倆仨杯

營業中

休息中

啲員工好nice!諗唔到食咩就問有咩好推介，個店員好有耐性推介咗幾款人氣小食花枝丸同芋泥地瓜地，好好食！同埋叫咗杯白桃烏龍(店員推薦5分甜🫢話本來果茶已經好甜)我本身飲開珍珠奶茶全糖驚唔夠甜，好彩信佢姐，果然啱啱好，如果飲正常甜應該勁甜🤣🤣因為太肚餓仲叫咗兩個飯食，份量好多 食唔哂🤣店內同店外面都可以坐，最後揀係出面坐可以望海景，hea咗好耐幾舒服！係尖沙咀行到攰想搵地方食下野真係一大選擇，仲要啲嘢唔錯喎

行過，見到嘢飲小食都幾平，入去坐低聽吓歌，食吓小食不錯之選買完之後張飛亦寫明消費可以坐60分鐘過了60分鐘，也沒有人催趕 哈哈哈，太累了坐了兩小時😂 等食晚飯海港城呢個價錢絕對冇得彈店員態度也友善嘢飲好飲 小食也正常發揮三四十蚊 唔明啲人仲要求啲咩高要求的 都係返去食科技與狠活吧😂

-茶味極淡，點單少冰但半杯以上都是冰，只喝到5口左右茶，份量極少，葡萄柚茶有少量苦澀葡萄柚顆；-趕時間不適宜，下午三時左右需約25mins以上 才可自取兩杯簡單配搭茶飲；-服務態度語氣極為惡劣，飲管折斷不夠力弄穿杯封口唯有再取一枝使用＇突然被喝令不能自取飲管否則另外收費，令人十分疑惑飲管是否超昂貴東西？若然是很貴重那可以把所有飲管鎖在櫃檯內不許自取。同時應檢討飲管構造是否足夠堅梗刺穿杯封口改良杯封口設計，為一條飲管黑面呼喝客戶真的不知所謂；總括而言，以整體服務、飲品質素份量及效率對比價格，是非常不推介。在遊容旺點有這間香港本地店舖，希望不會影響香港形象，還望影片分享平台頻道快點完結聯乘此等店鋪以免拖跨健康形象。

鋪頭既衛生意識同態度好差首先，叫左杯大甲芋圓鮮奶，飲左啖發現無加小芋圓就同店員A講，佢叫我抽起條飲管撩開個膠膜諗住加番啲配料就算，咁樣既做法我覺得好污糟好唔衛生就同店員想要成杯換，點知後面店員B勁大聲講：下個客飲過嫁喎，點解要沖過一杯，直接加落去咪得。一黎，如果店員唔漏野我又點會要換？二黎，我覺得衛生問題要成杯換，好合理唔好因為自己同小薯茄合作就覺得點搞都會有人幫襯，做臭自己同人地既朵，咁樣只會愈黎愈多人番大陸食野

今天下午七点多，去俩仨点买了奶茶和梦卜饼。晚市时段本来店里人不多，我以为能很快拿到，结果等了半个多小时？？？饼吧，油太多，过薄薄一层的...员工态度也很差勁，爱理不理的，拽拽的，说话还带着点不耐烦。这体验，真心差劲💢……

今天路經海運大廈，有點口渴，見到有一間倆仨杯台式飲料，款式多價錢不貴，儘管一試吓，，，烤布蕾奶蓋鐵觀音小甜小冰。幾好飲便坐低大堂中間坐位歎一歎，只係覺得不及芝士奶蓋那麼好飲。在桌面上寫明，只供他們的顧客使用，合理。隨後朋友欲再買多杯其他飲品，建議購買芝士奶蓋，確實有芝士奶味，幾香口。飲完一口再一口，幾爽。。與朋友閒聊，身旁坐下了幾位同胞，在沒有購買任何產品超過5分鐘之後，有位胖胖的職員請他們要購買或請起身，相信幾位同胞不想花費便立即起身走人。此時本人感覺有點肚餓，這裡也有烏冬麵台灣麵可吃，味道尚可。隨後過多約20分鐘，那胖胖又來了，告知我哋他們之準則基本上只限坐約一小時，勸告我們差不多要走了，我問胖胖那裡有講明一小時為限，再者我剛購買烏冬只係20分鐘前，用餐不用時間嗎？他未有任何回應便跑了。基本上現場是有客但未滿，仍有位。眼見胖胖不時從店裡望出來睇下我地走左未。心中有點不是味兒，朋友說走吧。這一次體驗其實是差，店內沒有任何說明限坐1小時，不管你有沒有再買嘢食，差唔多夠鐘便叫起身，那來的道理，請各位引此為鑑。到這裡記得要快坐，快叫，快食及快走。。。。。味道覺得再好吃也沒用了。

