傑克漢堡

營業中

休息中

星期六晚，見到都幾多人排隊，諗住應該唔錯，不如試下。我哋叫咗三個套餐，再加兩個小食外賣自取。叫號碼時，就咁俾三罐汽水同埋一個釘住嘅大紙袋。三罐飲品唔提供任何方法俾客人拎走，離開後，打開釘住嘅袋，先發現俾漏咗一個小食，睇返張單係有收錢嘅，返轉頭問先知，原來係廚房整漏咗。返到屋企打開啲包睇下，麵包係比一般其他漢堡店大少少，但所謂「厚切蕃茄」薄過塊芝士，同廣告相片及文字所顯示好大出入。經典芝士牛堡同老麥一樣得半塊芝士，酸青瓜得一毫子咁大，非常失望。我都明白圖片只供參考，不過差距太大了吧！

今日揸車經過紅磡緊係要去一去食個雞蛋仔同挾餅啦 等野食個時見到有哩間賣漢堡既就緊係試試佢啦 叫咗個芝士漢堡下午茶餐 好快就拎得 分量價錢一定好過同區啲人成日去打卡個間 漢堡入面配有酸瓜同芝士加茄汁 漢堡經過調味 煎得岩岩好 唔會乾有啲汁 加埋酸瓜真係正 食完唔會膩 包都有整過 分量剛剛好 唔似食完其他個啲咁 一陣風 美中不足餐冇跟小食個啲 由於有其他野食緊所以冇加錢加 不過會再有下次的 之後Search 過原來都有啲分店 經過可以一試😋😋

見到開咗一排一直都冇食過 呢個位成日都轉鋪 就單點叫咗一個招牌蛋牛堡 估唔到好大舊肉 有菜有蛋有肉 諗住冇咁肥少油走醬都好好食 希望大家可以幫襯呢啲小店 將好食嘅嘢繼續喺紅磡生存

紅磡人，見新開左間burger，又見已經係第四間分店，決定試試佢叫左經典牛堡，薯條，雞塊• 薯條，即刻整既，中規中矩，可接受• 雞塊，肯定無解凍然後痴埋一舊咁拎去返熱，所以每舊雞都會有一大噠白哂哂既位係完全唔脆+冧到梅梅地咁😩• 經典牛堡，哇，黎打大佬。。個汁係類似千島醬咁，還可以，重點個舊牛，就好似食緊啲好一般餐廳會整既肉丸咁，IKEA 啲肉丸仲好食。。但係。。呢個係一個burger，點解我會食到劣質肉丸味😩 價錢係平既，但係唔會係呢個質素☹️ 我寧願佢肉少啲，質素好少少，希望餐廳會有所改善🥺🥺🥺我決定2個月後再試試佢！ (雖然唔知仲會唔會係到。。。)

想食burger但吾想去連鎖店，跟住上OpenRice check 有咩好食，就見到呢間新開試業中，見佢幾平30幾蚊有個set就去試下，點知一食就俾到surprise 我🥹叫左個$39招牌蛋牛堡套餐，有包、薯條同野飲，講左個包先～包：攞上手熱辣辣（食嘅時間應該係買後5-10mins)，塊漢堡扒好大塊，吾乾，有少少肉汁😆其他配料好足（雖然隻蛋都係差唔多嗰d😂)但整體好食薯條：係最驚喜✨，都係熱辣辣，但俾左好多薯條🥹，仲要係粗薯，而且吾係好油，齋食薯條已經好好食，唔使點茄汁整體性價比高，對男仔都飽，真係除咗佢係冇得堂食外都諗唔到有咩好彈🫡絕對會返卓！