元帥麵館 (已結業)

元帥腩肉米線 ($34)我每次嚟都係食呢個，我本身好鍾意食腩肉，咬感唔會太硬實，呢度嘅腩肉係本身有少少辣，所以令成碗米線食落更加過癮。另外米線本身都好爽口，唔會太淋太碎，而面頭嘅芫荽蔥同肉碎，亦令成碗米線更加香口入味，忍唔住食完一啖又一啖。呀～仲有條娃娃菜吸晒湯底啲味，都係非常正！(⁎⁍̴̛ᴗ⁍̴̛⁎)舖面細細，但都算企理乾淨，店員都態度好好呀～ 呢度仲有早餐㗎，好似都係同一個價錢但多個餐包同飲品，不過麵底應該少啲啲。

今天難得在路得圍附近行，機緣巧合下在門口見到有手工麵食，就入左去食個lunch, 地方都算乾淨，侍應姨姨都好好禮貌，今天閒日，可能時間尚早，幸好人流不算多，所以可以安靜地食個麵吃了個酸辣炸醬腩肉醬爆丸手工麵，個人覺得小辣似微辣，愛食辣既人應該可以食辣d....碗麵比想像中大碗，腩肉唔錯 但唔算特別出色，手工麵好好食，好有咬口，湯底夠味，都唔會好油在路得圍附近 個人覺得算是其中一間可以再encore既食店同埋價錢都算便宜

元帥麵館位於荃灣路德圍，是一間手工麵的小店舖，裝修簡潔。元帥麵館除了自家製的手工麵外，也有米線，薯粉，河粉等選擇..價格不不貴👍🏻份量亦不少，湯底沒有味精，夠健康！麵底有咬感👍🏻

係戶戶送又叫過呢間 但係原來唔知佢真址竟然都係大河道個邊😱個頭好多野食 簡直就係荃灣掃街之選🤣推薦大家去個邊搵野食喔！🍝元帥京醬麵 💰32（加菜心💰7）一上來就色彩繽紛令人眼花撩亂🤣但係其實全部都係普通配料來的！有黃豆 青瓜 蘿蔔絲 京式炸醬同埋芽菜！我嗌左小辣！係碗底有D辣汁同湯for撈😍個辣汁同碗麵簡直就係天作之合 連埋D京式炸醬超惹味！粗麵同幼麵我都試過！粗麵會煙韌D 但係幼麵都有撈麵嘅天賦！兩種都超適合撈麵同炸醬😭super推薦！🍜元帥牛展湯麵 💰42呢碗就有湯唔係乾曾曾啦🤣都係會有最popular嘅京式炸醬係面😍而又有D辣汁係隔離 比你自己撈一撈 調教辣度！呢碗就嗌左中辣 但係其實都唔算好辣 可能係有湯嘅作用！我個人就鍾意乾身撈麵多D啦🙈🧆醬豬手 💰28呢個價錢同呢碟野相比真係抵到爛！超大舊嘅豬手有足足六舊！而且醬汁調得好入味 又唔會話太膩太厚重！豬手本身唔會好肥 有D肉地 就算好耐冇食過嫌油膩嘅人我相信配埋個汁都可以接受😍十分推薦！p.s.🍧雪山豆腐 💰20呢個純粹係上次嗌戶戶送個陣食架 不過都係一次過寫埋好🤣豆腐本身應該係山水豆腐D frd 甜甜地！下面辣汁會多油！但係上

因為隔離鋪嘅米線都試過，所以今次揀呢間黎試😋🍜份量好大！姐姐服務很友善！元帥京醬粗麵好入味嘅醬汁，配自家製粗麵😍好似烏冬，口感比烏冬實啲，好特別，受到姐姐熱烈推介所以揀左黎試😆姐姐個個都好友善！ 元帥酸菜炸醬湯米線天氣好凍，要食碗熱辣辣米線，米線口感好正，好適中的軟硬度！係本人最鍾意嘅口感！😍配左酸菜好有味，但又唔會鹹，湯底都唔會好鹹，一邊食一邊都似左好多湯😂好味👍🏻下次想食米線都可以再番黎噃😋🍜另外加左碟爽口藕片！係口水雞咁嘅味嘅汁，辣辣地好好味！可以番call！

