億饍 (已結業)

今日番夜，約左媽咪出來食個午飯，喺openrice search 到尼間餐廳🍴有燉湯飲又有㗎喱食，係媽咪至愛而且地點就腳，就揀尼度試下啦！希望媽咪喜歡店面整潔闊落，環境寧靜，午市時間都算旺場，我地安排坐單邊卡位，排排坐，坐sofa，好舒服午市餐牌有好多選擇，湯麵🍜，湯飯，㗎喱飯，意粉等一應俱全，另外仲有素食餐，非常貼心凡惠顧下午茶餐（兩點半開始）加30蚊可任飲特色飲品2小時，幾好咼，啱曬我同朋友黎吹水，下次帶佢地上來先跟餐加12蚊可轉燉湯，今日系花旗參燉烏雞湯，熱辣辣，鮮甜足料，值得一試㗎喱牛腩配上湯生菜，牛腩分量好多而且好林好入味，不會太辣但好香椰汁味，薯仔都好入味果然無揀錯冬蔭功海鮮湯河，大大碗好足料，大蝦非常新鮮旦牙，味道亦調得恰當，酸酸辣辣好開胃河粉軟硬適中，幼滑爽口，不錯牛油雞翼，脆卜卜香噴噴，正正子啊我揀左飲椰青，夠冰凍，非常清甜，爽到極點椰青裏面仲有又雪白又嫩滑嘅椰肉，最後比我ko曬價錢合理，非常滿足嘅一餐，又好味又健康，推薦比各位試試

中秋補假，家中老人想食泰國菜，所以係旺角搵左呢間試下。我地6點幾到左，一開始冇咩人，環境唔錯。叫左一份二人餐同幾款小食，夠晒五個人食。大蝦柚子沙律：味道唔錯，柚子新鮮，大蝦夠大隻扎肉撈檬：扎肉夠大件，檬粉都彈牙串燒：大大件，燒得幾香，可惜唦嗲冇咩味蟹肉芒果炒飯：都算有鑊氣，全晚最like炒西蘭花：不過不失馬拉棧通菜：味道偏咸炸蝦餅：全晚最差，無蝦味整體而言，餐廳質素一般，不過不失。算是可以一試之選，不過我就未必再encore.

放工後同同事去左旺角的億膳食晚飯，呢間餐廳係港式X越式的fusion 菜。鋪頭裝修好簡潔，感覺舒服。入座後我地叫左幾道小菜： 黑松露野菌炆伊麵 - 黑松露味濃郁，伊麵唔會太油膩，炆得煙韌夠乾身。花旗參烏雞排骨湯 – 湯頭花旗參味夠濃，味道甘甜，火候十足，湯料亦好豐富，好滋補。香茅泰式明爐烏頭 – 烏頭肉質鮮嫩幼滑而且鮮甜，個酸辣汁香濃惹味，非常醒胃。蒜蓉炒通菜 -有鑊氣之餘通菜仲好翠綠，炒得恰到好處。d通菜通菜又鮮又爽，口感幼嫩，而且好入味，蒜香味十足， 椒鹽炸豆腐 - 外皮炸到卜卜脆，入面的豆腐仍然保持滑溜溜的狀態，配埋椒鹽，夠曬惹味。椒鹽香茅豬扒 - 豬扒份量十足， 炸得香口酥脆。豬扒有肥有瘦，有嚼口，唔會黐牙，富肉味，充滿肉汁，送飯一流。

