元札幌拉麵 (宇晴軒商場) (已結業)

星期二咁啱去開荔枝角，喺宇晴軒商場入邊搵嘢食，見到呢間元札幌拉麵好多人，咁就入去試吓，中午時間，附近好多上班族嚟食，我2個人，每人嗌左個午餐， $78個拉麵仲可以揀多個小食同埋跟飲品，呢個價錢來講其實好抵，飲品方面要注意其實佢係支裝可樂，特別好飲，小食都好多元化，好多選擇，分別叫咗1個豬軟骨拉麵，1個辛辣拉麵，小食就揀咗炸南瓜薯餅，多春魚，首推豬軟骨拉麵，豬軟骨炆得好琳，好入味，豬軟骨拉麵其實好多地方都有得食，但係食到好多間都係煮得仲好硬，成日中伏，但係呢度就唔會，誠意推介，辛辣拉麵辣味啱啱好，如果嫌唔夠可以問侍應攞個超級辣粉，我見寫到好誇張，不過我就冇試，小食方面，多春魚，香口，但係我推介個南瓜薯餅多啲，好好食😋總括嚟講呢度係平靚正之選

拉麵店嘅定價平均較高，所以有時想食都會就住就住叫。悲傷小姐今日就試下呢間嘅下午茶套餐，點知份量同午餐差唔多，非常扺食😱💗吉列蝦手打烏冬($68)以清淡鮮甜嘅鰹魚昆布湯做底，烏冬粗幼適中，所以食落超級煙韌滑溜但唔黏牙，旁邊伴住少量海帶同鳴門卷🍥天婦羅炸漿薄身，外層夠金黃香脆🍤 入面嘅蝦肉爽口彈牙，食落有蝦味，最值得讚係鬆脆又唔油🦐💗叉燒拉麵·串燒雞軟骨·雪碧($78）豬骨湯底唔會過鹹得味精，但唔算好濃稠。拉麵口感唔會過軟，不過唔夠彈牙，而且有明顯梘水味🍜叉燒有4片，唔會太薄身而且脂肪少，有咬口唔會韌，食落有豬肉香🐷配料仲有海帶、芽菜同荀，都算幾豐富。雞軟骨帶少少炭燒香，用鹽燒好惹味，不過鹹咗d🐥軟骨食落脆口唔會硬，痴住嘅脂肪部位迫哂d油出嚟，爽口帶油香🍢

呢間日本野係好貼地同平民，但係係呢個平民價錢中，又做到好高質。今次試左佢呢個二人前都係$258，除番開都係$129，晚餐食日本野來講真係好抵食！.炸蝦天婦羅🍤(推薦指數：😋😋😋😋😋)天婦羅最緊要就係脆身，而佢炸得好脆，食得出個粉漿好薄。👍🏼炸魚餅🐟🐟🐟(推薦指數：😋😋😋😋😋)日式炸魚餅做啖啖魚肉， 魚肉好實淨，好彈牙，用魚成分好多。炸雞🍗(推薦指數：😋😋😋😋😋)呢個炸雞真係不得了，最值得推介，一咬落去脆到（索索聲），食得出係好脆，粉好薄，基本上成舊都係雞肉，入邊雞肉都好嫩，好juicy，三個小食都係滿分，但係最值得推薦。佢配埋個沙律醬就一流👍🏼。滑蛋吉列豬扒飯(推薦指數：😋😋😋😋)煮食方面我哋揀咗滑蛋吉列豬扒飯🥚🐷🍚，，但係好滑，個豬扒其實都好後，可能我哋細食，我覺得飯多咗少少🤏。吞拿魚茸手卷🐠(推薦指數：😋😋😋)吞牙魚茸好豐富，成個面都係，仲要幾平！