父親節前夕，在荃灣搜購父親節禮物的時候忽然有一點哦，才想起原來我早餐還未吃。路德圍是一個好地方，要吃要喝應有盡有，最後還可以用豆腐花來作結尾， 十分美好。這間麵館位於路德圍，主打是京醬的撈麵，面有湯麵跟撈麵之分，在我的邏輯來說，要試一間麵館的麵，首先要從撈麵入手。我點了一個京醬撈米線，配料點了魚皮餃和麻辣腩肉，伴中辣。我的餐到了，二話不說先和配料混合一下，但是明明我點了中辣，卻一點辣味也沒有，腩肉和魚皮餃比較一般，但不得不說那個京醬真是比較惹味米線也有咬口不會很淋。但是比較遜色的是這家店的店員禮貌並不是很好，對於其他桌的客人說話也不是很客氣，這個是一個有待改善的地方，整體還算是中規中矩吧！

路德圍一帶好多餐廳，元帥麵店主打麵食，但係確實不見常滿，或者經過時段睇唔到。通常D人湧晒去龍字頭，其實另整個飲食經營環境不健康。元帥麵店其實都幾有心機做，正常宗旨係食野就食野，讀書時讀書，遊戲時遊戲。入面環境四方，簡單，唔太大但係都算坐得唔迫。主打麵食，簡簡單單，靠實力。叫左一碗元帥肉燥加雞翼麵試下，另外仲有好多餸可以揀，好似車仔麵咁，不過佢D麵煙韌。仲有其他小食任君選擇。麵幾有咬口，略嫌沒有醬汁及肉燥不夠，也不用太咸。35蚊都算幾合理，當然唔包飲品，如果夜晚一個人想食個麵，可以是不錯選擇，唔洗成日米線米線嘅。😂😂😂希望大家支持小店。

跟同事叫外賣，本來揀了另一間，可惜突然暫停外賣，之後揀了這間麵舖，看賣相好像OK的，我叫了腩肉+水餃粗麵，飲豆漿。送外賣好快。一碗麵，一碗湯的。感覺良好。打開見到有一些豬腩肉，䓤花，炸醬，粗麵，我初初以為係雲吞麵店的粗麵，原來係手工粗麵。我食小辣，但唔係辣味的，係咸味，腩肉就唔肥既，OK的，炸醬不是平時食開的。最冇誠意係水餃，竟然係買回來的粟米豬肉餃又細粒，失望！！粗麵食得出手工製造，份量也好多的，不過好漏及滯。豆漿就OK不是太甜

自己送錯餐，我當時已經話係比小朋友食，小朋友食唔到辣野，電話裡嘅女人哀左我好耐，我體諒佢地留低左，仲話要補返麵比我。我當天下午自己係屋企煲左幾煲熱水洗果碗麵，最後小朋友都係話辣食唔到。好，我都算罷。結果第二日去左鋪頭不認數唔打止，仲話送錯的果份仲貴過我點嘅。阿姐，好心搞清楚，我係自己點餐唔係求其等你哋派野食ok？好心奉勸大家唔好點尼間外賣，費事比錯你哋野唔換仲話你哋攞左佢地好處！真係好心體諒佢地仲要受氣。激氣！

聽到這間元帥麵館，名字好像很耳熟，都想不起在哪兒見過，後來發現即元朗千色對面那家因為在荃灣附近，想不到吃什麼，結果走着走着，又來到路德圍，看到這間麵館不是只有米線或是紅薯粉，有些自家製的麵條，於是一試。進店之後，阿姐就非常之落力介紹餐牌😁說「1號」至「3號」都是撈麵，其他就是湯麵，還指出下午茶時段贈送豆漿或是汽水。這家的麵條有幼有粗，友人點了幼的，好像那些手攪麵一般的粗幼，還算彈牙；幸好我就點了粗的麵條，麵條果然比較粗，而且非常之彈牙，甚具嚼勁，份量不太多，但夠粗夠彈，整碗也吃得挺為過癮！撈麵還會有些炸醬、蔥粒、花生，原來我點的那款就是沒有炸黃豆。加了一個餸就是腩肉，腩肉不算太肥，有些瘦肉，旁邊少許爽腩肉，質素好像「川味」那些腩肉。如果吃得多撈米線或是撈紅薯粉，對川味或是同類型餐館比較沉悶😪的話，到這間元帥麵館是不是也是不錯的選擇，而且下午茶送可樂也不會加錢。

