俱樂部一號

營業中

休息中

之前試過去俱樂部1號打雀局, 收費平,  $400 包4杯嘢飲, 仲係咩都有得飲, 新裝修乾淨企理, 間間房都有獨立廁.呢次我係去試串串轉燒烤, 上到去已經set好哂嘢, 整埋醬料, 香料, 油, 一埋位等啲食物來就燒得.服務姐姐好好成日來加水, 怕我地燒乾水. 店主見我地心急, 又細心講唔可以將啲食物擠迫戶咁迫埋一齊燒呀, 郁唔到架!食物幾好味, 環境都舒服, 吹水一流!

無意間發現屯門工業區馬會樓上，有串串食，就試一下吧，坐座舒服，枱與枱之間有一定嘅距離，空間感好好，約三五知己，簡簡單單又唔會太過簡單食餐都係唔錯既選擇👍🏻👍🏻👍🏻另外有平台，約閨蜜上嚟，同男女朋友拍拖仔，又或者成班上嚟燒野食都唔算

見到這裡被推介是甚麼會所的，便有興趣到此一試，位處四樓這店的午市殺著還是茶餐廳食物及其價格，叫了兩道午餐分别是咖喱雞扒炒疍飯($51)和沙爹牛肉煎疍多士麵餐($45)，兩份餐都跟餐飲，凍飲加$3，先要一讚這裡用的飯麵底都比較一般茶餐廳高級得多，白飯粒粒長而且軟糯甘甜，另外麵雖沒加錢但也用上似出錢一丁的麵質，第二要讚的是煎疍，用上雙大疍煎至燶邊好看兼好吃，至於雞扒和牛肉也不過不失没有用甚麽鬆肉粉或梳打之類去醃，肉味還不錯，只是略嫌咖喱汁不夠香囗，最後要說到飲品亦比一般店子的好喝。補充一提，叫少冰的真的少冰，要多汁多飯的便真的來得頗多，是老實的生意，有一點可惜的是怕吸煙味的話這裡可能會滲透著一眾私家房的客煙味。總括之言畢竟這裡推介的是會所風格，只覺午市主打提供茶餐廳食品就有些格格不入。如果想慳家免加一小費的話只要下載餐廳app在付款時出示便行。

想食普通家常飯，網上搵咗一輪，畢竟😅屯門好食嘅食店較少，見呢間環境，都應該幾適合🍽同屋企人聚餐…訂位時😊店員有禮介紹餐廳，煮廚之前係酒店大廚，唔係淨係食公司開年飯局，當中都有貼地$66小菜餐廳位置都幾就腳，餐廳環境靜靜哋😌幾舒服點咗六個小菜，店員很好，送咗湯俾我哋整體食物味道：一般家常小菜😉不過不失埋單咁啱有9折，折後大約$6-7百，價錢合理。餐廳都有做午市，午市cp值算唔錯

餐廳除左有常餐外，每日午市都指定餐單，之前試過食煲仔飯，味道一般，最簡單應該要有煲仔飯豉油都冇，只係比左普通嘅生抽👎係鹹上加鹹🥲 啲臘腸都細細粒咁..再試過係食蔥油豬扒，豬扒唔係有炸過口感都鬆軟，唔會硬，但蔥油就變左蔥溶…唔係我諗嗰啲炸蔥油…所以味道對我黎講只係合格🈴

未食過呢款撈起，呢料唔同平時個啲，好開胃啊！其他都好好味啊，份量同質素好過酒樓個啲好多😆最鍾意係燕窩羹啦…大大啖咁食完全唔洗慳住食。平時食晏都幾好，估唔到晚餐係更有水準。除左燕窩羹有驚喜之外, 薑蔥廣島蠔都係我鍾意的, 仲有少少脆邊,大房坐到14個都好舒服。菜單: 煙三文魚撈起/西蘭子什菌炒帶子/百花釀蟹鉗/薑蔥廣島蠔煲/蟹肉雞蓉燕窩羹/富貴六頭鮑扣鵝掌/清蒸海上鮮/脆皮乳鴿/生炒糯米飯/紅豆沙湯丸/

今日決定要對自己好D!同同事去試下新菜式~~6頭鮑魚蟹籽三文魚炒飯。平時都要$68一個三文魚炒飯，而家仲多一隻鮑魚添! 幾多頭我都唔識分, 但一食落口時，就明白，好好味好抵食!!!! D三文魚唔似平時食到的, 有少少鹹香似煙三文魚但個顏色係新鮮的魚肉。唔識講啊….佢地的例湯係真材實料, 都唔洗叫野飲啦. 新一年有時都要對自己好D^^呢度好坐環境舒服, 如果可以就早少少黎好D, 我地12:45到都有位. 見到大約1點幾之後就已經坐滿了。

