傷心酸辣粉 (科學館道) (已結業)

大熱天時除左去游水消暑外，行博物館涼冷氣欣賞吓文物都係一個唔錯既選擇，適逢近排係科學館有木乃伊展，咁就梗係要gogogo喇！出發前除左準備錢外，就當然要醫飽個肚先慢慢行喇！！科學館附近都有不少食店，因為想食得快少少，加上起身又唔太耐唔想食得太多，於是就去左好近科學館既呢間酸辣米線食個靚午餐先！坐低後叫咗碗酸辣米線同呢碟干扁四季豆，份量都幾多，而且仲好香同夠味，豆身仲炒得好爽脆，咸香宜人，用黎送白飯食就更是正呀~之後仲叫咗碟麻辣肥腸，食左一啖就已經好味到想喊簡直就係我嘅最愛，肥腸好爽，而且夠曬麻辣，越食越上癮，好入味，而且香油感覺濃，嚼口得來又爽，總之越食越爽~一齊去既表妹就叫了麻香炸雞翼&黃金花枝丸，雞翼炸到金黃色，色澤好靚，加埋佢哋自己配的酸辣醬食真係好好食，對我呢個重口味既人黎講真係世界級滿足！而花枝丸都同樣出色，炸得香口，一啖一粒滿滿滋味，都係做得幾好既小食食完飽飽後就去睇木乃伊，今日既節目真係爽YY

在尖東看完博物館，附近好像沒有太多的餐廳選擇，在文華中心有一間酸辣粉，內裏間格也算整潔，餐牌設計十分可愛，用這方法介紹酸辣粉，很吸引人注意酸辣粉普通的一碗酸辣粉不過不失，粉幼帶點彈性，淡淡的湯底，配料份量不多不少 椰香桂花特飲這杯飲品的味道也不錯，椰香比較濃厚，加上淡淡的桂花香，令飲品變得很清涼 水煮肥牛整鍋都是紅色的辣椒，肥牛全在辣椒底層，我不太吃辣的，看到這大鍋已經在流汗，惟有硬著頭皮吃了數塊肥牛，那些辣味由喉頭開始漫延，越吃越辣，需要靠冷飲料去冷卻，吃到一半便停下了 手撕包菜菜葉十分脆口，也帶點辣味 紅糖桂花冰粉 桂花冰很彈牙軟滑，味道與口感不錯

星期六係尖沙咀行完商場之後，同嗜辣的我和朋友，決定到傷心酸辣粉大吃一頓，黎獎勵下自己！首先，這間傷心的環境非常不錯，座位多是卡位，與朋友邊食邊吹水唔錯！食物方面，我首先叫了一個午市套餐，黎到傷心，當然要叫「酸辣粉配口水雞」（$67），酸辣粉畢竟是主打，果然保持一貫水準，粉煙煙勒勒，配上入味的口水雞，真係辣得剛剛好！另外，朋友叫了「重慶炸醬涼面配夫妻肺片」（$77），第一次食重慶炸醬涼面，口感十分清爽，炸醬配上，真心好爽口開胃！加上主打的夫妻肺片，超級入味，好快就清曬啦！除左主食外，我地還叫了幾個小菜，意外地好有驚喜！第一，我地叫了「蒜茸炒生菜」（$52），叫了滿桌的的辣食，因此叫了一碟的菜，可以中和下辣味之餘，味道清甜，十分暖胃！此外，還有我最喜歡的「酸辣土豆絲」（$29），酸味和辣味剛剛好，而且土豆絲十分爽口，真係開胃之選！最後，我們坐了約兩小時，食到超滿足！Waiter都好友善，食物又好ok，如果下次有機會黎科學館呢頭行下，一定會再黎食咖！

遲左寫嘅食評 - 之前都係夜晚9點倒去食，冇乜人咁以為呢間嘢幾舒服。點知上星期晏晝去食嘅時候就真係中好大個伏喇，同朋友兩個人坐卡位，坐坐下有班人入左嚟等位，個staff問都冇問就要搬開我地嗰位嘅餐具，話要俾人搭枱。然後我就梗係企硬話唔想啦，點知轉個頭又重覆做同一樣嘢，講都唔講聲，連最基本嘅禮貌都冇。。。即刻走，真係唔會想再去

某日lunch time 落大雨, 本身近近地食"老趙", 點知執左笠0係呢個商場被困 (因為出面真係太大雨了, 走唔到)唯有食傷心酸辣粉啦兩個人叫左兩個sets, d "送" 就share 來食個麵都還好啦, 反而d "送"唔多掂...碟"老水"冇乜味, 口水雞又唔辣, 總之就怪怪的...如果唔係落大雨被困, 我地都唔會幫襯佢另外, 入到間餐廳好似返左大陸咁, 講國語0既人士好似仲多過講廣東話,可能呢D 酸辣0野都係岩同胞食多D 掛....哈....

