傷心酸辣粉 (聯和道)

營業中

休息中

平時黎傷心酸辣粉都淨係食米線同埋小食，仲記得佢嘅BB辣都頗辣~估唔到佢哋依家有出火鍋放題，所有肉類同埋火鍋配料都任拎，有熟食同免費盒裝罐裝任飲，仲要唔收加一，真係好平🤩今次試咗胡椒豬肚雞煲，兩人份量有半隻雞，仲有好多豬肚件，湯底濃郁入味，食完之後自己落唔同嘅肉類同配料打邊爐，款式都唔少，豬牛雞同基本嘅菜同丸類都有，兩個鐘慢慢食夠晒飽👍🏻我另外追加左蠔油唐生菜($18)同埋皮蛋($28)，生菜都好大碟，建議食得辣嘅朋友可以試吓自選辣度嘅皮蛋會更加惹味😋食完可以問職員攞每人一盒豆腐花作甜品收尾，大滿足🥳

講起酸辣粉大家一定諗起傷心酸辣粉，但依家可以改變呢個印象，推出烤魚/雞煲放題，仲要$79-$99/人，非常抵食！所以即去試下單係湯底已經好幾款選擇，今次揀咗花椒湯底小辣，一上隻魚好大條好多肉，濃底花椒好夠味，而且小辣好夠辣😆火鍋料係自助，食幾多拎幾多最正有大大片肥牛，放落湯十幾秒食得，嫩滑夠味！而丸方面好多選擇，蟹子丸就最好食，咬開蟹子汁爆出黎😆當然唔小得落薯粉😆掛湯力十足，吸曬啲湯汁，超正！！大部份平時打邊爐要食嘅火鍋料都有😜飲品方面，基本可樂、冬瓜茶都有，最正係連啤酒都可以任飲，咁嘅價錢真係好抵！最後都會有甜品做結尾，以100 蚊左右食足120 分鐘仲有甜品真係好抵食😆

《🐥麻辣雞煲🥘》相信好多人都鐘意食雞煲，以前我都成日食，食完雞煲打邊爐簡直正爆呀，但好多時雞煲都二百幾蚊，都唔係平，今次搵到間唔差嘅、性價比高嘅食雞煲，仲要呢間舖頭一定人人都食過，就係 - 傷心酸辣粉～呢個雞煲好抵，6pm前離座$79-90分鐘，6pm後$99-120分鐘，深信市面上都好少有咁平嘅雞煲放題～🌶麻辣雞煲🐥💰$79我哋要bb辣，對我嚟講唔太辣但都有食到流鼻水🤧好多雞件，雞煲都好難唔好食，有各種各樣調味料、香料、辣椒辣醬，一定好食，呢到仲有我最鐘意嘅芹菜、芫荽，仲要係大量啊😍同雞件一齊食好好味！惹味又好味👍🏻食唔停～食完雞就放湯打邊爐啦😍好多嘢都係任食、蔬菜、粟米、豬肉片、肥牛、麵、菇、蓮藕、雲耳、金菇、各種丸類、芝士腸...... 好多任品都係任飲添，呢個價錢真係超抵啊！我哋細食咗好多嘅關係，所以都係拿少少肉、多啲菜～🥬菜索晒啲辣汁超好味😍不過感覺辣好多咁🍡牛丸估佢唔到咁好食，好多肉汁，肉味濃👍🏻🥢蓮藕好味👍🏻連埋麻辣雞煲啲汁超正我哋仲叫咗2個小食：🧄蒜泥白肉🥢💰$32超多蒜～白肉沾上辣汁夠晒惹味，不過食到成口蒜味🤣🌶麻辣肥腸🥢💰$29同佢個名一樣，真係好肥，好大件🤣炸到好

