元札幌拉麵 (宇晴軒商場) (已結業)

今日接完老婆收工，兩隻野一齊去咗荔枝角宇晴軒商場食拉麵。呢間元札榥拉麵，我哋之前已經食過荃灣悅來坊分店，上次食完已經覺得唔錯，想再encore，今次嚟到荔枝角分店，由荔枝角站經過隧道再接駁去到商場，路程大概5分鐘，位置相當便利。呢間拉麵店裝修相當有日式風格，睇得出老細花咗唔少心機去裝修。今日叫咗個自選組合（竹+梅+菊），意思即係每個範疇揀一樣嘢食，我哋計過數，食呢個自選組合比起分開嗌嘅話慳返幾十蚊，幾抵玩架！呢個自選組合總共有三樣嘢食，第分別有北海道櫻花蝦拉麵、吉列豬扒同串燒雞翼，好滿足！北海道櫻花蝦拉麵是晚主角，上到枱第一感覺係夠晒大碗，用料唔馬虎，試一啖湯底，夠晒濃郁。老婆鍾意食櫻花蝦，食到冇停口。吉列豬扒擺盤精緻，食落好惹味，外面非常鬆脆，食落口啖啖肉，醬汁酸酸甜甜，配搭炸物一流。講開又講，出街食呢味吉列豬扒，最忌係食到好大陣雪肉味，又或者溝左好多鬆肉粉，豬肉味道似有還無，呢間就冇犯以上毛病，我同老婆都相當滿意！串燒雞翼呢個串燒雞翼算係水準之上，唔會話太乾身，作為一個雞翼迷亦都收貨。呢間舖侍應服務態度都唔錯，一舉完手就即刻有人過嚟落單同幫手。最後食飽埋單唔使$200，整體用餐體驗

餐廳位於商場入面，一出地鐵站就到，都幾方便。元札幌店面非常有日式風味，仲有幾分似居酒屋，外觀已經非常醒目。今次我同朋友兩個叫左一個兩主食兩小食既set雜錦拉面：首先奉上既係拉面，對於有選擇困難症既我黎講，依個拉面有齊叉燒，豬軟骨、蟹柳同半熟蛋所有拉面受歡迎既食材，味道亦都非常唔錯，個湯底係味噌湯， 咸咸香香，配埋爽彈既拉面一口接一口咁食！雜錦串燒：本來黎到拉面店，對於申燒都無特別期望，但食完依個之後真係喜出望外，肉串唔單只味道調得岩岩好，仲有生燒既風味，味道絕對唔比中高價既居酒屋差。而且水準好平均，不論係肉定冬菇都非常juicy 又有食材本身既香味！絕對係成餐飯既精華所在！串燒雞翼：第二份小食由於太鐘意食串燒，所以order多左個雞翼朋友同我爭住食，搞到我心思思想叫個啤酒溫泉蛋牛舌飯：朋友個主食就叫左牛舌飯，味道就不過不失，牛舌都算厚切而且彈牙而充滿牛味，朋友話幾好食～甫一入座，店員就好有禮貌咁遞上兩個口罩，上面仲有店家既貼紙果然貼心又識做生意啊！最後埋單加埋一都係around 200蚊，主食配以非常高質既串燒，我就識得非常滿意啦！

荔枝角除左d出名商場之下，其實屋苑商場都有野食！今次就黎到呢間日式拉麵店試新野。佢店面係半open既area,想私隱度高d 入面都有位。疫情關係人唔太多，2個人坐4人卡位，就算4個人都好夠坐。場面佈置都ok既，有好多日式燈籠比你温下日文咁。menu既其中2部份係咁既。佢將唔同食物分做唔同categories,總共有4個categories的，然後你可以係唔同類別揀野食咁，組成套餐，幾有創意(最多可以1個拉麵+3個小食)。咁朋友叫左個拉麵再加2個小食，咁樣係150幾蚊，share 返價錢都唔錯。佢有唔同款拉麵，咁我就叫左個雜錦拉麵啦，可以試下唔同野。湯底同埋d麵都ok,正常味道咁。小食有多d驚喜，菠菜同木魚絲再加麻醬都真係幾夾。可以撈一撈串燒唔會太多油，但都夠香，都啱我鍾意食清淡既人。總括黎講，小食都唔錯，同埋佢有埋box tissue比你，仲有熱茶自己斟，都幾貼心，值得黎食。