同家人來吃午餐 來到的時候餐廳剛好開門營業 餐廳出邊望落去細細間 入到去會發現都幾大下 很多座位一坐下餐廳給了兩塊口罩 很是貼心看了看餐牌 選擇多得目不暇給 午餐一set 有梅松竹菊咁叫 都幾得意 我們分別點了一份梅+松 與一份梅+松+竹 喜歡吃辣的我選了地獄拉麵地獄拉麵湯底濃郁香辣 頗是喜歡 麵筋是彈滑類型的拉麵 重點係非常飽肚 份量絕對不少 家人點了櫻花蝦拉麵 上面鋪左啲小蝦乾 湯底冇咁重口味 也不錯 很喜歡兩碗面裏的蛋 半熟的蛋 熟度恰到好處 另外有份牛舌 牛舌的燒烤鹽味挺重的 喜歡吃鹹的人應該會很喜歡 還有餃子 餃子作餸總是錦上添花 而最喜歡的是他家的雞翼 滑而多汁 也很大份一餐下來兩個人真的很飽 吃得飽飽的走出餐廳 此時餐廳已經坐得滿滿的 中午時分意外有頗多街坊光顧 離開餐桌幾步才發現帶漏回罩 一回頭剛被收走 真是幸好餐廳有送口罩

2人晚飯時間到，唔多人，坐4人卡座好闊落主要想吃拉麵，款式都好多而且可以選湯底同麵質我地揀咗：札幌螃蟹拉麵賣相唔錯，份量對女仔完全夠飽有溏心蛋有蟹棒醬油湯底幾濃郁而且飲完唔頸渴辛辣拉麵$78來說，啲料差咗少少叉燒都冇塊得粟米，海帶，2，3塊筍有啲免治豬肉碎，其實攪散咗啲麵，啲肉碎都不翼而飛了湯底雖說是辛辣，但仍可在醬油，味蹭和鹽味湯底中3選1我選了醬油湯+硬麵雖然紅卜卜但唔太辣食開咖哩魚旦嘅都應該接受到啲麵幾彈牙，同埋曲曲嘅幾掛湯硬麵都做到個效果最失望係個小食牛油炒草菇唔係唔好食但係$48 呢個份量，完全唔得當我個拉麵主食都係$78呢幾條草菇要$48CP值是負餐廳有加一收費

依間元札幌拉麵位於荔枝角四小龍依個位，午餐價錢對於打工仔黎講算略貴，仲要加埋一，但叫做去唔到旅行，都可以食下啲日本嘢減下壓咁。同同事一人叫左一個自選三寶套餐，可以揀個拉麵，再配個小食同支裝汽水，我就叫咗個牛油拉麵，佢就叫左個Ankake 濃湯拉麵。再配埋個燒雞翼同可樂，食完真係飽到成個晏就唔想做野。拉麵份量好足，仲有荀、芽菜同海帶，配料十足，湯底都偏向香港口味，唔會過鹹。而佢啲小食，除咗雞翼仲有好多唔同嘅選擇，生嘅有三文魚刺身，蟹籽沙律，熟嘅有煎餃子，炸豆腐，而個人最欣賞就係佢啲燒物，燒雞翼、燒雞軟骨同燒多春魚等即叫即燒，雞翼仲會拆開咗，食都方便啲～疫情期間，入店前會量體溫依啲就基本嘢啦，但佢仲會俾多個口罩你，依個就真係加分位啦

今日同朋友經過荔枝角，突然想食日本野，就黎試下！一入到黎，待應已經好貼心咁派左兩個口罩俾我地。因為我地都算早，餐廳未有太多人，有卡位，都算闊落。見到menu都幾得意，個套餐可以叫拉面再係每一個area配小食。我地叫左兩個套餐。地獄拉麵都幾辣，但唔係果種成碗湯鋪滿辣油嗰種辣，所以都ok。面質有口感，糖心蛋亦都幾好食。櫻花蝦拉麵d料同地獄拉麵大同小異，係湯底清d,冇咁辣。啲櫻花蝦同乾蝦有啲似，咬落去脆脆地，撈埋啲面度幾有口感。牛脷同埋雞翼都意外中好食，牛舌係薄切，只係落咗小小鹽都帶到個牛肉味出嚟。雞翼就燒到脆卜卜，咬落香甜又好味，我同朋友都係咁食。自家製手作餃子一般，正正常常。總括而言我覺得d野食價錢都合理抵食，係日本菜平食之選。

