傷心酸辣粉 (桂林街)

營業中

休息中

今日去深水埗買電腦野，之後經過童年回憶傷心酸辣粉，原來而家有烤魚·雞煲90分鐘放題，咁於是試下重拾回憶！<麻辣雞煲放題>本身有諗麻辣雞煲同椰子雞煲中二揀一，最後都係諗住刺激啲，揀左小辣的麻辣雞煲。一滾熟開蓋後就已經聞到𠴱種麻辣的味道，目測雞件份量都唔少。而雞件有預先煎炸過，加埋配料蔥蒜、洋蔥、芫茜都幾惹味！配料方面都算有齊蔬菜、菇類、丸類、唔同肉類、串串水魷，最重要係有呢度的主角酸辣粉的粉，唔知點解呢度的粉係特別軟檽同吸汁，另外仲有回憶的味道。飲品方面都係任飲，除左紙包同埋汽水外，仲有自家製的菠蘿粒粒同青提粒粒，仲有芒果汁同桃汁，今次只係試左菠蘿粒粒同芒果汁，兩款都幾好飲。價錢方面假日每位都只係$158，係放題的價錢黎講算係平靚正。<香酥軟骨>另外仲嗌左兩款小食，每款都係三十幾蚊，第一款香酥軟骨其實係炸雞軟骨，炸粉都幾薄同脆，本身唔點醬都夠味，最重要份量好多下，兩個人食岩岩好。<麻香雞翼>本身以為都係普通炸雞翼，估唔到味道都幾多層次下，由於佢應該有加到少少南乳黎餣雞翼，之後食食下就滲出花椒麻麻地的感覺。而且炸得雞皮夠脆而肉質唔乾。

同朋友聊天食嘢，最好喺食火鍋放題，一邊聊天同傾計，傷心酸辣粉既放題好親民，收費喺2位起。有椰子養生雞煲、藥膳雞煲、酸菜烤魚、羊腩煲可揀一款，仲任食火鍋配料。配料任搭有丸子、牛肉、雞肉、豬腩肉、腸仔、魷魚……，有多款汽水同自家制飲品任飲，真喺抵食喇。椰子養生雞煲湯底清甜，材料十足，令食指大動！雞煲上枱時，聞到香噴噴，雞肉嫩滑，都唔錯。火鍋放題，食材方面都好新鮮，份量大件，味道都鮮味。下次再約過朋友嚟食。傷心酸辣粉 深水埗桂林街149號

傷心酸辣粉，係香港一定無食都聽過，食辣既實食過🌶️今次黎深水埗分店食烤魚雞煲放題，$148一位星期五六日$158極抵😳飲品火鍋料都齊，正👍🏻胡椒豬肚雞煲🐣用Gas爐打邊爐，非常之有風味✨胡椒味好香，想飲吓湯，估唔到幾好味，又濃又夠味😍雞件滑身，最驚喜係豬肚，非常肥美入味，必食！🤗火鍋配料 雞件都好唔錯，厚肉又夠嫩滑，魚片必食🫶🏻好夾個湯之餘，非常厚身又滑又好味🤤肥牛質素唔錯，不斷refill👍🏻仲有好多其他丸同肉，芝士豆腐幾好味，爆芝士😻魚腐吸都好吸引，因為湯底好味，所以食蔬菜都好正🙌🏻出面仲有薯粉可以拎，好味，口感好好，任性地叫多咗個重慶炸醬撈冷麵🍝加咗牛𦟌同酸菜，辣得好刺激😎但係又爽又好味👍🏻整體成餐任食得來質素都好唔錯，亦都保持到傷心酸辣粉嘅辣味同風味🌟性價比極高，未試過就要嚟試吓啦😆

味道還好服務非常差，18:00入去先安排坐低，到我講話食10餸唔係錯呢邊，比左錢買飛先，拎完頭一轉試下味，就開始見職員開始收起煲湯，熄保溫爐，收起d夾，好似趕人走咁，好奇問下先知提供到19:00，一開始買飛點解唔講呢？之後問仲會唔會出鹹蛋黃雞翼，之後個廚房就話都話收檔仲整咩，我就再問係咪真係會出，樓面就係咁同廚房講岩岩入左3、4個客你快啲整出嚟，深水埗好多餐廳都想試，你一早講準備收檔做其他嘢，我咪考慮食其他

身邊有酸辣控/中意食辣既人超級大愛酸辣粉當然食唔到辣亦可以選擇走辣🫶🏻蒜泥白肉堆左成蒜泥系面頭咬一啖勁大陣蒜香味🤤本人比較鍾意食白肉多D🫶🏻口水雞BB辣個辣都幾辣雞肉滑身😂🫶🏻口水辣少辣比B B辣度更高一級🤣食落辣椒充斥着個口🙈🫶🏻人均$6x總體來講不過不失各有各好🤓🤓

