俺之沾麵專門店 (已結業)

是的，這裏要結業了，就在4月28號。有空順路的話也不妨來一吃，畢竟這裏就算不是最好，也是個集體回憶。日前下午剛好有空到炮台山，想起沾麵就趕到這裏了，12時正才開門，11點50分到，也要排一下隊，在門口等待也算是來這裏的滋味之一吧入座後，也不多介紹，快手圈好就交表挑湯底，我這次點了黑蒜的，但最喜歡的還是白湯，麵未到，溫泉蛋先來。一直也很欣賞這裏的溫泉蛋，每家餐廳也會做的溫泉蛋，只要用日本蛋和慢煮棒，質素不會差别太大，但底下的調味汁才是令人驚豔之處，去過幾家店（包括同集團的）也沒有這裏好，以前會在表面加上柚子和蔥花，現在沒有了，大概是材料不足吧。一口吃掉後，就等著麵來。在落order時指名要冷的麵，上桌時溫度剛好，有麥香，個人習慣是先吃一口麵，不沾汁，感受最簡單的味道。黑蒜湯的味道是霸道的，一入口基本上就佔據了味覺，蒜要炸完又炸，才能有色香味足夠的黑蒜油。也談一下配料吧，溏心蛋是有點不如以往的了，但各花入各眼，有人喜歡更流心，我就喜歡實一點的，值得提得是，滷蛋的調味汁味未能令蛋黃也入味，也許是偶爾會有的小誤差吧叉燒要了腩肉，其實我喜歡瘦肉多一點，但味道是ok的這店的蔥粒切得不錯，但湯底太濃

看報道星期五夜晚來到炮台山蜆殼街, 七點十分, 長長的人龍已經跨過三個鋪位。預計有三十多人在輪候。 鋪位有四張枱, 可以坐四到六人, 等候時間最少預一個鐘。中間加了二人枱, 入座時間加快左好多。排隊的時候也選好了沾麵的組合, 有麵糧, 叉燒部位, 蔥, 蒜份量, 配流心蛋或溫泉蛋, 湯底共有三款1)原味 2)蕃茄 3)黑蒜。今次選了一個原味和一個黑蒜湯底, 原味豬骨魚油味香濃; 黑蒜香較鹹, 流心蛋亦較鹹。整體來說叉燒厚身入味, 麵身適中, 湯底濃香, 但伴麵食落較鹹身, 勁想飲水解渴。 **鋪頭做到本月底,希望大家多多支持下!

今日去開炮台山，諗住食埋飯先返去，就發現呢間隱世日式家庭式小店。呢間店由舖名可見係一間沾麵專門店，所以落單紙只有沾麵，可見店主想專注做最好的沾麵！呢度比較特別，可以選擇腩肉叉燒或梅肉叉燒，1、2或3塊。亦可自選麵、筍、蔥的份量：大、中、小。可選擇溫泉蛋或半熟蛋，不用加錢。揀左原味沾麵+溫泉蛋~呢個沾麵湯底係豬骨湯~擺法同其他沾麵店有D唔同，呢度既配料係放係湯內，溫泉蛋另上，其他店多數配料放係麵上。豬骨湯底出色，好香，非常濃厚！！！麵條能掛湯，煙韌彈牙~叉燒燒得香口，唔韌~溫泉蛋煮得剛好，好香好滑！！食完麵可以加熱湯開稀然後飲埋~整體來說不錯！

🍽 俺之沾麵專門店（北角蜆殼街6-16號寶榮大廈地下D1號舖）🍽蕃茄湯底 中辣（$88）好味指數👍🏻👍🏻👍🏻👍🏻回購指數👍🏻👍🏻👍🏻👍🏻 👍🏻炮台山呢間沾麵店，基本上如果我喺嗰邊經過係一定會食嘅（無論午餐定係晚餐）由$85 食到加左價既$88。曾經最高峰係每個星期都會起碼食一次連續兩個月，但係因為某D原因呢排比較少去北角炮台山一帶所以近來食少左， 但係仍然念念不忘，經過就要去食。。首先，這家店最令人開心係，無論要咩分量的麵、邊種湯底、幾多片叉燒（1、2or3)、要唔要蛋、多蔥、多筍 都係劃一價格。基本上一定夠飽，對於我易啲咁大食、又為食嘅人嚟講，每次食都全部要大盛、又要蛋。點餐時，店員都會溫馨提示大盛的麵分量大概有兩個公仔，讓食客心中有預算，不會做成浪費，見好多女仔都只會揀小的，even 有啲男食客同朋友討論要點麵size 時，都會話中size 已經好飽。但係，對我黎講 我真係試過因爲臨收舖前，余下麵的份量只可以做中盛，因為湯太好味的原故，我覺得真係唔夠😂。。三款豬骨湯底都試過， 最鐘意係蕃茄湯底，一定要有辣嘅，曾經試過要唔辣的番茄湯底，完全沒有蕃茄味也沒有香濃的味道，所以如果要食蕃茄

