元札幌拉麵 (宇晴軒商場) (已結業)

I was craving for ramen since returning from japan and my friend recommended this little ramen gem in the neighbourhood It is very well decorated imitating the authentic Japanese ramen shop you would see in japan.Love their extensive menu and lovely staffs! And of course the ramen there is so good that I almost feel like I was back in japan enjoying my meal for a moment! Would definitely come back for my ramen craving!

去完超市購物，去了食拉麵。此店經過了很多次，但是第一次入去，想不到面積那麼大。本身以為是普通一間拉麵店，想不到除了拉麵，還有不少其他選擇，又有不同的套餐。最終選了一個叉燒拉麵，配餃子及雜錦串燒。叉燒拉麵大大碗，鋪了滿滿的叉燒，很稔。麵是我喜歡的質感，粗黃，彈牙。餃子有4隻，外脆內軟。而雜錦串燒有4款，包括雞翼、雞軟骨、雞肉串和冬菇，此套餐份量真驚人，價錢亦合理。另外要了個燒鯖魚套餐，除了有鯖魚，還有沙律、蒸蛋、味噌湯，還有汽水。下次可以試試其他套餐。

今日同朋友係附近玩夜左，未食飯，餓餓地周圍搵食。時間去到8點半，商場好多店舖都開始落閘，要搵到野食都唔容易，零零丁丁見到呢間仲開住門做生意，就入左去食。我叫左豚軟骨拉麵，d豬軟骨煮得剛剛好，保留左煙韌既口感，而且醃得好好味。不過個湯底就普普通通，唔算特別好食。朋友叫左雜錦拉麵，其實係豚骨拉麵既進化版，除左有豬軟骨，仲有其他餸，例如蟹柳。個蟹柳唔係普通係超市買到既頹蟹柳，應該係真蟹柳，味道幾甜幾好食。另外叫左個燒多春魚，個皮脆脆地咁幾好食，成條魚都食得，不過如果可以少d鹹就好啦。食完同朋友繼續吹左陣水，吹到大概9點半，當時周圍d客都走晒，都冇俾人趕，d職員算係咁啦。

有個朋友係荔枝角住，就佢就去左果邊搵野食，但估唔到宇晴軒商場會有咁多野食，我地揀左呢間拉麵店，我朋友成日食，佢話唔錯於是就入左去食，就咁睇個環境好似日本傳統嘅拉麵店，唔知味道又會唔會好有日本風味呢?佢有分好多唔同嘅個人套餐，可以自由組合拉麵同小食，大胃王嘅可以揀大套餐，有4款野食，而我就揀左拉麵配2款小食，拉麵係主角，我就北海道櫻花蝦拉麵，佢呢到仲可以揀麵嘅硬度，我就揀左普通。再跟一個迷你叉燒炒飯同自家製吉列豬扒飲番杯玄米茶先~北海道櫻花蝦拉麵: 份量非常之大，配料亦都好豐富，上面舖滿左好多櫻花蝦配上豬骨湯底，味道濃郁又唔會太重口味，就算飲左好多湯都會唔覺得油膩同多味精麵底好彈牙爽口。叉燒好軼腍入味，半肥瘦，入口即溶。迷你叉燒炒飯: 用左珍珠米炒，飯粒粒粒分明，入面有叉燒粒、蛋、雜菜粒，好豐富，食落好滿足，好多人會覺得炒飯會好油膩好易滯，呢個就無發生呢件事，上面仲加左少少酸薑絲，更加醒胃。自家製吉列豬扒:炸漿唔會好厚，點上醬汁，味道酸中帶甜，令味道更為豐富，增添層次感，仲配上大量椰菜絲，清新一下。最後飲番罐CC Lemon，fresh一下整體黎講啲野食都幾好味，幾親民，下次可以試下其他

今晚同朋友嚟到荔枝角附近食晚餐，見到呢間日本餐館，餐單睇落唔錯所以就試一試。叫咗個自選自選套餐松+梅+竹+菊（$188），有四個區域嘅食物可以選擇，點左招牌牛油拉麵+雜錦串燒+溫泉蛋牛舌飯+自家製餃子（4隻），算係有兩個主食同兩個小食。招牌牛油拉麵，配料有日本叉燒、粟米、海帶、竹筍、芽菜、洋蔥絲等，最後上面有一塊牛油，牛油味唔算太香濃，不過個湯底都幾好食，拉麵亦煮得剛剛好，唔會太過淋身。溫泉蛋牛舌飯，牛舌嘅份量都算多，而且煮到好入味好軟淋，再加一粒溫泉蛋，非常好食！飯係分開上，避免醬汁浸到啲飯淋晒。雜錦串燒，有燒香菇、燒雞軟骨、燒雞翼、燒雞軟骨棒四種種類，調味主要以鹽同七味粉為主，簡單嘅調味已經燒到好好食，推薦！最後自家製餃子，同鍋貼差不多，正常發揮，不特別點評。呢一個套餐叫咗四樣嘢食，比起單叫平好多，都幾推介比兩人去食！