此餐廳每次來香港都會食一次每一次味道都有唔同…可能廚房師傅手法唔同啦不過都係好食的但發現近來酸辣粉連基本花生都唔比…就有點失望希望佢只係忘記了…不過我還是會再去的

秋風起又涼涼哋，最啱就係食ʙᴜʟᴜʙᴜʟᴜ🍲 一個人百零蚊埋單真係唔貴了～ 仲嗌咗啲小食添，聚會之選就最啱啦🎈呢到除咗有烤魚或者雞煲之外，仲有限定嘅羊蠍子煲同鴨胗煲，聽見都流晒口水🤤 ▪️黔江一品煲🍲今次ʙᴜʟᴜʙᴜʟᴜ唔揀雞煲，要食就食重慶嘅流行美食，就係黔江一品煲😬呢個一品煲入面有好多嘅鴨胗花、鴨胗帶、魔芋、大豆芽同蓮藕片，好特別🤩 爆炒過嚟鮮味十足，鴨胗亦切到好似花一樣，而且嚼勁十足😚當然唔少得放題啦～ 出面亦都有好多配料，肥牛、腩片、芝士腸同丸類… 更加特別嘅係佢哋有串串添😍 拎住食真係夠哂方便🤪▪️小食🥟佢哋嘅酸辣土豆絲係次次嚟都唔可以錯過，因為夠哂惹味🤪仲嗌咗貢菜皮蛋同埋炸芝士豆腐，前者蒜香味濃，後者即叫即炸熱辣辣，超滿足😚▪️飲品🥤無幫襯一段仔時間，除咗平時飲開嗰啲之外，而家竟然新推出咗好幾款自家飲品🤫芒果汁好濃郁🥭 粒粒水果汁系列好清新，菠蘿味🍍同提子味🍇入面都有啫喱粒，口感超豐富✨

估唔到傷心酸辣粉都會有放日題😮同🐻爸🐻媽簡簡單單食個平價雞煲。配料同飲品係雪櫃自己拎，醬料同加湯都係自助。醬料係基本生蒜🧄、麻油、小辣椒🌶️、豉油。飲品有1款啤酒、各式汽水、茶、紙包果汁。冷氣夠涼唔會食到熱辣辣。⭐️放題 $138 (2位起，免加一)有幾款雞煲口味同烤魚揀，🐻爸🐻媽想清清地所以揀左椰子雞煲。椰子味香🥥，湯底唔油幾清甜。雞肉都幾滑。配料有廿款左右: 牛肉🥩、雞件🍖、台灣腸、響玲、豬紅、龍蝦丸、牛丸、串串蝦、薯粉、菜🥬⋯⋯呢個價錢有個雞煲+任飲任食火鍋配料都抵幾食。

喺而家呢個年代，可以百幾蚊食到火鍋放題💰，甚至仲有椰子雞煲、烤魚等等，原來唔係冇可能！我哋今次嚟到一間連鎖酸辣粉餐廳🌶️，深水埗嘅分店，試吓超平火鍋放題。.☀️假日正價時段($148/位)我哋揀咗原味椰子雞煲湯底，湯底夠晒甜，椰子味都好香，好夾唔同嘅火鍋配料🌴，因為味道清新甜香。價錢已經包埋自助醬料區、火鍋料任食、飲品任飲😍。.醬料嘅選擇都好多，特別推介可以落少少花椒油，味道麻香，超級惹味👅。二自助區可以攞嘅嘢食，種類都算全方位，有海鮮、牛肉、豬肉、蔬菜、粉麵等等😎，而且有啲配料已經用竹籤串好咗，啱晒一串一串咁樣淥嚟食。飲品雪櫃除咗有自家飲品，仲有啤酒任飲🍻！

話說去咗深水埗執笠倉掃貨經過久違的傷心酸辣粉 好有回憶😂見依家有埋烤魚 雞煲 火鍋放題價錢又唔算貴 膽粗粗入去試下共七款選擇 啤酒 汽水飲品無限添飲除落單上鍋比錢 其他全自助加湯都自助（𝟐位起）成人$𝟏𝟑𝟖/位 小童$𝟗𝟖/位𝟐𝟐:𝟑𝟎後入座 成人$𝟏𝟎𝟖/位 小童$𝟕𝟖/位𓌉◯𓇋 原味椰子雞煲（細）湯底香濃帶甜少少膠質 不少杞子但椰子味唔重 味精唔太覺約半隻雞 肉身非常入味 甜甜的（各款食材出鍋後都好～入味）肉質嫩滑唔柴 雞皮唔肥且爽彈𓌉◯𓇋 自助吧醬料有蔥 蒜 芫荽 辣椒 辣油食材配料 各種蔬菜 菌類 丸類等༯ 粉條（=薯粉）點少得餐廳招牌粉條😚索哂湯底精華 煙煙韌韌又彈牙༯ 肉類只有牛肉脂肪分佈均勻 牛味都幾濃༯ 串串外形的確細小又遜色但味道都鮮香 不錯的