沾麵😋😍🍝唔知幾時開始 我好似越黎越鍾意食沾麵😂$88(or 85🙈) 可以揀麵底S or M or L. L size侍應姨姨話係兩個公仔麵既份量, 我揀左M 係食唔飽既😂蛋可以揀温泉或者半熟，肉可以揀肥肉或者瘦肉，兩個人啱啱好有得試曬兩樣😎肥肉唔係好肥 建議食肥肉 🐖湯底幾濃 我係原味 寶寶食黑蒜味 臭到食完前一個post既湯圓都仲有陣味🤢

專程過海，也第一次來到這一間沾麵店。來到這一條街，起初還不以為意🧐，不驚異地，便行過了這一間沾麵店。這個沾麵店，完全不起眼，路過了也不太察覺，看一看餐牌🤭，似乎和深水埗的「隱家」，與及「混亂」都是同一個老闆。後來等了幾分鐘，阿姨便立即將選單給我們。然後剛好有人出來，我們就進店😬。店內還是有點悶熱😪，幸好我們只是吃沾麵，如果吃湯拉麵，可能會太熱了。我點了一個黑蒜沾麵，如果有比較之下，原味就顯得比較清淡。但只是有比較之下，因為原味那個，已經非常香濃，湯汁非常濃，如果當作湯來看，肯定非常口渴。這個沾汁，不是放在熱鍋上，但是沾汁非常夠熱，可能是在本港吃過沾麵， 沾麵汁最熱的一間，其實這非常重要，因為如果沾麵唔夠熱，將麵條放進沾汁內，就更加容易冷掉，因此，沾汁夠熱，便可以維持得更久。有很多蒜、蒜泥，又會找到一些炸蒜，我隨便打撈一下，會找到很多渣。麵條非常之煙韌，比起人家的沾麵，這兒的麵條煙韌彈牙得多。煮得剛剛好，不會過林，亦都不黏着一團。本來落單的時候，問了一下或者店員，她說「中份量，就是一個半公仔麵；而大的，就是兩個公仔麵的份量」。由於生怕好像上次富士山55那麼難吃，結果只點了中的份量，後來就

黑蒜豬骨湯沾麵＠俺之沾麵專門店- 湯濃香杰身頗膩，帶濃重炸蒜香甜味，蔥花雖添爽脆清香。在我而言太黏太濃，加了頗多昆布醋減膩- 麵彈牙，帶麵粉香，條條分明不會黏在一起，掛湯度尚可- 溏心蛋微甜，十分流心，討好- 可選梅頭或腩肉叉燒，選了梅頭，肉味濃香，不膩滯*辣椒醬似豆板醬，辣勁溫和，微酸*麵量分小、普通或大，選完普通後，才聽到鄰座說三種份量依次是1個、1.5個及2個公仔麵份量。為免胃痛，沒強行食到底，但仍飽足一日

說香港本地創業的拉麵品牌，人稱 "拉麵陳" 旗下的各大拉麵店是成功的表表者。是日，我又到訪 "拉麵陳" 旗下的一家位於天后的名店。是一間食沾麵的拉麵小店，名字叫《俺のつけめん》 (俺之沾麵專門店)，意是就是 "我的沾麵" 。來的日子同時間，當然是開心的中午時光啦。此店細細的，幸好我一點前到達，不然，我就要在店子門口，等上一段小時間了。 此店給我的感覺就是一間好 "家" 的小店。一入來，給大家的感覺就是一家由老拉麵師傅一人擔當的小型拉麵店的樣子。店子雖然全場爆滿，但給予到大家一個家庭式小店的小溫暖。 食拉麵，如有提供的話，我好多時都會多叫一個小食。是日小店推介溫泉蛋，其賣相有點似新加坡的半熟蛋。吃入口，美妙的雞蛋本身已經夠味道，很香口，很滑，很是可口。 來《俺のつけめん》，當然是來吃沾麵啦。我要的是原味豚骨湯底，麵同沾麵的湯一起端來時，已經聞得出濃湯的香味。麵條雖不是最粗身的一種，但很吸汁，浸一浸濃濃的湯，連著湯汁一起放入口，又濃又香口。 沾麵內的叉燒，是肥美的燒腩肉。浸在濃濃的沽麵湯內，叉燒顯得格外的香口。再者，肥肉大概佔了三分一的腩肉叉燒，好腍，肉味加上豚骨濃湯味，非常香口，味道十分

本來原定計劃唔係食依間，但咁岩行過時，見到鋪仔細細，好有日本細店感覺，但行左入去，入到去真係好細，得個4張4人枱，樓面得一位姐姐落左個原味既沾面，聽到姐姐落ordar都係講日文，有時廚房溝通好似都係講日文，唔提醒下自己都以為係日本好，個面黎到，將個湯同配料撈埋一推，面都偏硬但性在夠彈，沾落湯到雖則沾少少，就味道就已經好足夠，豬肉都有心思咁其實煎過，咁岩對面叫左個冷面拼盤，下面有冰盤墊住，上面的材料十分整體，都幾靚，而且聽到佢講d冷面好爽口，搞到我好想問佢食一啖食哂d面之後，佢會問你再加唔加清湯落湯到，等溝淡一d湯成碗飲，同叫你最好唔好用匙羹飲，d醬油，7味粉，蔥之類係入面， 飲落感覺都幾似胡椒豬肚湯

呢個係我最鍾意食嘅沾麵鋪頭又係我最近最鍾意食嘅沾麵餐廳而家成日都去連老闆娘都認識我! 😊😊 佢哋個蝦油沾麵面, 好味唔會太鹹都唔會淡味依間野係我朋友介紹我, 大家請支持!