拉麵店都去唔少，香港一係好貴，一係唔好食，真係好難搞今日去長沙灣食個晚餐就拉左間拉麵店，唔貴，但要睇下好唔好食首先黎一定係野飲日本既青檸梳打，飲落酸酸地，會好開胃，加埋梳打起夏天飲真係爽燒牛舌唔會好乾，有汁又有咬口 值得一試串燒拼盤雞軟骨。 有咬口，又香脆，正燒雞。雞扒算多汁，皮脆肉嫩，唔夠咸可以少少鹽燒冬菇。好多汁，菇味都幾重燒肉卷。有少少軟骨位正我最後選擇左炸豬扒蛋蓋飯食落蛋味都算濃，加上個飯汁微甜好好食上枱時炸豬扒仲係脆身又多汁，唔會乾。

週末通常唔係屋企食飯，通常去附近搵嘢食。我哋6:00就入到餐廳，所以冇乜人。餐牌好多選擇，散叫、套餐，樣樣都有，而且食物同埋飲品嘅選擇都幾多。我哋覺得晚市定食最抵食！$90嘅炸雞肉定食好豐富，有蒸蛋、前菜、湯、炸雞同埋飯！蒸蛋仲好嫩滑炸雞大大件，非常之香脆可口小食都好多選擇我哋要左串燒雞翼，味道淡左少少，不過外皮都幾香脆！雞肉串一份有兩支，淋咗啲燒汁，甜甜地幾好味。仲有薯仔沙律，雖然細細兜不過幾飽肚最後梗係要飲支汽水啦～我哋見好多人食拉麵，下次試吓先得！

今日約左個朋友去佢屋企附近D2 place行下睇下戲,行完睇完都開始有少少肚餓,佢話我去佢樓下商場食一間抵食既日本野。外面睇落似屋台上面掛晒燈籠咁.餐牌套餐以4君子松梅竹菊命名,個名幾有仙氣.同佢share左份4君子set同點左份泡菜豚肉鍋.泡菜豚肉鍋泡菜都幾足料,又唔會太辣同過酸食落幾入味,底下既娃娃菜夠淋吸晒湯底既味道.上面仲有粒流心蛋黃,吉穿佢即刻好治癒.豚肉不過不失唔會好肥.4君子以松為主食帶頭,之後3君子以小食為主,菊有小食/多份主食選擇所以其實可以當做2人set.拉麵有10幾款選擇,叉燒拉麵雖然係鹼水麵但食落唔會好濃鹼水味,麵質可以落單時選擇.揀左硬身質地食落麵條爽彈-合格.配料有齊筍絲,芽菜同海帶.叉燒肥瘦均勻軟淋.其餘小食做得認真,小食類味道不錯.雜錦串燒雞翼開邊打平燒,雞翼燒得幾脆身.雞軟骨唔會過燶咬落脆卜卜.雞肉串幾有驚喜入口咬到軟骨增加左份口感.冬菇唔會燒到乾晒,咬落仲保持住水份.

O完T放工喺荔枝角搵下野食，見到openrice有呢間日本野就特登行黎試下佢入到黎睇到餐牌，我相信選擇困難症嘅人一定好辛苦，因為真係太多嘢揀啦🤣🤣🤣呢個係溫泉蛋和牛窩飯，佢一黎到揭開個蓋就超級香！牛肉有小小黑椒味，唔會太濃烈，全個飯因為個溫泉蛋升華咗，味道唔錯另外佢仲有一個茶碗蒸作為套餐，呢個茶碗蒸蛋味都幾濃，做得幾滑，不錯。我本人超鍾意食蠔，見到佢有吉列蠔即叫！估唔到佢都有5大隻又真係炸得唔錯喎！佢裏面仲好多汁，好juicy 我哋仲叫咗個燒秋葵，佢一埋到呢我完全唔知呢蝶係咩🤣因為佢勁多木魚片係上面，仲郁郁下睇唔出佢都幾有心思！最後我哋仲叫咗個串燒活鰻，呢一個真係超有驚喜！首先佢非常之厚，咬落去第一啖，嘩估唔到佢都幾新鮮！燒得岩岩好，佢比平時鰻魚少啲汁，正因為咁更加特出佢味道，真心驚喜！

食物質素中上，點了一碗地獄拉獄，餐牌上有3個辣椒🌶，無辣不歡的人要點這個！溏心蛋也很不錯，雞蛋好滑。叉燒肥瘦都有，唔韌。-🌶🌶🌶地獄拉麵 ($72)-可惜，一間店的食物有多好吃但衛生差，這間店就是失敗，相信每個客人都對衛生有基本要求，例如整潔，環境乾淨。食到一半，看到一隻曱甴在旁邊的牆爬行，我的同伴已經嚇倒，再望望有另一隻在我的座位梳化上！是在我的袋子旁邊！嚇得要馬上離開座位，而且食慾大減，樓面情況已是這樣，入面廚房的更是不敢想像。真心要做好的話，衛生問題是一定一定要改善！沒有信心再來光顧了，除非有改善！