今日喺荔枝角，見到間拉麵店嘅裝修好日本風，所以就吸引左我入去。佢個Menu既拉麵同小食嘅選擇都好多。我哋叫咗兩碗拉麵同兩款小食。我叫咗個櫻花蝦拉麵，賣相好靚，好多櫻花蝦係啲麵上面，湯底好濃。不過佢就得呢款麵可以揀，如果可以有埋直麵嘅選擇就更好。朋友嘅雜錦拉麵配料有叉燒、豬軟骨，佢個湯底係麵豉湯湯底，我就覺得幾好味，但如果想轉湯底嘅朋友就有福了，你要求的話，佢係可以揀轉湯底嘅（個Menu上面有寫）。跟住我哋叫咗個雜錦串燒。有雞軟骨、冬菇、魚餅同雞翼。佢四款串燒都超好食，燒到金黃色，好惹味。你仲可以擠啲檸檬汁落d串燒上面，令到佢地更加有鮮味。個冷菠菜好好食，佢係用咗啲麻醬撈菠菜，上面再鋪啲木魚絲，冇諗過依三樣嘢一齊係會咁夾。

第一次去荔枝角呢個商場覓食，見到有間日式餐廳並唔係普通嘅連鎖集團，但裝修又好有日式居酒屋feel, 就同friend決定一試。由於防疫關係，枱同枱之間都有膠板隔住，食都食得安心啲。呢度有dinner set同散叫menu, dinner set可以自由配搭唔同小食同主食，不過我地最後都揀左散叫魚介叉燒蛤貝拉麵呢到主打拉麵，當然要試一試，呢款係新推出嘅拉麵，第一啖梗係要試一試佢嘅湯底先，果然係非常濃郁嘅蛤貝湯底，食得出係用左好多魚介蛤貝淆咗好耐，所以湯底特別甜，配合埋堅韌既拉麵，忍唔住一啖接一啖食曬。燒魚餅估唔到份量都幾多，有7件，燒得幾香口，攞來送酒一流，可惜無叫到🙈燒牛舌牛舌切得好薄身，有濃濃嘅黑椒味，唔會燒到好乾身，咬落仲好juicy滑蛋豬扒飯朋友話好耐無食過，結果冇令佢失望，豬扒炸到好鬆脆，洋蔥好甜仲有埋雜菇加埋滑蛋送飯，好滿足。埋單每人百幾蚊，性價比高既一餐，抵食！

今日來到荔枝角食好西！以為荔枝角冇野食？你錯啦！依間日本野好抵食！好好食！首先叫左一碗豬扒蛋飯，燒牛舌。之後再加多左碟炸魷魚鬚。豬扒蛋飯，好大碗，飯用珍珠米，有誠意，配合蛋同炸豬扒，好食！豬扒唔算太肥，又有香味，所以全部都食哂！燒牛舌一開始就咁食覺得有d咸，但之後撈飯覺得好食，有咬口同牛味，份量算多。炸魷魚鬚食得落就一定要叫！炸得好香好脆，仲要超大碟，好抵食！朋友點的，同樣高質！最好的係綠茶任飲，唔洗等人加茶，食日本菜，配上香濃的綠茶，彷彿置身於日本一樣！

去完Aeon入貨.。真係有啲攰😅就唔煮啦，午餐同老公喺 宇晴匯商場食埋 😝😝見到呢間拉麵店好吸引 ，午餐仲好多選擇喎 😆入去之前店員都為我哋探熱，役情期間，做多一步大家安心一啲😌😌一坐低 店員即刻送咗兩個口罩同一支洗手液畀我哋，真係好窩心呀 🥰🥰午市套餐都好多選擇一我揀咗 set餐 元拉麵加叉燒炒飯 ，老公揀咗 網燒雪花牛扒定食 ，叫多支白葡萄碳酸 日本直送，好有日本feel，拉麵湯底 一啲都唔油 ，但又很濃郁 ，湯底掂！拉麵都唔錯 ，加上笋片 味道很夾 🍜🍜叉燒炒飯亦都很乾身 夠香口 ，但就油咗少少 🤏網燒雪花牛扒定食有驚喜 🤩🤩賣相一百分 ，網燒紋非常靚，食慾大增 ，仲有炭燒味濃沃 五成熟剛剛好 👍👍👍配飯一流 ，跟埋沙律同麵豉湯㖭 😬😬而且塊扒非常厚 感覺很抵食呀 估唔到屋企附近商場細細都有如此高質嘅日本拉麵店😌😌而且食物種類仲好多添 回頭指數非常高呀👍

