健康工房

營業中

休息中

一直如果啲嘢食唔太差都好少會比劣評，健康工房個包可以話係第一個。。。因為每次經過都聞到好香，所以一直都想試下佢啲野食。今次買咗個三素菜包，從佢個名睇最少應該都有3種菇同淮山，諗住應該都幾香啦。但係食落去真係好失望，香味無都算啦，皮好厚，餡又少，竟然會賣成20蚊一個。如果係好食用料足嘅，20蚊唔可以話貴，但係以咧個價錢咧個質素，我真係唔明點解可以標到咁貴。22蚊一個芝士菠蘿包我會食，但係20蚊一個咁嘅包真係，不了

有人請飲健康工房嘅健康茶, 梗係唔執輸, 揀咗兩支。佢哋標榜產品無添加防腐劑, 人造色素及香精, 加上係打著健康旗號, 所以都唔係平㗎! 產品食用期只有幾日, 唔擺得耐。海底椰川貝杏仁茶 $32素來喜歡杏仁茶的香味, 見其產品介紹, 有潤肺的功能, 這時這刻肺尤其重要, 雖知這不是仙丹, 潤得就潤啦。杏仁茶質感滑溜, 有厚質感。野生黑枸杞桑椹汁 $32顏色如利賓納的深紫紅色, 味道清淡, 只有淡淡的梅味, 味道易接受。資料顯示成份只有水, 野生黑枸杞, 桑椹和糖, 黑枸杞蘊含豐富的花青素, 補腎益精, 延緩衰老, 富含黑枸杞多糖有助抗氧化抗疲勞和提升身體免疫力。整體有養肝明目, 滋陰養血的功效。

黃昏時段經開沙田新城市廣場附近，見有啲肚餓想食啲熱野，而且想食得健康少少但又唔想咁飽肚，所以就唸起健康工房既杞子豬肉燒賣，雖然價錢同酒樓差不多 ，5 粒要 $20 但係用料一啲都唔馬虎，非一般街邊貨色。👍🏻 👍🏻杞子豬肉燒賣 ($25) : 每粒燒賣都有杞子係頂襯托一下，而且重比一般燒賣大粒，賣相相當不錯 ; 豬肉餡內有冬菇、淮山、杞子等材料 ; 食落口肉質嫩滑，菇味濃郁，完全無麵粉既感覺，可見真材實料。😍 😍

呢排打得太多邊爐，個人開始有啲熱氣。行經沙田，一出港鐵站口，就見到健康工房，咁就入去買枝涼茶飲下☺️去到健康工房，幾個雪櫃都擠咗各式各樣嘅涼茶，真係令人花多眼亂😅😅😅最黎我買左枝野生黑枸杞桑椹汁😍😍😍$30蚊1枝，不過而家做緊特價，$50蚊就有2枝。所以都幾抵飲👍🏾👍🏾佢呢一款飲品任何體質都岩飲的，味道雖然清清淡淡。但飲得出佢係全天然的，沒有添加加任何香料或者色素，所以非常健康，岩哂我地呢d平時唔會煲涼茶飲既人✌🏾✌🏾✌🏾

今日路過沙田 咁啱肚餓 之前聽說健康工房既有營餐包 雖然知道係16蚊一個 但仍然心癢想試下我諗住影餐牌sd比媽咪 點知店員態度不好地說 唔影得 🤷🏻‍♀️ 我無野講 （不過我已經影到了哈哈）16蚊一個素菜包 好貴 地鐵站既唐記再貴都係7蚊果個素菜包很重 很實心 唔怪得上次fb見到營養師話尼個包五穀算3份 包既外皮很厚很實 相比餡有d少 so-called 三菇得幾條絲⋯⋯ 16蚊一d都唔抵 也都唔覺得佢可以好似餐牌所寫 滋陰清熱 健脾胃 料咁少！有什麼用呀 反而個餡好傑 加左唔少澱粉啦⋯⋯ 總結： 竟然去買 我錯啦！ 有錢人的包子 我不懂