有咁大隻多啦A夢係門口做生招牌的確令人難以抗拒，朋友係多啦A夢既fans而且外面又裝飾得好和風就入左去試試。餐牌既選擇都幾多而且多元化，講得到既和食都齊全，打開其中一份餐牌見到有分為松梅竹菊咁有日本特色既名細望原來係自選套餐黎。套餐分為3款同朋友share左最豪華既配搭$188松梅竹菊。松-叉燒拉麵有得自己選擇麵質既偏好，揀左硬既我地出到黎合格口感爽彈，拉麵分量都幾多夠2但人share而且又燒份量一d都唔孤寒有成4片咁多當中仲有齊海帶芽菜荀乾呢d拉麵配料。梅-自家手包餃子皮薄內餡多菜少肉，餃子皮咬落煙靭唔會淋晒。竹-雜錦串燒十分抵有足4款而且燒得香又唔會燶，免治雞肉串內裏有粒粒雞軟骨咬落脆卜卜。菊-炸魷魚鬚炸皮薄面且鬆脆，魷魚爽口彈牙唔會咬唔開，大大份食完好滿足。

今日同朋友要去個邊買野，咁岩經過依個商場見到有日本野就即刻入去食翻個lunch。間日本野都幾多選擇，有拉麵同定食，仲有咖哩個啲。平時拉麵店都好似有其他定食，依間就咩都有。我地3個都叫咗定食，每份定食都包咗一個麵豉湯，蒸蛋，中華沙律同埋白飯。麵豉湯，個湯都幾入味，吾會話成大煲一齊煲搞到淡晒咁，飲到底都有好多海帶同埋豆腐。蒸蛋，個蛋蒸得吾錯，蒸到岩岩好，吾會過老，所以好滑，仲有甜甜地咁既鮮味。網燒雪花牛扒定食，啲牛燒得吾錯，應該係5成熟，所以吾會過熟，加埋一啲燒汁，都好juicy，送飯真係岩晒呀。蒲燒鰻魚定食，見到朋友塊鰻魚都幾厚身，試咗一舊，啲鰻魚汁都幾入味，而且吾會過咸。炸雞肉定食，一見到啲炸雞就覺得好大件，試咗一舊，果然吾錯，啲肉質好滑，不過就要點翻佢個醬汁做翻個調味比較好。

好耐冇食拉麵，今日就同朋友去左荔枝角到食拉麵。除左拉麵，呢間拉麵店仲有好多小食，而且仲係套餐可以選擇。呢到既野食分成松、梅、竹、菊四個唔同類別。自選套餐可以自由配搭，比起單點抵好多！我地點左兩個自選套餐。第一個係松梅竹菊既套餐，188蚊就有一碗拉麵同埋三個小食，真係好抵食啊！我地點左碗豚軟骨拉麵，炸豆腐、燒三文魚骨同埋北海道南瓜薯餅。拉麵既湯底唔錯，好濃郁，而且豬軟骨煮到好腍好入味，唔錯！小食方面，炸豆腐外脆內軟，再加埋香口既柴魚，好味道！燒三文魚骨好惹味！南瓜薯餅新鮮熱辣，南瓜蓉好綿密。我地仲點左另外一個松梅套餐，我地點左北海道櫻花蝦拉麵同埋串燒雞軟骨。櫻花蝦拉麵入面有叉燒、溏心蛋同埋櫻花蝦。燒到好香既雞軟骨！

約左個好耐冇見既舊朋友見面，想食下日本野熟食，就係荔枝角搵到呢間拉麵食下，門面幾吸引，有好大隻多拉a夢公仔可以影相，餐廳環境好大好闊落，門口同室內都有位，職員主動同有禮貌，見到我地係門口睇緊就出黎歡迎我地，first impression幾好，menu食物選擇多，職員亦有推介松梅竹菊套餐，朋友叫左櫻花蝦拉麵，份量足，好大碗，超多櫻花蝦，溏心蛋好味道，湯底香濃又飲完唔會好口渴，叉燒肉質鬆化，滑蛋豬扒飯又係勁大碗，可以走洋蔥，豬扒易咬，迷你咖喱飯推介，咖喱汁微辣又甜度適合，拌飯食超好味，中間仲混埋蘿蔔，薯仔，雞肉等蔬菜，仲有串燒小食就係4款各一，包括雞軟骨，雞翼，冬菇，雞肉串，雞翼仲好貼心開埋⻣，價錢又合理，大家不妨試下！

今晚係荔枝角做完嘢，自己一個搵嘢食去咗四小龍入面嘅商場一入宇晴軒就見到呢間日本野🇯🇵🇯🇵🇯🇵好肚餓呀唔揀啦，一於試吓佢以為得門口有座位，點知原來入面好大揀咗個熱食叉燒炒飯，另外加八爪魚刺身叉燒炒飯竟然用熱鍋上 都係第一次見保住溫度好重要，因為餐廳冷氣都幾大😂😂一定好快凍哂。炒飯粒粒分明，叉燒有肥有瘦整體都算唔錯，係有少少油膩感八爪魚刺身本身有調味，已經有鹹味爽口彈牙，仲有好多菜 當埋沙津食都得呀！