元札幌拉麵 (宇晴軒商場) (已結業)

星期五嚮荔枝角處理完d私人野，肚餓唔知食咩好，就醒起附近宇晴軒商場有間日本餐廳，我幾年前嚮荃灣嘅第間分店都食過，都算幾滿意，今次就一於再試下。餐廳店面就唔算話太特別，幾多位，唔算寬落 不過我自己一支公食就無咩所謂。呢度比較好嘅一點就係食物種類非常之多，餐牌都有3-4張，咩類型嘅日本料理都有，拉麵，蓋飯，壽司，定食，小食等等應有盡有，我都心大心細唔知點選擇好。最尾我就order咗個燒油甘魚鮫定食同我嘅致愛鐵板牛利。個燒油甘魚鮫定食都真係幾豐富，有沙律，蒸蛋，湯，岩曬我呢d咩都想試下嘅吃貨，味道都唔錯。講翻個主角燒油甘魚鮫，我覺得真係好正，佢燒到d皮有少少濃濃，但特別香，調味上只係撒咗小小鹽去調味，足以掉曬油甘魚嘅鮮味。燒呢種整法真係無得頂，鎖住曬魚嘅鮮味，特別係d連住魚骨嘅裙邊味最正，食起身又嫩又多汁，非常滿足😋😋😋😋。再講另一樣食物鐵板牛利，切得薄身，比較易入味，應該要有嘅爽嫩都做到，叫上少少燒汁就已經非常好食，好香口😋😋😋。總體黎講，呢間日本餐廳都無令我失望，同我之前嚮荃灣食嘅感覺差唔多。中意試唔同日本野食嘅朋友可以黎試下，價錢又親民，都幾抵食。

小妹一直也很喜歡四處覓食，今日經過荔枝角購物時經過這家元拉麵很吸引，所以就進去一試一坐下便很貼心給我們每人一杯日本茶也看得出來店主很用心的設計但因為一直很闊肚窄，很多時候都很想吃不同的食物，所以今次跟朋友一起點了一個二人餐$228超豐富的二人錢包括有兩款主食+三款小食😋很快食物便到齊了主食其一我們點了元拉麵叉燒超大塊肉質嫩滑以及湯底味道濃郁不會鹹主食其二是叉燒炒飯，以石鍋放著炒飯保存溫度小食：炒雜菜燒魚餅炸豆腐只是加一 服務費超抵食！而味道又很有日式風味！下次再食

約了朋友在荔枝角又想吃日本菜，在網上找到了這間拉麵店，原本以為只有拉麵，但看餐牌款式也不少，於是便選了這間😋果然沒有選錯！晚市有套餐可選，上圖可見有二人套餐，除此之外還有自選套餐，就是跟據類別選擇食物，可以參考下圖。不過我們選好了才發現有套餐，所以散叫了。這個是滑蛋豬扒蛋飯😍豬扒有炸過但不會乾，是濕濕地的那種，滑蛋是豬扒的好朋友😛非常夾呢！加上野菌好香呢！這是ankake拉麵，拉麵的硬度及湯底都可以選擇的👍🏼非常貼心呢😚我選了味噌湯底，湯不會過咸，又不油膩，比起以前食開的拉麵健康，可以當湯飲呢😋最愛吃糖心蛋，半隻有點不夠吃🤪因為太好吃了這是鐵板牛舌，賣相已經很吸引😍有燒過的一條條紋路，而且燒完也有不乾、多汁，牛舌薄薄的非常嫩滑，再加旁邊的柚子汁簡直是錦上添花，吃到停不了口😂要和朋友搶食！這是日式芝士春卷，一份有五條，芝士香而不咸，外皮脆口，雖然不是拉絲的那種芝士，不過勝在夠香👍🏼最後還有唐揚一字手羽，其實就是單骨的炸雞翼，炸到很脆又肉嫩🤤雞翼還要大大隻，抵食！兩個人叫了兩個主食，三個小食都只是每人大概$150，非常抵食呢！

