元札幌拉麵 (宇晴軒商場) (已結業)

係屋企煮嘢食煮到非常之悶，頂唔順都係要出下街，之前去過荃灣店，今次喺荔枝角嗰頭有啲嘢做，夜晚就順便同朋友嚟食埋。松梅竹菊自選四款共$198 選擇都有非常多，而且如果揀啲價錢高端小小嘅絕對係抵左，因為我計過叫嘅嘢食加埋都$230咁上下，但係用咗依個套餐配搭$200都唔使就有，兩個人都夠晒食。（右為散叫價）北海道櫻花蝦拉麵$88見到上面鋪滿晒櫻花蝦，完全毫不吝嗇，令拉麵增添不少口感和鹹香，上面有一塊豬肉叉燒，仲有半隻糖心蛋，個湯底味道唔算話非常突出，但係分量相當豐富呢！蟹子沙律$38沙律方面就普普通通不過不失，因為每一條嗰個size唔算太細，所以個味道冇咁出，而且沙律醬亦都可以加多啲會更好味！（如果想要多啲，可以額外問店員拎）雜錦串燒$48雜錦串燒我都幾推介，鹹香十足而且唔會太鹹，包括有雞軟骨，冬菇，雞翼等等，都係非常吸引！最推介雞軟骨同雞翼～北海道南瓜炸薯餅$55炸薯餅方面有四件非常大件，南瓜味都幾香，口感香脆，亦都可以點上醬汁令整體味道更加清新得多

好耐冇食日式拉麵，見OpenRice <元札幌拉麵>都幾多好評，又甘啱係附近，當然要試下啦!!~今晚我地叫左個$198既套餐，可以選擇4種食物,足夠二人享用。溫泉蛋牛肉飯: 白飯同碟溫泉蛋牛肉係分開甘上，看似平平無奇，點知入口反而有驚喜喎!!~牛肉係薄切，但都有好多塊，肉質好軟身，仲有好多牛肉汁，配埋隻滑捋捋溫泉蛋，撈飯好好味吖!!~吉列豬扒: 小食叫左炸吉列豬扒，都吾細塊㗎~切開都有7小件，仲要係即叫即炸，炸得金黃香脆，沒有太多炸粉，入口鬆脆好食，非常邪惡吖!!~雜錦拉麵: 拉麵比想像中大碗，材料非常豐富，有豬軟骨，日式蟹柳，日式叉燒，海帶，粟米，芽菜，溫泉蛋。拉麵係粗曲身，入口彈牙爽口。豬軟骨炆得夠淋，而且好入味。日式叉燒係薄切，不過都好大塊，不過略為有點瘦，如果係半肥瘦叉燒會仲好味。值得一讚既係，隻溫泉蛋無論蛋黃同蛋白都好滑，而且帶點日式醬油味，非常好食!!~半隻實在有點吾夠喉啊!!~串燒雞肉丸: 好似雞肉串甘，有兩大串，入口啖啖肉，配埋口式燒烤汁，味道不錯。整體來講，餐廳環境乾淨企理，座位同餐枱都算闊落。食物選擇豐富，有不同既套餐,定食，同散叫都可以，而且價錢吾

疫情期間不想跑到太繁忙的區域，就想到這區了，日式餐廳選擇不多就挑了這間炸墨魚咀分量很大，炸粉做得不錯，雖然有點分離但亦然很完整，配上沙律菜平衡，清爽一下炸豆腐沒想到是浸滿醬汁的，豆腐上的木魚很多也香，豆腐很滑。如果追求脆口感覺，就可以選擇其他了蒲燒饅魚定食分量大得食不下，饅魚不錯，醬汁味道口味適中。定食豐富，前菜有我愛的中華沙律，還有茶碗蒸，不只是雞湯和蛋還下了不同的材料。雞泡魚干下場打算去啤一啤，所以外賣最好餸酒的雞泡魚干，味道沒有令我失望，只是份量有點小