食物質素一般，冇特別。但係服務超差，7-8個員工坐喺度，玩電話、吹水，淨係得1個人落單、收錢同出餐。咁我見佢幫其他客人落緊單，咁我哋等佢落完就叫咗佢幫手落單，佢見到，應咗我之後竟然番去同個客吹水，再入廚房吹水。咁我哋叫多佢一次，佢就應咗之後去送餐？？ 呢間啲員工真係搞唔掂

傷心酸辣粉唔係剩得酸辣粉🤣🤣🤣🤣我都係想入去食酸辣粉，但係俾佢好優惠嘅燉湯午市套餐吸引！今日叫咗三個餐，都係有湯，有蒸飯，有個餸，梅菜扣肉係最好食，啲梅菜絕對可以送兩碗飯！今日叫咗紅燒肉，梅菜扣肉，鹽焗手撕雞，紅燒肉有少少辣，有啲唔知咩配菜一齊，有啲咬口，我都鍾意食，梅菜扣肉真係好耐冇食，超級送飯，不過扣肉切得好薄好薄～手撕雞不過不失，下面啲青瓜冇咩咩！羊肚滾湯入邊有五粒羊肚菌BB，都叫做OK啦，我飲花膠豬肚湯，有豬肚冇花膠，但係味道都OK，整體$48一個餐係好抵，呢間嘢返放工都經過附近，但次次入去都係食酸辣粉，呢個燉湯套餐下午茶仲要賣$39🤑🤑🤑

在香港開業多年多間分店覆蓋多區．味道多年來都保持水準除咗酸辣粉之外原來仲有任食雞煲/烤魚放題雪櫃內嘅樽裝同包裝飲品無限量供應單係雞煲 同 烤魚都有多款口味選擇✨胡椒豬肚雞煲湯底滲出香濃胡椒味加入大量雞件同豬肚足料又大鍋+$30 追加卜卜花甲無諗過咁多隻．味道鮮甜凍櫃仲擺放不同款式配料再加埋薯粉入湯底煙煙韌韌超好味$138/位 免加一 仲任飲任食店員仲送上 「傷心香脆魚皮」當薯片食 或者 加入湯底 都好正抵食又滿足．性價比高

今日嚟到呢間店，我揀咗酸辣粉，加上啲酥香脆豬腩肉同埋一杯冷泡茶。先講講酸辣粉，啲麵條真係無話咁彈牙😋，辣得嚟又唔會過火，一啖嘴都覺得興奮，夠曬酸夠曬辣，個汁又不會太稀，拌得每條麵都有料到。講到啲酥香脆豬腩肉，叫我點可以唔提呢個脆到出奇嘅皮同埋肉嘅香滑？！食落呢啲脆皮豬仔真係滿足到我哋本地人對炸物嘅一切幻想。到最後呢，再飲杯白桃烏龍冷泡茶，個涼快後勁真係幫到手，將啲辣勁沖沖淡。🍑🍃總括嚟講，呢度食物真係得意得滯，街頭巷尾嘅平凡風味，都可以咁有驚喜，絕對值得再嚟幾轉！👍

喂，大家好！最近去嗌咗一家店嘅嘢食，俾我正啦！首先叫咗份地獄雞翼，🌶️火辣辣嗰種辣勁掂呀！雞翼脹卜卜，酥脆得黎又保持到肉汁，真係唔食會後悔個種。每啖咀都有種嚟緊過癮嘅感覺，一試難忘！跟住，再試吓佢哋個「口水雞」。即刻話你知，呢啲雞肉滑嫩，皮啖啖肉，冚唪唥都係紮紮實實嘅嘢！雖然肉味唔算突出，但個醬汁配得啱啱好，微酸微辣，正喎！再嚟個「鹽焗手撕雞」，🤤食落麻油香四溢，肉質鬆軟，唔使好大力都可以撕開嚟食。搭配青瓜，清新解膩，簡直係喜出望外嘅發現。最後啲「一口紫薯」，冧爆！外皮香脆，一扭開個口，內裡嘅黃薯軟綿甜滋滋，感覺就好似頭先辣辣哋嘅舌頭得到咗啲慰藉咁。成晚食嘅感覺，就係過癮、滿足，又唔會銀包大失血。食完真係開心到跳起，快d試下啦，啱食又唔難揾，仲等咩！💥