元朗冰室

營業中

休息中

放工後於寶琳站一帶搵食剛好經過見到這家新開的餐廳就來試試～元朗冰室的招牌是「厚豬扒專門店」餐牌果然都是充滿著厚豬扒～於是我選了馳名厚豬扒全日早餐老公就選厚豬扒烏冬馳名厚豬扒全日早餐，當然有厚豬扒配茄汁豆﹑歐陸腸﹑火腿﹑炒蛋﹑牛角酥及田園沙律一上桌的時候，牛角酥比厚豬扒吸睛厚豬扒啖啖肉，好有咬口，肉質不會粗糙，質感尚算鬆軟～～牛角酥夠大件，暖暖的，酥皮夠鬆化！！帶點牛油香，好味！炒蛋幾香滑，但份量偏小，不太夠喉！火腿及腸質素普通，不會鹹，歐陸腸帶點香草味～田園沙律加入了麻醬，穩穩陣陣！厚豬扒烏冬，對比All day breakfast就稍為遜色！這塊厚豬扒煎得較為香，也沒那麼乾身～但烏冬就只是最普通的清湯烏冬，加少少椰菜，沒什麼特別！整體而言，喜歡有咬口的豬扒會覺得豬扒不錯～但其他食物還有進步的空間啊！

落錯單，更正叫埋單，等左半小時，收銀姐經只過來問是否俾現金，現金就不用改單，先發現仍未改到單，上唔到菜，舖內管理完全唔對辨，催左幾次，最後一次話馬上到馬上到，最後都等了15分鐘

好難食，早餐和午餐一樣難食。佢的招牌豬扒，係大伏，一點都不厚切，仲要係用粉「那」到佢所謂的「超林」，其實係劣質豬扒扮優質。大大活的一哥豬扒仲好食！然後到早餐，比多次機會，諗住試下，點知。。浪費左我一個早餐quota：1）炒蛋，又乾又細份，應該都有一隻蛋的2）厚多士，係toasted完放左好耐，林晒，我係9:15am去食囉3）雪菜肉c米粉：劣質米粉，發脹晒仲要$35，基本早餐的質素都冇！來呢間分店之前，我試過坑口個間，已經係劣質，比多兩次機會寶林呢間分店，果然繼續令人失望。

聽友人強烈推介，好味到佢要一星期有3日晚餐都喺到食，真係不得不試下！一入到去感覺已經唔錯，因為地方夠寬落。安排左卡位俾我地坐，有小朋友一齊食，可以喺地方寬落嘅地方食真係萬分感恩呀 ！友人力薦豬扒飯，就叫左個豬扒辣肉醬飯！豬扒好大塊，肉質鬆口，唔乾唔硬唔鞋辣肉醬撈飯真係十分醒胃呀，咁嘅份量同質素包埋野飲先$5x真係好抵食另外因爲友人要同小朋友share就叫左厚切酸菜豬扒飯，配嘅係豉油汁，小朋友食到想添飯！

元朗冰室喺新都城3期開咗間分店，網上群組都有好多評價唔錯，鬆厚又唔鞋嘅豬扒，真係聽到都即刻想試。除咗每人叫咗個主食仲叫咗1份小食1個下午茶餐，餐廳卡座多，坐得幾舒適，食物質素幾好，整體感覺唔錯。炸雞脾，唔算大隻，幾入味，外脆内熱，大部份肉都幾嫩滑。冰室一口西多士，煉奶同朱古力醬但出奇唔係勁甜。焗意式厚豬扒意粉，雖然顏色唔鮮紅，味道唔算淡，菠蘿亦幾甜，切好嘅厚身豬扒啖啖肉。厚豬扒烏冬，烏冬就一般，豬扒夠厚身，唔係醃到好軟嗰種，保留到豬扒嘅口感。Double豬扒飯，每塊厚薄適中，一塊鞋咗少少，一塊較鬆軟，兩塊都好味，豉油要續少落，有啲鹹。濃湯配豬軟骨拉麵，拉麵就一般，四件豬軟炆得又淋又入味，半隻半熟蛋，湯都夠味。三杯分別係奶茶，阿華田，兒童鴛鴦(阿華田加好立克)，不過兒童鴛鴦只有阿華田味。紅豆冰好多豆。

🤪突然被通知無煮飯，醒起呢間冰室新開未食過，見佢有時都有啲人龍出邊等下，出名係食厚豬扒，都有少少興趣～咁今晚就見識下喇😌叫左個焗意式厚豬扒意粉$56～等左五六分鐘就有，細心位係職員放低時，叫你小心唔好掂到個邊，因為好熱，但奇怪位係，職員操流利普通話同我講，我似大陸人咩？😂😂😂😂賣相其實一般般，啲色好深，四五舊菠蘿，四五舊蕃茄，配合又少又西埋左一邊既芝士，覺得少少扣分🤣🤣🤣食落唔算好熱，意粉有啲硬身，豬扒幾多，切開晒有四小塊，真係幾厚身😅有啲咬落幾juicy幾有肉汁，有啲咬落有啲乾，可能因為厚，所以有少少硬，芝士唔係好溶，擺得唔均勻又唔多，又唔香，得果少少芝士味，真係少少咁多多🤣🤣食完唔知點解有啲起痰hahaha