星期六晚上，在荃灣行完街，搵嘢食經過路德圍，今天晚上人流非常多，好多間都需要等位，並且好多間都已經食過，剛巧經過元帥麵館，跟我女朋友一齊望望有什麼好吃，誰知道裏面的服務員，非常熱情地邀請我們進去，這個位我覺得值得加分，入到去先睇睇餐牌咁樣見到價錢都唔係貴，並且去比一般的米線店有一點不同，就是他撈麵都有很多選擇，我就叫咗個元帥撈粗麵加豬頸肉，我女友就要咗個元帥京醬麵加腩肉，這兩碗面的醬汁都好特別，跟一般的米線店不同，一般的米線店主要都係辣為主，但這兩款醬汁是甜甜地小小辣，所以食落幾好味，其中介紹豬頸肉，味道非常好值得推介，下次準備會來試吓他的湯麵，到時再寫食評。

行過路德圍，本身想係一眾米線舖當中，揀番間醫下肚。點知發現左呢間手工麵舖做緊promotion，就勇敢一試😂嗌番個招牌既元帥京醬麵，應該無死掛😅係撈麵黎既，所以揀左粗麵，小辣加豬耳。望落碗麵係正常份量，要連配料撈好先食，不過略嫌唔夠醬撈，有啲dry。食落味道正常，但係抱歉，我食完成碗麵都食唔出，京醬究竟即係乜野醬🙃唔知係我消化能力問題啊，定係其彡得事，我已經食得好慢，但係碗麵滯咗喺我個胃度一整晚😑

返工獨自食lunch，行行下發掘到呢間小店，見d位唔太full就入左去食。呢間野主打手工面，同一般粉面舖一樣，揀完湯底再揀配菜。我點左個元帥酸辣炸醬面+豬頸肉+蘿蔔可以揀粗面/幼面/米線，我要左幼面呢。本身以為點既係撈面，原來我睇漏左上面寫湯面系列碗面好大份，面質有咬口，果然手工面係煙韌一d！豬頸肉係就咁白烚，如果預先煎香會好味d，同埋有少少肥膏不過蘿蔔煮得幾淋，又夠入味。另外，午餐加6蚊有豆漿，性價比高

荃灣的確有唔少餐廳可以選擇,為什麼今次食呢間呢？一定有某因素吸引你來的。香港地方細舖租貴，除了茶樓、西餐，很多地方都比較迫的，特別是路德圍這條街。其實這店舖的坐位比其他的闊好多了，第一次聽到有人這樣說。環境是新裝修，應該很整潔。很多時候客人一家老少光顧，地上的垃圾可能當天小孩子吃到四處，店員也忙著招呼客人沒有即時清理。所有麵食包括牛展麵暫時仍是優惠價，飲品只需6元優惠價購買，餐牌已清楚說明。常常好多人因為碗麵大碗吃不完都會說扣底。牛展份量按標準份量，你說對，口感唔錯所以有好多客人特意走來吃牛展麵。

荃灣ㄧ間類似谭仔既麺店。坐得唔舒服。 店窄。平民店ok 勉強接受茶餐廳會舒服過佢。店員唔係無禮貌, 但上餐上錯好多次。同兩位店員幾忙下(因為太多錯漏)佢地次次都出菜比錯的枱。我要見到我個麺叫住佢比我。人地既麵亦多過ㄧ次放係我面前。同枱order 落漏加底。味道可以話係難食, 我個麵下面好多鼓油汁。麻醬味被混淡。麵多餸少。幼麵麵質幾淋下。加ㄧ餸四十蚊有找既。但個麺麻麻, 逐個餸加會幾貴下。唔會有下次。連譚仔都比唔過 (我去谭仔食清湯唔食得辣)