今日出去南昌見客 就喺附近搵嘢食啦 🥰🥰見到呢間 元札幌拉麵 🍜感覺很地道，一於試下先 😬😬店員一入門口已經即刻幫我哋量度體溫 👍而且 枱與枱之間 相隔1.5米絕對冇問題👍👍因為地方都很大 午市套餐選擇亦很多 揀咗呢一個 元拉麵加迷你叉燒炒飯😝😝呢個餐即刻諗起日本，因為日本嘅style 拉麵加炒飯 ！好好味喎，湯底濃郁 拉麵夠彈牙 而且很大碗 😌炒飯亦都很香口夠乾身 ，真係大胃王都夠曬飽呀 😏另外叫多個墨魚咀小食 仲有大量嘅沙律添 ，加上少少檸檬汁 感覺又去你唔錯 再飲埋呢個日本直送嘅信州白提子梳打 ，真係感覺去咗日本一樣 😝😝埋單店員仲送咗口罩同洗手液畀我哋添，真係共同抗役，好有心㗎呀 😘😘支持👍👍

今日晏晝去開荔枝角，順便去食晏，就去咗宇晴軒商場，見呢間日本拉麵店有拉麵，有飯，好似幾多野揀，所以就同朋友試下！Lunch set $62起，已經有個滑蛋吉列豬排定食，定食仲有飯，茶碗蒸，同麵豉湯，真係好抵食。$78拉麵餐仲有小食同飲品，我地揀左豬軟骨拉麵，有三大舊豬軟骨，同埋好淋好滑好入味！而且隔黎流心蛋好好味！小食我地揀左雞軟骨串燒，少少鹽既調味，好香口，好食，又唔會太乾！朋友叫左滑蛋吉列豬排定食，本身以為用碗上，點知滑蛋豬排係另上😂所以份量超多，其實真係2個人都夠食！滑蛋帶甜味，豬排好脆好好食，而且豬排幾厚，好多肉汁！茶碗蒸好滑，蛋味好香。仲有個薯仔沙律，真係太大份超抵食！埋單都係百幾蚊，係呢區抵食之選！

掃開長沙灣就行咗過去荔枝角嗰邊搵好嘢食😂本來想去D2㗎，但好多人🤣於是，搵咗間都幾近嘅日本野🤩地點嚟講，佢都真係幾方便~喺荔枝角地鐵站一上到去，經過個商場之後喺東海堂隔離，就係喇！！仲要，落雨吾洗怕濕🤣都好易搵！！多拉a夢迷更加要去，個設計幾令㗎！！！佢門口有大大隻同你打招呼！有扭蛋機比你玩添🤣真係好似去咗日本禁！！好得意！！！！我地玩左一陣😂😂入面好空曠！我地早去，所以都無咩人，好舒服!!距離都有番禁上下，傾計都好適合！！佢餐牌好多可以set，又吾算好貴！！結果我地都係跟openrice啲熱門叫😂😂叫咗個豬軟骨拉麵😍78蚊大大碗！好多拉麵😂個湯又好濃味，味噌味！送拉麵好啱心水🤪個豬軟骨好林滑，吾會咬爛牙😂而且好入味！不過隻糖心蛋就吾算好入味，但就係流心嘅!!!!我地忍吾住都叫咗個刺身！做緊優惠，48蚊3塊！好肥都好厚嘅都😛好抵食！！不過佢忘記比wasapi我地，之後問都好快就有！！！佢地行動得好快😎讚！

途經d2 place就黎到附近既元札幌食晏，早前已經食過覺得好食，所以今次經過荔枝角都過黎食多一次。lunch set黎講，元札幌的確係抵食大件，今次叫左炸雞手打烏冬再加多兩隻雞翼。炸雞手打烏冬上枱既時候的確係有啲驚訝，4件好大件既炸雞球同埋大碗既湯烏冬。烏冬有海苔，細蝦米仔同埋鳴門卷，配埋一個帶啲甜味既湯底味道真係唔錯，炸雞球明顯係現炸既，皮薄肉嫰，咬落去重出緊煙，又係好juicy，睇得出廚師既心機，68蚊一大碗炸雞球烏冬，我絕對覺得係抵食，飽住走。最後另外叫既雞翼串上次都有叫，食過番唔到轉頭又再叫過，香煎既雞翼，適中既鹽味，肉汁豐富唔會話乾哂咁，食完兩串真係會有滿足既感覺。最後餐飲加埋支裝可樂，真係要比100分佢地。