鐘意食酸辣粉嘅朋友都食過都話好食，食咗會唔會好傷心？真係可以好食到喊？定係辣到喊？朋友May話要拉我食下午茶，咁我就來睇吓自己食完會唔會喊先店舖環境都不唔錯，服務態度都可以仲有我最鍾意食既酸辣土豆絲，梗要叫嚟食吓！雖然賣相就係普通土豆絲，但係就用醋調得好味，土豆絲夠爽好開胃另酸菜龍利魚唔會好辣，魚肉好多，魚片夠滑夠薄，加埋芝麻真係好香，龍利魚我覺得比皖魚更加好食，因為唔係好辣，所以湯都可以飲埋我朋友May May就叫咗干撈牛肚，夠爽，切得好薄，加芝麻油就系爽唔會老，牛肚都好入味最後我哋仲追加咗黃金芝士豆腐，口感好似食雪糕甘，外脆內嫩，甘香滋味，加埋個醬汁，更加可口，芝士味都好濃下，炸得時間剛剛好總體來講都係唔錯，下次可以食吓粉喇，I WILL BE BACK~7

夜收工其實已經無咩選擇，餓著肚皮，見到傷心酸辣粉仲有營業，就一於試下啦！點左份口水雞，一碗麻辣米線，即使係餓著肚皮，都覺得唔好食......口水雞無咩肉，沒有麻香，得個油字......米線太腍，工作辛苦完食傷心酸辣粉真係會幾傷心😂😂😂

又到一個人晚餐嘅時候，人在尖東，大把選擇。是日平日，尤其噴水池一帶，觀乎所有餐廳都入座不到半滿，都可walk-in。穿梭於餐廳之間，突然心血來潮想食個川式快餐，文華二樓--傷心酸辣粉。望入餐廳，全部卡位，以橙黃色為主調，好醒神，座位闊落，八點半晚飯時間入座率竟然只有三分一！估計平日服務嘅客群都係附近寫字樓同理大學生，夜晚都比較靜。今次叫左個小辣手撕雞冷麵(連可樂一罐)同推介嘅鮮椒爽脆生腸。手撕雞冷麵先上檯，不過冷麵雪得硬左少少，醬汁好有麻油香，辣度剛剛好，不過調味比較重手。如果個麵加芝麻醬落去，應該會更香滑，哈哈生腸嘅醬汁同冷麵個汁好似差不多，裏面加左蒜頭芫茜，所以夾埋一齊食就好香口好爽口不過份量有啲少，唔太夠喉整體來說，小辣味道不錯，但因為調味問題，所以相對比較鹹，少不免要加杯野飲。出到尖東想食餐辣麵速食，譚仔米線以外嘅選擇原來傷心酸辣都粉有加盟某儲分App，儲夠都有野食換

尖沙咀咁多餐廳，我地竟然揀左呢間，吾係第一次幫襯，今次好後悔，應該都無下次，越做越差。其實我地食既時間算夜，吾係話多人，但都等左幾耐先有得食個傷心酸辣粉，講起就真係傷心，雖然係bb辣，但食落去無酸味，可以話係無味。我地點左個皇牌2人餐$128，揀左3款小食（口水鷄，青瓜，脆耳）個口水雞零辣度，與圖中紅噹噹既汁，係2樣野黎。另外果兩款，吾洗多講，都係無味，最有味竟然係碟涼拌青瓜入面既蒜頭。叫左杯少甜既凍檸茶，無論點樣篤塊檸檬，又係無味，係叫左少甜姐，唔係走甜喎.... 第一次食酸辣粉係無流鼻水。後尾見到隔離枱同侍應講佢碗野無味，引證唔係我哋味覺既問題。對食物無乜要求既我哋最後都係食唔落，埋單走人，去食宵夜。我入左呢間野之後，就好似完全失去味覺咁，好詭異呀

位於尖沙咀的傷心酸辣粉，味道正常，點了一客鹵水拼盤套餐，拼盤和酸辣粉也是選了BB辣。12時還有位子，梳化位頗舒適。整個套餐加熱奶茶共55元，和其他分店的價錢差不多。約十分鐘後，食物和飲品也來齊了。略嫌酸辣粉還沒有完全熟透，所以怎樣咬也咬不斷，吃完後肚子有少許不適。鹵水拼盤和其他配菜如花生、肉燥、榨菜等的味道也是不錯的。鹵水拼盤有紅腸、牛肚及鹵肉片等，鹵水味香濃，不會太咸。有些分店BB辣的辣度會太辣，但今次吃的辣度是適中的。