平時一聽傷心酸辣粉就會醒起佢地嘅薯粉、口水雞、涼拌小菜等等估唔到佢地竟然會有雞煲烤魚食！仲要係放題添！價錢仲非常抵啊～☺️午市每位$79/晚市每位$99！2人去嘅話可以任選一款主食，4人則可以選兩款♡.今次同屋企人四個人去食就揀咗：#麻辣雞煲#金牌蒜香味烤魚烤魚好重蒜！！炸蒜鋪滿晒係烤魚上面，一上枱就聞到好香´ސު｀♡魚肉好鮮嫩，冇乜骨🤏🏻重點係條魚大條到基本上食完都已經飽飽地😂雞煲揀左bb辣，就翻唔食辣嘅mami😆喱間嘅辣度真係偏辣的，bb辣對於mami黎講都有啲辣，不過係可以接受嘅～🙌🏻雞煲非常之惹味，雞件大小適中，雞肉都唔肥，幾嫩滑。如果唔夠都可以去自助區到夾架！食完雞煲順便打埋個邊爐先 ･ ͜ʖ ･ 自助區仲有好多配料可以揀，各種丸、腸仔、芝士年糕、生菜、牛肉雞肉、米線寬粉等等食完臨埋單仲要有豆腐花送啊！一百蚊都唔洗就食到咁多野！真係抵到爛啦！♡

約咗朋友喺粉嶺相聚，我哋行咗去比較多嘢食嘅聯和墟搵食。見到 “傷心酸辣粉門口”都幾多人等外賣，過去睇吓，堂食有火鍋放題，晚市食兩個鐘只係$99任飲任食，冇醬料費又冇加一，涼涼地，都想食火鍋喎。 大家都以為咁嘅價錢，肯定係將貨就價啦！但結果出人意表，真係唔錯！我哋點咗藥膳雞煲湯底，啲當歸北芪黨參嘅藥材味好香，足料濃稠！雞多肉亦幾嫩滑，熱辣辣好食😋啤酒汽水都係任飲。冷盤小食有木耳、青瓜、雞腳，不過不失。冰櫃有各式肉丸、蔬菜、肥牛、雞肉，豚肉、竹串蝦等常見嘅火鍋料，可以自行選擇。雖然有任飲，我哋都叫咗餐廳新出嘅奶茶涼粉冰同豆花奶茶，唔單只好飲，而且涼粉，別有一番滋味。餐廳坐得算舒服，飯後甜品仲有山水豆腐花，湯底醬料任加，食足兩個鐘，絕對非常超值！

《傷心酸辣粉 放題》$99/位 以前食放題通常都係食日式，一般都二百幾蚊起跳，見到傷心酸辣粉都有放題而且咁平，一於就一戰喇！糾結咗一陣究竟要藥膳雞煲定係要烤魚好，結果因為藥膳雞煲太普通，所以叫咗烤魚，由於唔係好食得辣，但係覺得一場嚟到冇理由唔叫辣，所以叫咗bb辣，但係見到成都係紅色嘅時候嚇咗一跳，結果真係好辣，不過食到一半加湯之後就ok，所以建議只係食到十小辣嘅朋友建議唔好叫辣，但係如果你係無辣不歡嘅朋友，我極度推介你去呢一間度食，因為辣椒好似唔使錢一樣，畀勁多😂😂😂 除咗個烤魚之外，話得放題就梗係任食啦！汽水同紙包飲品當然任飲，另外有一般打邊爐嘅食物任食，例如：肥牛、雞件、豚肉、菜、各式各樣嘅丸，仲有蒜蓉拍青瓜、土豆、咖哩角、春捲等小食😋😋😋由於太辣，所以臨走之前叫咗個豆腐花解辣，好體貼仲畀埋飲管，可以飲豆腐花🤤🤤🤤一個99蚊仲免加一嘅放題，真係超高性價比，超級抵食👍🏻

今日嚟到粉嶺，行過見到有任食雞煲，今日好肚餓，就試一試佢❗️雞煲都有好多味道可以揀，唔想食雞亦都可以揀肉骨茶或者烤魚，都係任食❗️❗️我地揀咗麻辣雞煲，味道啱啱好唔會太辣亦都唔會太咸，好惹味除咗雞煲之外亦都有火鍋料任食，有好多選擇，有肥牛又有串蝦，鍾意食丸嘅我梗係唔會放棄呢個機會❗️❗️仲有飲品都係任飲❗️另外仲叫咗兩個小食酸辣土豆絲土豆絲好爽口好掛汁，酸酸辣辣非常開胃❗️食到停唔到口❗️紅油牛展呢個亦都係啱啱好，牛展好入味唔會太硬，好食❗️整體來講性價比好高，下次離開附近一定會再食