在荔枝角D4出口一出，不消5分鐘就到達。交通非常方便，而且食物選擇眾多。一入到間野，就知道拉麵係主打，而且飲品選擇亦十分多。最驚喜係凡食親野，都送口罩同洗手液，非常窩心。今次我點左個新野：魚介叉燒蛤貝拉面，非常過癮。鍾意食辣嘅朋友，可以試吓激辛勁辣粉，包你食得仲過癮。店內亦經常更新新食物，好多串燒既選擇，例如：鐵板牛舌、秋葵、木魚茄子，非常好味。仲有安格斯牛肉串燒都只係$48 ，非常好食。講返個魚介拉麵，有鮮魚既清甜，蛽味亦十足，絕不馬虎，湯底亦濃厚新鮮。拉面吾算貴，交足貨，正正常常70蚊有找。下次經過方便，一定再黎過🔥魚介叉燒蛤貝拉面加埋個日本糖心蛋，都係$12蚊，真係抵！！！！😋😋😋

有D想食拉麵,食左D餐單,見到有餐既優惠,感覺上比平時就咁叫一碗拉麵抵,就黎左啦!個海鮮拉麵有一隻大大隻既蝦,麵條幼身彈牙,吸晒濃湯既味道,仲有唔少配籵,拉麵既湯底都係濃濃既蝦味。叫左冷豆腐,呢個好正,淡淡既豆腐有木魚花既香,點汁食真係正!另外叫左D串物,有好幾款,雞翼加晒檸檬汁,帶出左肉味又唔膩,都燒得好惹味。最後加左枝CREAM SODA,係樽上,好懷舊。呢度好多叮噹既FIGURES,好中意,店主應該係叮噹迷。

今日去到荔枝角行街，同朋友行過呢間拉麵鋪，見到餐牌睇落又幾吸引喎。咁就決定一行入去試吓啦！揀咗好耐，決定試吓一個拉麵套餐，我對海鮮都好有興趣，所以就叫咗個蟹肉湯底拉麵套餐啦。講吓碗拉麵先，麵質口感煙銀，湯底濃郁鮮甜，味道真係好夠啊！喺拉麵來講，出品算係非常好。呢個套餐仲配左小食，咁我就揀咗鹽燒多春魚，多春魚煎得好香，配埋檸檬汁，食落又唔會覺得好肥膩。多春魚都算好大條，裏面有好多春。呢度嘢食份量都相當大，價錢又唔算太貴，性價比非常高。食飽後，決定再叫一個甜品，試埋呢間餐廳甜品嘅質素。我同朋友就決定一齊食一件芝士蛋糕，估唔到都算幾大件喎，兩個人食真係啱啱好夠啦。芝士蛋糕真係幾香，質地比較硬身，食完真係大滿足。總括而言，呢間拉麵店選擇非常多，唔似一般拉麵店淨係賣拉麵，有好多唔同嘅小食選擇，配搭非常豐富，價錢亦合理，推薦朋友們嚟試食呢間拉麵小店。

喺荔枝角搵嘢食，見到呢間餐廳好得意，十足十日本嗰啲居酒屋，仲有多啦A夢添.！但係佢餐牌個價錢又唔貴喎，都幾合理！我哋兩個唔算話太肚餓，就叫一個小食，一個手卷同埋拉麵share。三文魚蟹籽手卷$32佢裏面有好多飯，三文魚同蟹籽都比較大件！口味都算OK新鮮， $32完全對得住個價錢啦。燒鱈魚棒$38口感比較香脆，鹹味亦都適中，熱辣辣，加埋沙律醬就Perfect～北海道櫻花蝦拉麵$88嚟到拉麵店點可以唔食拉麵呢，呢間嘅拉麵都OK，個湯底夠香濃，湯份量都夠多，最主要係個表面好多櫻花蝦，淨係個份量已經值回票價。