久不久會想食傷心酸辣粉, 那種辣得面紅耳赤連頭頂也霧汗的感覺還記憶猶新今晚因為突然改變計劃, 突然多了時間可以與好友晚膳, 大家都是好辣中人, 一於傷心一番朋友很可愛要吃雞絲涼拌麵, 為的竟然是一罐可樂因為是個$55套餐, 但她邊說以前是$45...唉我試了一件雞..噢雞皮同無味肉...對不起我呑不下去我點的當然是酸辣粉餐, 大辣吧店員表示大辣要加$2.. 很驚訝！規矩到底何時定, 真識找機會加價食慣辣的朋友不會因為$2而降低自己對味覺的要求吧！結果大辣的酸辣粉真是今非昔比, 跟辣扯不上關係, $2白花了跟餐的還有蒜泥白肉這個更失望, 叫油浸生蒜白肉會比較貼切蒜是軟身一粒粒, 但並非蒜泥而大辣的意思就是多了辣油嗎？ (但無辣味)不謹是傷心, 簡直是死心。這樣的傷心叫人好失望, 怕扯不會有下次了。

自從公司附近嘅傷心酸辣粉執咗之後就已經好小食，今日雖然去到尖沙咀都冇揀其他嘢食。我就叫左小辣嘅紅薯粉加木耳，雞翼同埋墨魚丸。唔知係因為唔同鋪頭嘅關係定真係退步左，感覺上尖沙咀依間同佐敦執左個一間好似差好遠，之間個湯好淡，又唔辣又唔酸，淡茂茂冇乜味咁。粒墨丸咬落去中間個心仲係凍嘅，雞翼亦都冇乜味，感覺上只係滷水粗粗醃過一陣。整體來講成個面都好一般，所以主張唔做大晒鬼嘅我都冇食晒致於老公個手撕雞冷麵就幾好食，個麵係真係凍嘅，而且都有味道，所以應該唔係話白烚完就就咁攞去雪，而且五個小麵餅卷成左五個波波然後拼成一朵花咁樣，都算幾有心思！雞嘅份量都OK而且唔會話有雪味。最後每人50幾埋單，尖沙咀來講算好平！

因為要寫呢個食評而開account!!!!!!今次第2次去食lunch午飯時間, 入到去坐已經好迫, 迫到伸腳都頂住對面位都算, 想叫野食, 叫左3次先有人幫你落單,叫完野食, 聽到對面一位食客催單催左4次, 但個粉都仲未到,等左20分鐘, 開始搵侍應催單,佢行都冇行過去出菜位, 就話整緊,隔左5分鐘都未有, 再催, 又答你整緊跟住見到遲黎既都出左野食, 再追,都係答你整緊, 重要搵親侍應都要舉好耐手先有人理ga,之後我同朋友起身,朋友出左門口, 突然全場侍應都見到你,圍住你叫你俾錢,未俾錢唔準走,好, 咁野飲錢我俾,已經俾緊錢, 等佢個收銀找錢有個好惡, "咩"住單肩袋既男侍應兇我,話: 野飲唔使俾錢呀? 你有飲野我答佢: 我而家俾緊錢, 仲有乜問題收銀即刻再叫侍應同廚房講唔好整我地d野食我再講: 唔係緊整喇咩, 而家叫唔好整即係未整啦個好惡既侍應再講: 多單係咁ga啦, 個個都係等咁耐我答: 如果知要等咁耐我唔食啦, 私得一個鐘食飯, 仲有, 野飲收左錢, 你俾返我拎走

走過尖東噴水池附近，抬頭望見新文華中心一樓的傷心酸辣粉。 呀！真的很久沒有食過酸辣粉了！每逢到北上，一定會食一碗的，無他的香港真的沒有找到好味的酸辣粉， 入到餐廳水洩不通，好不容易坐低，找個人問問酸辣粉的價錢如何計算， 他答了你一句便火速不見了！想下單的還是要找上另一個人，既然是這樣的，那叫了一碗中辣的酸辣粉加海帶絲試一下。第一個感覺，湯底很稀，不像三哥或者其他米線的湯底濃。湯底麻辣比較多，就算是中辣都沒有辣到食不下的感覺，酸味是有，但只是覺得好一般。坐在我對面的講普通話的男士，粗粗地食完，連杯飲品只喝了五分一就起身埋單了。紅薯粉好長好煙韌，吸引了湯底酸辣味道，一夾起上來好似找不到盡頭。海帶絲太薄而且太幼，如果是變了海帶結厚身一點會好很多。份量的話，女士還可以，男士可能不夠食啦！雖然不算很貴(29麵底，7蚊or10蚊餸)，但是差不多價錢底比較下，可以食其他更好食的麵食。

每次黎都必叫口水雞。較多人叫既麪我覺得麻麻，但佢既小菜口水雞就幾有驚喜，點左中辣。雞肉滑嫩，醬汁辣得黎幾過癮，加埋芝麻粒同䓤，這個配搭香口又滋味。價錢合理，位置方便，有時諗到食唔到咩就黎呢到攪掂。