茶味有啲既，但珍珠大部分都難咬，個芯係硬…口感好差！應該係無浸好….但其實餐廳唔多人….整體味道一般好處係唔算多人，飲品等左一陣就有本身想飲樓下果間，要等70分鐘….呢間勝在有位坐及啲歌幾好聽餐廳叫$30以上，有位可坐60mins ~Hea時間又無咩要求是好選擇！

今日出左尖沙咀整完嘢，就同女友過左海港城行街街，行到有啲攰，我就提議歇一歇，行行下就過左來倆仨伴.環境方面：座位算多，啲櫈都坐得好舒服，人流都唔少，但唔洗話等好耐位.跟住影低左餐牌就坐低左同女友從長計議睇下食咩飲咩，最後叫左個小芋圓大芋頭鮮奶3分甜同埋芒果茶凍.首先，講下個鮮奶，水準發揮嘅，一飲就有股奶香湧出來，再夾埋芋頭嘅香味同芋圓嘅口感，輕鬆咁俾到食客三重嘅滋味.然後就係個茶凍，都係個非常豐富嘅甜品，芒果嘅部分係冰沙尼嘅，嗰種淡淡嘅甜味加埋冰沙可以係補充糖份之餘，又令食客透心涼，兩個字精神呀！其餘仲有啲啫喱配翻個芒果味，然後就係個茶凍可以中和翻個果味，為個甜品嘅甜度攞番個平衡，再以芋圓作結豐富番個口感！總結而言，確實係一個假日消閒，中午小休再出發嘅充電好選擇！

#mochicouple_hk尖沙咀搵食團1️⃣ 烤布蕾奶蓋鐵觀音奶茶 $38⭐️ 平時飲芝士奶蓋飲得多😚第一次試呢款烤布蕾飲品🤪絕對有驚喜！烤布蕾粉(布蕾奶蓋)是將甜點烤布蕾的概念融合進飲品當中，將布蕾奶蓋鋪在飲品上方，再撒上一層砂糖，最後用噴槍做炙燒😁烤布蕾濃厚經灸燒過焦糖芝士奶蓋😆面頭烤布蕾好香脆！奶茶的基底是鐵觀音，有獨特的香氣和口感。鐵觀音的茶湯色澤琥珀，入口後能感受到其鮮爽的茶味，可以中和甜度，反而不腻，值得一試😋 吸一啖，嫩滑的布丁、香甜的焦糖、配上奶茶的奶香和淡淡茶味！超滿足！好味指數：🍡🍡🍡🍡🍡📍 廣東道3-27號海港城海運大廈3樓LCX 21E號舖🚇 港鐵尖沙咀A出口, 步行約10分鐘🕒 Mon-Sun :11:30-22:00

個幾月前得知小薯茄🥔🍅同依間台式手搖飲品店合作，已經有啲好奇想試試～ 依日出開尖沙咀買嘢，順路行去睇睇兼飲杯嘢 😉🧋 烤布蕾奶蓋鐵觀音奶茶 😋😋😋😋😋小編揀咗少冰3分甜 😉 面層布甸同奶蓋幾厚，吹咗好幾大啖都仲有，甜甜地，有食甜品嘅感覺 ☺️ 鐵觀音嘅茶味幾出，奶味輕、唔厚身，飲落好順口～下午茶 💵 約港幣$40/人💁🏻‍♀️ 店舖位於LCX，除咗手搖飲品外，仲提供主食，店內店外都有堂食區域。如果淨係買飲品嘅話，可以帶埋上兩層嘅戶外天台，同維港影相打卡，chill chill地吹下海風 😚