放工經過宇晴軒商場，見到間裝修好有日本風嘅拉麵店，就入去試試。餐廳位置方便，荔枝角D出口一出，上電梯就見到佢。餐廳唔大，但係坐位闊落，坐得舒服。呢間日本餐廳主打拉麵，不過今次我就特別啲叫左佢地嘅小食同飯。▶️咖哩飯 （大）🍛咖哩味道唔錯，唔會好辣亦唔會過鹹，而且好足料，有好多牛肉、紅蘿蔔、薯仔，撈飯超惹味，自己一個好快就食哂成碗飯。▶️燒魷魚鬚🦑唔算好大碟，但夠哂我食。魷魚鬚燒得岩岩好，好好味😋，佢地落左麻油同啲脆脆，個配搭非常香口。▶️生啤🍻咁熱嘅香港緊係要叫杯凍飲，而且食日式小食一定要配啤酒先夠風味，大大杯又夠凍，一啖魷魚鬚一啖啤酒，Perfect!其實佢仲有其他晚餐優惠，例如拉麵配小食套餐，下次經過呢邊會再嚟試下。

同男朋友喺隔離Aeon行街行到攰，就去左宇晴軒搵少少野食~我同男朋友唔算好餓，所以就order左個松+梅+竹自選套餐🤤🤤我哋揀左……松:札幌螃蟹拉麵，鹽味湯底，一般麵質~🦀🦀🦀梅: 凍豆腐竹: 雜錦串燒🍢🍢🍢🍢喺等緊野食嘅期間，我就繼續睇下個餐牌有咩好食~我幾中意呢個餐牌設計👍🏻👍🏻👍🏻畫風好特別~餐牌好多食物圖片，好多野食可以選擇，仲可以自己揀唔同combinations 🤩凍豆腐~好大磚豆腐上面舖左滿滿嘅木魚碎加埋芝麻醬~清涼消暑之選😋超大碗搵返隻蛋上嚟先...蟹柳好甜，半熟蛋啱啱好鹽味湯底唔太咸，啱啱好一般麵質都唔錯~見到枱面個調味架竟然有蒜蓉，就加左啲落去個麵度食，好香😋蒜蓉好有心思，易變壞，要成日換，好少拉麵店嘅調味架會有👍🏻👍🏻👍🏻👍🏻👍🏻最後係串燒🍢🍢🍢🍢有雞翼串燒，冬菇串燒，雞軟骨串，仲有一個好似係雞肉軟骨棒😋一上碟就聞到好香燒烤味，好吸引🤤😍冬菇好香，好多汁~雞翼分開左兩支骨，好易食~雞軟骨好有咬口，好脆~雞肉軟骨棒有唔同嘅口感，加埋燒汁，好得意，又食到肉，又咬到脆脆嘅軟骨😋

商場裏的日式料理，鄰近地鐵站，十分方便店舖坐位都多，現時因COVID-19，每位食客進入店舖都會量體溫🤒️確保安全店舖食物種類多，二人可以選擇套餐二人前，包括主食兩款和小食三款套餐—元拉麵🍜麵度可選擇硬、正常、軟湯底可選味噌、醬油、鹽味🧂以上為味噌湯底內裏包含一片肉，昆布，少許洋蔥🧅芽菜及荀，湯底適中個人認為小食類別比主食更岀食炸雞塊🍗外表薄而肉嫩，香脆可口，可以問店員拎沙律醬，原先配搭的是醋大約有4件大雞塊，他們的食物都偏向多和大份，十分飽肚燒魚餅，肉質幾甜，而且幾彈牙他們每份小食隔離也會配上細沙律🥗可以食埋，夠多纖維炸蝦🍤可加上檸檬汁和點醋，外層配上黃金脆邊👍🏻店內亦有不同日式居酒屋的小食系列🏮

一路都好想試食元札幌拉麵，今日行開荔枝角終於試到。店鋪好大，有幾多座位，但係到lunch hour都會坐滿檯。🎏滑蛋自家製吉列豬扒飯配薯仔沙律，味噌湯，茶碗蒸($62)一上檯，就已經好驚訝，因為真係好大份，好多野。炸豬扒肉質都做到恰到，味道會比較甜，可能係自家製既味道😁肉既份量好多，一定可以食嗮咁大碗飯。薯仔沙律好特別，凍凍地但又唔會硬，易入口!🎏豚軟骨拉麵配串燒雞軟骨跟餐可樂（$82）拉麵亦同樣好大碗，湯底好濃味，肉都好軟好多。溫泉蛋亦好濃味，蛋黃有流心🤤最重要係拉麵係彈口。雞軟骨窄左檸懞汁，超正，如果唔係飽應該會再叫。可樂仲要係玻璃樽，超懷舊。雖然有加一，但係值得讚許係侍應都好用心服務，所以個10%係值得比。一定會回購!