今日係體育館做gym，咁岩想食沾麵，就去左俺之沾麵。俺之沾麵幾個月前同朋友食過，果時都覺得好好味，今次就番黎回味下。俺之沾麵有三個湯底，有原味，黑蒜油，蕃茹1. 原味今次都係食番上次食過既湯底，湯底濃郁，麵底夠粗。豚肉油脂分佈岩岩好，相當好食👍👍。2. 黑蒜油黑蒜油湯底都好濃郁，女友認為唔夠原味好食。😂😂唯一缺點係唔算好掛到湯😞麵底小盛大約一個即食麵左右，而大盛就大約兩個即食麵左右。店面較細，有時要等下位，今次都唔算等左好耐。服務態度好好，沾麵又好食，值得一試！

呢一間沾麵小店位於炮台山，炮台山地鐵站一出大約5至10分鐘到就到。夜晚七點幾去到，都會見到唔少人排隊。因為店內環境唔算大，得幾張枱，所以多數都要等位。排得隊都有佢嘅原因，因為都真係幾好味。呢間小店冇乜特別裝修，餐牌亦都冇乜食物款式。佢只做三款沾麵，一個係黑蒜，另一個係原味，第三個就係蕃茄味。每款＄88，我今次叫咗黑蒜沾麵，佢沾麵嘅湯汁係好濃稠，所以每一啖沾面都索晒啲湯汁，漿住個口，好好味！食完個面，個湯仲可以加魚湯飲埋！其實都好好味，不過都有唔少油，所以我就只飲少少。

之前已經見過呢間沾麵話，好好味， 又抵食＄89。所以今次專誠來試吓。估唔到七點幾嚟到，真係大排長龍。都等左成半個鐘先入到去。座位唔算太多，但係都算坐得舒服。環境似第一間小店，食物款式唔多，得三款沾麵，一個原味，一個黑蒜味，一個番茄味。我就叫左黑蒜沾麵，麵嘅份量有得揀大中小。當然我就揀大，麵係屬於硬身嘅。湯汁嘅質地好濃稠，好重黑蒜味，叉燒有三大塊，比其他日本沾面店性價比更高。最後亦建議加魚湯飲埋啲湯汁，真係好好味！下次我就會選擇試吓蕃茄味，因為都好多人食！

聽講呢間沾麵日日都排哂隊，當日甘岩係附近，見到唔係太多人等位，所以就決定排下，試一試喇餐廳只有3款沾麵可以揀，分別係黑蒜，蕃茄同埋豬骨，全部都係$88，包一款蛋同埋幾片叉燒黑蒜沾麵 呢個係男朋友揀既黑蒜味，除左湯底係加左黑蒜黎煮，面頭仲有大量炸蒜同蒜蓉，聞落個湯真係超香，飲落係好濃郁既豬骨同埋蒜味，味道偏咸，但點埋D麵一齊食就岩岩好，超適合鍾意食重口味既朋友。蝦+蕃茄沾麵 話說我係要蕃茄沾麵既，但日本叔叔問我，我地有個SPECIAL係加左蝦，你要唔要試呀? 甘有SPEICAL就當然要試試佢啦，其實入面係冇蝦肉既，只有D櫻花蝦仔，但你飲得出個湯入面有勁多蝦既精華，超鮮甜。如果正係得好濃既蝦味，真係會覺得有D膩，但加埋酸酸地既蕃茄就唔會喇，成個配搭真係超夾。我要左溫泉蛋，加埋落個麵到再點湯，個麵食落會滑D，同埋無甘膩，食到最後，呢到會有熱湯提供，甘就可以開番稀個湯底，飲埋佢喇唔怪得知呢到排滿人，因為個湯真係飲得出係花好多心思時間整出黎。不過如果女仔係同心儀對象黎食，就記得唔好食黑蒜味喇，因為果浸味，真係成晚都唔會散架，哈哈。

特登落炮台山試一試呢一間OpenRice好多人讚好既沾麵～七點左右嚟到鋪頭，人龍已經去到隔離鋪！排左大概45分鐘，好期待緊入去！可能好期待嘅關係所以有少少失望！總括來說其實除咗湯底其他配料都係中上評價！可以一試！鋪內提供湯底有三款，一款係黑蒜味、一款係原味，另一款係蕃茄味～揀咗原味同蕃茄味～以沾面來說，個人覺得味道唔算濃，似拉麵湯底。豬骨味唔算出眾，番茄味幾特別！其餘叉燒及麵的質感其實真係唔錯！樓面姐姐服務非常之好！