今日突然想食雞煲 本應諗住去一品雞煲，但已經8:30，出去荃灣都夜，於是想起聯和墟未曾食過嘅雞煲只係傷心，好啦⋯⋯試吓啦⋯⋯入到去只有7成入座人數，三個女待應冇人問我幾位，已經覺得佢地唔pro！心諗是但啦好一餐唔好一餐，我同愛人叫一個套餐，我同個女待應說我/人唔食得太辣，麻煩BB辣一隻，10分鐘後到，d雞冇乜肉食，又辣，d所謂配料又小，唉 食完都唔覺飽，埋單$317！！真係冇下次，d服務態度好差，其中一個仲黑面⋯⋯⋯我以後都唔會去呢間食嘢！！

-{粉嶺酸辣粉🍲}返返黎食酸辣粉😚今次第一次試依間🤣都係最近先食倒酸辣菜式🥳🤤酸辣粉bb辣🤤 ($53)個bb辣嘅粉都好好好辣😂😂唔食得辣嘅可以叫返唔辣 薯粉好彈口😚入面有啲肉碎同花生撈下咁👖褲評: 7.5/10🤤涼拌茄子🤤 ($25)個茄子好淋 勁索汁~可以冇咁油都得😂👖褲評: 7/10🤤一口紫薯🤤 ($16)紫薯有啲驚喜😍😋炸得外皮脆脆地😎仲唔太油~👖褲評: 7.6/10🤤鹽焗手撕雞🤤 ($29)撈得好惹味 亦唔會太鹹 個雞都夠滑😎👖褲評: 7/10其他滷水拼盤 口水雞 雞軟骨都幾好😆好多分店邊度都有得食😜性價比: 8.3/10服務: 7.5/10環境: 7/10🚩傷心酸辣粉🚩地址: 粉嶺聯和道57-63號嘉和軒地下6號舖

想食辣野總會諗起傷心酸辣粉依家開到區區都有想食話咁易🥢辣子粟米粟米好爽口好甜.第一次加埋辣粉食.好有趣而易切開做一塊塊食起上嚟好方便🥢無骨鳳爪鳳爪處理得好乾淨. 爽口彈牙份量算多🥢地獄雞翼真係好地獄🔥好辣呀但雞翼好脆. 雞肉嫩口有汁🥢口水雞米線及麻辣生魚片米線口水雞尚算嫩滑. 醬油非常惹味魚肉生熟辣度啱啱好. 唔會鞋口湯底好濃. 令到米線都好入味估唔到小辣都已經咁辣🔥搞到立即要叫杯凍檸茶下下火呀

趁放假真係要好好休息，今日訓醒已經到左下午茶時間！同屋企人去買餸順便食我既第一餐！今日黎左聯和墟呢間傷心酸辣粉，餐牌有唔同既套餐選擇.除左酸辣粉外.呢度下雞煲烤魚放題都好抵食呀！我地叫左一個口水雞酸辣粉 口水雞小辣得黎好惹味！雞肉尚算口感嫩滑！酸辣紅薯粉食起來彈性十足，整碗酸辣粉吃起來是相當夠味，酸辣麻，非常過癮！另外就點左泰式雞淮山麵配小食炸墨魚餅及一包紙包飲品！好鍾意爽口淮山麵微辣雞湯做湯底、感覺幾健康美味！小食墨魚餅好重墨魚味.以廿幾蚊黎講真係非常抵食！

