影片
營業時間
*最後落單時間: 21:00
星期一至日
11:30 - 21:00
以上資料只供參考, 請與餐廳確認詳情
食家推介
先講結論 絕對唔會再去食多次！碗拉麵一黎到已經feel到伏伏地，因為隻蛋係成隻原隻上冇切過，就好似平時啲烚蛋咁。一食落口果不其然，冇咩味之餘重要完全係凍冰冰。一食就知一早整好，唔知放咗喺到幾耐。再試試啲肉又係feel到又攤到凍曬，見有人落單先扔落湯到整暖佢。再試試所謂「大板燒餃子」嘩！又濕又凍又冇味，重要得五蚊銀咁大！6粒野36蚊，去超市買包大板王將仲抵食，好食過呢間之餘，仲有12粒。碗拉麵唯一嘅好就麵底還算正常，同好彩個湯仲係暖嘅......
繼續閱讀
系大埔超級城食過，見周圍餐廳排晒隊，得呢間唔使排隊又見係食拉面，入去試下。見到餐牌好似唔錯波，叫左個拉面加隻餃子，餐牌見到仲要係煎餃，點知餃子唔係3分鐘就到左，但係隻餃子細到懷疑佢寫錯，應該係雲吞，正正方方同雪櫃D冰一樣大，唔係煎都算啦，食落去塊皮就叫暖，但入面D料係凍，仲有陣青草味....過多1分鐘，拉面又到，D面我覺得OK既，口感唔錯，但係塊叉燒未浸湯的位置係凍，要成塊浸一浸先食得，佢果隻蛋同出面D拉面店唔同，佢唔會切開一半，搞到個蛋黃又熟又生甘。我同朋友都一致認為唔會再幫襯，其他舖甘旺得佢甘靜唔係無原因!仲要我比10%服務費，真係貼錢買難受!最後人均消費約$150左右
繼續閱讀
假日出大埔超級城，人多到暈……飯市時間，一家有大有細有bb，見到有位就衝入嚟試一試個陣！俺流男盛拉麵有溫泉蛋，兩片厚叉燒，兩舊大炸雞，我見幾個人都揀熟成濃湯，我就試辣鹽湯(唔建議揀) ：逐樣講，溫泉蛋普普通通，冇特別/唔難食，叉燒夠厚/味道一般，整得咁厚仲保持到肉質軟淋真係唔錯，而且件叉燒脂肪層冇過多，食落去唔會好漏，可惜味道普通；舉例：有d拉麵店既叉燒比較帶豉油香味或者鹵得比較入味，我覺得咁先叫好食/出色既！！炸雞件，夠大舊，味香，肉質唔會炸到死實實，係成碗麵入便最好既，麵質我揀硬爽，做到既，但未到好爽彈果種。湯，講唔出有乜特別……唔濃，個質又唔夠厚，上枱又唔夠熱…… 我自己點去睇呢，起碼d蔥絲同拉麵筍浸落去要夠熱同埋可以入到湯既味丫，呢度完全唔得，點解要特別咁提呢？因為我鐘意食蔥，另加一份蔥絲浸落去都係微暖既......d蔥絲又切得粗，以我所認知：和食都幾注重切野切得幼唔幼細既目測熟成濃湯賣相比較好。拉麵既配料大部份都係另外煮定，個湯唔夠熱/個麵唔夠熱，咁就乜都扣晒分啦，唉……碗麵我加左大量拉麵胡椒，免強食得晒。。。。。碗麵另一可取既係份量多。唔建議加餃子，都係唔好食煎同埋大阪燒果款都係（應該冇記錯個名）。坐位算闊落，只求飽肚可一試，如對食麵有要求……諗諗先唔知係咪好多人都係第一次食，因為埋單果陣見門口有人龍。相中枱面果3碟炸雞全部打包……因為碗麵份量真係大！
繼續閱讀
之前幫襯過，無咩特別，但係今次幫襯就嚇親囉。平日下午茶時間，無優惠，都係果個散叫既餐牌，所以唔算特別平，成間舖得2枱客，非常靜。而所謂既員工就坐左係吧枱吹水撳電話，唔講都唔知原來係番緊工。我地3人入到黎，有個女員工就係遠處指左張枱比我地，然後放低2杯洗手水😳另1杯水一早已經係枱。大佬，你唔係吓話，D手指插曬落杯水度，落枱果刻，D水仲彈左出黎。小小衛生常識都無，拎果2杯水都可以甘，犀利。食食下，其他客已經走曬，得番我地。食物非常一般，唔會有下次。
繼續閱讀
這家拉麵店除了十多款拉麵之外，還有迷你飯井及沙律可適合不同食客！而環境位置闊落為了有驚喜點了：豚肉盛合拉麵$93（另加一）足料，個湯濃度及麵一般 ，蓋著麵上有三款肉豬肉片、叉燒、豬腩肉、唐心旦，淆得又淋又入味，讚！
繼續閱讀