毗鄰D2 Place既商場 今日工作關係黎到宇晴軒商場 見到呢間日式餐廳元札幌拉麵🍜⛩餐廳格局甚有日式居酒屋氣氛因爲時間尚早11:30am無咩人今日試左佢地既set lunch價錢算係好實惠50 – 70蚊既lunch set可以揀飯 / 湯麵而我就揀左叉燒拉麵配鹽燒雞翼串既套餐另外再加多個三文魚刺身先上枱既係🥢三文魚刺身48蚊呢個價錢有好幾塊厚身既三文魚食落新鮮 而且重有我最喜歡既海苔墊底為今次用餐揭開序幕🤣之後上既係🥢主菜叉燒拉麵🍜當碗麵上枱時我覺得佢比其他日式餐廳大碗湯底係濃香既豬骨湯底 麵入口爽滑配菜有海苔、筍等以及有5大塊厚身既日式叉燒 可以話係性價比非常高👏🏻如果你係揀拉麵餐既話係可以揀配小食我就揀左🥢鹽燒雞翼串雞翼味道適中，雞皮香脆，鍾意食香口野既朋友就一定要揀啦👍🏻最後重有埋樽裝汽水做餐飲🥤❤️店員重好有心，每人送一個口罩，以示同心抗疫總括而言元札幌拉麵係一間值得我再去既餐廳，下次午餐可以試飯餐，因為係有埋湯同茶碗蒸。🤭🤪

平日兩點鬆啲嚟到就已經有午後定食好抵食😆$48拉麵配嘢飲😱😱😱 真係第一次見🧐 就算all day Menu 拉麵+小食+飲品 都係$78所以我哋都放開懷抱咁食 食到勁飽😂雜錦拉麵 $78🍜可以一次過試到豬軟骨同叉燒 兩樣都好唔錯！夠淋又入味😋 流心蛋有質素 面質偏彈牙🍜 雖然佢湯底唔係我哋食開嘅豬骨 雞白湯 而係醬油味 但都深得我心😌👍🏻串燒雞翼🐥作為跟餐嘅小食竟然有四隻雞翼🧐會唔會太大方🤣 係我今餐最愛 燒得完全唔乾 調味啱啱好😆滑蛋吉列豬扒飯🍳 $48勁大碗 完全唔係下午茶嘅份量🐷 面頭嘅豬扒多到食唔晒 唔會炸得太乾身配埋蛋同埋汁好送飯🍚燒魚餅🐟 $18呢樣都好推介😆 有啲似泰國嘅魚餅 好彈牙 燒既又唔會油膩 😛

今天到荔枝角逛街，上網做下功課覓食，發現宇晴軒商場有家叫"元札幌拉麵"，網上看看餐牌都幾吸引，價錢也親民，一於過去試試先。看看餐牌，主要分幾個大類，有自選套餐、二人餐定食等。重點有口罩送，贊下先。三款小食：炸雞肉有驚喜，每件都大大件，咬落表面香脆，入面好夠熱而且入味嫩滑。燒牛舌，簿切，一點不韌也不乾，汁香爽口。燒鯖魚、厚身汁潤不乾，喜歡鯖魚的口感。元札幌.二人前 $258可選两款主食：元拉麵 - 湯底香濃，水準正常。滑蛋吉列豬扒飯 - 份量足，豬扒和蛋舖面都見不到飯，厚身嫩滑，吉列薄脆香口。

喺朋友屋企附近晚餐 見到呢間舖好似幾舒服 諗都唔諗就入咗去🎌睇一睇個menu原來好抵食 我哋叫咗個二人前◽滑蛋吉列豬排飯◾叉燒炒飯◽燒牛舌◾北海道南瓜炸薯餅◽日式炸雞嘩 超豐富 呢個點只係二人前呢?要數我哋兩個最欣賞嘅就係日式炸雞 無諗過肉質會咁滑而又炸得唔乾 另外就係燒牛舌 本身朋友話要食 我都唔係好想 因為以前好鐘意食 又食到咀刁咗😅咁香港真係無乜邊度整得好食啊嘛 不過呢個薄燒我ok🤭

咁岩喺荔枝角嗰邊行完D2 Place，朋友就話有另外一個商場有嘢食，仲話係食日本野，就即刻應承咗過去睇睇。感覺好似日式的居酒屋，仲有好多多啦A夢擺設，睇嚟老闆係一個多啦A夢迷。餐牌選擇都多，我就比較鍾意食魚生，而且唔鍾意諗，所以揀咗個定食套餐，裏面有好多款式嘅嘢。極上雜錦魚生飯定食$128你會見到有好多款式唔同嘅魚生，包括三文魚，赤蝦，帆立貝，吞拿魚蓉，油甘魚等等⋯新鮮度也OK，最主要白飯係上面加咗啲芝麻，令個飯冇咁dry！配以酸蘿蔔，蟹子沙律，茶碗蒸，味增湯～蟹子沙律個size都幾大，好開胃；茶碗蒸甜味十足，裏面仲有啲鳴門卷等等；味增湯味道適中，唔會太鹹，好啱口味！同埋包埋罐裝汽水，如果揀波子汽水嗰啲就要另外加錢，不過就算唔加其實都有茶提供！之後發現埲牆上面有一個吉列牛套餐，下次試吓先。