今日同朋友嚟到荔枝角附近買嘢，之後朋友就話想食拉麵🍜所以就即係search下OpenRice附近有咩日本拉麵嘅餐廳😛俾我哋揾到宇晴軒商場嘅呢間拉麵舖🥳因為之前已經食過佢係荃灣嘅分店，感覺都幾好...所以我同朋友就決定係到食我哋嘅晚餐啦🤗食物選擇好豐富☺️可以揀套餐，定食或者二人餐~最後我同朋友分別嗌咗温泉蛋叉燒飯定食同温泉蛋和牛飯定食😍另外仲嗌咗一個士多啤梨芝士蛋糕🍰作為甜品🤓定食除咗有個飯之外，仲跟咗酸蘿蔔、中華沙律、茶碗蒸、味噌湯同一罐汽水😇温泉蛋叉燒飯定食大大碗，叉燒舖滿哂係啲飯上面🤤叉燒切得薄身，夠大塊，而且肉味香濃，唔會好乾身😛温泉蛋流心效果十足~撈埋啲珍珠米一齊食好好味💯其實士多啤梨芝士蛋糕即係普通芝士蛋糕淋上咗士多啤梨醬🍓同樣都係大大舊😂建議大家真係食完飯之後仲想食甜品先好嗌🙊因為其實我同朋友食完個定食之後已經好飽🙈整體感覺唔錯，有機會會再嚟😚

荔枝角平時好少踏足以前對荔枝角既印象一係住宅區 一係時裝批發市場一係工業區而家開左d2 place 先多左尼探索尼間店家係尼行d2 place既時候發現既好評眾多位置開係住宅下面既商場店面既設計裝修好搶眼一排排既日式紅燈籠 仲有隻多啦a夢看門口店家叫得拉麵舖 唔似得大部分小舖頭淨係得幾款揀佢係有整整十幾款 睇到人眼花繚亂有得揀三款唔同既湯底 味噌 醬油 鹽味當然麵既硬度都係有得揀啦佢地既拉麵除左可以單嗌 亦可以跟set因應唔同數量同選項既小食價錢就唔同同朋友一樣嗌左松菊set揀一款拉麵加一款小食我地分別嗌左櫻花蝦拉麵同豚軟骨拉麵都係揀鹽味湯底 因為好似清清地外加多春魚同雞肉串兩個拉麵都好香 麵亦係彈牙同掛湯汁櫻花蝦更加係蝦味四溢 同淡淡既鹽味湯底夾埋一齊相得益彰拉麵配料亦好足 小食方面多春魚燒得岩岩好 香脆唔乾雞肉串啖啖肉都好滋味舖頭相當闊落 坐係度傾計都幾舒服下次再尼行d2 place會考慮encore

平時都好少入荔枝角，因為附近都冇乜商場，今日發掘到原來都有隱世拉麵店，呢間野喺商場既角落，有啲難揾，個門口好靚，好有日本餐廳既feel間野除左拉麵，仲有好多魚生飯同定食，例如牛扒定食，炸豬扒定食等等，仲有好多小食，比較吸引既有燒羊架，鐵板牛舌，同埋三文魚刺身。我諗住試下新野，就叫左個特別啲既招牌牛油拉麵，配叉燒，拉麵有得揀湯底（醬油/味噌/鹽味）同麵既硬度，我揀左醬油湯底，個牛油同個湯底撈完之後其實冇咩牛油味，叉燒比我之前出面食既叉燒好味，肉質唔散，有彈性，麵質都好味，整體黎講都唔錯朋友就叫左個札幌螃蟹拉麵，個蟹柳都好食，有啲咬口，唔係平時雪藏嗰啲咁腍，仲有隻半熟蛋😋，如果鍾意濃味既朋友仲可以可d調味粉，佢有隻激辛勁辣粉話明好辣，但因為太辣既關係就冇擺出黎，驚我地誤用，嗜辣既朋友一定要問侍應拎黎試下😆

