億饍 (已結業)

是日喺附近做完嘢，同男朋友想食個夜飯，已經好肚餓，所以想快啲有得食，就喺附近搵嘢食。之前望到過呢間餐廳有個outdoor area,好似幾chill,用咗eatigo app search同book間餐廳，發覺越夜折扣越多，一於等到9點先食，有7折。上到去因為夜夜地，人唔算多，都可以揀位坐，我哋就想坐出外面。個outdoor area其實係一條窄窄地嘅balcony咁，靠邊有幾張高枱高櫈，雖然有少少逼，但見無其他人坐又想chill啲，就坐低咗。雖然空氣唔係特別好，對住條彌敦道，但有好多星星燈decoration, 都好有christmas嘅氣氛，喺鬧市中嘅outdoor area食飯都好少有，別有一番風味。由於真係太肚餓，所以又重蹈覆轍，失去理智叫得太多嘢食。兩個人叫咗豬頸肉湯河，咕嚕豬頸肉撈檬，牛油雞翼同春卷。啲嘢食來到先知死，多到張檯都擺唔落，要將壺茶同啲杯放上去窗台，好牙煙。咕嚕豬頸肉撈檬個人認為唔係太夾，本身好鍾意食甜酸嘢同咕嚕肉，但發覺豬頸肉都係classic啲炭燒再點泰式辣醬係最好食，所以最後都係夾男朋友豬頸肉湯河個碟炭燒豬頸肉食。牛油雞翼個batter都炸得有少少硬，唔夠

今日點左bb鴿同埋三個午市套餐， 啲嘢食冇得彈， 非常好味海南雞好滑唔會老，金邊粉係近來食過最好味嘅，咖喱牛腩夠曬入味，bb鴿仲算ok啦，我都係鍾意烤嗰種。最後三個人食唔曬，所以想打包返屋企避免浪費，然後問靚女想打包d嘢，初初畀咗兩個袋，但我係想要盒，靚女就冇好氣咁話一個膠盒要五蚊，唔知佢哋嘅膠盒係咪特別靚？ 最後仲要好惡死咁對同行兩個老人家講扯啦。總之服務態度唔係特別好，我都懶得喺嗰度嘈， 撳住兩個好嬲嘅老人家走咗，以免影響其他人進餐。希望下次唔好用咁惡嘅態度同啲客講嘢， 唔管你係心情唔好，定係辛苦，都唔係你甘態度嘅理由。

是日難得與好友吃飯，想吃東南亞菜，好友在openrice見其好評較多，就選了此餐廳。一開電梯就是餐廳，不太大，環境及坐位還好。餐牌都是正常泰國菜會有的菜式，但價錢偏貴，譽發呢橦大廈的餐廳係油尖旺來講都偏貴，上次食焱手工火鍋貴又唔抵，抱住期望去食今次呢間億饍。。拼盤得幾款野，每款得2件，成180蚊，5人都係每人吃一啖🙄。生菜包，生菜一人一塊都冇晒，冇得添加，加一碟成7蚊6塊🙄。咖哩薯仔豬頸肉，擺明係整好左成大盤咖哩再不出黎上菜，薯仔仲係硬‼️。蒜茸包，$55先得5個，一般。諗住個冬陰湯一人前火鍋，有龍蝦、石班等等，細細煲，仲要龍蝦、石班、蝦都唔彈牙，成$200總括而言，5人食左一千蚊，冇份量都算，竟然冇質素！！！ 一間街邊東南亞餐廳都可能好食又有鑊氣過佢！！！200一人食個好d的放題/韓燒都得，真心唔值呢個貨！！！

旺角彌敦道譽發廣場這座大廈可算係美食中心， 今日同朋友食這間億膳， 包含咗廣東菜、越南菜和泰國菜， 又有燉湯飲， 感覺有點私房菜嘅特色。電梯按4字， 一出𨋢便是這間億膳，夠哂開放。而座位擺得寬敞， 坐得舒適。看完餐牌， 泰國、越南和本地菜多款選擇, 因為樣樣都想試， 結果點了這裏必食之一, 避風塘野生辣龍蝦HK$295,少少辣，味道十分惹味， 鑊氣十足。加上澳洲龍蝦肉鮮味十足,肉質爽彈， 跟避風塘炒蟹食法同樣味美， 辣得嚟又鮮甜味足。話曬這裏有得食泰國菜，當然整番個我至愛菠蘿炒飯HK$123。 這個泰式原個菠蘿炒飯 , 用上新鮮嘅菠蘿,配上爽滑鮮魷和彈牙嘅海蝦， 飯炒得香噴噴，粒粒分開，好好食。還叫個馳名燉湯， 椰子烏雞排骨燉湯HK$78, 材料足， 香甜嘅椰子加上肉質幼嫩嘅烏雞， 益氣養顏、健脾補虛，啱哂秋涼天氣飲，完全沒有味精， 滋陰有益。青島啤下佢，都係HK$38/支，正！

