傳奇烘焙

營業中

休息中

依間麵包店其實係香港開左好多年，仲有7間分店，但最近因為開心果產品突然彈左出嚟吸引好多人。雖然偏傳統款式麵包店，但西餅蛋糕賣相唔錯，而且價錢經濟👍🏻．麻糬開心果布甸 $24外皮質感真係似麻糬波波，少少煙韌，不過因為雪住所以唔脆但未至於淋。中間開心果布甸餡好香，稠身質地。實物比起網上睇到嘅細，而且開心果味唔算濃，不過係同個價錢成正比，經過會再買嚟食！評分：8/10．開心果巴斯克芝士蛋糕 $68反而蛋糕比網上睇到嘅大個🤣表面焗得啱啱好，中間少少軟心，質地夠滑，而且開心果味竟然出奇地香又唔假😋呢個質素呢個價錢絕對值👍🏻發現每間分店流量都有少少唔同，有啲好快賣晒 有啲可能6/7點都仲有～評分：9/10

最近呢間麵包店都幾紅，唔止响唔同既網上平台見到佢身影，而且仲短期內開咗好幾間分店，真係來勢洶洶! 可以响呢個時勢擴張咁勁，真係要試一試佢!今次去咗近鵝頸橋分店，去到見到短短一條街已經有三間麵包鋪，真係好誇張。今次黎到主攻開心果味既食物，因為之前已然打聽過呢度有好多唔同開心果產品，而且價錢唔貴，當然要試下啦!今次買咗三款產品，分別係開心果巴斯克蛋糕、麻糬開心果布甸同開心果法式泡芙首先係開心果巴斯克蛋糕，佢好香芝士味，同開心果好夾，唔會五相搶走對心既味道，而且中間仲係好soft既質感，呢個價錢真係好抵食!諗住蛋糕好食，其他野唔會差得去邊，點知我錯啦……麻糬開心果布甸係我食過最難食既開心果product! 已經唔係講緊有無開心果味，而係味道真係好難食! 本身個包凍食個texture得個淋字，最大鑊係充斥成個布甸包住杏仁粉既味道，個味完全搶過晒其他味! 又話有濃濃開心果味既? 係咪個師傅落錯料?我地成家人夾硬食咗一個，頂唔順要掉咗另一個……最後係開心果法式泡芙，本身對佢無咩期望，果然不出所料，個cream得色素，完全無開心果味可言，cream亦都唔係特別滑，泡芙係淋既，真係唔好浪費quota了