俺流うどん

營業中

休息中

睇戲前快速在apm食個晚餐，選了food court內的俺流うどん，因光顧過集團旗下的拉麵店，拉麵的味道不差。apm Food Fiesta的點餐過程是統一在收銀處點餐購票，而不是在個別餐廳點餐，過程都算快捷！俺流うどん除了供應烏冬外，還有關東煮，不過今次就沒試關東煮🍢壽喜燒牛肉溫泉蛋烏冬，鰹魚湯底，湯底夠味又不會太鹹。配料有壽喜燒牛肉、鳴門卷及昆布，烏冬的軟硬度適中，不算彈牙，但也不會太稔身。惟牛肉是最大敗筆！牛肉份量適中，但每一片牛肉都很乾柴，很薄又很細碎！！有點慶幸自己不是選較貴的安格斯牛肉烏冬，不然會更失望吧！

我從來唔寫食評，今次覺得差得好離譜，首先$93一碗拉麵得一塊同紙冇分別嘅叉燒都算，仲要一般，最後要追加$49炸雞，2個員工一男一女服務態度超差，女嘅黑口黑面，男嘅好hea, 行路係用跣好嘈，仲要加一服務費，係食過最難食嘅拉麵，垃圾

我本人比較鐘意食咖哩蛋包飯，喺APM Food Court見到即刻唔諗就一試，嘩！但真心未食過咁差嘅咖哩蛋包飯，我選擇吉列猪扒炸蝦蛋包飯，有兩件細猪扒，又乾身，又薄，咖哩汁又少仲要偏酸味，感覺怪怪，冇咖哩味，難食😡😡😡我朋友選擇鰻魚蛋包飯，燒汁感覺怪怪，鰻魚還可接受，為何用薑絲在鰻魚面去醒味？味道偏鹹，原條鰻魚賣相唔錯，但真係唔會再食，只得賣相有咩用😡😡仲要$112及$118一個飯真係好唔掂！加埋飲品要百二三蚊就真係超唔抵食

今日又去觀塘APM的美食廣場 Food Fiesta lunch。共有10多間餐廳及小食店，以日式口味為主，甚至有間專門販售從日本各地搜羅回來的日式杯麵，包括部份地區限定版。餐廳以日式口味為主，其他風味只有泰國菜及川菜，似乎未夠多元化。巡了一個圈，見到兩間以「俺流」為名字的食店，【俺流カツ】及【俺流うどん】；聯想起同樣位於APM 內的【俺流らーめん】，應該有關係。上次試過【俺流カツ】，今日試下【俺流うどん】。除12款不同配料的烏冬外，食店還有供應關東煮。食物都是預先準備好，大眾食堂出品，不會抱大期望。【黑豚肉溫泉蛋烏冬 $62】湯底用鰹魚湯就是原味清湯烏冬，客人可以+$8轉蕃茄湯底。落單後不用三分鐘就完成……快過煮即食麵。賣相平凡、食材平凡、味道平凡。幸好這碗湯烏冬只是小女兒的午餐，對冇要求的小朋友來說這個平凡烏冬合適不過 ……如果同區的烏冬店選擇，小編偏愛自家製、烏冬口感煙韌的【鰹烏冬】。

依個food court大部份嘢都係即叫即煮。 咁就叫咗碗黑豚肉溫泉蛋烏冬。 叫完行過去唔使2分鐘已經攞得。 心裏面諗大鑊。 咕咚完全好似$10.3個絕對唔係急凍或者新鮮烏冬。 黑豚肉鞋過鞋底仲衰過阿媽煲湯肉，仲要有濃濃雪味。 溫泉蛋凍冰冰。 食到一大半之後頂唔順走返去同個姐姐講可唔可以換其他肉， 佢好快手就話好呀， 之後就喺個湯匙度俾D牛肉我。 講真不如買出前一丁烏冬食唔好咁嬲總括嚟講依碗烏冬應該係我一生人裏面最差嘅一碗。

我通常很少大投訴。不過為免朋友們「中伏」，還是推廣一下。這家位於APM的所謂日本拉麵店。本著夠膽打日文招牌，抱著不妨一試的心態。誰知道，一碗面只有一個雞蛋和一塊肉，好一個沒有鮮味只有超鹹味的湯底。連我這樣喜歡出前一丁味精湯的人都喝不下去，竟然還敢收$98還加一！如果你湯底好，我也算了，理解舖租貴。好像是有幾個分店。奉勸各位小心了😰唯一還好的是服務態度不錯，服務員挺有禮貌。如果湯底大大大改進，餸多一點而不是只有一塊大不過350ml汽水罐底的話，看在店開在貴租點，應該可以接受的。

一碗烏冬、三舊炸雞，加了十蚊罐裝飲品。一共75蚊。三舊炸雞d味道係ok 嘅，d雞肉新鮮，係炸得唔錯，d油唔係老嘅。但係，碗烏冬真係超級細！d烏冬又唔係好出色，d咖喱又普通貨色。仲要減除飲品都要65蚊。其實其他店收65蚊真係唔係咁少野食，碗烏冬真係太細。呢個餐總括真係唔值。總之就係唔係抵啦。

.新裝修既food court多左啲日式餐廳，今次試呢間俺流既烏冬，叫左黑豚肉溫泉蛋烏冬($56)去拎餐個陣發現隻溫泉蛋爛左，問職員咁樣係咪正常，佢先換過另一碗比我，可能一開始已經爛左，咁明顯都冇主動換，要食客開口先換😕黑豚肉味道同份量都ok，佢既湯底係用鰹魚湯整，幾甜既，只係烏冬硬，咬到個咀好攰🤨呢個價錢可以係小店食到高質既烏冬了🥲.味道 ★ ★ ☆ ☆ ☆環境 ★ ★ ★ ☆ ☆服務 ★ ★ ☆ ☆ ☆價錢 ★ ★ ★ ☆ ☆