高質抵食服務好的俱樂部坐位寬闊，而環境裝飾得幾靚，環境乾淨，還有室外位置，侍應相當之有禮貌，而且上菜都非常快。🐯吉列魚柳炒蛋飯配黑椒汁 $49🌟🌟🌟🌟🌟吉列魚柳有兩塊，炸得夠香脆而不油，魚柳肉質新鮮而重魚味，吃過不停口。炒蛋放左白飯面，炒蛋炒得很滑嫩配白飯加點黑椒汁非常好味。黑椒汁帶點微辣。🐯煎牛扒炒蛋飯配咖哩汁 $49+$5（牛扒需加5蚊）🌟🌟🌟🌟🌟大大塊煎牛扒雖然煎到全熟，但肉質都是易咬開，而唔會癡牙，塊牛扒都有少少質數。炒蛋放左白飯面，炒蛋炒得很滑嫩配白飯加點咖哩汁非常好味。咖哩汁有少少微辣，但相當惹味。🐯吉列豬扒炒蛋飯配蒜蓉汁 $49🌟🌟🌟🌟大大塊吉列豬扒，炸得香脆而不油膩，肉質口感不錯，而不嚡口不癡牙，炒蛋放左白飯面，炒蛋炒得很滑嫩配白飯加點蒜蓉汁非常好味。但蒜蓉汁就比較重蒜味及味精，吃完有點口渴。🐯肉醬意粉$49🌟🌟🌟賣相見到比較乾，當撈勻發現更乾爭爭，不容易入口，跟想像中的肉醬意粉有分別，如果多番點醬汁會更好，意粉煮得適中，不會太淋身。🐯跟餐附送熱飲，凍飲需加$3⚠️需加一服務費📱但如果在手機安裝『clubhouseone』這個程式，登記做會員，在埋單時出示會員QR碼就可

昨晚到Clubhouseone同朋友食團年飯，餐廳裝潢雅緻，環境舒適。最喜歡設有獨立房間，供給喜歡喧嘩的我們有私人空間，而且還有獨立洗手間，讚👍菜式方面，我個人最喜歡橫財豬手，炆到超入味，而且還用了髮菜（發財）加豆苗作伴菜，不但好意頭，味道又夾得非常好😋 我囡囡勁鐘意食那裏的糯米飯，平時不太愛吃飯的她，昨晚吃了三碗，值得推介。嘟嘟生菜煲都非常夠鑊氣，炒得超香👍 值得推介，下次想訂佢個盆菜試吓，聽朋友講話超好食😙

今晚發現屯門馬會樓上新開做間也，新裝修，上去試試！點知有驚喜...好有新年氣氛，d招呼好周到，吃下吃下有人主動過啦換碟！試左香蔥焗生蠔，個waiter介紹今晚有發財豬手，變軟糯，勁多發菜，一d都唔姑寒！仲有豬頸肉炒飯，可以吃得落兩碗飯..吃完之後個waiter hot sell甜品，好啦都試試，木瓜燉冰糖雪耳，裡面好似有杏仁，都好足料，不過竟然唔記得影相！！！唯一不足噶係今日上菜有d慢，出面大廳有人擺左5,6圍吃團年，不過餐廳都好適做，送左d例湯，可以暖下肚🤣

公司附近新開，如果無派傳單，真係唔知有間餐廳係樓上。係工業區有一間環境舒適，地方大號餐廳坐下真係好難得，所以差唔多每次嚟都坐滿人。餐牌每日提供炒粉麵飯，即叫即做，新鮮熱辣有穫氣除左中式粉麵，仲有西式全日早餐及沙律，任勻選擇今日輕食叫左常餐，係屯門工業區嚟講真係無得輸！$45已經有齊煎雙蛋，牛油方包仲要烘底麵餐仲可以揀兩餸，雪菜肉絲米嘅用上新竹米，煙靭有彈性特別好食加佢地個apps 做會員仲可以免收加一

中午上來吃飯，試左個湯飯，肉片爽滑，d菜心好淋甜D座位都好闊活，兩餸58蚊個朋友吃左鯪魚球，西洋菜同豬潤... 鯪魚球都算彈呀，唔腥，豬潤就係薄切，都算爽口，唔會老..