜炒豬雜乃小人力推，果真超好食，就連席間久友亦謂很久未吃過那麼正宗的鹹酸菜呢！所謂的萬綠叢中半隻雞，即是海量的蔥鋪在雞上，雞嫩不肥，青蔥無需多說是超香的，但對於小人來說就實在太hea囉，只是鋪一大堆蔥在雞上，何啥特別？豬肉雲吞又是圖以一大舊豬肉質飽人之作。反而薑汁芥蘭還好，薑是炸過的，薑味盡顯，菜夠腍，正菜。豬朋喜再久聚，已約定下餐鳥~~~☆☆☆