星期六做完運動就坑口試下這間冰室，平時經過都算多人，今日難得唔試等位，仲有卡位坐，就擇了這間冰室食過下午餐。俾大家睇下個餐牌，正常茶記餐牌，選擇算多，叫左個特大炸脾同一碟星洲炒米。特大炸脾，老實說普通炸雞脾，很普通，沒有驚喜，薯條也是一般，沒有什麼特別，雞脾近骨頭還有少許紅，相信應該是炸的時間不夠，小篇吃到最後一口才見到，那就算了吧。餐飲見了熱奶茶，味道一般，可接受。最後一碟星洲炒米，味道比較淡，從相片中也見到調味不夠，辣味完全沒有，唯一份量是足夠的。

可能尚算新開張，頗多食客光顧，可惜不知是否人太多，人手不足，所以叫了個全日早餐，等好耐都未有，甚至同行友人叫的午餐也差不多吃完也未到。於是再找侍應跟進, 她亦只是敷衍了事。到最终食物上桌時，食物完全是凍的。午餐叫口水雞飯是可以的。希望過一排，人少了，情況會好一點。

晨早嘆個豐富早餐好重要，有新開既冰室當然要嚟試下炸魚柳粉漿都幾新，上枱都熱辣辣脆卜卜 ，但配以凍冰冰既茄汁豆就好似冰火口感，蒜蓉厚多士雖然係微暖，但味道出奇不錯，幾香口，如果做到熱辣辣效果一定會加分，餐廳大部份早餐都配炒蛋，所以想食太陽蛋就要重點同職員講…因為我講完再上嚟都係炒蛋，當然最後有換比我蕃茄牛肉通粉蕃茄湯底唔夠味，都係大家樂牛尾湯好味d，鮮牛肉唔會過韌，可以接受呢度出名豬扒，但早餐呢個價都有d過份，但豬扒都大塊夠味，未至於食完要再食甘…＃可能新開關係，職員服務好好

食過旺角同太子嘅厚豬扒飯，係將軍澳店呢間質素 keep 唔到，諗住新開店去試下，但呢間個豬扒食落肉質唔爽，塊豬扒仲比較硬，環境一般，地面比較油及滑，特別坐近洗碗房，成地都係廚餘. 試過一次已夠。

今次專登試試新開的元朗冰室，話說奶茶及豬扒好味。由於不愛吃肉，厚豬扒對於我來說一點也不吸引，反而就試試奶茶吧！入面環境偏窄，2份早餐放上枱就冇晒位，拿拿淋食元一碟，等人收左騰返d 空間，唔到1個手位就係另一張枱，狹窄程度好似去左麥記咁。講到食物，蛋同蒜蓉包不錯，而火腿通粉及沙爹牛肉麵則一般，沙爹味不夠，沙茶味則很明顯。奶茶亦是一般，若果以呢個價錢，質素應該可以好d. 可能是聽到人說好，故有相當期望，吃罷只覺是間貴價普通茶餐廳。

話說聽聞有間元朗冰室開左係寶琳，聽朋友講話食過太子果間覺得5錯，甘我就抱住試下既心態帶埋女朋友去試...呢間野出名豬扒，甘既然黎試既梗係試佢最出名既.. 值得一提既係佢有辛辣麵，呢個我好小見到有，我自己都鍾意食辣，一般既辣度我都接受到（大約最譚仔食到中辣） 於是我就點左辛辣麵+豬扒既餐。價錢其實麵5算平.. 以個麵+豬扒要成50$野食黎到，賣相以呢類型茶記既黎講5錯既都算。至於野食味值方面，佢個辛辣麵比起自己買既杯麵辣好多，比我想像中辣啲，都5錯。麵5會太淋，不過我相信呢個只要有落單講淋啲定硬啲麵可以做到自己鍾意既口感既。重頭戲！坦白講，睇落去5差既。佢個包好食，真心好食！平時好多時我食呢啲餐，個多士我真係麻麻地，有時咬兩啖就放棄。但佢呢度，我成塊食哂，真係好食。豬扒方面... 比我想像中差，切落去好韌.. 佢成塊有小小位係嫩，嫩果幾啖真心好正，但成塊切得2，3舊仔.. 我真係...女朋友竟然無影相.. 所以5評佢果個啦～今次係甘多！下次食好野再評過！

聽人講話寶琳開咗間新冰室仲好似好出名有好多分店所以就決定試吓。不枉為厚豬扒專門店😋豬扒果然好掂👍🏻食飯時候果然好多人🐷豬扒厚得來好大塊，真係好厚食到好飽！唔會好硬實，豬扒有脆邊，唔算多油。豬調過味鹹鹹地，似用生抽醃🧐不過剛剛好唔會太鹹。值得為豬扒而encore再來幫襯。👓厚豬扒配特製酸菜飯 $52普通啦都係就咁加啲酸菜係側邊。評分：6/10👓厚豬扒配蓮藕餅飯 $52平時出去食嘅蓮藕餅係密集蓮藕碎，而依個係大粒蓮藕粒而稀疏，明顯咬到蓮藕粒有口感，但好似傳統嘅密集式好食啲。肉質比較實，加咗芫茜所以食落明顯有分別。面頭浸左蛋煎所以金黃色有蛋燶邊香脆，不過整體似食緊蛋餅多過蓮藕餅(好似都係傳統好食啲)評分：6.5/10👓厚豬扒配辣肉醬飯 $52肉醬偏偏辣要撈飯食先得，的確有少少辣如果食唔到辣嘅人唔好叫，不過辣嘢係惹味嘅。評分：7/10👓焗意式厚豬扒飯 $56飯汁似鐵板餐嘅洋蔥燒汁。正常蛋炒飯底。同樣口豬扒，不過普通豬扒飯外皮香脆啲味道好啲好食過焗飯。評分：6.5/10🐷如果啲飯有豬扒嘅話其實唔會差得去邊。