晚飯要搵間餐廳同朋友慶祝生日, 但朋友表示唔想食西餐, 所以就隨便搵左間食亞洲菜既餐廳。餐廳係彌敦道樓上鋪, 近油麻地A出口, 位置來講都算方便。當日被安排坐電梯口附近, 用餐環境一般。因為大家都唔太肚餓, 所以都唔算叫左好多野食。菠蘿炒飯用原個菠蘿上, 味道ok。牛油果軟殼蟹卷, 串燒同冬蔭功都合格。但炒金邊粉令人非常失望, 賣相似一般廣東炒粉面。如果抱住食泰菜心態食呢間餐廳, 絕對會失望而回。另外值得一提呢度切餅費要$100, 以一般餐廳來講都算貴, 如果有自備蛋糕的話其實有更好選擇。下次有機會再試泰菜以外的其他菜式。

One of the values stated on the first page of its menu is “to provide quality service”. Ironically, this is probably the worst dining experience of mine.I made a reservation for 1900 hours on 17 Dec 2018. I was arranged with seats promptly. Since some of us had not yet arrived, we did not make an order instantly.At around 1930 hours, a young lady staff member came over and said to me in an impolite manner, ‘your allowed meal time is 90 minutes and you have been sitting for 30 minutes’. I rep

臨急臨忙搵張大枱8個人食飯， 見到openrice 有成三百幾個讚好， 所以就膽粗粗去咗訂位試吓。 我哋係坐戶外嘅位置， 由於係戶外嘅關係， 四周圍都圍起帳篷， 但左右又有啲去水喉， 所以坐得唔係咁自在， 好在侍應招呼唔差。 我哋今日叫咗越南蒸粉包4件、越南春卷4件、鹵水乳鴿、酸甜排骨、四季豆、咖哩牛腩、羊腩煲、蒜蓉包同油飯。 不過我想講既係， 個咖哩牛腩份量真係少！ 竟然一煲得6粒同1粒薯仔。個羊腩煲都有10粒羊既，不過味道就一般啦！而其他食物都並不難食。見到食評讚好既乳鴿的確整得好嫩滑。整體黎講食物質素不過不失。

行經過哩到成日都見到棟大廈好多野食, 最尾就揀左食越南FUSION野🤩🤩.. 雖然上到去都已經夜晚9點半, 但係上到去都照樣係FULL哂, 好多人🙂～ 環境闊落所以就算FULL哂都唔會好焗促..我地都係2個人食少少野傾下計, 所以就冇叫到太多野食..🥑牛油果軟殼蟹紙米卷🦀 軟殼蟹冇炸到好油, 而且都仲好脆, 加埋咁fresh既牛油果, 就岩岩好BALANCE番成個口感🤗🐔雞肉X牛肉串燒🐂 冇太大既特別, 但係好香燒得岩岩好👍🏻 抵食～ 🥥椰青焗飯🍚 唔會太多汁搞到好"留".. 好足料😬😬

今日放假周圍去shopping， 最後來到旺角區， 行到好攰 ，當然搵間好嘢食晚飯啦！上食評網搵了資料一陣， 見這間億膳d食物又啱我今晚心水， 加上近近哋又在彌敦道譽發廣場，就决定試下。看完餐牌，先後點了多款餸菜，有d很有心思，例如軟殼蟹牛油果卷，不但賣相精緻，而且味道極佳。牛油果香，加上炸得鬆脆的軟殼蟹, 熱騰騰食份外滋味。另外香茅豬扒湯河， 豬扒另外碟上，大大塊煎得脆口，而香芧滲滿了豬扒內，食落香口而酥脆。桂花BB鴿， 平時食炸乳鴿就比較多， 第一次食以桂花材料醃製的乳鴿，好像鹵水鴿賣相，但味道好特別， 邊食邊聞到桂花嘅清香，加上乳鴿幼嫩，肉質更甜美。最後三款不同串燒，包括串燒沙嗲豬肉、串燒沙爹雞肉、串燒安格斯牛肉，味道啱哂我口味，燒得不太燶，但又肉質濃郁，好惹味。椰汁綠豆冰，清涼美味可口，食咁多熱氣野， 綠豆冰啱哂。

近油麻地站既樓上餐廳，菜式選擇都幾多，一開lift門就已經係餐廳，用餐環境都幾靚。花膠烏雞香菇燉湯$96非常足料嘅燉湯，而且都有好多材料食飽個肚軟殼蟹牛油果卷$116D草好大棵，份量都大份，軟殼蟹都包出哂，食左兩件（當前菜/小食）都已經開始飽桂花BB鴿$90幾特別，有淡淡桂花味。烹調需時，想試的話，要早d點菜，如果唔係食晒其他餸都未上到呢一碟🤭🤭鮮蝦蟹肉炒金邊粉$123 幾多蟹肉，未落醬既味道比較淡

