健康工房

營業中

休息中

😡😡😡😡😡😡😡😡😡😡😡😡😡😡😡😡簡直超級難食 平時都冇諗住買 今日趕時間 諗住試吓佢個菜肉包 點知拿曬野 食完真係垃圾 一啲都唔好食 食菜肉包冇菜肉 仲要勁少餡 肉👉🏻又乾又硬都唔知食緊啲咩 包底又濕曬 仲要$20蚊個 唐記仲好食過佢 應該話任何一笪地方嘅菜肉包都好食過佢真係唔係趕時間，都唔會特登走去買點知拿曬野 😡😡寧願買個homebake 都係$20個起 仲好食的而且確每個人口味都唔同 但係👉🏻佢真係好難食係👉🏻超級難食送俾我都唔會再食😡😡😡😡😡😡😡😡😡😡😡😡😡😡😡😡

行過中環，肚仔餓過打鼓，唔知食咩好。望見一間小店，賣啲嘢食好有家鄉feel，就試吓咯！首先試佢嘅炸雞排，外皮金黃，啪啪脆音，一啖落去，覺得啲肉滑哂，拌嘅汁都啱晒口味👌，好夠哂嘴。跟住嚟個蝦餃，皮薄透亮好晒勁，咬落去蝦肉鮮甜，好有嗲嗲嘅彈性，仲有股淡淡嘅薑味，真係正啊！😋 再點份腐皮卷，啲腐皮煎得又香又脆，入面嘅餡料鮮美得嚟又唔膩，好正！食完仲有少少位，試吓檸檬茶。平平無奇？非也！呢度嘅檸檬茶酸酸甜甜，而家口感啖啖見底，飲落去仲有淡淡嘅茶香，清新提神，消滅晒啲油膩。真係俾個like！👍總括嚟講，食物質素高，環境得體，值得一試！下次再約埋班friend仔嚟打邊爐！

黃昏約咗醫生覆診，見仲有小小時間又加上有小小肚餓，一出閘就響地鐵站嘅健康工房買份燒賣醫肚。佢哋嘅燒賣大大粒，似係豬肉燒賣，但又唔似酒樓啲燒賣咁實，如果唔係咁林會比較好，個人感覺太林。加辣油更惹果，響放工肚餓時有啲熱嘢放落口係舒服嘅。

口啖啖想快速飲杯滋潤，就黎左健康工房，有多種選擇，包括中式湯品，龜苓膏及草本膏品及保鮮瓶裝飲品等，我就揀左椰汁海底椰川貝雪耳露，底層有好多耳露，飲用前最好先搖勻，飲左第一啖，嘩~~~整個人即刻舒服哂好多，超香椰汁味，濃度夠而且好甜，可以解渴解口淡淡，好適合熱體既人飲，唔錯~~~!注意要在一小時內飲完啊

上星期lunchtime去買番公司食點知又中伏上次食三菇素菜包已經令我好失望今次一樣燒賣大大粒，唔錯但係蒸得太過淋口感麻麻材料有d健康veggie，杞子等由於個人食開有豬有蝦嘅燒賣🦐🦀比較兩者，真係唔推薦大家食

響中環站一出就見到，係順手買個早餐番公司既好選擇。佢早餐有啲蒸包，又有竹葉飯等等可以買。我今次就試左三菇牛蒡素飽。佢會用一個紙袋仔放住，而個包係好熱手的！所以問題就黎喇。個包拎到番公司會有少少水氣。未去到話好濕，不過唔係最好既狀態！打開袋望落去一片白色，賣相唔算太靚。不過其實就真係幾好味既！個包熱辣辣，亦都好軟身好好味，饅頭迷會鍾意。入面既餸略嫌醬汁太勁，無乜鮮味。不過唔知係牛蒡定咩，有少少爽爽地既口感，唔錯。簡單方便早餐。如果可以走醬會健康好多。唯一最忟係店內指示唔清晰。大家唔知排邊，而企錯個呀姐都幾大聲話大家。

I don’t eat dim sum much coz most of them taste oily made with lots of fat - meat fat or pig oil... but somehow xiaomai taste more healthy and does not taste oily nor much pork fat. I get this from time to time when I am hungry at mtr station, reasons being: - their store location is convenient- from Chinese med perspective cold food or drinks are not good for the body, this is very hot lol- their sweet soy sauce is nice, with a little chili oil taste greatThis shop has a standing area inside f

每次經過地鐵站都會給鋪頭香味吸引，一星期都會買2-3次，地點方便買又算是熱食物我較鍾意吃.......但燒賣愈來愈唔好吃，仲加價唔少，＄17 得4粒真是唔平啦，吃下去咬到是肥豬肉，沒味道，職員態度又差，我絕對唔會再幫襯...