⭐️傷心酸辣粉⭐️📍:粉嶺聯和道57-63號嘉和軒地下(觀塘、北角、旺角、元朗、尖沙咀都有分店)⏰:8:00am-10:00pm💰:人均$50⭕️: 現金，Alipay👉🏻皇牌口水雞配涼拌米線(BB辣)💰58🌜口水雞好正 啲雞肉好嫩滑 啖啖肉 再加上少少辣 令到味道更加豐富 涼拌米線好味👍🏻份量好多 夠兩個人食 配料好足料 有芫荽花生醬汁撈埋一齊 唔會拌完都只係得米線 每一啖都有配料✨👉🏻酸辣雞💰29👉🏻麻辣肥腸(BB辣)💰29👉🏻地獄雞翼🌶️🌶️🌶️🔥 💰32🌜真係辣到落地獄😂😂🔥新出嘅地獄雞翼夠晒地獄 鍾意食辣嘅朋友一定唔可以錯過 雞翼好香口 好脆 辣粉佈滿成隻雞翼 👦🏻👧🏻都唔食得辣 我哋就當挑戰下🔥不過食得辣嘅朋友仔一定啱食！👉🏻調味辣椒油🌶️ 💰29🌜+10 椰子🥥/奶茶涼粉冰 (單叫💰19)🌜加多寶💰13 /凍柚子蜜💰10🌟傷心酸辣粉相信大家都唔陌生🤤諗唔到食咩就會去 價錢便宜 食物大份 每一款食物嘅配料都好足 我哋兩個👦🏻👧🏻食一餐都食到好飽 必食口水雞同地獄雞翼👍🏻亦都可以試吓椰子涼粉冰⭐️推薦⭐️ 店舖好多款式食物都比較辣 鐘意食辣既朋友對一定要去試吓👍🏻我哋兩個平時唔食得辣 叫咗BB

疫情期間，很多餐廳都減價吸引客人，但這個傷心酸辣粉的下午茶餐相信真的超抵食，我點了豚肉拼鮮雞湯米線， 五款小食任選一款，我選了炸墨魚餅，還送紙包飲品，加起來只需要$29 ，而下午茶時間意外亦是只需要$33 ，超超超抵吃。豚肉好像是經過滷水的，所以有點醬油的味道，有些底味，另外鮮雞亦有五六件，不是給你頭頭尾尾。另外炸墨魚餅還是熱辣辣的，相信是即點即炸，三件分量剛剛好，總括來說， $29是超級抵吃，質素並不會因此下降。

CP值：4/5價錢Price: - 招牌套餐（包一個小食及粉麵）Signature Set (including one side dish and one type of noodles)：$53~香酥軟骨 Crispy Fried Pork Gristle~蒜泥白肉 Sliced Pork with Minced Garlic~皇牌口水雞 Sichuan Style Savoury Chicken～海蜇脆耳Jellyfish & Pig Ears in Chilly Sauce- 貢菜皮蛋 Cong Cai & Thousand-year Egg：$28- 辣子粟米 Spicy Corn：$28- 酸辣土豆絲 Sour & Spicy Shredded Potato：$18- 涼拌茄子Chilly Eggplant：$25天氣熱冇乜胃口，就好想食酸辣野開下胃雖然傷心酸辣粉成名已久，但我都未食過，所以今次就黎試一試佢個酸辣粉一拎起本menu，超有份量，因為真係有勁多野食揀😍但我同啲朋友嘅目標係酸辣粉！我地仲叫多左4個小食，所以啲野食一上檯好似滿漢全席咁😂🤤酸辣粉嘅酸度、辣度、粉麵

胡椒豬肚雞煲🐔上枱嘅時候已經聞到濃烈胡椒味，奶白色嘅湯，有層淡黃色雞油，即時滾熱，更多雞油浮現，好吸引。煲入面收埋好多大大件嘅雞件＆豬肚，仲有芹菜，材料十足，睇到已經覺得好開胃！即時試下啲雞同豬肚，雞滾完唔老，豬肚爽口！胡椒豬肚雞煲精華係啲湯，我每次都飲兩碗。少少白胡椒嘅辣，帶住雞嘅鮮甜味，真係好開胃🤤。淨係食雞煲梗係唔夠，我地叫埋招牌傷心酸辣粉，豬紅濃郁夠滑，下次要嗌兩份先夠喉😂！仲有四寶丸叻沙麵，係偏辣嘅湯底😁。