今天放假 決定到朋友家打攪一番 玩樂一番前當然要填飽肚子 經簡單指示後 便能獨自找到這拉麵店 由地鐵站一上商場轉左 便能輕易看見 地理位置優越下午一時半 人流仍挺多的午餐十分抵食 拉麵+小食+飲品 不用$80 更有小吃前菜的餐牌供選擇小食選了《三文魚刺身》三片色澤不錯 而且都是厚切 又鮮味又肥美 不錯 小店亦有此水準《豚軟骨拉麵》一個成年男人吃完亦會感到飽肚 十分大碗 而且又有半顆溏心蛋 以及最少4件豚軟骨 性價比很高再外加《鐵板燒牛舌》與友人分享 足足有6片 肉質十分爽口 又不太薄 沾上黑醋汁吃 挺開胃又解膩最後連加一約$100多 吃了這麼多 這價錢性價比十分高

👭元札幌拉麵👭1⃣ANKAKE拉麵(下午茶) $48呢款拉麵既配料有常見既粟米粒、半隻蛋、海帶、荀同叉燒。麵條份量好多，係平時拉麵店既double😱。本身既湯底係一般既醬油湯底，但呢到既重點在於店家提供既調味料。一般日式料理店只會提供七味粉，而呢到係有提供蒜蓉同激辣粉，激辣粉係要問店員拎先會有，而唔係放係枱面任人食，原因係真係粉如其名，激辣呀😆38落左1.5匙已經feel到辣既存在(38既朋友仔直接食唔落添，所以要挑戰既朋友要量力而為呀)。落左蒜蓉同辣粉既湯底變得好惹味，湯底即時提升不少👍🏿2⃣溫泉蛋牛舌飯(下午茶) $48牛舌同飯係分開上，份量都唔算少，牛舌口感軟淋，食落醬汁似係柱候醬，同38理想中既味道好大反差😨睇黎都係食返拉麵好了。3⃣海鮮蒸蛋 +$8雖然蒸蛋口感較厚實，唔似一般茶碗蒸呈水狀，但佢又唔會係好嚡口，熟到蒸蛋都變蜂巢形，不過唔係38期待既野囉🤮4⃣燒魚餅(下午茶) $18$18有七件，性價比都算高，不過無咩特別，味道似食緊炸魚蛋咁，口痕可以叫黎試下既🤣推薦度：7/10🏠荔枝角深盛路9號宇晴軒商場2樓7-8號舖🕐Mon-Sun 11:00-2

行行吓商場，見到有間拉麵，出面望入去，覺得啲裝修幾特別，所以走咗入去試下。最抵食係松、梅、竹、菊嘅set可以自己配搭，都係$198。重點兩個人都夠食！姐係話兩個小食，、一個拉麵，再加一個飯都係$198！松個部分，我地簡左個雜錦拉麵($88)。大家可以自行選擇拉麵嘅軟硬度、湯嘅濃淡度，而我就冇特別選擇。個拉麵食落淡淡地，清清地，唔會太咸。拉麵嘅軟硬度適中。之後係梅個part, 我地叫左串燒雞肉丸（$35）。呢個串燒雞肉丸嘅口感好特別，咬落喺一粒粒咁嘅，好似有雞軟骨係內面咁樣。係竹個part, 我地又叫左醋海蜇（$48）。比想像中大份好多呀！除咗有海蜇之外，仲有海帶同埋青瓜絲，所以好抵食，而且酸酸地，當前菜食就岩晒啦！最後！最後！我地係菊個part到叫左個溫泉蛋牛舌飯（$65）。大大塊牛舌，食落軟硬程度適中，加埋個溫泉蛋同啲汁一齊送飯，真係好食！

間中都會好想食日本菜，今晚放工又來幫襯呢間位於西九四小龍商場既日本餐廳，非常方便。來個吉列豬扒飯丼先。包括香脆可口既吉列豬扒，熱辣辣好好味！椰菜絲很新鮮爽口，日本珍珠飯絕對唔會令人失望。還有麵豉湯，前菜，沙律和蒸蛋。非常豐富抵食嘅日本丼！他選擇了魚生丼，份量也不少，包括大蝦刺身，三文魚，赤貝，蟹子和八瓜魚！很有份量呢！如果蒸蛋可以後上就更加好了，因為通常食到最後才輪到蒸蛋，這樣的話會熱辣辣更好味！氣水是經典玻璃樽上，飲得特別有感覺，夠氣夠解渴！鋪頭裝修好吸引，令人感覺像走進日本本地品嘗地道美食，氣氛好不錯呢。座位很闊落，坐得舒服，空間感強！