燒賣 好夠熱，好好食😋仲有企位可以慢慢食。速食充饑好選擇！令上堂更有Power!!!希望其他分店都可以一樣令燒賣熱熱的，痊癒心情因食到美味東西。走時其實好想話比店員聽呢個心聲😆

同肥髀去中環友邦歐陸嘉年華玩，搭地鐵去到中環站佢話口渴，唔想佢飲太多高糖飲品，見呢間賣新潮中式涼茶，門面簡約新潮！飲品選擇多，雪櫃設計方便攞到飲品，而且每款飲品都有個掛牌說明材料、屬性！肥髀揀好就攞去比錢，八達通比錢方便，掛牌可以比翻店家（環保）羅漢果夏枯草茶（$25）價錢唔平，包裝企理，飲落清涼微甘，羅漢果味清爽！微甜好味！店員有禮斯文，上次來話唔比影相，今次又無，唔知係唔係改咗規矩！較健康的選擇

約左朋友晚飯，早到左半個鐘喺地鐵站等。因為下晝食左好少嘢，開始有D肚餓。諗住搵D嘢食住等人。喺中環地鐵站內行左一個圈，又吾想食薯片、百力滋呢D零食, 又吾想食三文治之類，行過健康工房見到門口個易拉架，有燒賣同包包小食。不如健康D。燒賣一分4粒 賣 $17 都吾平喎，拍得住酒樓價錢。雖然價錢高，不過素材都高，非一般街邊魚肉燒賣，杞子淮山燒賣，好健康噃。未食已經聞到杞子同豬肉香味，加埋鼓油同辣油好出鮮味，而且非熱騰騰，小心湯咀。4粒剛好頂肚等朋友。

＄15 ，4粒燒賣～貴～！！但係講真我唔明白點解可以咁難食呀？佢係豬肉燒賣咁係比正常魚肉燒賣大粒啲～但係無論味道質地材料食落去感覺質素都好差～尤其是少少味都冇算啦，啲豬肉感覺係林啤啤嘅直情係入口即溶用嘴唇都整得爛粒燒賣～唔想淨係食ｄ咩咩餐廳先食～小食都好重要～感覺真係好差賣得咁貴唔好食～其實真心希望應該改善一下，其實用少少資源令嘢食好啲都正常啊～不要因為開得到多分店就將啲質素降低，退而求其次。不過湯品暫時都覺得係唔錯ge講返一句公說話～

每個星期六返學，都好匆匆忙忙每次都唔可以係屋企食到早餐變咗要係車站度買，但中環地鐵站比較近我學校嗰個出口， 無平時食開嘅麵包店咁岩見到有健康工房， 見到佢有啲蒸包都好似唔錯，因為平時都有喺鴻福堂買蒸包嚟食所以就係度買一個黎試吓「三菇牛蒡素菜包」 $14同店員落咗order之後最初以為佢會係麵包櫃夾一個比我之後拎個已包裝好既都唔緊要，包裝都幾靚點知拆開包裝之後⋯⋯由於預先包裝好所以蒸包比倒汗水整到稔左基本上成個包已經變左形包身濕咗變得唔好食但因為冇早餐食，冇辦法所以都照食咗如果唔係個包濕咗，其實餡料都幾好味不過一打開就真係有啲失望希望之後佢哋唔好預先包裝好免得倒汗水又整濕個包

去中環跑完親子馬拉松賽，我同肥髀又熱又渴，所以落地鐵站健康工房買飲品，去到店面唔大，飲品選擇多，肥髀對上次飲過嘅雪杏飲料念念不忘，點知只剩下兩支細枝裝，店員話呢隻已經唔再出！所以只剩細枝裝！肥髀八達通比錢！高原雪杏精華露（$28）味道清甜唔假，精華露杰身，酸酸甜甜！好味！店員有禮斯文，好有禮話我知唔可以影相！（不過我又唔係影人！影店內環境都唔得就怪啲）感覺健康嘅飲品！

吃過三文治後，有點意猶未盡，經過健康工房買了一客杞子淮山燒賣($15)，店員都會主動買客人要醬油或辣油，一客一共有4粒，豬肉都有咬口彈牙，內藏爽口的淮山粒，另一方面又有杞子的清甜，杞子可以明目，淮山益腎健脾胃，天氣冷來一客熱呼呼的藥膳燒賣也是不錯。