無得去日本又好想食拉麵，去左呢間位於荔枝角既元札榥拉麵，果時9點幾呢個時間都無乜客人，餐廳環境寬敞舒適，唔會話坐得迫，Menu選擇都好多有拉麵刺身串燒等等，價錢合理，仲有拉麵小食自選套餐選擇。燒牛舌牛舌最好食！數量有好多塊之餘而且燒得好香多汁惹味，厚度適中口感唔錯。招牌牛油拉麵。湯底係醬油湯底配埋牛油多左份香滑感，叉燒味道不過不失。螃蟹拉麵同樣是醬油湯，味道岩岩好唔會好咸，值得讚既係蟹柳好鮮甜，唔會有雪味，糖心蛋都煮得岩岩好👍🏼串燒雞軟骨同串燒冬菇冬菇無咩特別，但唔會話燒得干。雞軟骨燒得唔錯，又香又好味！

餐廳環境好大，好多座位，lunch hour陸陸續續多人入座。menu好多lunch set可以揀，而且價錢唔貴，食物多樣化，好多款唔同配搭。叫左自選三寶套餐($78)，包拉麵、小食、飲品，再叫左滑蛋自家製吉列豬扒飯($62)，包薯仔沙律、茶碗蒸、味噌湯。雜錦拉麵(+$5)，食物好快煮好，湯底唔會過濃。麵量非常多，拉麵軟硬適中，唔會過軟。雜錦配料有一大塊叉燒、一大件豬軟骨 、蟹棒、大量甜粟米、海帶、流心蛋，超級豐富。叉燒入味，而豬軟骨見到d軟骨煮到變透明，膠狀咁。一個正常女仔既食量一定食唔哂。自選小食揀左自家製手包餃子，一共有4隻。外皮煎完略脆，而內餡有豬肉、椰菜等。自選小食既選擇亦有好多，有肉有冷盤有刺身等。吉列豬扒飯set擺盤有心思，而且同樣豐富。重點係價錢唔貴，食物有水準。薯仔沙律好出色，薯仔有微粒狀，有口感，而且加入左紅蘿蔔，唔會得薯仔咁單調，亦都好似食既cream咁，薯仔味濃郁。滑蛋加入菇、洋蔥一齊煮，而且夠甜夠滑，好岩配飯食。吉列豬扒炸粉唔厚，豬扒屬厚身，唔韌，而且大大塊。茶豌蒸加入菇、鳴門卷、蟹棒等，蒸完之後，海鮮味慢慢滲出，而且甜甜地，蒸蛋冇過火，d蛋仲keep到係滑既

依間拉麵店嘅野食真係平靚正！今日同朋友黎食lunch，見到餐廳嘅裝修都幾日系，而且食物種類多，除咗拉麵，仲有定食、小食，仲不時推出唔少新款，例如吉列牛石板燒添~午市提供咗幾個套餐，其中嘅自選三寶套餐包拉麵、小食、飲品，最啱大食嘅我。雜錦拉麵套餐 配自家製手包餃子、可樂。拉麵湯底係味噌湯，配上爽滑嘅拉麵，雜錦有叉燒、豬軟骨、蟹棒、粟米等等，非常豐富。雖然餐牌上寫嘅餃子係細，但係一共有4隻，而且大小適中，每粒都脹卜卜，餡料十足。海鮮拉麵套餐 配串燒雞軟骨、可樂。今次嘅湯底比較清甜，同海鮮更加襯，海鮮有蝦、青口、帶子粒，鮮甜十足。串燒雞軟骨帶有少少炭燒嘅味道，好惹味，而且骨肉比例適中，食落好有口感。估唔到可樂係玻璃樽，唔係罐裝，好感度大大提升~最後仲要咗燒鱈魚棒，好看鱈魚味，非常脆，佐酒一流。依家幫襯仲送一人一個口罩，非常有良心TAT