Red Japanese lanterns, a laughing Doraemon and a doll crane machine at the front door. My childlike soul is awaken.A wide range of choices. Friends had ramen and donburi.I had beer with snacks and tapas.A 20-something child with her beer. Shout out to Friday night.And 20 yo boy never get full. Not even when the dinner set came with three huge pieces of chicken, a handful of white cream sauce on a whole plate of rice, a bowl of miso soup and a chawanmushi. They were all gone in 10 mins.Chicken ca

元札因為工事去開荔枝角搵我位同事，咁岩到食飯時間就聽佢介紹黎左呢到食個quick lunch。點知一試發現原來真係幾正，黎緊有機會再黎荔枝角一定再試！！！😋😋因為時間關係我就咁叫左一個lunch set。係白汁炸雞定食。炸雞岩岩炸起鮮嫩多汁，外皮十分脆。之後米係用日本既珍珠米，味道一流！！！之後到個前菜帶子裙邊，食落好有咬口，味道夠濃，一樣好好食。另外要讚既係個茶碗蒸，估唔到十分滑，出面大鋪頭都未必有咁既水準。

黎開呢頭 俾餐廳外型吸引入去 再睇下食評都似唔錯平日人流唔多 基本上唔洗排隊 裡面座位都多Menu選擇多 第一次黎就試下佢推薦個d👇🏼燒雞翼 👇🏼雞肉串同自家製餃子👇🏼魷魚 小食 以居酒屋設計既風格黎講 真係好一般 只可以講唔難食 👇🏼拉麵系列叫左牛油同蟹棒拉麵 湯底好重味精 麵質亦得一種選擇 只能說勉強合格 👇🏼綠茶可樂 成為今餐唯一既亮點 飯落汽水味多d 綠茶味之後先慢慢滲出 最後埋單 3xx 價錢都合理 但係水準就真係中下...

今日收工同朋友去荔枝角食飯，經過一間拉麵店，見佢裝修幾特別，入面啲燈光偏紅，而且枱與枱之間空間幾大，私隱度高，於是就試一試！第一睇餐牌，發現佢食物嘅種類都幾多，無論係拉麵或係丼飯，甚至有刺身同埋好多日本小食想食唔同種類食物嘅朋友。最後我哋叫咗一個set，都幾抵食。有一個香蔥拉麵、燒多春魚、炒魷魚。另外我哋仲叫咗三文魚刺身、燒牛舌飯同埋燒三文魚。首先要讚一讚嘅係佢嘅燒多春魚同埋燒三文魚，皮脆但係保留左好多肉汁，值得一試。另外佢個炒魷魚都好香口，送酒一流！主食方面，個香蔥拉麵唔錯，係味僧湯底，而且好大份幾抵食。不過如果個牛舌飯唔好煮太冧咁就會更加好啦！整體來講性價比都算高，絕對啱鍾意食日本嘢嘅朋友嚟試吓！

住左係附近咁耐，都未食過呢間餐廳，今晚就去試一試。平日晚飯時間去到都算多人，餐廳有分室內室外既坐位。室外其實都係商場入面哈哈。有三人四人既套餐，其實好抵食，因為包左好多個小食，所以其實5至7個人食都好夠。蟹籽沙律，下面係青瓜絲同千島沙律醬，味道清新，但對我黎講就有d淡。炒魷魚，蒜香味好重，醬汁味道有d似燒汁，幾野味，送飯送酒都幾合適 。鐵板牛油帶子，帶子都唔算細仔，口感幾rich，但牛油味就唔夠重。秋刀魚，處理得唔好，有d苦味。