加班開通宵，總要找點甜食來慰藉下受傷的心靈。公司鄰近港鐵站，站內有健康工房，趁吃晚餐的空檔就逛一逛。見到店內的雪櫃有一包一包的糖水，定價都不低，約$28-$32/包，心想就買來試試看！有桑葚桑寄生蓮子茶同埋百合蓮子杏仁茶，兩樣買了，打算與公司需要加班嘅可憐蟲一起分享總算是苦中一點甜光看包裝可能大家都會覺得「冇咩料到」， 但其實不到出嚟，包包都好足料架一包有兩碗，可以熱食或凍食最重要佢係十分細心！包裝上面有講產品對身體有啲咩幫助同補益！十分適合繁忙嘅都市人，係加班消夜嘅良伴

粉仔係我喜愛面食之一。 路過見到健康工房新出左粉仔，就入去一試等左一陣，員工就將餐送上。第一眼覺得好企理乾淨， 繼而聞到好香既香菇味。係好傳統中式既味道。碗入材料除左香菇，仲有蝦米，冬菜。 辣菜甫另上，可以按自己喜愛添加。粉仔面條偏淋，湯底濃郁，非常中式既味道，食完之後湯都飲埋，唔覺得太口渴，味精應該無落得太過份。45蚊一碗唔平，但路過唔知食乜的話絕對可以一試，而我就會揾日再去encore

每天的早餐其實很難決定食什麼，突然想食中式蒸包，就買了健康工房的有機豬肉包 $14，店員從熱櫃拿出已預先放在包裝紙的豬肉包。第一蒸包質地幾實，又相當黏口痴牙。而豬肉餡味道很濃，而且頗鹹，食後需要飲好多水。以健康為主題的食店，但味道偏濃偏鹹，有味精，何來健康工房呢？

之前冬天買左一樽健康工房薑汁, 但暫時無貨, 店員推介薑絲，佢話功效差不多!同同事加埋買了三樽，包裝漂亮，尤其頂部的和風紙。薑絲十分乾身，薑性辛温，主為活血，使胃，腸道充血，增强消化能力。每次放兩至三匙後加熱水就沖到一壼了！ 薑絲就無薑汁咁濃，味道偏淡，少許薑的香味，加點蜜糖，味道會更出及會較容易接受。 顏色亦清清，唔似有加色素等化學嘢，感覺會健康天然啲。

之前買左一套健康工房飲品卷慢慢用，今日咁啱經過就換枝飲鮮杞子桑椹汁 li隻款我差唔多每次飲，飲得出好真材實料，應有無extra加糖去增加佢嘅甜味，因為本身佢紅桑子都有甜味，而且無色素，又多選擇，真心好過係屋企煲又買料睇火, 同埋我喜歡佢有凍有熱，方便即刻熱飲又得，凍飲或都拎返屋企再reheat都得！成日夜訓嘅人飲li個啱架喇

由細到大都好中意食健康工房既燒賣但始終個價位比平時食既高，所以都係等呀媽買先有得食xdd今次經過又聞到d燒賣味，咁耐冇食，買黎回下味:^)杞子豬肉燒賣燒賣大大粒，熱辣辣，香氣四溢燒賣實身足料，豬肉餡稔身同時有韌勁，仲有點肉香杞子帶有淡淡清香，但味道清淡，唔係好突出吃著吃著，諗起細個成日好想食但嫌貴唔買既感覺……唉唔好提，而家勁大洗……特別係飲食呢方面

天氣酷熱，四處走動，來到沙田車站的健康工房。買了一支(椰汁海底椰川貝雪耳露)潤喉解渴。標明成份為：椰汁、冰糖、淡奶、海底椰、麥冬、平貝、玉竹、百合、川貝及雪耳。好似煲湯一樣好多料，飲落都幾濃稠，以椰汁及甜味為主，接近樽的底部，還有類似海底椰及雪耳之碎粒，其實最好是先搖勻才飲比較好。標明的其中有兩項功效：清心除煩及提升睡眠質素。講得都幾好。功效如何，就要飲長時間才能証實，味道就不錯了。