一直也沒有時間，寫下這篇食評。三個月前，與朋友在尖沙咀搵食。又要輕食，價錢不昂貴，要地方坐，地點要方便，最後，選了這間在海港城的台灣食店。先點開胃菜，芋泥地瓜球，新鮮即炸，不會太甜，又有咬口。再來醉鴨舌，我就不太喜歡，但朋友卻吃得津津有味。鹽酥雞，當然是必點的。鬆化可口，又不油膩，有三四件，份量剛好。最好味的前菜，莫過於這個夜市雞卷，美味不鹹，認真推介。主菜，我點了醉雞捲烏冬，清新酒香，甜甜的，非常美味，美食仍不是重點，這店最吸引我的就是台式飲品，朋友們，當然就要一人一杯，慢慢坐慢慢傾。宇治抹茶紅豆鮮奶濃濃茶香配幼滑鮮奶加紅豆底，很邪惡哦！最後，還記得要是那些台式甜品。那碗宇治金時，綠茶刨冰配紅豆，真是一絕！

我去食嗰間係朗豪坊經過見到同小薯茄Crossover諗住試吓結果完全搞唔掂鹽酥雞得個四五粒，份量極少佢個醉雞麵超級難食唯一正常少少得個蕃茄麵佢黑糖珍珠啲珍珠好似細粒膠咁嘅樣千祈唔好試

海運大廈開了間倆仨杯，驟眼以為只是一般外賣台式飲品店，細看下原來有台式小食及麵飯，價錢相宜，店內及店外有供座位讓食客享用食物及飲品，行得耐坐下真係唔錯。今次試了芋甲奶，奶味好鮮香，芋泥偏甜，好彩收銀同事提議我本來叫的7分甜改為微甜，如果唔係真係甜到不堪，謝謝哦😗。可惜今次食飽才行過，下次一定試吓台式小食及其他飲品，可以替代海運已無營業的另一間台式餐廳，我要食滷肉飯、滷水雞翼、排骨酥及地瓜球啊😝

茶底太淡唔香 💔見到LCX 開左間新台式茶飲店，咁岩想飲野就試下啦，由於好擔心一少甜就會變左怪味，仲特登問下店員如果5分甜會唔會無味? 店員就好有信心咁答我唔會，點知… 又中伏 😭$44 烤布蕾奶蓋鐵觀音奶茶$44奶蓋鐵觀音奶茶已經揀左招牌推薦，首先Cream Brulee 奶蓋就真係少見既，但由於鐵觀音茶底唔夠香，5分甜之後同朋友都係感覺好似飲奶水咁，好伏，好在係加左小珍珠，小珍珠有D甜味仲叫做加返少少分，但相信全糖都唔會太好飲，因為茶底太淡💔 結論就係好難飲而且唔平，浪費左Quota 又唔滿足添…不過睇Lunch餐牌都算係幾抵$88，等我睇下幾時嬲完先考慮試唔試佢D午餐啦 😭🏠店名：倆仨杯OTTERS IN A POT🚘地址：尖沙咀廣東道3-27號海港城海運大廈3樓LCX 21E號舖

星期六lunch嗌咗蔥油雞絲飯同牛三寶飯。蔥油雞絲飯成碗都係凍嘅，啲雞凍到好似啱啱喺雪櫃攞出嚟咁，啲飯就凍到一嚿嚿黏住哂。牛三寶飯啲牛雜就好少少算暖暖哋，但同樣地啲飯都係凍到一嚿嚿黏住哂，仲要飯入面有條頭髮。另外食完飯想飲杯水，但店員指唔會提供，作為食肆喺咁熱嘅天氣下竟然唔提供水俾客人，我覺得好唔合理。今次嘅用餐體驗令我對呢間餐廳嘅整體印象大打折扣，我唔會再幫襯亦唔會推薦俾朋友，希望餐廳可以改善食物質素。