有小朋友的坐椅，好可愛！雖然我哋有三個人，但係見呢個二人餐好似好多野，就點呢個睇下夠唔夠食喇！2人晚市套餐 $328柚子鮮蝦沙律🥗呢個沙律好特別，因為平時食到嘅都係菜或者其他common 啲嘅生果，例如蘋果咁，今次加咗柚子，比較juicy 牛油雞翼雞翼皮嘅牛油味極香濃，配上雞翼肉質軟滑，食落好想再食，可惜只有兩隻串燒沙嗲雞肉、豬肉當濃牛油味仲停留喺口腔內嘅時候，串燒沙嗲肉已經嚟到先試一啖冇點沙嗲汁嘅，唔錯！咬落去啲肉汁滲出嚟當然點咗沙嗲汁係會再濃味少少串燒安格斯牛肉香芒蟹肉炒飯夏天為大地帶嚟芒果，而芒果除咗製作甜品之外，原來仲可以mix喺餸菜裡面芒果微熱配上熱辣辣嘅蟹肉炒飯，飯粒間見到絲絲蟹肉，食落好家常炒飯嘅感覺炒菜心椰汁三色冰 花膠烏雞香菇燉湯 （不包括在二人餐內）冬蔭公

每次有朋友生日，都係R晒頭唔知去邊同佢慶足，有時又唔想太貴，有時又唔想太遠，咁岩今日做野附近見到呢度，之前睇ig都見過唔少人食完讚好，所以打去係度幫朋友慶生！ 香芒蟹肉炒飯，炒的飯粒粒粒分明，我就最鐘意呢種，飯與飯之間有蟹肉，超好吃！我覺得呢度既串燒最令人回味，串燒沙爹豬肉同牛肉唔會燒到太燶，沾上餐廳提供的醬料，更增添滋味！花膠烏雞香姑燉湯，一開始望落黑黑地，有點懷疑，但係一飲落飲得出就知係真材實料的燉湯，好夠火喉，，而且聽呀媽講花膠養顏，就算我係男仔有時候都要照顧下皮膚架嘛～哈哈炒菜心炒得好入味，其實我本人真係好鐘意食菜架，所以點都會叫返一碟時蔬食！冬陰公湯都好正，我認為一間泰式餐廳的著眼點好大程度係落係個冬陰公湯度，呢度既冬陰公湯酸辣程度適中，而且好足料，如果一個人飲完碗湯同埋食埋D料，相信應該好飽！

同妹妹行街街見呢間億膳好似唔錯🧐一入鋪頭見高朋滿座✔️✔️果然無失望🍲🥘🥖🍜🍛個Menu真係包羅萬象中越泰式料理都有見到隔離枱大讚個燉湯🤪但我同妹妹心思思想食東南亞野所以無簡😹我既龍眼冰同妹妹的三色冰🤤🤤🤤🤤爽到爆！！主食菠蘿炒飯🍍粒粒分明炒得又香又好味加上菠蘿既鮮甜👍🏻👍🏻非常對辦冬蔭公湯河🍜🦀🦐🦑🍄酸鮮辣香甜都齊🤤勁足料粒粒海鮮香菇香茅啖啖都滋味🤤軟殼蟹牛油果卷🌮軟殼蟹炸得勁香脆，配上煙軔米紙同牛油果口感好多層次，very nice !黎多個芒果黑糯米🍚芒果勁香甜，配上黑糯米加椰汁一直係我的最愛！正呀！價錢可接受-食物質素咁出眾我覺得性價高！

朋友生日，約埋三五知己開餐， 地方不算大 ， 我們坐在一邊 ，方便傾計， 上菜快，食物質素不錯，價錢合理，服務可以 大蝦柚子沙律- 我覺得一般 冬陰公湯-非常之好飲 越式拼盤-食物種類還可以 炒金邊粉- 炒得好乾身，味道剛剛好 牛油雞翼- 還可以 馬拉盞炒通菜- 炒得好好食，味道剛剛好 串燒-必食,燒得剛剛好 生菜包-麻麻地，唔夠香及辣整體上，值得再去，食物種類多，質素不差，雖然用餐90分鐘，但沒有客人等枱， 他們沒有催我們交枱，餐廳位置方便，坐埋一邊枱方便傾計，讚！