下午lunch經常黎依到，因為座位寬敞，普遍依兩區食飯都較迫同嘈，依到感覺唔壓迫，就算午市同晚市坐滿人，都唔會好似多人到食完想快d走😊食物多元化😊食過N咁多次同咁多款，豬頸肉撈朦，咖哩飯，泰式野同埋冬陰公湯底嘅麵食，各樣味道都唔錯👏🏻最鐘意係個燉湯，幾款都好好飲😋木瓜豬肺我個人就最鐘意，另外茶樹菇同埋人蔘都好濃味🤤飲湯腔一定要試下服務質素好👍🏻手腳好勤快同埋態度超級好，佢佔地一層，洗手間係餐廳負責，好乾淨清潔🤩絕對值得推介嘅餐廳😍

今日約左班小學同學飯聚,上openrice搵到依間見到好評三百個,覺得應該都唔錯,但食完之後好肯定咁講全部都係假 入到門口見到得兩台人,都覺得伏伏地,不過星期一 可能人少啲姐,點知啲菜差到呢。。。。。。蝦餅?完全唔覺得有蝦 又無口感 全部都係粉,咁都可以哪蝦餅!? 泰式明爐烏頭?完全食唔到味,感覺就係蒸完就咁加啲淡而無味既湯落去。而個炸春卷又唔脆食落又係凍既,好似一早炸好放左係度咁,波蘿炒飯裝左3個碗仔就冇啦,又少又凍 ,食完今次一定無下次!希望大家唔好中招!

最近同朋友聚會偶然發現呢間餐廳，貪佢又泰國菜又中菜咁多樣化總有一款岩食，結果令人驚喜！真心推介燉湯！唔知係咪太出名太好賣，8點半去到得返茶樹菇燉湯可以揀😭想試其他口味記住早d去要做好一碗燉湯，首先要夠火喉夠長料要夠足，務求將精華濃縮係細細盎嘅湯汁中，入口你就知佢係試意之作😋朋友鍾意冬陰公，叫咗個細份量夠兩個人飲。入口頗辣，味道亦較濃，口味偏酸蓋咗其他材料味，似飲又濃又酸兼辣既蕃茄湯。唔知係咪因爲佢用煲住蠟燭咁上，d味愈煲味愈濃，最尾我頂唔順，用筷子拉出蠋台吹熄佢🙈可以再揀一次，我會叫多盎燉湯🤣呢間店幾多自創菜式，牛油果軟殼蟹紙米卷配搭創新，沙律菜同牛油果沖淡炸物既油膩感口感好fresh😋另外呢個龍蝦撈濛都好特別，雖然龍蝦唔係好鮮味，亦比酸既撈濛汁搶咗主調，但料夠足汁夠香，我推介大家揀翻其他配料

今天同幾個朋友出來旺角行街，發覺常個旺角都係放題放題，後期見到哩間樓上鋪好似唔錯，一層一間舖，地方算不錯，而且有露台位。我地坐睇傾左一陣就開始點野食：軟殼蟹牛油果卷（炸到脆一脆蟹，而且有膏，配上牛油果生菜，絕對不油膩，而且好香）生牛肉湯河（牛肉熟度剛剛好，好嫩，河粉方面好滑，湯底濃郁，推介）跟住我地仲點左：桂花bb鴿，牛柳粒紅飯，串燒安格斯牛肉，燒羊架，香茅泰式明爐烏頭（全部都非常好味，不得一題個魚好新鮮好大條，淡淡肉，上台後把魚肉拆開，煮一陣就會非常入味，推介）最後點左芒果糯米飯。飲品：紅棗枸杞桂圓水，檸檬茶。非常滿足一餐，而且價錢不貴

今天同左幾個朋友過來油麻地買野，順便一齊食飯，朋友提議上來哩間樓上鋪師食。地方不大不小，而且外面有露台。行左甘耐決定即刻叫野食桂花bb鴿（似滷水乳鴿，不過味道不錯，肉質唔會軟綿綿，而且有鴿味）香茅泰式明爐烏頭（上台時候見到好吸引，我地忍唔住食啦，發覺無咩味道，後期一問，原來要夾開魚肉泡湯入面煮一陣再食，點埋醬就夠曬味，而且好好味，多肉無骨。推介）軟殼蟹牛油果卷（香脆蟹夾住牛油果生菜好味，而且蟹係有膏推介）生牛肉湯河（牛肉味濃剛剛熟，河粉滑，湯底濃郁，推介）之後仲叫左牛柳粒紅飯，串燒安格斯牛肉，燒羊架，芒果糯米飯非常滿足一餐，最緊要味道好大大件而且不貴