影片
港鐵觀塘站 A2 出口, 步行約9分鐘
繼續閱讀
營業時間
星期一至五
10:00 - 14:00
星期六至日
全日休息
以上資料只供參考, 請與餐廳確認詳情
相關文章
一直有訂開呢度嘅外賣飯盒，因為佢少油少鹽少糖，營養師餐單，清淡得嚟味道又很好，而且每個星期轉一次menu，用料新鮮又合時。最近新出omakase飯盒，每日不同menu，時令食材，用心製作，每次都有驚喜。是日飯盒更加抵讚，由吞拿魚小多士、野菌小酥盒到慢煮雞胸肉，水準奇高，應脆得脆，雞胸嫩滑，小果撻生果也很鮮美，非常滿足的一餐！！請繼續努力，期待小店推陳出新，時時有驚喜！
繼續閱讀
🔹雜錦海帶沙律伴蕎麥麵 $58(自取9折) 健康指數:🔅🔅🔅🔅係經營養師檢查過嘅飯盒,少糖少鹽少油~list曬啲營養素出黎大家可以放心食😆320kcal(P/13,C/58,F/4)呢個餐仲要係素餐,vegan都可以食架~味道:🔅🔅🔅🔅沙律味道超好！同一般嘅好唔同😍有大量嘅海帶令到個沙律唔乾,應該仲加有少少柚子汁酸酸甜甜又好清涼🤩係一個好“juicy”嘅沙律🥗蕎麥麵就無咩特別同埋麵質偏淋身~賣相:🔅🔅🔅
繼續閱讀
觀塘區大把野食 不過健康又方便既選擇唔多 近排發現一間健康外賣店認真要推介 每星期唔同款 可以配糙米飯 仲有六七種蔬果 健康有營養之餘五顏六色既配搭令人食得更開心 今個星期就試左三款都唔錯慢煮雞胸伴柚子莎莎 雞胸份量非常多 厚切十件左右 平時雞胸對我黎講係鞋口乾爭爭為左減肥先會食 依個慢煮雞胸完全係出奇地嫩滑 (因為份量太多留起左第二日叮番熱食都仲ok!) 柚子莎莎酸酸甜甜好開胃 蒜香汁燴牛臉肉本身都幾鐘意牛臉肉 嫩滑得黎肉質有彈性 而且有d淋既筋位有骨膠原既感覺 出面食既牛臉肉通常都係用紅酒汁 同依個蒜香汁甜甜地有幾分似 不過佢加左d辣椒粒 幾野味香烤參巴醬龍俐魚柳依個魚柳既精髓係個參巴醬 野味得黎又唔會死咸 配唔濃味既魚柳岩晒 而且魚柳係有心思咁切好疊高 飯盒都有賣相有驚奇呀蔬菜新鮮 最鐘意件瘦珍菇 界左幾下少少調味已經夠另一樣係Whatsapp落單好方便 而且第日whatsapp講開野有問番d午餐岩唔岩食 好貼心!
繼續閱讀
昨天不小心生病了，休息了一整天，難得痊癒，當然要吃一點健康清淡的食物。聽朋友說觀塘有間外賣店，主打健康美食，下單很方便，可以透過whatsapp 或 facebook messenger 亦可。忌廉蟹肉湯忌廉味香濃，有少許蟹肉在湯內，非常鮮味。黑松露醬炒野菜五式菇一開蓋已嗅到黑露的香味，炒得香口，茹素人仕至愛。冬蔭汁燴牛面肉具有泰式風味，有少少冬蔭的辣味，送飯一流，牛肉大大件，肉質鬆化，一點也不韌。辣肉腸汁伴雞胸雞胸肉嫩滑，每盒飯都有大量蔬菜，食得健康，還很美味。
繼續閱讀
成日話平日打工仔街買既外賣飯盒好多都無益又肥膩，有日上網見到tasty gym既page主打健康營養飯盒，所有食物都標榜低脂，鹽，糖同低卡路里又不失食物美味。而且會定期更換由營養師設計既菜單，保證健康均衡營養，仲會列明卡路里，蛋白質，脂肪同碳水化合物份量，大大減低罪惡感。見到咁吸引，今日就夾埋同事一齊去左試！飯盒每日新鮮製造，可以即日10點前落單再按時間到時候去拎就可以，而外賣自取仲有9折！上網見到今個星期餐牌4個餐都係第1次推出，好4款都好吸引！同同事決定一齊share，一早就打電話留定飯盒1.無花果醬燴牛小排2.白鹵水雞中翼3.清蒸荷葉龍俐柳。每款可以配白飯/意粉/糙米。每盒飯盒都鋪滿各款蔬菜，有粟米，冬菇，西蘭花，椰菜花，甘筍，瓜，雞肶菇，唔同顏色拼埋好吸引，而且無添加可以食出蔬菜原汁原味！1.無花果醬燴牛小排牛小排份量多，而且肉質嫩滑又夠淋，咬落口唔會有根而且唔靭。牛小排牛味濃，無咩肥肉，瘦肉比例多d，配上自家制無花果醬香濃得黎唔會太重咸味蓋過牛小排本身牛香味，慢慢仲有淡淡甜味帶出。醬汁配飯/意粉都好match！好快清晒盒飯。2.白鹵水雞中翼平時食鹵水最怕係千年鹵汁又肥膩又咸爆晒quota，同坊間唔同既白鹵水汁清淡得黎又不失咸味，鹵汁唔會有層油係面，雞中翼醃得入味唔會只係得雞翼外皮有鹵水味。鍾意食雞翼又怕肥既朋友可以放心食！3.清蒸荷葉龍俐柳荷葉內既龍俐柳用蕃茄醬醃，底層有紫椰菜，蕃茄同紫椰菜香甜都被吸收晒，食落仲加上淡淡清香荷葉味，中西合璧都幾特別。龍俐柳厚身嫩滑，可以大大啖食配飯食👍🏻。飯盒分量一定夠食，又營養又飽肚絕對係上班族外食好選擇！食完感覺好舒服，唔會口乾不停想飲水，証明所有食物都係無添加味精，純天然！
繼續閱讀