偉記冰室

營業中

休息中

觀塘區茶餐廳～座位唔算舒適～下午茶時間都幾多人星洲炒米料都算多～有蝦、火腿絲、洋蔥、紅椒絲～咖喱粉味道幾香～唔會好油～可能比較少黃薑粉～汁唔會好黃偏白～賣相差少少～個人比較鍾意食多黃薑粉～多咖喱汁嘅星洲炒米芝士流心厚多士上面配一嚿厚牛油～西多士炸得啱啱好～唔會好深色好乾～中間嘅芝士同麵包溶埋一齊～上面嘅牛油溶喺西多士上面～好香口不過好高脂凍檸茶味道正常茶走奶茶茶底幾濃幾滑～一向都鍾意飲茶餐廳嘅奶茶

🍜🥚🍞普通冰室嘅常餐突然之間好想食沙嗲牛，於是係附近事但搵左間茶記入去▫️常餐$46(包一碗粉麵、多士、飲品），選擇都多。▫️豬扒/雞扒 /蜜汁叉燒/沙嗲牛肉/雪菜肉絲/榨菜肉絲/秘制回鍋肉/泰式肉碎 /五香肉丁（自選一款），可配：通粉 /米粉 /公仔麵/ 米線/意粉/ 螺絲粉 （轉出前一丁或辛辣麵加$5）▫️煎雙蛋/炒蛋 / 火腿奄列及多士🆗沙嗲牛肉公仔麵 🍜份量都算多，冇轉出前一丁，但呢隻普通公仔麵都ok, 吾會太淋，沙嗲牛本身好多沙嗲醬，但浸左落麵到就吾夠味，牛肉都有d韌，一般。湯底就還好，有味。🆗炒蛋多士半塊厚多士有塗牛油烘過，香牛油味，炒蛋都滑但冇調味，要自己加鹽同胡椒。☑️熱奶茶味道正常，茶味幾濃

友人介紹這家茶餐廳，主推即點即做布拉腸粉。布拉腸粉有蝦仁、牛肉、纓花等不同類型提供，我自人比較喜歡牛肉，不過烹製的時間就会長一點點。腸粉的水分多了一些，如是外賣的情況，腸粉的腸粉皮會碎開，那麼就要用勺吃了。牛肉鮮軟，跟腸粉味道很搭。溫馨提示：早晨時份，到8:30才再開始供應腸粉。所以大家要多注意相關時間，太早上班的話，是買不到了。而且，廚子制作腸粉的時間有可能超五分鐘以上，趕時間的情況，千萬不要点此食物。不然的話，必定遲到。

型男索女餐樓面幫我落單既時候大大聲叫係咪要個索女。。餐呀?真係聽到都開心 但有少少。。足份量索女餐烏冬如果係用讚歧烏冬會更出色多士唔夠脆煙三文魚&沙律菜好味黑松露炒蛋份量十足

早餐時段，好多客都等咗好耐，外賣部亂，堂食都亂，好多客包括我在內，係要自己出去水吧攞嘢食。普通嘅一個榨菜肉絲米線，配太陽蛋漢堡扒，熱咖啡，佢搞咗五個字都未俾到我。有個5號枱既客仲嬲到話cancel咗張單去。我都要好快手咁食埋個早餐去(仲諗住返早少少，慢慢嘆個靚早餐先開工)😠老實講，佢嘅價錢唔算貴，不過同區有好多選擇甚至平佢少少都好食 (大家都係早餐嘢，只要唔難食，就已經係好食)間嘢我唔會再幫襯，大家去唔去就自己諗啦🙄P.S 走嘅時候好多人冇單，收錢嗰個唔知做乜，我都係就咁抌低左我要俾既錢，講低幾多號枱就走咗

個湯啱啱好唔會太咸。長老話鵝掌最好味，唔會太淋啱啱好又有咬口。金蠔好味，個帶子好彈牙！估唔到白切鷄同燒肉都正。蘿白同芋頭都入晒味我覺得最好味同有驚喜的就是豬手夠曬淋又入味長老食到😋，不過仲有少少瑕疵就係仲有少少豬毛😅唔係緊要咬走就得啦！隻蟹🦀係凍食，冇雪味肉質不錯仲有個盤菜份量真係好足！抵食😋整體好正，比以前食過的都要好食。好彩大家非常滿意，因為係我話訂返嚟試😆家人話下次冬至再食😋😋😋

冰室新開張左一陣，今日終於可以去幫襯，見下午茶有乾炒牛河，咁咪點嚟食囉！因為偏食，所以一般我都會叫配菜全走。店員擾攘完一輪，單都出埋，轉頭同我講冇河粉，要我轉第二款，但同桌朋友點豉椒排骨炒河就有，即分明唔肯custom made個牛河俾我啦！我去咁多間茶餐廳/冰室，都冇遇過咁既情況，其後仲陸續見到其他顧客點既牛河出現，即唔老實講大話啦!!!我寧願你直接同我講廚房唔想客製、唔可以走配菜，都好過講大話你耍個客囉！我唔會再嚟呢間食店，幾平都唔嚟啊！