係openrice見到有超過200個好評既中式餐廳，諗住同屋企人黎食下中菜啦，上到黎先知原來呢間野主要係食越南同泰國野。。。都算，咁照落order啦，點知d野食都係伏。。。388既龍蝦餐無咩蝦肉，咖哩雜菜得幾條菜同幾舊薯仔，生菜包勁多肥肉，每碟份量又勁少。。。我都未試過嬲到一個點要黎呢到寫食評，因為我想大家知道，我很懷疑亦難以想像這間餐廳會有超過200個既真實好評，好評背後原因相信大家都知。希望呢篇負評可以救到大家🙏🏻

上openrice見呢間餐廳好多好評, 以為無死啦, 約埋男朋友去食誰知食到一肚氣 上到去無乜人, 以經心知不妙叫左個菠蘿炒飯, 唔知係唔係用返回收菠蘿黎出, 一陣叔味, 又爛爛地, 好似用過好多次咁, 串燒就一條條柴咁, 點食呀咬都唔開, 牛肉湯河d湯係凍既, 牛又未熟, 食和牛刺身嗎又唔係多人, 出咁既野俾我, 又唔飽, 又貴, 我同男朋友食左少少就算, 第二日我同男朋友都肚疴左成日, 所以決定報左案先, 又貴又難食, d食評係真係假, 係唔係東主俾錢買既, 大家自己心照喇

今晚又要陪伴老公去旺角探望奶奶，之後去油麻地果欄買生果，之後想起這裡，便來到了。可能時間還早，我們是第一枱客。到了七點後客人才陸續進入了。這裡看似不大地方，不過都可以坐50-60人。海南雞半隻$160，足足半隻雞，雞肉嫩滑，雞皮爽口，有𦍑蓉、酸辣醬汁可選，令雞肉味道提升。馬拉盞炒通菜$72，鑊氣十足，如果鹹少少，味道更好。冬蔭公$108，材料豐富，有帶子、蝦、草菇、茄子🍆、蕃茄、冬菇🍄、蟹柳。味道比較其他的泰國菜濃郁，酸辣適中，喜歡濃味的冬蔭公，是必試之選。

呢間樓上餐廳係喺旺角做嘢嘅朋友介紹嘅，貪佢雲集多國美食，選擇比較多。今日嚟到都仲係六點幾，所以比較少人。夜晚可以約朋友飲嘢，可以比較坐得耐小小。牛油果軟殼蟹米紙卷，米紙薄得嚟煙韌，軟殼蟹足料，都用左半隻蟹，炸得脆身又唔油膩，留有蟹汁。掩埋酸辣汁好開胃不過牛油果略嫌有少少未夠熟炒四季豆，好有鑊氣又唔算太油，作為送飯嘅小菜一流！泰式明爐烏頭魚，稍為對比起上一道菜相對失色。魚雖然叫做大條，但汁唔夠酸辣，可以見到餸菜只係有番茄，瓜，豬肉碎，同埋鮮冬菇。香茅，檸檬葉等等嘅香料就冇啦。最後我哋自己加咗啲魚露，先叫做搵返泰式嘅感覺最後嘅芒果糯米飯 係一個完美嘅結局。用咗超甜芒果，黑糯米軟中有口感。唯獨係用一個凹凸不平嘅碟，個人有少少潔癖，有啲唔太衛生整體來講都係一個選擇好多，菜式不過不失嘅餐廳