俾佢門口好搶眼既日式燈籠吸引入去，以為都係食拉麵為主，估唔到仲有好多選擇，串燒，小食，壽司，便當樣樣有齊，反而仲有d難揀😅小食叫左燒鱈魚棒同燒牛舌，燒得幾香口，當小食食幾好，如果可以配埋啤酒就正。見到好多人推介滑蛋豬扒飯，果然好出色，豬扒炸得岩岩好，唔會好厚粉，又唔會炸到好老，最欣賞佢既係塊豬扒唔會索曬d汁同蛋搞到好腍，但飯就索汁好入味，如果可以多d雜菇就更好😋另外試左個魚介叉燒蛤貝拉麵，呢個係新推出限定拉麵！湯底係好濃郁的魚介湯底，仲有蛤貝同叉燒，份量十足！因為呢款係限定拉麵，所以無得揀麵底同湯既濃度，不過整體配搭都非常出色，值得一試。

呢間係日常見香港日式拉麵店，梗有一間係左近。地點好方便近地鐵站，好昜揾又當眼。上菜都快👍🏻我地兩個人所以叫左4組合套餐，佢有几個組合揀松+梅+竹+菊 $198 加一松+梅+竹$155加一松+梅$108加一「松」拉麵- 揀左元札幌拉麵湯頭味道濃郁，唔太油，鹹，膩，几啱我女仔。麵條都彈牙。「梅」輕食-揀左蟹籽沙律Ok,不過蟹籽好少「竹」燒物-揀左燒魚餅几大快，彈牙「菊」主菜-揀左燒鯖魚 （如果唔夠飽可以揀飯）燒得唔錯，皮夠脆，燒汁鹽係面

這間餐廳一向出名食物質素高，平又美味，今天終於有機會試一試。Lunch set menu 有很多選擇，最吸引當然是這個套餐，自選三寶套餐，由$78起跳。我點了雜錦拉麵，有栗米、蟹柳棒、溏心蛋、豬軟骨等配料，非常豐富。小食點了挪威三文魚刺身，另外再加了新出的燒牛舌（$48）。三文魚三片，非常厚身，而且很新鮮呢。燒牛舌熱辣辣上菜， 一盤大概有7、8塊，雖然不是厚切，但經過調味，味道相當惹味，點燒汁更佳。雜錦拉麵想不到份量相當充足，麵條屬粗麵，索了湯汁很惹味，配菜有叉燒又有豬軟骨，食肉獸最愛。100樓下，有拉麵有小食又有飲品，性價比不錯！下次會試試那個牛油拉麵。

今日一早去完荔枝角探朋友後，差唔多到食晏時間，落左去樓下個商場覓食，心血來潮好想食日本野，首先見到和民，但和民就時時都有得食，之後見到隔離有間元札幌拉麵🍜好似唔錯，所以就入去試下！裝修好有日本🇯🇵居酒屋feel,好似去左旅行咁☺️出面仲有部夾公仔機添，等緊位嘅朋友可以大顯身手一下😝😝我地分別每人叫左一個set lunch ，平均$62-$78，抵食到呢！滑蛋自家製豬扒飯，豬扒肉質鮮嫩，咬落去好多肉汁，配埋滑蛋食好正呀！$62 仲要有面豉湯🥣，薯蓉和日式蒸蛋，超抵食！另一個叫左雜錦拉面🍜$78，仲配一款小食加汽水🥤！雜錦拉麵好大碗，有叉燒，豬軟骨，蟹柳，半熟蛋，湯底唔會太濃，食完絕不口渴，食左一半已經好飽肚！小食：雞翼，雞皮炸得好脆口，好邪惡！配上檸檬汁食增加肉質鮮味，仲要有4 隻咁多，超讚抵食！總結：有驚喜的日式居酒屋🏮，食物好食之如，價錢又唔貴，下次會黎試埋晚飯先！