這次和有人到訪了荔枝角的餐廳享用午餐。由於我們二人也想常常日式拉麵，於是我們在荔枝角中選擇了一間日式餐廳該餐廳令我們相當滿意。首先從環境方面，該餐廳的劃位相當空曠，令我們享用午餐也感到舒適。其次從價錢方面，該餐廳的價錢定位比較大眾化。因此也不會覺得太過不值。最後從食物方面，我也感到相當好吃，我叫了一個套餐該套餐有一盒小食一碗丶定食拉麵以及汽水。首先從小食方面我選擇了咖喱飯，我覺得我愛餐廳啲咖喱飯相當不錯，他的飯和醬汁的份量成正比。其次，從定食拉麵而言，該碗拉麵的份量相當足夠，配料也很豐富而且叉燒也相當入味，令我覺得整碗拉麵的湯汁也充滿着叉燒的鮮味，10分推介大家來嘗試。 不得不提拉麵中的靈魂溏心蛋，他的烹調時間剛剛好在蛋黃未熟的情況下，配上湯汁味道相當合適真的很好吃。

荔枝角有一間日式餐廳，見到價錢都幾平問，一般人都負擔得起，今次有啲掛住日本個款不同地道小食，就入去試吓。餐牌選擇都好多，有啲飽肚啲嘅拉麵同埋丼飯定食。海鮮大阪燒$55好鍾意大阪燒個醬汁，好正，裏面軟林林有啲海鮮亦都有啲菜，外皮金黃又甘香，配搭非常不錯。自家製吉列豬扒$48吉列豬扒金黃色外皮炸到熱辣辣，裏面個豬扒亦都充滿水份，仲有少少肥膏位置熱辣辣爆曬啲油出嚟，加埋千島醬就更正。燒多春魚$32 多春魚燒得咸香，鹹味比例比較重，可以加啲檸檬中和一下就清新得多。

平時久不久到荃灣都會跟朋友去吃元札幌拉麵，因為質素不錯之餘價錢又相宜而且還有二人餐選擇，覺得很適合我們這種選擇困難症的人。今晚到荔枝角逛街，但我們沒有到D2 Place吃飯，反而走到去同樣是地鐵D出口的宇晴軒，因為一出地鐵出口便能進入商場，而且直接上扶手電梯後就能看到元札幌拉麵 ，甚為方便！近來疫症的關係，餐廳亦採取了有關措施，例如出相會擺放紙巾工客人包好口罩，而且還會奉送一個新口罩給食客。在現在一罩難求的時勢，這種做法的確很吸引和貼心。同樣地我們都是點二人餐。二人餐當中的配搭很多，每次都能轉換不同款式的食物，不會吃厭。「元札幌.二人前 $258」可選两款主食：我就選擇了《元拉麵》而朋友選擇了《滑蛋吉列豬扒飯》拉麵簡簡單單又兩塊大叉燒，不會太薄身而且脂肪少，是我喜愛的口味；湯底不會偏鹹，口渴感不大，麵條方面已特定了軟硬度，口感適中。滑蛋吉列豬扒飯的豬扒大塊朋友說肉質沒有偏乾滑蛋亦不錯，但是如果醬汁多一點會更好吃。二人前 配「三款小食」：《燒牛舌》- 簿切的牛舌燒過後沒有預期中的乾硬，口感爽有肉汁。《燒鯖魚》- 魚肉厚身，外層燒得香口，加點檸汁很提味。《炸雞肉》- 有驚喜！雞肉大件，炸粉

今日又同朋友做yoga, 玩完都9點，即上openrice 睇下有咩餐廳未收，見到呢間拉麵店就喺d2 place 對面商場，橫掂無去過，一於試下！由於都幾夜，舖頭已經無乜人，可以坐超大卡位，食得舒舒服服！睇下有咩食先，淨係拉麵都十幾款！另外仲有冷盤同燒物等選擇，可自選配搭做套餐！我叫左個松梅竹自選套餐！一見到牛油拉麵就流口水，雖然做完運動咁食好肥！溶左牛油嘅湯底，更加咸香濃郁，但唔覺得膩！麵質軟硬適中，不錯！小食揀左燒牛舌同燒冬菇，朋友就揀左雞軟骨。全部都即叫即燒，熱辣辣脆卜卜，正！牛舌最驚就係燒到乾爭爭，佢完全無呢個問題！雞軟骨夠熱夠脆，一人一串爭啲唔夠喉！冬菇燒太乾都係死症，佢可以保持乾身得嚟又唔乾，菇味濃郁，正！總括而言，拉麵喺住宅商場嚟講ok,而串燒係驚喜！