去完旺角辦事就喺附近覓食。媽媽話平時都有上譽發大廈依度揾食，今日就揀咗依間餐廳，有中式燉湯、泰式冬陰公炒飯、越式湯河等，集齊中泰越菜，就哂唔同人喜好😂餐廳一打開𨋢門就係，前枱有個茶水吧放滿各色各樣嘅調酒。枱頭有樽燈泡形魚露可以用，外形幾得意。首先，一開始我地點咗個牛油果軟殼蟹米紙卷。估唔到一上菜見到米紙卷包住嘅生菜咁茂盛。透明嘅米紙卷個皮都算薄，帶有少少咬口，生菜都夠新鮮。值得一提嘅係入面舊軟殻蟹夠哂大，除咗蟹腳外仲有連埋中間蟹肉嘅部分。安格斯牛柳粒炒飯。估唔到個炒飯同個牛肉炒得咁有鑊氣。炒飯入面仲有唔少蛋碎，同樣係有煎過嘅感覺，而且個飯都算粒粒分明。牛肉除咗入味有鑊氣外，肉質都係有咬口，唔會好似lar過咁腍。原本我地想叫個海斑食，但餐廳話冇貨，結果我地就點咗個蝦球取代佢，但同樣有驚喜。一上菜見到色彩咁鮮豔已經覺得賞心悅目，有紅黃綠三色椒同埋西芹西蘭花。成碟餸炒得好好食，入味有鑊氣，蝦球大大隻而且係彈牙嘅。

呢間餐廳其實你可以話佢好奇怪，因為佢係包含成個東南亞啲菜式，主打係燉湯。今日同朋友嚟呢度，透過apps定位，六個人，食咗10樣嘢，每人$200都唔使，其實都幾抵食叫咗炸雞翼，即叫即炸非常好食串燒亦都一啲都唔會好乾。柚子沙律，食材好新鮮，不過份量稍為細。又叫咗個粉絲煲，味道好濃，好鹹啊。記得上一次黎嘅時候，都唔係咁多人，點知今晚再嚟，竟然要坐到出裂口，感覺唔係咁好，其實我覺得座位安排上面應該可以有更加好嘅選擇。南乳雞，一啲都唔趣皮有啲失望食物一般，座位好迫

雖然屋企有湯飲，但係想飲燉湯，又唔想老婆咁辛苦，我通常都會選擇出去飲！要搵到一間唔落味精，但又煲得好飲嘅湯水專門店！結果我搵到呢間！鮑魚烏雞燉湯，堅係有鮑魚上！而且有足料烏雞煲湯，滋保又好飲！花膠烏雞香菇燉湯，菇味濃郁，加上膠原蛋白充足，老婆最岩飲！串燒都係必須點的！呢度嘅串燒有甜甜味道，好適合大人細路食！而且肉都好林，連牛肉都香軟肉林，當然要一人一寸啦！而且性價比高，我地都叫左好多！海南雞飯，隻雞好大隻好肥美啊！而且個汁好味，酸甜送飯一流！火車頭河粉滿足唔想食飯但又想食好多種類食物嘅老婆！不過好大碗，一定要share食！菠蘿炒飯，幾有特色，又好食!

今晚去左一間越，泰，中菜餐廳食飯，未曾試過打開menu要考慮十五分鐘才揀定吃甚麼，全因揀唔定應該食中菜，泰菜或越菜，當然，最後都係鍾意食乜就叫乜la燉湯共有6款，我揀左豬肺排骨萬壽果燉湯~ 湯料好豐富，有排骨，豬肺，木瓜，南北杏，木瓜好甜，啖湯好滋潤，飲完湯，口中還留有餘韻，好正軟殼蟹牛油果米紙卷~ 軟殼蟹加埋牛油果真係好夾，米紙好薄，連埋沙律菜一齊食，爽呀蒜香牛油雞翼~ 超濃的牛油和蒜香味，外面炸得脆脆的，而內面仍keep住好juicy, 已經很久沒有食過咁好味的牛油雞翼，好回味啊！火車頭牛肉湯河~ 除左肥牛外，還有牛丸，牛筋，牛柏葉，洋葱，湯底有好濃的牛味，yummy牛肉半生熟，入口即溶，正呀咖喱牛筋腩~牛筋炆得好腍，牛腩有咬口，咖喱唔算好濃味法式蒜茸包~ 焗得好脆好香口，蒜茸味十分，好正呀蒜茸包點埋咖喱汁一齊食，好美味呀